熱門經文出自 GIING'EETA 17

分享

Iimuchu nea gaba Abramu gweanyeew seedam ea damashageash ghwahidu NG'UTAMIIDA heeda Abramu, ak gwayeesha, “Aniini geewooschi ASEETA Hoauur; una asheedeawanean nea meeyeateeweey ghuut.

Asi maygudu eeguureewaneey gicha Abramu, gheawungaagu gajeeguura Abrahamu; aba gideaba naanung' huwa ghweanda eemoojiga saang'a.

Ak gaydasin neajeedeanyu sea jeacheangaagu galanya aba seaygoojiga nyaawa aba neajeeda maygamuudean, ak gaydoaw ASEETA aba headaang'u ea aba jeacheangaagu.

“Ng'ula, neajeedeanyu eagoonyeey ang'iing'i, gayhuuwa ghweanda eemoojiga saang'a.

Iidu gwayeesha ASEETA, “Manda, gaygwajiilneey Sarayiheeda was gatmoadaang'u baleanda, ak gayguureewana gheawungaaschi Isaka. Ak gaydasin neajeedeanyu sea niny was neajeeda maygamuudean aba jeacheangaaschi.

Ak gaydagoonyi ang'iing'i, ea jeacheangaagu, ng'eanyiini ghamneawa uwoosi rabascheandean, ng'eanyiisean bea Ganaani, ak gaydoaw deang'wa damanda manda muudeanooda; ak gayghoah ASEETA nyaawa.”

Ng'ata ghoabeada Abrahamu ak gwatkuy ak ghwaak reari, ak gwayi aba jeadaanyi, “Gaygwaji baleanda siida gweanyeeka apughala? Ak gaygwaji baleanda Sarayiheeda mideawa gweanyeew seedam ea damanamughuush?”

Ng'ata gwayeesha ASEETA Abrahamu, “Ghang'eada ghamneawa gatmoadaang'u was Sarayi mayguduguureewana gheawungaaschi Sarayi gaygureewana gheawungaaschi Sara.

Asi gajeayaanyi ghasmeahooda ak geeyiilnyi ak gayghoah gwadeagooda neajeeda aba dageascheedeanyu ea daang'u.

Ak gaydasin neajeedeanyu sea Isaka, was dea jea gwajiilneey Sara gweanyiin damani.”

Orjeeda bea eawooji sis aba jeedeang'wa gajeayaat ghasmeahooda eeyiil; giliwas orjeeda aba jeeda seaygoojigaagu, iideepa eeji aba gheang'u, ghana ea soomjeanda sishaaha lapiya leabu darooraka, ak ea maba jeeda ghaheang'wa, ea dea sijiilsa jeedeaba gheang'u ea dea ishaahi lapiyeadaang'u, gajaada ghasmeahooda eeyiil. Ak abeeda neajeedeanyu aba headaang'u ea maygwanda muudeanooda.