© 2008, Wycliffe Bible Translators, Inc. All rights reserved.
℗ 2015 Hosanna

Diosa' kiika; Génesis, Éxodo y El Nuevo Testamento

<div class="version vid535 iso6393cbi" data-vid="535" data-iso6393="cbi">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Kavitu kemu ruku bain, biyuda shinbu bain</div><div class="p"> 1Jes&#250;s ya' disipululanu entsa laapu' kuinda juu bain kemi naaketaa ipijpajtyai&#241;uu ityumujchi naa-uwanuba Diosba kuinda ketintsunuu ju&#241;uba mijakaanu. 2Tsejtu tsandimi: Ma pebulunu main kavitu kemu bale ruku naa Diosnu bain balengure' jeetyatyu ju', naa chachillanu bain balenguutyu ruku chumi. 3Tsenmala juntsa pebulunuren ma biyuda shinbu bain chumi. Tsejtu naa-uwanu bain juntsa bale ruku' junga ji', ya' kundaanu kavitu ke' kuka tiitimi. 4Tsen&#241;uren juntsa kavitu kemu bale ruku naa-uwanuba kavitu ke' kutyu jujuumi. Tsaaturen bene ya' pensasha entsandyami: &#8220;Naa iya Diosnu balengure' jeetyatyu ju', naa chachillanu bain balenguutyu ju'ba, 5entsa shinbu naa-uwanuba inu bulla ketintsun jutyu, umaa ya' mitya kavitu ke' kunu tsuyu&#8221;, tyami.</div><div class="p"> 6Tsandi dekuindake' dyatu Jes&#250;s tsandimi: Juntsa firu' kavitu kemu bale rukuren juntsa shinbunu kavitu ke' kushu juntsaa, 7&#191;nejtaa kayu Diosya yachi mi'ke' kaya chachilla, yanu naa mandala bain, naa kepe bain pakatindetsushu juntsaa, kavitu ke' kun jutyun? &#191;Te' kavitu ke' kutyu' keenakaanu jun? 8Uwaindiyu, aa keedi'mujchin jeke kavitu ke' balelamishtinu tsuve. &#191;Tsaaren Chachi Tiya' Nakayamu entsa tusha maanu uwanu bain chachilla chaiba yanu keenguendetsu katajachunga?</div><div class="s">Balendyamu chachi bain, ne chachi bain</div><div class="p"> 9Jes&#250;s entsa kuinda bain laapu' pami, mantsa rukula ura' dejuyu tya', yala' pensashaa Dios naakesa tya&#241;uba tsanguemu ruku deeyu tya', veelanu balejtu kuremu dee&#241;u. 10Tsejtu yalanu tsandimi: Pai ruku aa eleshasha Diosba kuinda kenu jila; mainya fariseo chachi junmala, kamainya romano u&#241;ichi deechu' mitya lushi kamu chachi jumi. 11Tsen&#241;u juntsa fariseo rukuya uyudi' ya' pensachi entsandi Diosba kuinda kemi: &#8220;Dios, iya &#241;unu yuj ura' kive tinu tenve, matyu iyaa ne vee rukula tsaa, taanguemu ruku bain jutyu, firu' ruku bain jutyu, ne vee matsaimu ruku bain jutyuyu, tsenmin entsa deechu' mitya lushi kamu ruku tsaa bain jutyuyu. 12Iyaa semananu pai bijee &#241;unu pensanguiike' panda fityu jujuuyu; tsenmin naake lushi kan chu' bain juntsanu paitya pela vele' manbaateya &#241;unu kumuyu&#8221;, tyami.</div><div class="p"> 13Tsen&#241;u deechu' mitya lushi kamu rukuya juntsa fariseo rukunu baka' uyuna' wayunatu, naa kai'sha majelukenuba tyatyu' llakindya', ya' tenbapunu pali' papatitu tsandimi: Dios, iyaa balejtu rukuyu, inu tenbityaka, iyaa ujcha lamuyu, timi.</div><div class="p"> 14Jes&#250;s, entsandi kuinda deke' dyatu, yanu meenamulanu tsandimi: Uwaindiyu, entsa deechu' mitya lushi kamu rukuya ya' ujcha' mitya Dioschi ujcha tajtu kuraaya yasha miive, tsaaren fariseoya tsa-indyuve. Matyu mun kayu mu' mityaba yaa aawa juchi tyamuya balejtu kura' umingayanu tsuve, tsenmala mun tiba daj keewaatyu chachiya aawa kuranu tsuve, timi.</div><div class="s">Jes&#250;s, kaillanuDioschi ura' de-ikaami.</div><div class="r">(Mateo 19.13-15; Marcos 10.13-16)</div><div class="p"> 15Naa kaillanu bain Jes&#250;s' junga taji tajiila, Jes&#250;s kaillanu ta'ka' Dioschi ura' de-ikaasa tyatu. Tsen&#241;un ya' disipulula dekatatu, kaillanu tajimulanu ajaa tila. 16Tsen&#241;u Jes&#250;s kaillanu mikatu tsandimi: Kailla in junga janudetsu daatadityudei, matyu Diosnu yala' rei juu tanamulaya entsa kailla tsaalaa deju&#241;u' mitya. 17Uwaindiyu, mun Diosnu rei juu kure' kailla tsaa yanu meenguemu jui'shu juntsaa, naa-uwanuba Diosnu yala' rei juu tanan dejutyuve, timi.</div><div class="s">Main tarukuJes&#250;sba kuinda kemi.</div><div class="r">(Mateo 19.16-30; Marcos 10.17-31)</div><div class="p"> 18Ma bale ruku Jes&#250;snu pake'meetu tsandimi: Ura ruku, &#191;naa kenu juwa naa-uwanuba Diosba ura' chunuu? timi.</div><div class="p"> 19Tsen&#241;u Jes&#250;s tsandimi: &#191;Nen&#241;undiyu inu, ura rukui, timi? Ura jumiya, Diosren main ura ruku juuve. 