熱門經文出自 متى 28

分享

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن. سْڒمْذم-اَسن اَذ ݣّن مَارَّا مِينْزِي كنِّيو وصِّيغ. أَقَا نش اَكِذْوم يڒِيغ ڒبْدَا اَڒ غَا يفْنَا زْمَان!"

ئِقَارّب-د غَارْسن عِيْسَى يسِّيوڒ اَكِذْسن ينَّا-ٱسن: "ثمُّوْش-اَيِي مَارَّا سُّلْطَا ذݣ وجنَّا ذ ثْمُوْرْث.

ثنْدق-د لْمَلَائِكَا نِّي ثنَّا-ٱسنْت إِ ثمْغَارِين: "وَار تݣّْوْذنْت شَا، نش سّْنغ بلِّي ثْرزُّونْت خ عِيْسَى يتْوَاصلّْبن. نتَّا وَار ذَا يدْجِي شَا، ئِكَّر-د زِي ڒْموْث عْلَاحْسَاب مَامّش ينَّا زِي قْبڒ. أَرَاحنْت-يد اَذ تࢲرنْت اَمْشَان نِّي مَانِي تُوْغَا يدْجَا.

ڒخْدّنِّي ينَّا-ٱسنْت عِيْسَى: "وَار تݣّْوْذنْت شَا. رُوْحنْت سِيوْضنْت ڒخْبَار إِنِينْت إِ أَيثْمَا: رُوْحث غَار ثْمُوْرْث ن لْجَلِيل ذِنِّي إِي ذَايِي غَا ثࢲرم."

مُوْنن اَرُّوْيَاس نِّي ن ڒْفُقَهَا اَك يمقّْرَانن ن أَيث-إِسْرَائِيل. وَامِي مْشَاوَارن جَارَاسن، ؤُشِين-اَسن يجّن ن لْعَدَد ن تْمنْيَاث إِ ڒْعَسْكَار نِّي. نَّان-اَسن إِ ڒْعَسْكَار: "أَذ تِينِيم إِ يِوْذَان قَا ؤُسِين-د يمحْضَارن نّس س دْجِيڒث، يْسِين دَّات نّس وَامِي تُوْغَا نشِّين نطّص. أُو مڒَا يَارَّا-د لْحَاكم ڒخْبَار، أَ نمْسفْهَام اَكِذس اَكنِّيو نسْبعّذ خ لْمُشْكِلَا-يَا." كَّرن يْسِين تْمنْيَاث نِّي ڒْعَسْكَار، ݣِّين عْلَاحْسَاب مَامّش ثن وصَّان. أَمنِّي ينْتَاشَر وَاوَاڒ جَار أَيث-إِسْرَائِيل غَار ڒخُّو.