Binumarien: Fúka Moodaanaki Kira Ufa Afaqínaasa Ufa (New Testament)

Fúka Moodaanaki Kira Ufa Afaqínaasa Ufa

<div class="version vid842 iso6393bjr" data-vid="842" data-iso6393="bjr">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Yisufa innaamunaindari afu qimbarana afu maqaisoo ufafa.</div><div class="p"> 1Yisufa aatata fidanoo moo fasiqa mina anoofa innaamunai afu dimbarana maqaqoona qafanau.</div><div class="p">(Mi aukuanna nifu niku mandaikirausauqa mai mariandee sia amana ainainamasee naaqaa imariqau. Faasaana kaqi marida narana feefaurira munnimmara ireemarufaqa nimimarufaqa marasaida neemariqau misa nuqu iramasaida neemariasee qiqau.)</div><div class="p"> 2Yisuna faiqinamu mi afu qimbarana qafamasee Yisuna irammiriqa qiqau. Oo ufasaa rakisirafa maa fasiqafa yana mandainainasaa fee maaqinoo afu dimbanoo maridanoo fee. Nar&#237; akoona anoona mandainainasaa fee narindisaa fee miqinoo maridanoo fee.</div><div class="p"> 3Yisufa iriseenoo qimanniminoo qinau. Sia nar&#237; anoona akoonasaa qaraanau, sia narindisaafau afu dimbanoo maridanoofau. Anutuna afeeka kasirana qinikiqari kooroo ianifeera mina afu dimbanoo maridanoo. 4Qini diqiqoofa qini qimiqoo ainainirana sia amana asukunaki auqaanaura maasa faasaana auqaanaura. Doo kaqikaaqoo eendinaqa sia miqoo faiq&#237; moo fannoo auqaannoo. 5Qinee maa maqa maaqanaki maridaqa misa qooma maridaqa, kaaqa qamannimaqaanaura.</div><div class="p"> 6Miqi qimasee Yisufa maqasaa aqaara fidaquseenoo asaukukoo doonaikamaseenoo afu dimbara fasiqa afusaa akuseenoo qimaminoo qinau. 7Doo fua. Doo oonu Sirooamma farummaki aneenna oori afuakai ruquannee qinau. Sirooamma farumma auqu oosana niqiqamaqai farumma fee qinoo marinau. Mi afu qimbara fasiqafa eedoo qimasee oonu nar&#237; oori afuakai ruqufanoo afu aiqamaqara amiqimasee qoofanoo oonu quandakufanoo sandee kafaa aninau.</div><div class="p"> 8Mi fasiqana aqoonausa mina qafamasee moomoosa mina qafeemarusa mina qafamasee qiqau. Maa fasiqafa maaqoo maridanoo narana munnimmara ireemari fasiqa fee mifee.</div><div class="p"> 9Akaqausa doo mifa kai fee qiqau, akaqausa moo fannoo mina fooqaa fee qiqau. Mi fasiqafa nar&#237; irisee qinau. Qinee qifu dimbarausa maaqoo marunausa maridaqa.</div><div class="p"> 10Misa mina iriseeqa iraqau. Naqimasee afu maqeenee qufanoo mifa qinau.</div><div class="p"> 11Faiq&#237; moo mina auqu Yisufa qaqaara fidiseenoo doonaikamaseenoo qini qifuki akuseenoo doo fua Sirooamma farummaki oori nammari uqua qufaqa miqi qifaqa nammari uqusaunanoo doo qifu maqeenoo.</div><div class="p"> 12Miqi qimaasoofaqa misa qiqau. Miqimasaifa yai fee finoo fee qufanoo mifa sia qinee irida fee qinau.</div><div class="s">Farisai amaana qimarusa Yisufa afu qimbarana afu maqaisoonara randoo ufafa.</div><div class="p"> 13Miqi qimasoofaqa misa mi fasiqana afiqeeqa Farisai amaana ufa qimarusa uqannifiqanau. 14Mi faasaanna Yisufa mi fasiqana afu maqoo faasaana misa amaana Saririqa marunara Farisai amaana ufa qimarusa marunnai afiqee fiqau. 