熱門經文出自 JONE 5

分享

Koe mooni, koe mooni, oku ou tala kiate kimoutolu, Ko ia oku fanogo ki he eku lea, o tui kiate ia naa ne fekau au, oku iate ia ae moui taegata, bea e ikai fakamalaia ia; ka kuo hao mei he mate ki he moui.

Ka kuo mamata a Jisu ki he ene tokoto, o ne ilo kuo fuoloa ene moua, nae fehui ia ki ai, Ko ho loto ke ke moui?

Oku mou kumi lahi i he gaahi Tohi tabu koeuhi oku mou amanaki ke ma‘u ai ae moui taegata: bea koia ia oku fakamooni kiate au. Ka oku ikai te mou loto ke ha‘u kiate au, koeuhi ke mou moui.

Bea tala e Jisu kiate ia, Tuu hake, bea too ho mohega, o alu. Bea fakafokifa be kuo moui ae tagata, o ne too hono mohega, bea alu: bea koe aho koia koe sabate.

Bea leaage a Jisu, o ne behe kiate kinautolu, Koe mooni, koe mooni, oku ou tala kiate kimoutolu, Oku ikai faa fai e he Alo ha mea eia be, ka koia oku ne mamata oku fai e he Tamai: he koe mea kotoabe oku ne fai, oku fai ia e he Alo foki.