熱門經文出自 ۱قورئنتلی‌لره 15

分享

اونا گؤره سوگئلی قارداشلاریم، مؤحکم و ثابئت دورون و هر زامان ربّئن ائشئنده جوشون و بئلئن کی، ربّئن یولوندا چکدئیئنئز زحمت عبث دیئلدئر.

لاکئن تارییا شوکور اولسون کی، ربّئمئز عئسا مسئحئن واسئطه‌سی‌ائله بئزه ظفر ورئر

آلدانمایین؛ «پئس یولداش یاخشی اخلاقی پوزار.»

لاکئن تارینین فیضی ائله هر نه‌یَم، اله اویام و اونون منه اولان فیضی عبث دیئلدی. آمّا من اونلارین هامیسیندان چوخ زحمت چکدئم. داها دوغروسو، من یوخ، تارینین منئمله اولان فیضی.

ای اؤلوم، هانی سنئن ظفرئن؟ ای اؤلوم، هانی سنئن سانجماغین؟» اؤلومون سانجماغی گوناه و گوناهین قودرتی شرئعتدئر.

باخین، سئزه بئر سئرّ دیئرم، هامیمیز گؤزلرئمئزی حیاتا یوممایاجاغیق، آمّا هامیمیز دیئشئله‌جه‌یئک؛ بئر آن ائچئنده، بئر گؤز قیرپیمیندا، آخیر شیپور چالیناندا. چونکی شیپور چالیناجاق و اؤلولر قیری‌‌‌فانی شکئلده دئرئله‌جکلر و بئز دیئشئله‌جه‌یئک.

چونکی نجه اؤلوم بئر ائنسان واسئطه‌‌سی‌ائله گلدی، اؤلولردن دئرئلمه ده بئر ائنسان واسئطه‌‌سی‌ائله گلدی. نجه کی، آدمده هامی اؤلور، مسئحده ده هامی دئرئلر.

چونکی بو چورویَن گرک چورولمه‌ینی گیسئن و بو فانی گرک قیری‌‌‌فانئلئیی گیسئن.

چونکی او، گرک سلطنت اتسئن، او زاماناجاق کی، تاری اونون بوتون دوشمنلرئنی اونون آیاغی آلتینا قویوب. یوخ اِدئله‌جک آخیرینجی دوشمن ده اؤلومدور.