New Testament in Carrier, Southern (CA:caf:Carrier, Southern)

Yakʼusda bughunek: k’andit khunek neba lhaidinla

<div class="version vid537 iso6393caf" data-vid="537" data-iso6393="caf">
 <div class="book bkJHN">
 <div class="chapter ch14" data-usfm="JHN.14">
 <div class="label">14</div><div class="s">Sizi yugha hoodul'eh ndo b&#250;lhni, &#8220;Si sugha zeh se'aB&#225; buts'un t&#233;hdulh.&#8221;</div><div class="p"> 1&#8220;Khun teh nuhwhudzi nd&#243;oda gunih. Yak'usda nuhwhuba 'alha 'int'ah, whuz na'a si chah nuhwhuba 'alha 'oost'e. 2Se'aB&#225; bukeyah lhat koo whuzdla hoh 'uhoont'ah. 'Aw 'alha cha'h&#243;ot'ah t'eh, ndun whud&#243;osni da. Whuz tesyalh nuhwhuba lhawh&#250;dutesdleh wheni. 3Whuz lhad&#237;ya 'ink'ez nuhwhuba lhawh&#250;dusdla t'eh, doo chah zeh whusan&#225;tesdalh 'ink'ez ts'iyawh nanwhutelh&#250;chulh, ndet s&#237;da, 'et si sulh '&#243;oht'e. 4'Ink'ez nts'e wh&#233;ya ts'ih 'ink'ez nts'e ti wh&#233;ho'a 'et t'&#233;whun&#225;hzun.&#8221; 5'Et Thomas yoodulhkut hoh 'uy&#250;lhni, &#8220;Moodihti, nts'e tanyalh 'aw nt'ets'on&#237;zun, 'ink'ez nts'e na'a whuz ti nt'&#233;ts'ont&#233;zin?&#8221; 6'Et Sizi ndi y&#250;lhni, &#8220;Si yak'uz ti, 'ink'ez khunek 'alha' 'int'ah 'i chah usdli. 'Ink'ez 'ilhuz wheni be ts'ukhuna, 'i chah 'usdli. 'Et huwa 'aw 'ilhunuh whunts'i se'aB&#225; yuts'un tooya gha&#237;t'ah, si sugha zeh 'et ndutenilh. 7Si t'&#233;sunahzun inle t'eh, 'et se'aB&#225; chah da t'en&#243;ohzin wule. 'Et k'an wh&#250;ts'un, 'en 'aw 'et t'enahzun 'ink'ez ah'en chah &#225;hja.&#8221; 8'Et Philip ndi y&#250;lhni, &#8220;Moodihti, nye'aB&#225; bunenilhtun 'ink'ez uznoolh'en, 'aw 'et zeh hukwa' uzninzun.&#8221; 9'Et Sizi ndi y&#250;lhni, &#8220;Philip, lhe'h&#243;oldzah nohwhulh '&#250;st'en, 'et 'awhuz ih t'&#233;sunuz&#237;nzun? Ndan sunalh'en, 'en se'aB&#225; chah hinalh'en. 'Ink'ez di ka, &#8216;Nye'aB&#225; bunenilhtun,&#8217; d&#237;ni? 10Si se'aB&#225; buyud&#250;sda 'ink'ez se'aB&#225; chah suyud&#237;nda. 'Et 'aw ih mba 'alha cha'h&#243;ot'ah? Khunek be nohwhulh y&#225;lhtuk 'i 'aw si sughunek ilah 'int'ah. Se'aB&#225; ndun suyud&#237;nda, 'en ndi 'ut'en 'uyulh'en 'en 'int'ah. 11Nuhwhuba 'alha 'uhot'e si se'aB&#225; buyud&#250;sda 'ink'ez se'aB&#225; 'en suyud&#237;nda. 'Et nuhwhuba 'alha cha'h&#243;ot'ah t'eh, ndi 'ut'en ndai 'ulya, 'i bugha si sugha nuhwhuba 'alha 'uhot'e. 12Soo ts'ah'un na'a ndan nuhwhud&#250;sni, ndan buba 'alha 'ust'ah, 'en ndi 'ut'en ndai 'ulh'en, 'i, 'en chah 'uhitelh'ilh. 'Et si se'aB&#225; buts'u n&#225;tesdalh 'et huwa si 'ut'en 'ulh'en, 'i, 'o nus '&#237;lhcho 'ut'en, 'i, 'uhiyoolh'en. 13'Ink'ez ndai si soozi buka' dahni 'i hoh nuhwhuba n&#233;'test'en. 