15Farisai amaana ufa qimarusa mi fasiqana afu maqoonara iroofanoo qinau. Mifa doona qini qifusaa akusaifaqa doori nammari uqunanoo qifu maqeenoo.</div><div class="p"> 16Farisai amaana ufa qimariasa akaqausa Yisunara maaqi qiqau. Maa fasiqana afu maqaifa sia Anutunaindarifau amaanasaa ainainimarifa manda fasiqa maridanoo. Akaqausa mina iriseeqa qiqau. Naqimasee mandainaina maree marinafa maa firaa ainainna amiqira ainaina auqararee sia amana fee qimasee mi ufanannai rainaqau.</div><div class="p"> 17Miqi qimasee Farisai amaana ufa qimarusa afu dimbarana irammiriqa qiqau. Anee mi fasiqana ani afu maqainaree qidanee. Anee minara nana ufee qidanee. Afu dimbarafa mina iriseenoo qinau. Mifa Anutuna tamummaqara fasiqa maridanoo fee qinau.</div><div class="p"> 18-20Yuda maqannaasa uriqararausa mina iriseeqa maaqi qiqau. Maana sia afu dimbarafau moo fasiqa maridanoo qimaseeqa misa mina anoona akoona naaramasee irammiriqa qiqau. Maa fasiqafa inniqara faiqi fee. Kuqaa fee anee mina maqoonna kari afu dimbaranee maqanau. Naqimasee maqee afu maqeenoo fee qufaqa mina anoofa akoofa uriqararausa amaana maqaki keeqeemariana qaoo qimaqiseefoo qimasee rufieeqa qimannimiqa qiqau. Maa fasiqafa maasa qimaaku maridanoo maasa minara iridaqa. Ooqai aanaaqisaa innaamunai miqirana maqaafanafa maridanoo maasa minara faqa iridaqa. 21Mina afu maqainara yafasiqa fee mina afu maqeenoo fee siamma iridaqa faiq&#237; maridanoo irammirifanoo qimannimiannoo. 22Yuda maqannaa uriqararausa Yisunara faasa maaqi qimariqau. Faiq&#237; moo fannoo Yisunara Anutuna asauku mundira fee qinnana maasa amaana maqakiqari aqiqaananoo raudamaki aqoosai finoo sia kaifaa keeqaannoo. 23Mi ufanara afu dimbarana anoofa akoofa doo faiqimmifoo nar&#237; iraaqee qiqau. Misara rufiasee miqi qiqau.</div><div class="p"> 24Yuda maqannaa uriqararausa mina iriseeqa afu dimbarana kafaa aaramasee qiqau. Anee Anutuna afusaa kuqaa anoona ufa kai maasa qimannimia. Ani afu maqaifa mifa mandainaina maree marifa maridanoo.</div><div class="p"> 25Afu dimbarafa mina iriseenoo qimanniminau. Mi fasiqafa mandainaina maree mari fee sia qinee mina oosana iridaqa. Moodaa ainainara kai qinee iridaqa qinee qifu dimbarausa mariafanausa maqee qini qifu maqee marifaqa maridaqa minara kai qinee amiqimasee iridaqa.</div><div class="p"> 26Misa mina iriseeqa kaifaa irammiriqa qiqau. Mi fasiqafa nana ainainee auqu amifanoo ani afu maqeenoo fee.</div><div class="p"> 27Afu qimbarafa niqinoo qinau. Doo faasai qimannimisaunaqa sia irimariafanoo. Nanaree innee kaifaa qiana irifaree innee faqee mina faiqinamukifaree.</div><div class="p"> 28Misa mina iriseeqa aanoomasee mina aqiqa qiqau. Anee mi fasiqana ufa irimarianafa mariananoo. Maasa Mooseena ufa irimarunausa maridaqa. 29Anutufa Mooseenannai maasa qimaqimufaqa maasa iridaqa. Mi fasiqafa Yisunara maasa sia mina oosanara iridaqa.</div><div class="p"> 30Afu dimbarafa mina iriseenoo niqinoo qinau. Innee moo irirana maree mariafanoo mifa qini qifu maqaqisaifaqa innee nanaree mi fasiqanara yaindari fee anidanoo fee qidee. 