熱門經文出自 عئبرانئلره 4

分享

چونکی تارینین کلامی دئری، فعّال و ائکی‌‌آغیزلی هر قیلینجدان داها ائتی‌دئر و جانی و روحو، هم ده مفصل‌لری و ائلئکلری بئربئرئندن آییرانا قدر کسئر و اوره‌یئن فئکئرلر و نئیّتلرئنی آییرلاماغا قادئردئر.

بله‌جه، گلئن یقئنلئکله فیض تختئنه یاخینلاشاق، اِله کی، مرحمت تاپیب احتئیاج واختیندا بئزه کؤمک ادن فیضه نایئل اولاق.

چونکی اِله بئر باش کاهئنئمئز یوخدور کی، ضعئفلئکلرئمئزده بئزئمله همدرد اولماسین. آمّا هر شیده بئزئم کئمی وسوسه اولونموش، لاکئن گوناهسیز چیخمیش بئری واریمیزدیر.

و هچ بئر مخلوق تارینین نظرئندن گئزلی دیئل، لاکئن هر شی اونون گؤزلری قاباغیندا کی، اونا جاواب ورمه‌لئیئک، لوت و آچیقدیر.

بونا گؤره ائندی کی، گؤیلردن کچمئش بؤیوک بئر باش کاهئنئمئز وار، یعنی تارینین اوغلو عئسا، گلئن اعتئرافیمیزی مؤحکم ساخلایاق.

بله‌جه گلئن او راحاتلیغا گئرمک اوچون جهد ادک، اِله کی، هچ کس همن ائطاعتسئزلئیئن نومونه‌سئنی گؤتوروب ییخیلماسین.