Kusaal - 1996 WBT (Drama NT)

<div class="version vid3752 iso6393kus" data-vid="3752" data-iso6393="kus">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Yesu pie o nya'and&#596;lib n&#596;ba</div><div class="p"> 1Ka Kum Maliak Gaad&#651;g mal&#651;&#331; dabisir la da li'el ka Yesu ba&#331; ye o sa&#331;a paae ya ye o yi dunia ka&#331;a ni ka ke&#331; o Ba' san'an la, o da n&#596;&#331; o m&#603;&#331; nimban&#603; b&#603; dunia ni la. O y&#651;'&#651;n da pa'ali ba n&#596;&#331;ilim lin&#603; ka' makir&#603;.</div><div class="p"> 2Yesu n&#603; o nya'and&#596;lib daa ditn&#603; ba y&#651;'&#651;&#331; diib, ka S&#651;ntaana daa p&#651;n d&#603;&#331;i kp&#603;n' Judas, Simon Iskariot biig la s&#651;nf&#651;n, ye o zam Yesu. 3Yesu daa mi' ye o Ba' la za&#331; si'el m&#603;kama ni&#331; o nu'ugin la, ka mi' ye o yin&#603; Wina'am san'an na, ka l&#603;bid Wina'am san'an. 4Ka o duoe diibin la y&#603;&#603;g o fuug, ka za&#331; pienni l&#596;&#596; o siaa, 5ka kpa'ae ku'om ni&#331; si'iu&#331;&#651;n ka pin'ili piesid o nya'and&#596;lib la n&#596;ba, ka duusidi ba n&#603; pien kan&#603; ka o l&#596; o siaa la.</div><div class="p"> 6O daa pie paae Simon Pita. Ka Pita bu'os o ye, &#8220;M Zugs&#596;ba, f&#651; ye f&#651; pie m n&#596;baa?&#8221;</div><div class="p"> 7Ka Yesu l&#603;bis o ye, &#8220;F&#651;n nan zi' man ni&#331;id si'ela, amaa, nwa'a nya'a&#331; f&#651; na ba&#331;i li.&#8221;</div><div class="p"> 8Ka Pita y&#603;l o ye, &#8220;F&#651; k&#651;dim k&#651; pie m n&#596;baa.&#8221;</div><div class="p">Ka Yesu l&#603;bis o ye, &#8220;M ya'a p&#651; pie f&#651; n&#596;baa, f&#651; l&#603;n ka' m nya'and&#596;lla.&#8221;</div><div class="p"> 9Ka Simon Pita y&#603;l o ye, &#8220;M Zugs&#596;ba, alazug&#596; piemim nu'us n&#603; m zug, ka ka' m n&#596;ba g&#651;llimn&#603;&#603;.&#8221;</div><div class="p"> 10Yesu y&#603;l o ye, &#8220;On&#603; p&#651;n s&#651; sa, o n&#596;ba pier g&#651;llim siakya, ka li maal o ni&#331;gbi&#331; w&#651;sa ka li an nyain. Ya an&#603; nyain, amaa ka' ya w&#651;saa.&#8221; 11Ka Yesu daa p&#651;n mi' on&#603; ye o zam o la zug, ka o y&#603;l ye ka' ya w&#651;sa an nyainn&#603;.</div><div class="p"> 12Ka on pie ba n&#596;ba naae la, o l&#603;n y&#603;&#603; o fuug, ka l&#603;bi zin'in, ka bu'osi ba ye, &#8220;Ya ba&#331; man ni&#331; si'el la gbinn&#603;&#603;?&#8221; 13&#8220;Ya buon man ye, Pa'an n&#603; Zugs&#596;b. Li an&#603; am&#603;&#331;a. M an&#603; ala. 14Man aan ya Zugs&#596;b n&#603; ya Pa'an ka pie ya n&#596;ba la, li s&#651;'&#651;m ye yanam m&#603; pie ya taaba n&#596;ba. 15M maal nwa' n&#603; ye m pa'ali ya, ye yanam m&#603; na maal w&#651;&#651; mam maali ya si'em la. 16#Mat 10:24-25; Luk 6:40 Am&#603;&#331;a ka m y&#603;ti ya ye, t&#651;mt&#651;m k&#651; gaad o zugdaana. Ka ban t&#651;m s&#596;' la k&#651; gaad on&#603; t&#651;m o la. 17Yanam m&#603; ya'a ba&#331; nwa', ka ni&#331; ala, albareka b&#603;&#603; ya zugin.</div><div class="p"> 18&#8220;Li ka' ya w&#651;sa y&#603;la ka m y&#603;ta. M mi' man ga&#331; sieba la. Amaa as&#603;&#603; Wina'am gbau&#331; la s&#596;b si'em la ni&#331; am&#603;&#331;a ye, &#8216;On&#603; ka man n&#603; on la'am dit la yii m nya'a&#331;i zi'e m y&#603;la.&#8217;</div><div class="p"> 19&#8220;M y&#603;ti ya n&#603; nannanna ka li nam p&#651; maal&#603;. Ka li ya'a ti maal, ya na ni&#331;im yadda ye man&#603; la. 20#Mat 10:40; Luk 10:16 Am&#603;&#331;a ka m y&#603;ti ya ye, on&#603; di'e on&#603; ka m t&#651;m la di'en&#603; man. Ka on&#603; di'ed man la di'edn&#603; on&#603; t&#651;m mam na la.