31Anutufa sia manda oosana maree mariasa dadaaqidanoo. Faiq&#237; anaasee minara rimariasa mina ufa irimariasa misa kai Anutufa dadaaqidanoo. 32Ooqai oosana aroo aukuannasaaqari sia faiq&#237; moo fannoo afu dimbarana nifu maqannisanau, maqee kai. 33Maa fasiqafa sia Anutufinaindari aninaqau naqimandee maa firaa ainainna auqararee, siamma amanaikiannoo.</div><div class="p"> 34Yuda maqannaa uriqararausa mina iriseeqa qimamiqa qiqau. Anee mandainainaki kambiqoonafa mandoosanaki findifuanafa doo see fifuannee qimaseeqa misa amaana maqakiqari aqiqoofanoo raudamaki finau, sia kafaa anianifeera doo ateekaqau.</div><div class="s">Faiq&#237; naundura nifu qimbaranara Yisufa qimaqoo ufafa.</div><div class="p"> 35Misa afu qimbarana aqiqoonara Yisufa iriseenoo paqurimasee irammirinau. Anee faiq&#237; nimaakuara Anutuna asauku mundira fee fee qidanee minasaa irirana rusidanee.</div><div class="p"> 36Mi fasiqafa Yisuna sia qafoofa maridanoo maaqi qinau. Doo mina uqaqifiqainaqa minara anoonee qimasee minasaa atooqaanaura.</div><div class="p"> 37Yisufa qinau doo anee qafaananoo doo mina faqa ufa qimariananoo.</div><div class="p"> 38Mi fasiqafa mina iriseenoo qinau. Oo Karaambaiqa aniara kuqaa Anutuna amaaku fee qidaqa qeeqa qimuqusa irirana aniki rusidaqa qimuqusannoo ani amooqimamaqaidaqa. Miqi qimaseenoo mi fasiqafa Yisuna oorinni maqasaa kummaramafinoo amooqinau.</div><div class="p"> 39Yisufa mina qafamasee miqoo marusa qimanniminoo qinau. Qinee maa maqanasaaqarasaa rainannimaqarara qumuafanausa maridaqa. Qinee nifu dimbarausa maqaaneera qumuafanausa nifu maqarausa dimbaaneera qumuafanausa maridaqa.</div><div class="p"> 40Farisai amaana ufa irimarusa miqoo marusa mina iriseeqa iramiriqa qiqau anee maasara faqee nifu dimbarausee qidanee. 41Yisufa qinau. Inni nifu dimbanoo marinaqau inni numoo sia marini innee unna qimasee maasa qifu kaqi marifaqee qimarianara inni numoo kaqi maridanoo nifu dimbarausara foora mariafanoo.</div>
 </div>
 </div>
</div>

Yisufa aatata fidanoo moo fasiqa mina anoofa innaamunai afu dimbarana maqaqoona qafanau.
(Mi aukuanna nifu niku mandaikirausauqa mai mariandee sia amana ainainamasee naaqaa imariqau. Faasaana kaqi marida narana feefaurira munnimmara ireemarufaqa nimimarufaqa marasaida neemariqau misa nuqu iramasaida neemariasee qiqau.)
Yisuna faiqinamu mi afu qimbarana qafamasee Yisuna irammiriqa qiqau. Oo ufasaa rakisirafa maa fasiqafa yana mandainainasaa fee maaqinoo afu dimbanoo maridanoo fee. Narí akoona anoona mandainainasaa fee narindisaa fee miqinoo maridanoo fee.
Yisufa iriseenoo qimanniminoo qinau. Sia narí anoona akoonasaa qaraanau, sia narindisaafau afu dimbanoo maridanoofau. Anutuna afeeka kasirana qinikiqari kooroo ianifeera mina afu dimbanoo maridanoo. Qini diqiqoofa qini qimiqoo ainainirana sia amana asukunaki auqaanaura maasa faasaana auqaanaura. Doo kaqikaaqoo eendinaqa sia miqoo faiqí moo fannoo auqaannoo. Qinee maa maqa maaqanaki maridaqa misa qooma maridaqa, kaaqa qamannimaqaanaura.
