This translation, published by the Bible Society of Uganda, was first published in 1985.

Acholi - 1985 Edition (NT)

<div class="version vid559 iso6393ach" data-vid="559" data-iso6393="ach">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Yecu oca&#331;o dano i dog kut</div><div class="p"> 1Lacen ka man otum, Yecu ocito i Jerucalem pi nino madit pa Lujudaya ma ono&#331;o tye.</div><div class="p"> 2I Jerucalem, i &#331;et dogcel me romo, yam tye iye kut ma gilwo&#331;o i dog jo Ibru ni Beteceda, ma tye iye bolo abic. 3Lwak lutwo mapol ono&#331;o buto iye, lutowa&#331;, lu&#331;olo ki lugoro, [ma gikuro twagge me pii. 4Pien kare mogo lamalaika pa Rwot bino i kut, rubo pii. &#330;at ma okwo&#331;o lutte i pii kun pud girubo aruba, ca&#331; i kom kit two ducu ma yam tye i kome.] 5Ono&#331;o tye kunnu laco mo ma twone do&#331; ori i kome mwaka pyeradek wiye aboro. 6Ka Yecu onene kun obuto, dok o&#331;eyo ni en ori kunnu pi kare malac, openye ni, &#8220;Imito ica&#331;?&#8221; 7Latwo ogamo ni, &#8220;Ladit, pe atye ki &#331;at ma bola i kut ka pii orubbe. Ka atye ka komo, &#331;at mukene dok kwo&#331;o le&#331;&#331;e iye i nyima.&#8221; 8Yecu odokke iye ni, &#8220;A, ikwany gibutoni, iciti.&#8221; 9Oyotoyot dano meno oca&#331;; okwanyo gibutone, ocito gire.</div><div class="p">Ono&#331;o ninone ce&#331; cabit, 10#Nek 13.19; Jer 17.21 omiyo Lujudaya guwaco bot dano ma gica&#331;o ni, &#8220;tin cabit, cik pe ye ni ikwany gibutoni.&#8221; 11Ento en odok ki gin ni, &#8220; &#330;at ma oca&#331;a aye owacca ni, &#8216;Kwany gibutoni, iciti.&#8217; &#8221; 12Gupenye ni, &#8220;Dano meno ma owacci ni, &#8216;Kwany gibutoni, iciti-ni&#8217;, en a&#331;a?&#8221; 13Dano ma gica&#331;o pe &#331;eyo &#331;at ma oca&#331;e, pien ono&#331;o Yecu ocito gire woko, lwak ono&#331;o opo&#331; kunnu. 14Lacen Yecu ono&#331;e i ot pa Luba&#331;a, owacce ni, &#8220;Nen, do&#331; ica&#331;. Pe dok ibal, wek gin marac makato meno pe opot i komi.&#8221; 15Danonu ocito, otito bot Lujudaya ni, &#8220;Yecu aye oca&#331;a.&#8221; 16En aye gin mumiyo Lujudaya gulibo Yecu, pien otimo jami magi i cabit. 17Ento Yecu odokkigi iye ni, &#8220;Wora tye ka tic nio koni, an bene atye tic.&#8221; 18En gin mumiyo Lujudaya dok gumedde ka yenyo yo me neke, pe pi turo cabit keken, ento bene pi lwo&#331;o Luba&#331;a ni wonne, ma kun kette kene ni erom ki Luba&#331;a.</div><div class="s1">Twer ma Wod pa Luba&#331;a tye kwede</div><div class="p"> 19Yecu odok iye ni, &#8220;Adada awacciwu ni, Wod pe twero tiyo gin mo pire kene, ento tiyo gin ma eneno Won tiyo; pien gin ma en tiyo, Wod bene tiyo kit meno. 20Won maro Wod, ci nyutte gin ducu ma en tiyo; dok binyutte tic madito makato magi, wek wuur. 21Pien macalo Won cero jo muto, miyogi kwo, kit meno Wod bene miyo kwo bot jo ma en mito. 22Won pe &#331;olo kop i kom dano mo, ento do&#331; otyeko miyo twer me &#331;olo kop ducu bot Wod, 23wek dano ducu oket deyo i kom Wod, macalo giketo deyo i kom Won. &#330;at ma pe keto deyo i kom Wod, pe keto deyo i kom Won ma ce&#331; oore. 24Adada awacciwu ni, dano ma winyo lokka, ma ye &#331;at ma oora, tye ki kwo ma pe tum; pe gibi&#331;olo kop i kome, ento do&#331; oa i to, oo i kwo.</div><div class="p"> 25&#8220;Adada awacciwu ni, kare bibino, dok bene do&#331; oo, ma jo muto biwinyo iye dwan Wod pa Luba&#331;a; jo ma guwinyo bikwo. 26Pien macalo Won tye ki kwo i iye kene, kit meno en bene omiyo Wod bedo ki kwo i iye kene, 27dok omine twer me &#331;olo kop, pien en Wod pa dano. 28Pe wuur lok man; pien kare bibino ma jo ducu ma tye i lyel biwinyo iye dwane. 29#Dan 12.2 ci gibikatti woko. Jo ma ce&#331; gutimo maber bidonyo i cer me kwo, jo ma ce&#331; gutimo marac bidonyo i cer me &#331;olo kop.</div><div class="s1">Caden pa Yecu</div><div class="p"> 30&#8220;An pe atwero tiyo gin mo pira kena; a&#331;olo kop kit macalo awinyo; kop ma a&#331;olo tye atir, pien pe ayenyo yo me tiyo gin ma iya mito kena, ento ma &#331;at ma ce&#331; oora mito. 31Ka abolo lok i koma kena, lok ma abolo pe bedo me ada. 32Tye &#331;at mukene ma en aye cadenna, a&#331;eyo ni lok ma en bolo i koma lok me ada. 33#Jon 1.19-27; 3.27-30 Wun ce&#331; wuoro kwena bot Jon, en obolliwu lok me ada me caden. 34An pe aye lok ma dano bolo i koma; ento awacciwu lok magi wek wularre. 35En ce&#331; tara ma gicwinyo, ma lyel, yam wumito bedo ki yomcwiny pi kare manok i dero macce. 36Ento atye ki lok me caden ma pire dit makato pa Jon; pien tic ma Won omiya me acoba, tic magi kikomgi ma atye ka tiyogi, bedo caden i koma ni Won aye oora. 37#Mat 3.17; Mar 1.11; Luka 3.22 Doki Won ma ce&#331; oora en kikome obedo cadenna. Wun yam pe wuwinyo dwane, pe wuneno wa calle; 38pe wubedo ki lokke i iwu, pien pe wuye &#331;at ma en ooro. 39Wuyenyo i ginacoya, pien wutamo ni i gin wutye ki kwo ma pe tum, kun gin aye caden ma tito lok i koma; 40ento wukwero bino bota, wek wulim kwo. 41An pe alimo deyo ki bot dano, 42ento a&#331;eyo ni pe wutye ki mar pa Luba&#331;a i iwu. 43An abino i nyi&#331; Wora, ento wun pe wujola; ka &#331;at mukene obino i nyi&#331;e kene, wun wubijole. 44Wun wutero ye ni&#331;ni&#331;, ka &#331;at acel limo deyo ki bot lawote, ento pe wuyenyo deyo ma a bot Luba&#331;a ma en acel keken? 45Pe wutam ni abidotowu bot Won; &#331;at ma dotowu en Moses, ma wun wugeno. 46Ka kono wuye Moses, kono wuye an bene; pien en ocoyo lok i koma. 47Ento ka pe wuye lok ma en ocoyo, wubiye ni&#331;ni&#331; lok ma an atittiwu?&#8221;</div>
 </div>
 </div>
</div>

