熱門經文出自 Salmos 40

分享

Ó noheni kixin Díos tsjinki̱tsa ti jeheni, kixin kjuáte̱he chꞌan ti ó kꞌuéye̱he̱ni chꞌan. La kuakitsjexín chꞌan ti jeheni ti tòye̱ chrókꞌuitjáñaxíni, la ko ti siín nche̱tꞌo̱ tꞌañankí chojni. Ndá kjuakꞌe chꞌan to̱téni chritaón itjo̱, la kjuínki̱tsa chꞌan kixin jína tsjakꞌeni.

Kjuajon Díos ijnko canto ni̱xin tsotsjeni kixin tsochjéheni chꞌan kjuasáya, la nchónhña chojni tsꞌikon tíha la tsochrakon sin la tsitekaon sin Itꞌéni Díos.

Kjuaxróxin tjejó ti nkexro tinkáchónki Itꞌéni Díos la tóxrìe̱nhña sin ti chojni nchehnke la ko chrèhya sin ti nkehe tsíkjano̱ña.

Jeheni mé tóxríhi̱ni sinchexiteyáni éxi tóxrínhan, jaha Díos kuènténi. Ti ley kꞌuéto̱an mé chóntani nkaya a̱séni.

Jaha, Itꞌéni Díos, ti̱toéhya ti ti̱konoéhéni kixin ti tjue̱héni la ko ti nkehe chaxín kuèntá mé tꞌayakohen ti jeheni.