'Et huwa se'aB&#225; 'en buYe' buba whud&#243;olhti. 14Ndai si soozi buka' dahni, 'et nuhwhuba 'uwhutesdlilh. 15Nuhwheni sk'ehtsi' t'eh, ndai ndi khunek nuhtl'&#225;dala, 'i buk'une' 'ooht'en. 16'Ink'ez se'aB&#225; 'en 'ilhuz wheni nuhLa'tet'ilh, 'en nuhwhugha it&#233;lhtelh, 'et buts'u hukwa' doosni. 17'En Ndoni 'int'ah. Ndai khunek 'alha 'int'ah, 'i zeh buts'u ha&#237;dults'it. Ndi yun k'ut whudune#14:17, 19 Ndan ndi yun k'ut Yak'usda huba 'alha cha'&#237;t'ah. 'En 'o bulhni bughu yalhtuk. 'aw bubeni be t'ehin&#237;zun, 'et huwa 'aw huy&#243;olhchoot gha&#237;t'ah. 'Et nuhwheni t'enahzun, nohwhulh 'int'ah, 'ink'ez nuhyudut&#233;lts'ulh. 18'Aw ts'unuh ahli li'aht'ah hoh nuhghu toosya gha&#237;t'ah. Nuhts'u t&#243;osya. 19Dzuh sayaz inle, 'ink'ez yinkak whudune, chas&#225;tes'il, 'et whunts'ih nuhwheni suntelh'ilh. Si khusna 'et huwa nuhwheni chah khutehna. 20'Et dzin t'eh, 'et t'ewhunohzin si se'aB&#225; buyud&#250;sda 'ink'ez se'aB&#225; chah syud&#237;nda 'ink'ez 'o 'un nuhwheni chah nuhyudusda. 21Ndan khunek 'et nid&#233;la 'i yuk'&#250;ne' 'ut'en, 'en sk'entsi' 'uhint'ah. 'Ink'ez ndan sk'entsi', se'aB&#225; chah buk'etesi', 'ink'ez si chah buk'etesi' 'ink'ez ndan usdli 'et t'ehonozin huboolhtsilh.&#8221; 22'Et Judas, 'aw Judas Iscariot 'en ilah, 'en Sizi ndi y&#250;lhni, &#8220;Moodihti, nts'e na'a 'uhoont'ah hoh nyun nyugha t'ets'on&#243;zin neba 'uwhut&#225;nlilh, 'et whunts'ih yinkak whudune, 'en nyun nyugha 'aw t'&#233;hont&#233;szin dini?&#8221; 23'Et Sizi ndi y&#250;lhni, &#8220;Ndunnah sk'entsi', 'en sughunek yootetun. 'En se'aB&#225; buk'etesi' 'ink'ez hubulh '&#250;tet'ilh 'et huwa si bulh hubutah &#243;duke. 24Ndan sk'echa&#237;tsi', 'aw sughunek hik'unucha'ust'en. 'Ink'ez ndi khunek nuhwheni dahts'o, 'i 'aw sich'oh sughunek ilah 'int'ah. Se'aB&#225;, whuz de s&#250;telh'a, 'en bughunek 'int'ah. 25'Awhuz nuhtah 'ust'ah hoh njan 'et nuhwhud&#250;sni. 26'Et nuhLa'ut'en, 'en Ndoni 'int'ah, 'en si soozi bugha se'aB&#225; 'en nuhts'&#237;telh'alh, ts'iyaintsuk whunohodutilh'eh 'ink'ez daja nuhwhud&#225;ni 'et soo cho whunalh&#250;nih chah nuhwhut&#233;lhtsilh. 27Be nedzi dezghel, 'i nuhghu nen&#225;nust'ai. 'I sich'oh be sudzi dezghel, 'i nuhgha n&#237;'ai. Ndi be nedzi dezghel nuhgha n&#237;'ai, 'i 'aw yinkak whudune nuhgha h&#250;yu'aih, 'i 'aw yulh nducha&#237;lt'ah ho' 'int'ah. Khun teh nuhdzi &#250;ndooda 'ink'ez noolh&#250;jut gunih! 28Sudahtso hoh 'un whud&#250;sni. 'Aw 'et nuhghu tesyalh 'ink'ez nuhts'u t&#243;osya. Se'aB&#225; 'en sughanus dezti 'et huwa 'en buts'u n&#225;tesdalh, 'ink'ez sk'ehtsi' t'eh, k'an daja nuhwhud&#225;ni 'et huwa whun&#243;olhnik. 