Acholi Bible © Bible Society of Uganda, 1985.

Lacen ka man otum, Yecu ocito i Jerucalem pi nino madit pa Lujudaya ma onoŋo tye.
I Jerucalem, i ŋet dogcel me romo, yam tye iye kut ma gilwoŋo i dog jo Ibru ni Beteceda, ma tye iye bolo abic. Lwak lutwo mapol onoŋo buto iye, lutowaŋ, luŋolo ki lugoro, [ma gikuro twagge me pii. Pien kare mogo lamalaika pa Rwot bino i kut, rubo pii. Ŋat ma okwoŋo lutte i pii kun pud girubo aruba, caŋ i kom kit two ducu ma yam tye i kome.] Onoŋo tye kunnu laco mo ma twone doŋ ori i kome mwaka pyeradek wiye aboro. Ka Yecu onene kun obuto, dok oŋeyo ni en ori kunnu pi kare malac, openye ni, “Imito icaŋ?” Latwo ogamo ni, “Ladit, pe atye ki ŋat ma bola i kut ka pii orubbe. Ka atye ka komo, ŋat mukene dok kwoŋo leŋŋe iye i nyima.” Yecu odokke iye ni, “A, ikwany gibutoni, iciti.” Oyotoyot dano meno ocaŋ; okwanyo gibutone, ocito gire.
Onoŋo ninone ceŋ cabit, omiyo Lujudaya guwaco bot dano ma gicaŋo ni, “tin cabit, cik pe ye ni ikwany gibutoni.” Ento en odok ki gin ni, “ Ŋat ma ocaŋa aye owacca ni, ‘Kwany gibutoni, iciti.’ ” Gupenye ni, “Dano meno ma owacci ni, ‘Kwany gibutoni, iciti-ni’, en aŋa?” Dano ma gicaŋo pe ŋeyo ŋat ma ocaŋe, pien onoŋo Yecu ocito gire woko, lwak onoŋo opoŋ kunnu. Lacen Yecu onoŋe i ot pa Lubaŋa, owacce ni, “Nen, doŋ icaŋ. Pe dok ibal, wek gin marac makato meno pe opot i komi.” Danonu ocito, otito bot Lujudaya ni, “Yecu aye ocaŋa.” En aye gin mumiyo Lujudaya gulibo Yecu, pien otimo jami magi i cabit. Ento Yecu odokkigi iye ni, “Wora tye ka tic nio koni, an bene atye tic.” En gin mumiyo Lujudaya dok gumedde ka yenyo yo me neke, pe pi turo cabit keken, ento bene pi lwoŋo Lubaŋa ni wonne, ma kun kette kene ni erom ki Lubaŋa.