Miqi qimasee Yisufa maqasaa aqaara fidaquseenoo asaukukoo doonaikamaseenoo afu dimbara fasiqa afusaa akuseenoo qimaminoo qinau. Doo fua. Doo oonu Sirooamma farummaki aneenna oori afuakai ruquannee qinau. Sirooamma farumma auqu oosana niqiqamaqai farumma fee qinoo marinau. Mi afu qimbara fasiqafa eedoo qimasee oonu narí oori afuakai ruqufanoo afu aiqamaqara amiqimasee qoofanoo oonu quandakufanoo sandee kafaa aninau.
Mi fasiqana aqoonausa mina qafamasee moomoosa mina qafeemarusa mina qafamasee qiqau. Maa fasiqafa maaqoo maridanoo narana munnimmara ireemari fasiqa fee mifee.
Akaqausa doo mifa kai fee qiqau, akaqausa moo fannoo mina fooqaa fee qiqau. Mi fasiqafa narí irisee qinau. Qinee qifu dimbarausa maaqoo marunausa maridaqa.
Misa mina iriseeqa iraqau. Naqimasee afu maqeenee qufanoo mifa qinau.
Faiqí moo mina auqu Yisufa qaqaara fidiseenoo doonaikamaseenoo qini qifuki akuseenoo doo fua Sirooamma farummaki oori nammari uqua qufaqa miqi qifaqa nammari uqusaunanoo doo qifu maqeenoo.
Miqi qimaasoofaqa misa qiqau. Miqimasaifa yai fee finoo fee qufanoo mifa sia qinee irida fee qinau.

Miqi qimasoofaqa misa mi fasiqana afiqeeqa Farisai amaana ufa qimarusa uqannifiqanau. Mi faasaanna Yisufa mi fasiqana afu maqoo faasaana misa amaana Saririqa marunara Farisai amaana ufa qimarusa marunnai afiqee fiqau. Farisai amaana ufa qimarusa mi fasiqana afu maqoonara iroofanoo qinau. Mifa doona qini qifusaa akusaifaqa doori nammari uqunanoo qifu maqeenoo.
Farisai amaana ufa qimariasa akaqausa Yisunara maaqi qiqau. Maa fasiqana afu maqaifa sia Anutunaindarifau amaanasaa ainainimarifa manda fasiqa maridanoo. Akaqausa mina iriseeqa qiqau. Naqimasee mandainaina maree marinafa maa firaa ainainna amiqira ainaina auqararee sia amana fee qimasee mi ufanannai rainaqau.
Miqi qimasee Farisai amaana ufa qimarusa afu dimbarana irammiriqa qiqau. Anee mi fasiqana ani afu maqainaree qidanee. Anee minara nana ufee qidanee. Afu dimbarafa mina iriseenoo qinau. Mifa Anutuna tamummaqara fasiqa maridanoo fee qinau.
Yuda maqannaasa uriqararausa mina iriseeqa maaqi qiqau. Maana sia afu dimbarafau moo fasiqa maridanoo qimaseeqa misa mina anoona akoona naaramasee irammiriqa qiqau. Maa fasiqafa inniqara faiqi fee. Kuqaa fee anee mina maqoonna kari afu dimbaranee maqanau. Naqimasee maqee afu maqeenoo fee qufaqa mina anoofa akoofa uriqararausa amaana maqaki keeqeemariana qaoo qimaqiseefoo qimasee rufieeqa qimannimiqa qiqau. Maa fasiqafa maasa qimaaku maridanoo maasa minara iridaqa. Ooqai aanaaqisaa innaamunai miqirana maqaafanafa maridanoo maasa minara faqa iridaqa. Mina afu maqainara yafasiqa fee mina afu maqeenoo fee siamma iridaqa faiqí maridanoo irammirifanoo qimannimiannoo. Yuda maqannaa uriqararausa Yisunara faasa maaqi qimariqau. Faiqí moo fannoo Yisunara Anutuna asauku mundira fee qinnana maasa amaana maqakiqari aqiqaananoo raudamaki aqoosai finoo sia kaifaa keeqaannoo. Mi ufanara afu dimbarana anoofa akoofa doo faiqimmifoo narí iraaqee qiqau. Misara rufiasee miqi qiqau.