29'Ink'ez hoh teh ne'whutet'en, k'an nuhwhud&#225;ni. 'Et t'eh whusawh&#233;lts'ut t'eh, si sugha nuhwhuba 'alha 'uhot'e. 30'Aw dzuh sayaz 'o 'un nohwhulh ya&#243;olhtuk gha&#237;t'ah. Ndi yun k'ut humoodih#14:30 Ndi yun k'ut humoodih, 'en netsudule 'int'ah. 'az de &#250;yalh 'ink'ez si sugha 'aw ntsolyaz 'i whunts'ih buch'a chay&#237;lah 'et huwa. 31'Aw 'et didahdelh, 'aw 'et njan huwuztoodelh, 'et huwa yinkak whudune t'&#233;hon&#243;zin se'aB&#225; buk'esi' 'ink'ez nts'oh tula khunek stl'aidan'ai, hoh tune'&#250;t'en ne'&#250;st'en.</div>
 </div>
 </div>
</div>

“Khun teh nuhwhudzi ndóoda gunih. Yak'usda nuhwhuba 'alha 'int'ah, whuz na'a si chah nuhwhuba 'alha 'oost'e. Se'aBá bukeyah lhat koo whuzdla hoh 'uhoont'ah. 'Aw 'alha cha'hóot'ah t'eh, ndun whudóosni da. Whuz tesyalh nuhwhuba lhawhúdutesdleh wheni. Whuz lhadíya 'ink'ez nuhwhuba lhawhúdusdla t'eh, doo chah zeh whusanátesdalh 'ink'ez ts'iyawh nanwhutelhúchulh, ndet sída, 'et si sulh 'óoht'e. 'Ink'ez nts'e whéya ts'ih 'ink'ez nts'e ti whého'a 'et t'éwhunáhzun.” 'Et Thomas yoodulhkut hoh 'uyúlhni, “Moodihti, nts'e tanyalh 'aw nt'ets'onízun, 'ink'ez nts'e na'a whuz ti nt'éts'ontézin?” 'Et Sizi ndi yúlhni, “Si yak'uz ti, 'ink'ez khunek 'alha' 'int'ah 'i chah usdli. 'Ink'ez 'ilhuz wheni be ts'ukhuna, 'i chah 'usdli. 'Et huwa 'aw 'ilhunuh whunts'i se'aBá yuts'un tooya ghaít'ah, si sugha zeh 'et ndutenilh. Si t'ésunahzun inle t'eh, 'et se'aBá chah da t'enóohzin wule. 'Et k'an whúts'un, 'en 'aw 'et t'enahzun 'ink'ez ah'en chah áhja.” 'Et Philip ndi yúlhni, “Moodihti, nye'aBá bunenilhtun 'ink'ez uznoolh'en, 'aw 'et zeh hukwa' uzninzun.” 'Et Sizi ndi yúlhni, “Philip, lhe'hóoldzah nohwhulh 'úst'en, 'et 'awhuz ih t'ésunuzínzun? Ndan sunalh'en, 'en se'aBá chah hinalh'en. 'Ink'ez di ka, ‘Nye'aBá bunenilhtun,’ díni? Si se'aBá buyudúsda 'ink'ez se'aBá chah suyudínda. 'Et 'aw ih mba 'alha cha'hóot'ah? Khunek be nohwhulh yálhtuk 'i 'aw si sughunek ilah 'int'ah. Se'aBá ndun suyudínda, 'en ndi 'ut'en 'uyulh'en 'en 'int'ah. Nuhwhuba 'alha 'uhot'e si se'aBá buyudúsda 'ink'ez se'aBá 'en suyudínda. 'Et nuhwhuba 'alha cha'hóot'ah t'eh, ndi 'ut'en ndai 'ulya, 'i bugha si sugha nuhwhuba 'alha 'uhot'e. Soo ts'ah'un na'a ndan nuhwhudúsni, ndan buba 'alha 'ust'ah, 'en ndi 'ut'en ndai 'ulh'en, 'i, 'en chah 'uhitelh'ilh. 'Et si se'aBá buts'u nátesdalh 'et huwa si 'ut'en 'ulh'en, 'i, 'o nus 'ílhcho 'ut'en, 'i, 'uhiyoolh'en. 'Ink'ez ndai si soozi buka' dahni 'i hoh nuhwhuba né'test'en. 