20&#209;uya Dios naa naakidei ti&#241;uba yumaa mive. Entsaave: vee matsaityude; chachiitala tu'tyude; taanguetyude; anbuti' veelanu kuipa putyude; &#241;u' apanu bain, naa &#241;u' amanu bain balengure' ura' keewaade, #18.20 &#201;xodo 20.12-16 tive, timi.</div><div class="p"> 21Tsen&#241;u juntsa ruku tsandimi: Iya kaa musuumalaren kumuinchi juntsa demeenguen chumuyu, timi.</div><div class="p"> 22Tsandi&#241;u Jes&#250;s meetu tsandimi: Tsaaren entsaa kayu kendyuve: miji' &#241;u ti ta'ba millangue ati', juntsa lushi purelanu veede. Tsanguishu juntsaa, &#241;u selusha tsamantsa balen juu tadinu tsuve. Tsangue' maatu inu keengue' in bendala jade, timi.</div><div class="p"> 23Tsandi&#241;u meetu, juntsa ruku mika taruku' mitya, yuj llakindyami. 24Tsai' llakindya&#241;u, Jes&#250;s tsandimi: &#161;Main tarukuchi Diosnu ya' rei juu tananu mika li'puve! 25Main tarukuchi Diosnu ya' rei juu tananu mika li'punchiren, ma kameyu ityu kapukanu pullainuuba ju&#241;uya, juntsa kameyu kayu ura' ne pullaichuve, timi.</div><div class="p"> 26Tsen&#241;u veela meenamula tsandila: Tsaashu juntsaa, &#191;maa livee inuu juchunga? tila.</div><div class="p"> 27Tsen&#241;u Jes&#250;s tsandimi: Tyee chachillachiya naake' ken tsaa deju&#241;uba, Dioschiya imu tene judeeve, timi.</div><div class="p"> 28Tsen&#241;u Pedro tsandimi: Lalaya ti taawa deju' bain juntsa millangue deshuike', &#241;u' bendaa dejayu, timi.</div><div class="p"> 29Tsen&#241;u Jes&#250;s tsandimi: Uwaindiyu, mun Diosnu ya' rei juu tanan mityan naa ya' ya shuikike, naa ya' shinbu shuikike, naa ya' naatalalanu shuikike, naa ya' apalanu shuikike, naa ya' kaillanu shuikike' bain, 30matyu entsa tusha chumujchiren juntsan mitya kayu pure' mangakenu detsuve, tsejtu bene jainu juushu juntsa tinbunuya naa-uwanuba Diosba ura' chunuuya tiyanu detsuve, timi.</div><div class="s">Jes&#250;s peyanu ju'ba mawainmi.</div><div class="r">(Mateo 20.17-19; Marcos 10.32-34)</div><div class="p"> 31Jes&#250;s ya' 12 disipululanu vee mujtusha mikakitu tsandimi: Diosa' mitya pamu rukula piiketu Chachi Tiya' Nakayamu naa-inu tsuve ti' piikemuwa dee&#241;u bain kumuinchi tsaa de-i' puinu tsuve, lala Jerusal&#233;nsha dejinmala. 32Matyu jud&#237;o chachi jutyula' tyaapanu kuwanu detsuve, tsenmala yanu de-uukapu'kera, firu' depa'kera, inbi dekitsure'kera, 33naa aste bain deke', bene tu'nu detsuve. Tsaaren peyatu pen malu insha mangujnu tsuve, timi.</div><div class="p"> 34Tsa tsandi&#241;uren, yalaa jaiba aseetanguityu jujuula, tsenmin Jes&#250;s naati' tsandi&#241;uba mijtu jujuula, matyu yaichi naake' aseetanguen tsaa ju&#241;u' mitya.</div><div class="s">Kapuka putyu rukunuJes&#250;s ura' mandiremi.</div><div class="r">(Mateo 20.29-34; Marcos 10.46-52)</div><div class="p"> 35Jes&#250;s Jeric&#243; pebulu faajingumaintsu, ma ruku kapuka putyu, mi&#241;u kelunu chunatu, jundaa puimu chachillanu tyeeba paki pakikentsumi. 36Tsanatu pure' chachi jijiindetsu&#241;u mere' pake'meetu: &#191;Tyee intsu&#241;u deiyu pure' jiintsula? timi.</div><div class="p"> 37Tsen&#241;u: Nazaretsha chumu Jes&#250;s endaa puintsuve, deti&#241;u, 38kapuka putyu ruku daran uti' patu tsandimi: &#161;Jes&#250;s, Rei Davidnu sera' jamu Na, inu tenbityaka! timi.</div><div class="p"> 39Tsandi&#241;u ajkesha jimula juntsa rukunu mandyasa ti' de-ajaati&#241;un, yaa kayu daran ma-ui'tu tsandimi: &#161;Rei Davidnu sera' jamu Na, inu tenbityaka! tiitimi.</div><div class="p"> 40Tsen&#241;u Jes&#250;s uidikatu, ya' junga taadei, timi. Tsen&#241;u ya' junga kalen demiya' ji&#241;u pake'meetu tsandimi: 41&#191;Iya &#241;unu tyee kesa tenguen? timi.</div><div class="p">Tsen&#241;u kapuka putyu ruku tsandimi: Rukui, inu kapuka katakaasa tenve, timi.</div><div class="p"> 42Tsen&#241;u Jes&#250;s tsandimi: Tsaaya, katamu tiyade. &#209;u uwain tsainu tsuve tya' kerangue' mityaa ura' mandive, timi.</div><div class="p"> 43Tsen&#241;u juntsa uranuren kapuka dandajtu ruku katamu tiya' Jes&#250;sba jindu: Diosya yuj urave, tisai jintsumi. Tsen&#241;u kumuinchi chachilla entsai&#241;u keenamula bain: Uwain Diosya yuj urave, tiitila.</div>
 </div>
 </div>
</div>