Yuda maqannaa uriqararausa mina iriseeqa afu dimbarana kafaa aaramasee qiqau. Anee Anutuna afusaa kuqaa anoona ufa kai maasa qimannimia. Ani afu maqaifa mifa mandainaina maree marifa maridanoo.
Afu dimbarafa mina iriseenoo qimanniminau. Mi fasiqafa mandainaina maree mari fee sia qinee mina oosana iridaqa. Moodaa ainainara kai qinee iridaqa qinee qifu dimbarausa mariafanausa maqee qini qifu maqee marifaqa maridaqa minara kai qinee amiqimasee iridaqa.
Misa mina iriseeqa kaifaa irammiriqa qiqau. Mi fasiqafa nana ainainee auqu amifanoo ani afu maqeenoo fee.
Afu qimbarafa niqinoo qinau. Doo faasai qimannimisaunaqa sia irimariafanoo. Nanaree innee kaifaa qiana irifaree innee faqee mina faiqinamukifaree.
Misa mina iriseeqa aanoomasee mina aqiqa qiqau. Anee mi fasiqana ufa irimarianafa mariananoo. Maasa Mooseena ufa irimarunausa maridaqa. Anutufa Mooseenannai maasa qimaqimufaqa maasa iridaqa. Mi fasiqafa Yisunara maasa sia mina oosanara iridaqa.
Afu dimbarafa mina iriseenoo niqinoo qinau. Innee moo irirana maree mariafanoo mifa qini qifu maqaqisaifaqa innee nanaree mi fasiqanara yaindari fee anidanoo fee qidee. Anutufa sia manda oosana maree mariasa dadaaqidanoo. Faiqí anaasee minara rimariasa mina ufa irimariasa misa kai Anutufa dadaaqidanoo. Ooqai oosana aroo aukuannasaaqari sia faiqí moo fannoo afu dimbarana nifu maqannisanau, maqee kai. Maa fasiqafa sia Anutufinaindari aninaqau naqimandee maa firaa ainainna auqararee, siamma amanaikiannoo.
Yuda maqannaa uriqararausa mina iriseeqa qimamiqa qiqau. Anee mandainainaki kambiqoonafa mandoosanaki findifuanafa doo see fifuannee qimaseeqa misa amaana maqakiqari aqiqoofanoo raudamaki finau, sia kafaa anianifeera doo ateekaqau.

Misa afu qimbarana aqiqoonara Yisufa iriseenoo paqurimasee irammirinau. Anee faiqí nimaakuara Anutuna asauku mundira fee fee qidanee minasaa irirana rusidanee.
Mi fasiqafa Yisuna sia qafoofa maridanoo maaqi qinau. Doo mina uqaqifiqainaqa minara anoonee qimasee minasaa atooqaanaura.
Yisufa qinau doo anee qafaananoo doo mina faqa ufa qimariananoo.
Mi fasiqafa mina iriseenoo qinau. Oo Karaambaiqa aniara kuqaa Anutuna amaaku fee qidaqa qeeqa qimuqusa irirana aniki rusidaqa qimuqusannoo ani amooqimamaqaidaqa. Miqi qimaseenoo mi fasiqafa Yisuna oorinni maqasaa kummaramafinoo amooqinau.
Yisufa mina qafamasee miqoo marusa qimanniminoo qinau. Qinee maa maqanasaaqarasaa rainannimaqarara qumuafanausa maridaqa. Qinee nifu dimbarausa maqaaneera qumuafanausa nifu maqarausa dimbaaneera qumuafanausa maridaqa.
Farisai amaana ufa irimarusa miqoo marusa mina iriseeqa iramiriqa qiqau anee maasara faqee nifu dimbarausee qidanee. Yisufa qinau. Inni nifu dimbanoo marinaqau inni numoo sia marini innee unna qimasee maasa qifu kaqi marifaqee qimarianara inni numoo kaqi maridanoo nifu dimbarausara foora mariafanoo.

收聽 Yoohanee 9