熱門經文出自 Hebreos 8

分享

Xan barapomonae cui yabara jʉntemainaein abe pia peexanae cuiru coyenein tatsi, xua jopa pexeinaewa tsane xua tana netsita natsicuentsiwa xua abe peexanaewaxae. Bapana ataya equeicha jopa yabara nanta xeinaein tsane barapo abe peexanae cuiru coyenein, jei Nacom”, jei ichʉn Nacom Pejume Diwesitha xua saya Nacom tapaebatsi.

Equeicha ichʉn jeye: “Nacom jeye: Barapo peyabara tsiwʉnae muxu dutsiwa Israel nacuamonaetha, poxonae barapo matacabin wetsina bara baxua exanaein. Janje: Jiwi pejʉntʉ coyenewatha ichaxota nanta xeina taitorobi coyenewa baxota dubin. Bapoxonae barapomonae neyaputaena yawa nejume cowʉntsiya jejei tsane. Tacoutha barapomonae pia Nacom tatsi naexanaein. Barapomonae tamonae naexanaena.

Dapon aibi pon bewa cuidubina ichʉntha xua xan yabara, xuano xua cuidubina pia jitontha xua xan yabara, mataʉtano xua cuidubina peweicho xua xan yabara petana neyaputaewanexa tsane. Jopa bewa cuidubi tsane barapomonae tsipei daxita jiwi neyaputaena pomonae pecui pawi jiwi, irʉno pomonae peainya cui jiwi.

Ichitha Nacom tane xua barapo jiwi jopa pejʉntʉ coyene xanepanae jiwi bapontha poxonae barapo peru peyabara tsiwʉnae muxu dutsiwa xeina. Daxota ichʉn Nacom Pejume Diwesitha jeye: “Nacom jeye: Matacabin othopaena, po matacabintha pena petsiwʉnae muxu dutsiwa exanaein Israel nacuapiwi pia pemomoxi susato jiwitha tatsi irʉ Judea nacuapiwi pia pemomoxi susato jiwitha tatsirʉ.

Anoxuae xua pocotsiwa xua bichocono peainya cui coyenewa meje baxue: Waxainchi xeinatsi yatsicaya pepa wasacerdotepin, pon yatsicaewa bichocono pejʉntʉ coyene xanepanaein Nacomtha xuaunxuae yabara paca tsipaebatsi. Bapon eca pia peitʉpanae ecaethopaewatha Nacom pia pecoxa weya tatsi, peitabocotheicha.