熱門經文出自 Bụo aRom 3

分享

Oomo awe moḍighi ịkaraph omeel ẹgbenem bịn kọ́teeny rughuenian phọ Ẹnaan. Kụ Ẹnaan ẹngo ni ọnma ighirigiir phọ ọdi oopho, ẹtuan Jịzos Kraist phọ ạtagharan bọ bịdi, ẹsighenom mọ bịdi awe aruukuan ni.

Awe lọ omeeraam Jịzos Kraist kụ ạbudi Ẹnaan rẹsighenom ghan bọ mọ awe aruukuan ni. Ẹnaan rẹsighe ghan ni oomo ạbulo omeeraam Kraist, ịdi eḍighi bọ ọgbaranaan ólho.

Ẹnaan imitiom Kraist obalelhe mọ ịḅaal phọ ọdi egbuurogh ghẹlhe phọ ọno eḍighi ịdi bụphe omeeraam bọ kọmoogh ọsar ọwilenaan. Ẹnaan iḍighi ịphen phọ ịlo oḍeenaan aruukuan phọ ọdi. Gediidi phọ ọdi ạkparam ni aphogh ghan ịkaraph lọ awe oḍighi bịn aḅoorian, kụ ọrugh phọ ọphon, mạtuan oḍeenaan aruukuan phọ ọdi bịn ọ́minoghom mun ịkaraph lọ awe oḍighi. Ịduon kụ ịdi Ẹnaan eḍeenaan mọ ọno rꞌaloor ọno raakuan ni, ḅịle mọ ọno rạsighe ghan ni tọrobo oye lọ ameeraam Jịzos kaḍighi oye aruukuan.

Ẹnaan rẹ́tuan ghan ooko ghan Ologh phọ kụ kẹsighenom mọ ọphon oye aruukuan ni. Ologh phọ ghụn rạkiom ghan oye ologhi mọ ọdi maḍighi ịkaraph.

Ịdipho ọge bọ sịphe Ạḍinya Iigbia phọ mọ, “Ọnyo aruukuan ólho, oye lọ rạnaghan ghan ḍụghum, ạḅile rạwa ghan olegheri Ẹnaan ólho. Oomo awe mọgbatanu ẹnon eten, ọḅile ọḅaaghaph, rꞌoniin ọlo raḍighi ghan ịlo ẹnighe ólho.

Yoor ọwa ọmiin mọ Ẹnaan rẹtuan ghan omeeraam kụ kẹsighenom mọ ọphon oye aruukuan ni, rẹ́tuan ghan oḍighi ghan ịtooghi Ologh phọ aMozis.

Kị́dipho. Ghạlamo ịdipho oomo awe oḍighi bọ ni bụgbaam ọkpe phọ, ilegheri mọ Ẹnaan rẹ́gba ghan ọkpe. Ịdipho ọge bọ sịphe ạḍinya iigbia phọ mọ, “Ẹkpe ni dị awe kọmiin ghan mọ nạ rábi ghan ruguan phọ ạna. Ẹkpe ni dị kegheel ghan nyịna mem lọ osiph nyịna ologh.”