熱門經文出自 Ẹḍua 7

分享

Ọmoogh-we phọ ạḅeni Mozis mọ, “Mịin, mị maḍighi nyịna dịadi Ẹnaan esi ọdaam eelhe phọ Ijipt. Eeron umor phọ ạna kaḍighi oyil ạna.

Mị kạngo ni ọdaam eelhe phọ ọḅaar ẹmhu, kụ ghạlamo mị umiteghom ni ịminighan areḍeenaan rꞌịiḍaany phọ ạmi sịphe ade phọ Ijipt, ọdi nyịna kạ́naghanan, kụ mị kabiririom ni ḍịghaagh ạmi Ijipt. Mị kạliom ni we phọ Ijipt igey kụ mị ạsighe we phọ ạmi Ịzirel amitiom sịphe ade phọ.

Awe phọ Ijipt kolegheri ni mọ mị kụ Ọmoogh-we phọ, mem mọ mị kabiririom bọ bịdi ḍịghaagh phọ ạmi, kụ ạsighe we phọ Ịzirel ogbo ạbidi amitiom.”

Ọdaam eelhe phọ ạmagh we olegheri ịyaar rꞌạbuo ịiḍaany sịphe Ijipt kụ bịdi oghal kụ ẹtuugh ịduon phọ eḍighi aani. Tọrobo ọnyo ạbidi ạsighe ghan ịkpara ịlo ọdi atebeeny ude bịn eten ẹkaraph-ịyaar, kụ ịkpara phọ Eeron ẹminogh ịkpara phọ ịpe ạbidi.

Ọmoogh-we phọ ạḅem ịduon mọ, ‘Esi ịphen kụ ẹdi nạ kalegheri mọ mị kụ Ọmoogh-we phọ: pogh, mị kạsighe ịkpara phọ ịphen mị ạpham bọ ạgur mụum Ọphiiny aNail, ạmuum mọ kakitonu aten ịḅaal.

“Mem lọ ọdaam eelhe phọ ịḅeni inyina mọ, ‘Imitiom eḍeenaan’, kụ ạḅeni Eeron mọ, ‘Sịghe ịkpara phọ ạna atebeeny ude risigh ọdaam eelhe phọ Ijipt, kụ eten ẹkaraph-ịyaar.’” AMozis rꞌEeron ọghi kꞌọdaam eelhe phọ kụ ọtuugh ịpe Ọmoogh-we phọ ạḅeni bọ bịdi oḍighi: Eeron ạsighe ịkpara phọ ọdi atebeeny ude risigh ọdi rꞌabutelhedom mọ ọdi, bịn ịkpara phọ eten ẹkaraph-ịyaar.