'Et huwa se'aBá 'en buYe' buba whudóolhti. Ndai si soozi buka' dahni, 'et nuhwhuba 'uwhutesdlilh. Nuhwheni sk'ehtsi' t'eh, ndai ndi khunek nuhtl'ádala, 'i buk'une' 'ooht'en. 'Ink'ez se'aBá 'en 'ilhuz wheni nuhLa'tet'ilh, 'en nuhwhugha itélhtelh, 'et buts'u hukwa' doosni. 'En Ndoni 'int'ah. Ndai khunek 'alha 'int'ah, 'i zeh buts'u haídults'it. Ndi yun k'ut whudune 'aw bubeni be t'ehinízun, 'et huwa 'aw huyóolhchoot ghaít'ah. 'Et nuhwheni t'enahzun, nohwhulh 'int'ah, 'ink'ez nuhyudutélts'ulh. 'Aw ts'unuh ahli li'aht'ah hoh nuhghu toosya ghaít'ah. Nuhts'u tóosya. Dzuh sayaz inle, 'ink'ez yinkak whudune, chasátes'il, 'et whunts'ih nuhwheni suntelh'ilh. Si khusna 'et huwa nuhwheni chah khutehna. 'Et dzin t'eh, 'et t'ewhunohzin si se'aBá buyudúsda 'ink'ez se'aBá chah syudínda 'ink'ez 'o 'un nuhwheni chah nuhyudusda. Ndan khunek 'et nidéla 'i yuk'úne' 'ut'en, 'en sk'entsi' 'uhint'ah. 'Ink'ez ndan sk'entsi', se'aBá chah buk'etesi', 'ink'ez si chah buk'etesi' 'ink'ez ndan usdli 'et t'ehonozin huboolhtsilh.” 'Et Judas, 'aw Judas Iscariot 'en ilah, 'en Sizi ndi yúlhni, “Moodihti, nts'e na'a 'uhoont'ah hoh nyun nyugha t'ets'onózin neba 'uwhutánlilh, 'et whunts'ih yinkak whudune, 'en nyun nyugha 'aw t'éhontészin dini?” 'Et Sizi ndi yúlhni, “Ndunnah sk'entsi', 'en sughunek yootetun. 'En se'aBá buk'etesi' 'ink'ez hubulh 'útet'ilh 'et huwa si bulh hubutah óduke. Ndan sk'echaítsi', 'aw sughunek hik'unucha'ust'en. 'Ink'ez ndi khunek nuhwheni dahts'o, 'i 'aw sich'oh sughunek ilah 'int'ah. Se'aBá, whuz de sútelh'a, 'en bughunek 'int'ah. 'Awhuz nuhtah 'ust'ah hoh njan 'et nuhwhudúsni. 'Et nuhLa'ut'en, 'en Ndoni 'int'ah, 'en si soozi bugha se'aBá 'en nuhts'ítelh'alh, ts'iyaintsuk whunohodutilh'eh 'ink'ez daja nuhwhudáni 'et soo cho whunalhúnih chah nuhwhutélhtsilh. Be nedzi dezghel, 'i nuhghu nenánust'ai. 'I sich'oh be sudzi dezghel, 'i nuhgha ní'ai. Ndi be nedzi dezghel nuhgha ní'ai, 'i 'aw yinkak whudune nuhgha húyu'aih, 'i 'aw yulh nduchaílt'ah ho' 'int'ah. Khun teh nuhdzi úndooda 'ink'ez noolhújut gunih! Sudahtso hoh 'un whudúsni. 'Aw 'et nuhghu tesyalh 'ink'ez nuhts'u tóosya. Se'aBá 'en sughanus dezti 'et huwa 'en buts'u nátesdalh, 'ink'ez sk'ehtsi' t'eh, k'an daja nuhwhudáni 'et huwa whunóolhnik. 'Ink'ez hoh teh ne'whutet'en, k'an nuhwhudáni. 'Et t'eh whusawhélts'ut t'eh, si sugha nuhwhuba 'alha 'uhot'e. 'Aw dzuh sayaz 'o 'un nohwhulh yaóolhtuk ghaít'ah. Ndi yun k'ut humoodih 'az de úyalh 'ink'ez si sugha 'aw ntsolyaz 'i whunts'ih buch'a chayílah 'et huwa. 'Aw 'et didahdelh, 'aw 'et njan huwuztoodelh, 'et huwa yinkak whudune t'éhonózin se'aBá buk'esi' 'ink'ez nts'oh tula khunek stl'aidan'ai, hoh tune'út'en ne'úst'en.

收聽 John 14