熱門經文出自 YOANA 4

分享

Ngai nĩ Veva: na ala mamũthaithaa mũvaka mamũthaithae nthĩnĩ wa veva na nthĩnĩ wa w’o.

Ĩndĩ saa nĩwũkĩte, na wĩ vo yu, yĩla athaithi ala ma w’o makamũthaitha Asa nthĩnĩ wa veva, na nthĩnĩ wa w’o: nũndũ Asa emantha ta asu mamũthaithae.

ĩndĩ o ũla ũnũũnyw’a manzĩ ala nĩmũnenga ndakew’a waũni ĩngĩ o na ĩndĩĩ; ĩndĩ ala manzi nĩmũnenga makatw’ĩka kĩthima kya manzĩ nthĩnĩ wake, makĩvulutya ngoonĩ kũvika thayũ ũtathela.

Yesũ amũsũngĩa na amwĩa. Kethĩwa nĩwĩsĩ mũthĩnzĩo wa Ngai, na ũla ũnũũkwĩa, Nenga nĩnyw’e; kethĩwa nĩwamwĩtya we, nake ethĩwa akũnenga manzĩ ma thayũ.

Yesũ amea, Lĩu wakwa nĩ kwĩka kwenda kwa ũla wandũmie, na kũminũkĩlya wĩa wake.

Mũndũ mũka amwĩa, Mwĩaĩi, ndwĩ na kya ũtava nakyo, na kĩthima nĩ kĩliku: ĩndĩ wumĩtye va manzĩ asu ma thayũ?

Ũla mũndũ mũka amwĩa, Nĩnĩsĩ kana Masia nĩwũkĩte (ũla wĩtawa Klĩsto): nake ooka, akatũtavya maũndũ onthe. Yesũ amwĩa, Ninyie we ũla ũnũũneena naku.

Ũkai, mwone mũndũ wandavya maũndũ onthe ala neekie: ũsu tiwe Klĩsto?