Jesús ya' disipululanu entsa laapu' kuinda juu bain kemi naaketaa ipijpajtyaiñuu ityumujchi naa-uwanuba Diosba kuinda ketintsunuu juñuba mijakaanu. Tsejtu tsandimi: Ma pebulunu main kavitu kemu bale ruku naa Diosnu bain balengure' jeetyatyu ju', naa chachillanu bain balenguutyu ruku chumi. Tsenmala juntsa pebulunuren ma biyuda shinbu bain chumi. Tsejtu naa-uwanu bain juntsa bale ruku' junga ji', ya' kundaanu kavitu ke' kuka tiitimi. Tsenñuren juntsa kavitu kemu bale ruku naa-uwanuba kavitu ke' kutyu jujuumi. Tsaaturen bene ya' pensasha entsandyami: “Naa iya Diosnu balengure' jeetyatyu ju', naa chachillanu bain balenguutyu ju'ba, entsa shinbu naa-uwanuba inu bulla ketintsun jutyu, umaa ya' mitya kavitu ke' kunu tsuyu”, tyami.
Tsandi dekuindake' dyatu Jesús tsandimi: Juntsa firu' kavitu kemu bale rukuren juntsa shinbunu kavitu ke' kushu juntsaa, ¿nejtaa kayu Diosya yachi mi'ke' kaya chachilla, yanu naa mandala bain, naa kepe bain pakatindetsushu juntsaa, kavitu ke' kun jutyun? ¿Te' kavitu ke' kutyu' keenakaanu jun? Uwaindiyu, aa keedi'mujchin jeke kavitu ke' balelamishtinu tsuve. ¿Tsaaren Chachi Tiya' Nakayamu entsa tusha maanu uwanu bain chachilla chaiba yanu keenguendetsu katajachunga?

