熱門經文出自 कलस्सी 2

分享

होरेक्‍यूत्‍देबे येशू ख्रीष्‍टने नमयूदे केर्‌बे प्रभु यदेबे ग्रहण चीत्दे, होर्‌बेने नमयू ङूप्रे जीया च। नमयूने लोम्येब पो अनुसार‌ येशूने चेलाबे छ-च्‍वोदेबे ङू-फ्याने रङ्सेजे जीया चब क्यूरो। होर्‌दे विश्‍वासने सोरो बोल्यो क्‍यूत्‍देबे कलङ्नेयली ङूने धन्‍यवाद पीन्‍नब क्‍यूरो।

नमयू चङ्‍ख क्‍यूत्‍देबे टूङ्, नत्रलो मीयूजे ज्ञान बुद्धि मेस्‍ये चैये अर्थ त्‍वब लूच्‍च पोदे नमयू होम्‍कने। येर पोयू ख्रीष्‍टजे दी, तर मीयूदे चेब पेयूदे मेस्ये संसारजे शिक्षायूदे रब ख्यङ्।

नमयूजे पापदे मेस्‍ये ङ्वने खतना अन्‍चीत्‍देबे नमयूजे आत्मा सीये ख्‍य। तर परमेश्‍वरदे ङीनजे पापयू क्‍वाने क्षमा पीन्‍देबे ख्रीष्‍टप्रेने सोम्‍बो चीम्‍मीदे। ङीनजे विरुद्धने लिख्दीयेब तम‍सूक, मेस्‍ये हम्बने ख्यब साप्‍ता नियम-कानूनजे हकयूने ङूदे क्रूसने खील् ठोक्‍दीदेबे खारेज चीक्‍क ख्यङ्।

चेनेयलो परमेश्‍वरने ख्‍यब गुणयू क्‍वाने ख्रीष्‍टजे ङ्वने टून ख्यङ्। ख्रीष्‍टने नमयूजे जीया चेलाबे पूरा क्यूट्‍ट ख्यङ्। साप्‍ता हुकुम मेस्ये हक चील्‍लेबयू नङ्ने पात्‍ता केन् ङू ख्यङ्।

होरेक्‍यूत्‍देबे च-थूङ या दीन्बरने मेस्‍ये औंसी या आराम टूङब दिन मन्‍देब पोने सूदेये नमयूने गल् अन्चीस्स्य। अम्‍बब ङ्‍येदे क्यूट्‍टब पोजे छायाप्रत्‍या ख्यङ्। तर हम्‍ब छायाजे तम्दम् च्‍यूनूब ख्रीष्‍ट ख्यङ्।