熱門經文出自 Йуһʼәнна 4

分享

Хԝәде Рʼӧһʼ ә у йед кӧ Ԝи дьһʼәбиньн жи гәрәке бь Рʼӧһʼ у Рʼастийе Ԝи бьһʼәбиньн».

Ле бәле ԝәхте бе, иди перʼа гьһиштийә жи, кӧ йед рʼаст дьһʼәбиньн ԝе бь Рʼӧһʼ у Рʼастийе Баве бьһʼәбиньн, чьмки Бав йед аһа дьһʼәбиньн дьгәрʼә.

Ле әԝе кӧ жь ԝе аве вәхԝә, йа кӧ Әз бьдьме, әԝе тʼӧ щар тʼи нәбә. Бәле әԝ ава кӧ Әзе бьдьмә ԝи, ԝе дьле ԝида бьбә каникә аве, кӧ ԝе бона жийина һʼәта-һʼәтайе бьлԛ бьдә».

Иса ле вәгәрʼанд у готе: «Һәгәр тә дайина Хԝәде бьзаньбуйа у бьзаньби Кʼи йә кӧ тәрʼа дьбежә: ‹Авәке бьдә Мьн Әз вәхԝьм›, тәйе жь Ԝи ав бьхԝәста у Әԝи ԝе ава жийине бьда тә».

Иса ԝанрʼа гот: «Хԝарьна Мьн әԝ ә, кӧ Әз хԝәстьна Йе кӧ Әз шандьмә бькьм у шьхӧлед Ԝи биньмә сери.

Кʼӧлфәте жерʼа гот: «Әз хӧлам, тьштәки Тәйи кӧ Тӧ пе аве бькʼьшини тʼӧнә у бир жи кʼур ә! Дә ижар Те ава жийине жь кʼӧ дәре бини?

Кʼӧлфәте жерʼа гот: «Әз заньм кӧ Мәсиһе бе», (аԝа готи «Йе Кʼьфшкьри»). «Гава Әԝ бе, Әԝе дәрһәԛа һәр тьштида мәрʼа гьли кә». Иса жерʼа гот: «ӘЗ ӘԜ ЬМ, кӧ тʼәви тә хәбәр дьдьм».

«Ԝәрьн Ԝи мәрьви бьбиньн, Йе кӧ һʼәму тьштед кӧ мьн бәре кьрьбун мьнрʼа готьн. Гәло Әв ә Мәсиһ?»