Jesús entsa kuinda bain laapu' pami, mantsa rukula ura' dejuyu tya', yala' pensashaa Dios naakesa tyañuba tsanguemu ruku deeyu tya', veelanu balejtu kuremu deeñu. Tsejtu yalanu tsandimi: Pai ruku aa eleshasha Diosba kuinda kenu jila; mainya fariseo chachi junmala, kamainya romano uñichi deechu' mitya lushi kamu chachi jumi. Tsenñu juntsa fariseo rukuya uyudi' ya' pensachi entsandi Diosba kuinda kemi: “Dios, iya ñunu yuj ura' kive tinu tenve, matyu iyaa ne vee rukula tsaa, taanguemu ruku bain jutyu, firu' ruku bain jutyu, ne vee matsaimu ruku bain jutyuyu, tsenmin entsa deechu' mitya lushi kamu ruku tsaa bain jutyuyu. Iyaa semananu pai bijee ñunu pensanguiike' panda fityu jujuuyu; tsenmin naake lushi kan chu' bain juntsanu paitya pela vele' manbaateya ñunu kumuyu”, tyami.
Tsenñu deechu' mitya lushi kamu rukuya juntsa fariseo rukunu baka' uyuna' wayunatu, naa kai'sha majelukenuba tyatyu' llakindya', ya' tenbapunu pali' papatitu tsandimi: Dios, iyaa balejtu rukuyu, inu tenbityaka, iyaa ujcha lamuyu, timi.
Jesús, entsandi kuinda deke' dyatu, yanu meenamulanu tsandimi: Uwaindiyu, entsa deechu' mitya lushi kamu rukuya ya' ujcha' mitya Dioschi ujcha tajtu kuraaya yasha miive, tsaaren fariseoya tsa-indyuve. Matyu mun kayu mu' mityaba yaa aawa juchi tyamuya balejtu kura' umingayanu tsuve, tsenmala mun tiba daj keewaatyu chachiya aawa kuranu tsuve, timi.


Naa kaillanu bain Jesús' junga taji tajiila, Jesús kaillanu ta'ka' Dioschi ura' de-ikaasa tyatu. Tsenñun ya' disipulula dekatatu, kaillanu tajimulanu ajaa tila. Tsenñu Jesús kaillanu mikatu tsandimi: Kailla in junga janudetsu daatadityudei, matyu Diosnu yala' rei juu tanamulaya entsa kailla tsaalaa dejuñu' mitya. Uwaindiyu, mun Diosnu rei juu kure' kailla tsaa yanu meenguemu jui'shu juntsaa, naa-uwanuba Diosnu yala' rei juu tanan dejutyuve, timi.


