熱門經文出自 IOANE, 8

分享

Ona toe fetalai atu lea o Iesu ia te i latou, ua faapea atu, O a‘u nei o le malamalama o le lalolagi; o lē mulimuli mai ia te au, e le savali o ia i le pouliuli, a e ia te ia le malamalama o le ola.

E iloa foi e outou le mea moai, e tuu sa‘oloto foi outou e le upu moni.

Ona fetalai atu lea o Iesu ia Iutaia, e ua talitonu ia te ia. Afai tou te tumau pea i la‘u mataupu, o o‘u soo moni outou.

O lenei, pe a tuu sa‘oloto outou e le Atalii, ona sa‘oloto faamaoni ai lea o outou.

A ua latou fesili atu pea lava ia te ia; ona toe nofo lea o ia i luga, ma faapea atu ia te i latou, O so outou e leai sana agasala, ia lua‘i togi se maa ia te ia.

Ua tali atu Iesu ia te i latou. E moni, e moni, oa te fai atu ia te outou, o sē faia le agasala, o le pologa lea o le agasala.

Ua toe nofo i luga Iesu, ua silafia ua leai se tagata, ua na o le fafine lava, ona fetalai atu lea o ia ia te ia, Funa e, o ifea ea i latou e na molia oe? ua le faasala mai ea se tasi ia te oe? Ua fai mai o ia, Le Alii e, e leai lava se tasi. Ona fetalai atu lea o Iesu ia te ia, Ou te le faasala foi ia te oe; alu ia oe, aua e te toe agasala.