熱門經文出自 2 Bụo ạKorint 1

分享

Itu ọngo ḍịseph Ẹnaan rꞌỌde phọ ạJizos Kraist Ọmoogh-we phọ ayira, Ọde ọnma ighirigiir, Ẹnaan phọ eḍighi bọ zin oomo ịidereghi phọ. Ọdi kụ rụudereghi ghan iyoor esi oomo ịminimiin, ọbo yoor orue ọsighe ọdo ịidereghi phọ Ẹnaan rịidereghiom ghan bọ iyoor kụ ọodereghiom aani bụphe rọmiinom bọ ịminimiin kịrokiro phọ.

Ịdipho yoor ophin aani bọ bin ịbadi ịminimiin phọ aKraist kụ ịdi yoor kọtuan nyọdi opin aani bin ịbadi ịidereghi phọ ọdi.

Ịghigh mụdi mosoph ịiruen aḍuugh ọḅam ẹmhu ayoor. Kụ ạri ịphen phọ imite oḍeenaan ayoor mọ yoor kọ́da ẹmhu ayoor bịn ọtol, emuton oḍuom ologhi Ẹnaan phọ reḅerion ghan bọ bụlo momuughu.

Ẹnaan rꞌaloor ọdi ni kụ iḍighi bọ ịdi yoor rꞌanyina mọḅophoghan bọ aKraist roḍuom ghan ologhi mọ yira ạbuo ọdi ni phọ. Ẹnaan rꞌaloor ọdi kẹn ni kụ ịsaḅar bọ iyira eegho eseerian, ẹlhogh Uwaloor Iigbia phọ oḍighi elegh sịphe iloghi phọ ayira, ẹmeremi nyọdi enye oomo ạraraar phọ dị useenaan bọ iyira.

Ịlo yoor ọmiinom, pọ ịlo ọodereghiom ḅịle rꞌọphelom anyina otene. Ịlo ụudereghi iyoor, pọ mịidereghi aani ni inyina ọḅile ịngoom inyina ịnyaam ọkparam ọrolom igina phọ ịpe yoor rọkparam aani bọ ni.