Yeesso ilkerengeetti Beꞌdeleheeme boroofenhi Yaꞌhuudiya kijirto iche lakadele. Maantaas la, ꞌHeroode karnati ilaase. Inkoo Yeesso desse, makhaaballetoo bakkaalle walah kaabatti iloo beri katimiyye, ilkerengeetti weene Yeerusaleem timiy. Iche la wihi iche worsatte, “Weeli desse karnati Yaꞌhuud yateeh mee? Iꞌdi tahe bakkaali delmaattiis tuso usuhi beri kasookore a agarre, nah la usu nimiyye wahannaa.”