熱門經文出自 Yauhaa 17

分享

Thov koj muab txujkev tseeb cais tsaa puab kuas dawb huv. Koj tej lug yeej yog txujkev tseeb.

Txujsa ib txhws tsw kawg yog le nuav, yog qhov kws puab paub koj kws yog tug Vaajtswv tuab leeg kws yog tug tseem Tswv, hab paub Yexu Kheto kws koj khaiv lug.

“Tsw yog kuv thov paab puab cov nuav xwb, tassws thov paab cov kws yuav ntseeg kuv, vem tej lug kws puab qha, sub puab txhua tug txhad koom ua ib lub sab, ib yaam le leej Txwv koj nyob huv kuv hab kuv nyob huv koj, puab txhad nyob huv ib ob leeg sub lub nplajteb txhad ntseeg tas koj khaiv kuv lug.

Kuv tsw tau thov koj coj puab tawm huv lub nplajteb moog, tassws thov koj tsom kwm puab dim ntawm tug kws Phem.

Lub koob meej kws koj pub rua kuv, kuv muab cob rua puab lawm sub puab txhad koom ua ib lub sab ib yaam le ib ob leeg koom ua tuab tug. Kuv nyob huv puab hab koj nyob huv kuv sub puab txhad koom tau ua ib lub sab, lub nplajteb txhad paub tas koj khaiv kuv lug hab koj hlub puab ib yaam le koj hlub kuv.