熱門經文出自 Lukə̀ 14

分享

“Ŋònə̀ nɨ à wə̀ ndzùŋə̀ mə̀ ka twuunə̀ e a tǎ ɨghobə pobə mǎ e, nɨ ngẅùə e ghobə ɨ̀poonə̀ ɨ̀pe, nɨ pɨlyimə ɨ̀pe pɨ̀mbyàŋnə̀ pobə pɨ pə̀ngyə̌ tə farə àtwuə̀ ɨ̀pɨ̀ŋmə̀ e, mbə̀ʼə ka à pə e àzùŋə̀ ndzùmə̀ mə̀.

Ŋònə̀ nɨ mbə̀ʼə ka à pìʼì e a àtɨ̀ghə pànkə̀nə e ndzùŋə̀ mə̀, mbə̀ʼə ka à pə e àzùŋə̀ ndzùmə̀ mə̀.

Ntiinə ŋònə̀ nɨ à ŋaŋə̀nə mbɨ̀ŋmə̀ e àtɨ̀ghə, pɨ ghǎ shwuʼkə̀ e a ɨ̀shyə̂, ŋònə̀ nɨ à shwuʼkə̀nə mbɨ̀ŋmə̀ e a ɨ̀shyə̂, pɨ ghǎ ŋaŋə̀ e àtɨ̀ghə.”

A ndəŋə ndəŋə, ǹkùmə̀ nshwəŋə̀ a wɨghə lo, mbə̀ʼə ŋònə̀ wa ntsùmə̀ nɨ ka à twuunə̀ e ɨ̀pwuumə̀ ɨ̀pe ɨ̀tsùmə̀ a pə e àzùŋə̀ ndzùmə̀ mə̀ apə̀.

“Ntiinə, a ɨ̀wə̌ amwuə pɨghə nɨ à tə mbəla mbə korə̀ a mɨlyiʼə ndâ nɨkaŋə e, a ka nwuunə̀ e a ɨ̀shyə̂ nshankə̀ ndùnə̀ ɨ̀pwuumə̀ nɨ ǎ myàanə̀ ndâ ghu pòŋə̀ pìʼnə̀ àfàʼà? À tə mbəla mbyə̀ ka shankə̀ ndùnə̀ ɨ̀pwuumə̀ a nɨ poomə̀ ndâ zə̀ ntyiʼə̀ nkorə̀ àtsirə̀ ka myàanə̀ e ndâ aŋunə, yi ŋònə̀ nɨ ǎ làŋə̀ zəənə̀ ǎ tyiʼə̀ ẅìi, shwəŋə̀ lo, ‘Zəənə̀ a ŋònə̀ ɨ̀tse nɨ à pìʼnə̀nə a nɨ̀ghùrə̀ la a tsàarə̀ e a nɨ myàanə̀.’

La wə̀ pə ghɨ̀rə̀ a nɨ̀ghaʼà, wə̀ chwìitə̀ ngàŋə àfumə̀, pɨ̀koŋə̀ ɨ̀shyə̂, nɨ pɨ̀kɨkə̀ghə pobə pɨ̀fə̀. Lenəla, mborə̀ ɨ pə ambo ghò ntiinə mbə̀ʼə pobə ghǎ nkẅuə̀ a ghobə apə̀. Nẅùə̀ a ghǎ tsoʼò àfàʼà o njyə̂ nɨ pànə̀ nɨ mɨ̀nwùə̀ ɨ̀mobə təəmə̀nə ghǎ zhwuumə̀ a nɨ̀wɨghə̀.”

“Ngwaŋə̀ pòŋə̀, la ngwaŋə̀ tɨ ka pə chi lɨ̀ŋmə̀ e, pɨ tyiʼə̀ ngɨ̀rə̀ lə ɨla nɨ mèrə lo mɨ pòŋə̀ lɨ̀ŋmə̀? Mɨ tɨ pəla ka chi lɨ̀ŋmə̀ e, yi ka àfàʼà e a pə e ghu. Ka mèrə kɨ nchi nkùʼnə̀ e a nɨ chyâ a ɨ̀shyə̂; mèrə tyiʼə̀ mbə lo pɨ̀ waʼà. “Ŋònə̀ wa nɨ à pənə nɨ mɨtugrə, â zuʼù.”