Ma bale ruku Jesúsnu pake'meetu tsandimi: Ura ruku, ¿naa kenu juwa naa-uwanuba Diosba ura' chunuu? timi.
Tsenñu Jesús tsandimi: ¿Nenñundiyu inu, ura rukui, timi? Ura jumiya, Diosren main ura ruku juuve. Ñuya Dios naa naakidei tiñuba yumaa mive. Entsaave: vee matsaityude; chachiitala tu'tyude; taanguetyude; anbuti' veelanu kuipa putyude; ñu' apanu bain, naa ñu' amanu bain balengure' ura' keewaade, tive, timi.
Tsenñu juntsa ruku tsandimi: Iya kaa musuumalaren kumuinchi juntsa demeenguen chumuyu, timi.
Tsandiñu Jesús meetu tsandimi: Tsaaren entsaa kayu kendyuve: miji' ñu ti ta'ba millangue ati', juntsa lushi purelanu veede. Tsanguishu juntsaa, ñu selusha tsamantsa balen juu tadinu tsuve. Tsangue' maatu inu keengue' in bendala jade, timi.
Tsandiñu meetu, juntsa ruku mika taruku' mitya, yuj llakindyami. Tsai' llakindyañu, Jesús tsandimi: ¡Main tarukuchi Diosnu ya' rei juu tananu mika li'puve! Main tarukuchi Diosnu ya' rei juu tananu mika li'punchiren, ma kameyu ityu kapukanu pullainuuba juñuya, juntsa kameyu kayu ura' ne pullaichuve, timi.
Tsenñu veela meenamula tsandila: Tsaashu juntsaa, ¿maa livee inuu juchunga? tila.
Tsenñu Jesús tsandimi: Tyee chachillachiya naake' ken tsaa dejuñuba, Dioschiya imu tene judeeve, timi.
Tsenñu Pedro tsandimi: Lalaya ti taawa deju' bain juntsa millangue deshuike', ñu' bendaa dejayu, timi.
Tsenñu Jesús tsandimi: Uwaindiyu, mun Diosnu ya' rei juu tanan mityan naa ya' ya shuikike, naa ya' shinbu shuikike, naa ya' naatalalanu shuikike, naa ya' apalanu shuikike, naa ya' kaillanu shuikike' bain, matyu entsa tusha chumujchiren juntsan mitya kayu pure' mangakenu detsuve, tsejtu bene jainu juushu juntsa tinbunuya naa-uwanuba Diosba ura' chunuuya tiyanu detsuve, timi.


Jesús ya' 12 disipululanu vee mujtusha mikakitu tsandimi: Diosa' mitya pamu rukula piiketu Chachi Tiya' Nakayamu naa-inu tsuve ti' piikemuwa deeñu bain kumuinchi tsaa de-i' puinu tsuve, lala Jerusalénsha dejinmala. Matyu judío chachi jutyula' tyaapanu kuwanu detsuve, tsenmala yanu de-uukapu'kera, firu' depa'kera, inbi dekitsure'kera, naa aste bain deke', bene tu'nu detsuve. Tsaaren peyatu pen malu insha mangujnu tsuve, timi.
Tsa tsandiñuren, yalaa jaiba aseetanguityu jujuula, tsenmin Jesús naati' tsandiñuba mijtu jujuula, matyu yaichi naake' aseetanguen tsaa juñu' mitya.


Jesús Jericó pebulu faajingumaintsu, ma ruku kapuka putyu, miñu kelunu chunatu, jundaa puimu chachillanu tyeeba paki pakikentsumi. Tsanatu pure' chachi jijiindetsuñu mere' pake'meetu: ¿Tyee intsuñu deiyu pure' jiintsula? timi.
Tsenñu: Nazaretsha chumu Jesús endaa puintsuve, detiñu, kapuka putyu ruku daran uti' patu tsandimi: ¡Jesús, Rei Davidnu sera' jamu Na, inu tenbityaka! timi.
Tsandiñu ajkesha jimula juntsa rukunu mandyasa ti' de-ajaatiñun, yaa kayu daran ma-ui'tu tsandimi: ¡Rei Davidnu sera' jamu Na, inu tenbityaka! tiitimi.
Tsenñu Jesús uidikatu, ya' junga taadei, timi. Tsenñu ya' junga kalen demiya' jiñu pake'meetu tsandimi: ¿Iya ñunu tyee kesa tenguen? timi.
Tsenñu kapuka putyu ruku tsandimi: Rukui, inu kapuka katakaasa tenve, timi.
Tsenñu Jesús tsandimi: Tsaaya, katamu tiyade. Ñu uwain tsainu tsuve tya' kerangue' mityaa ura' mandive, timi.
Tsenñu juntsa uranuren kapuka dandajtu ruku katamu tiya' Jesúsba jindu: Diosya yuj urave, tisai jintsumi. Tsenñu kumuinchi chachilla entsaiñu keenamula bain: Uwain Diosya yuj urave, tiitila.

收聽 Lucas 18