Yecu odok iye ni, “Adada awacciwu ni, Wod pe twero tiyo gin mo pire kene, ento tiyo gin ma eneno Won tiyo; pien gin ma en tiyo, Wod bene tiyo kit meno. Won maro Wod, ci nyutte gin ducu ma en tiyo; dok binyutte tic madito makato magi, wek wuur. Pien macalo Won cero jo muto, miyogi kwo, kit meno Wod bene miyo kwo bot jo ma en mito. Won pe ŋolo kop i kom dano mo, ento doŋ otyeko miyo twer me ŋolo kop ducu bot Wod, wek dano ducu oket deyo i kom Wod, macalo giketo deyo i kom Won. Ŋat ma pe keto deyo i kom Wod, pe keto deyo i kom Won ma ceŋ oore. Adada awacciwu ni, dano ma winyo lokka, ma ye ŋat ma oora, tye ki kwo ma pe tum; pe gibiŋolo kop i kome, ento doŋ oa i to, oo i kwo.
“Adada awacciwu ni, kare bibino, dok bene doŋ oo, ma jo muto biwinyo iye dwan Wod pa Lubaŋa; jo ma guwinyo bikwo. Pien macalo Won tye ki kwo i iye kene, kit meno en bene omiyo Wod bedo ki kwo i iye kene, dok omine twer me ŋolo kop, pien en Wod pa dano. Pe wuur lok man; pien kare bibino ma jo ducu ma tye i lyel biwinyo iye dwane. ci gibikatti woko. Jo ma ceŋ gutimo maber bidonyo i cer me kwo, jo ma ceŋ gutimo marac bidonyo i cer me ŋolo kop.

“An pe atwero tiyo gin mo pira kena; aŋolo kop kit macalo awinyo; kop ma aŋolo tye atir, pien pe ayenyo yo me tiyo gin ma iya mito kena, ento ma ŋat ma ceŋ oora mito. Ka abolo lok i koma kena, lok ma abolo pe bedo me ada. Tye ŋat mukene ma en aye cadenna, aŋeyo ni lok ma en bolo i koma lok me ada. Wun ceŋ wuoro kwena bot Jon, en obolliwu lok me ada me caden. An pe aye lok ma dano bolo i koma; ento awacciwu lok magi wek wularre. En ceŋ tara ma gicwinyo, ma lyel, yam wumito bedo ki yomcwiny pi kare manok i dero macce. Ento atye ki lok me caden ma pire dit makato pa Jon; pien tic ma Won omiya me acoba, tic magi kikomgi ma atye ka tiyogi, bedo caden i koma ni Won aye oora. Doki Won ma ceŋ oora en kikome obedo cadenna. Wun yam pe wuwinyo dwane, pe wuneno wa calle; pe wubedo ki lokke i iwu, pien pe wuye ŋat ma en ooro. Wuyenyo i ginacoya, pien wutamo ni i gin wutye ki kwo ma pe tum, kun gin aye caden ma tito lok i koma; ento wukwero bino bota, wek wulim kwo. An pe alimo deyo ki bot dano, ento aŋeyo ni pe wutye ki mar pa Lubaŋa i iwu. An abino i nyiŋ Wora, ento wun pe wujola; ka ŋat mukene obino i nyiŋe kene, wun wubijole. Wun wutero ye niŋniŋ, ka ŋat acel limo deyo ki bot lawote, ento pe wuyenyo deyo ma a bot Lubaŋa ma en acel keken? Pe wutam ni abidotowu bot Won; ŋat ma dotowu en Moses, ma wun wugeno. Ka kono wuye Moses, kono wuye an bene; pien en ocoyo lok i koma. Ento ka pe wuye lok ma en ocoyo, wubiye niŋniŋ lok ma an atittiwu?”

收聽 Jon 5