&#8221;</div><div class="s">Yesu y&#603;l ye s&#596;' na zam o</div><div class="r">(Mat 26:20-25; Mak 14:17-21; Luk 22:21-23)</div><div class="p"> 21Ka Yesu n pian' n&#603;'&#603;&#331;a la ka o s&#651;nf san'am ka o y&#603;l ye, &#8220;Asida ka m y&#603;ti ya ye, ya yinne na zam man.&#8221;</div><div class="p"> 22Ka o nya'and&#596;lib la g&#596;sid taaba ka ya'amisid on&#603; y&#603;la ka Yesu pian'ad la. 23Ka Yesu nya'and&#596;l yinne on&#603; ka o n&#596;&#331; hali la zin' kpi'e n&#603; o. 24Ka Simon Pita &#603;nbig nya'and&#596;l la ka y&#603;l o ye, &#8220;Bu'osim o on&#603; y&#603;la ka o pian'ad la.&#8221;</div><div class="p"> 25Ka on&#603; zin' kpi'e n&#603; Yesu la, gb&#603;ligi bu'os o ye, &#8220;Zugs&#596;ba, li aan an&#596;'&#596;n&#603;?&#8221;</div><div class="p"> 26 # 
 Mat 26:23; Mak 14:20; Luk 22:21 Ka Yesu l&#603;bis ye, &#8220;Li an&#603; on&#603; ka m na za&#331; bodobodo nwaa suk laan tis o la na zam man.&#8221; Ka on suk diib la laan la ka za&#331;i li tis Judas Iskariot. 27Ka Judas n di diib la naae la ka S&#651;ntaana kp&#603;n' o ni.</div><div class="p">Ka Yesu y&#603;l o ye, &#8220;F&#651;n gban'e ye f&#651; ni&#331; si'el la, ni&#331;imi li t&#596;'&#596;t&#596;.&#8221; 28Ka ban&#603; w&#651;sa la'am dit n&#603; o la p&#651; ba&#331; lin&#603; y&#603;la ka o y&#603;l o alaa. 29Ka sieba t&#603;n'&#603;s ye Judas n da m&#596;ri ba ligidi k&#596;l&#651;g la y&#603;la ka Yesu y&#603;t o ye o da'am la'aban&#603; ka ba b&#596;&#596;d mal&#651;&#331; diib dabisir la y&#603;la, b&#603;&#603; o s&#651;&#331;im n&#596;&#331;dim la. 30Li daa an&#603; y&#651;'&#651;&#331;, ka Judas di'e diib la naae la, ka kp&#603;n yi.</div><div class="s">N&#596;zi'elpaal la y&#603;la</div><div class="p"> 31Judas n daa yi la, ka Yesu y&#603;l ye, &#8220;Ninsaal Biig la y&#651;'&#651;r na ny&#603; z&#651;n'or nannanna, ka on ni ka Wina'am y&#651;'&#651;r m&#603; na ny&#603; z&#651;n'or. 32Wina'am y&#651;'&#651;r ya'a ny&#603; z&#651;n'or o Biig la zug, Wina'am m&#603;&#331; na zun'e o Biig la y&#651;'&#651;r, ka li k&#651; yuug&#603;.</div><div class="p"> 33&#8220;M biis&#603;, m na b&#603; n&#603; ya sa&#331;a bi'ela nwa'. Ya na ti ieedim, amaa m y&#603;ti ya nw&#603;n&#603; man daa y&#603;l Jew dim si'em la ye, man ken zin'isi'a la ya k&#651; tun'e k&#603;&#603;n ani naa.</div><div class="p"> 34&#8220;N&#596;zi'elpaal nwa' ka m tisidi ya: N&#596;&#331;imi taaba. Nw&#603;n&#603; man n&#596;&#331;i ya si'em la, ala m&#603;n ka ya na n&#596;&#331; taaba. 35Ya ya'a n&#596;&#331; taaba, nidib w&#651;sa na ba&#331; ye ya an&#603; m nya'and&#596;lib.&#8221;</div><div class="s">Yesu tu'as Pita na ti ki'is o si'em</div><div class="r">(Mat 26:31-35; Mak 14:27-31; Luk 22:31-34)</div><div class="p"> 36Ka Simon Pita bu'os o ye, &#8220;M Zugs&#596;ba, f&#651; ken yaan&#603;?&#8221;</div><div class="p">Ka Yesu l&#603;bis o ye, &#8220;Man ken zin'isi'a la, f&#651; k&#651; nya&#331;i d&#596;l man nannanna. Amaa f&#651; na ti yuolim d&#596;l mam ke&#331;.&#8221;</div><div class="p"> 37Ka Pita bu'os o ye, &#8220;M Zugs&#596;ba, b&#596;&#596; ni&#331; ka m k&#651; nya&#331;i d&#596;llif nannanna? M na tun'e kpii f&#651; zug.&#8221;</div><div class="p"> 38 # 
 Mat 26:34; Mak 14:30; Luk 22:34 Ka Yesu l&#603;bis o ye, &#8220;F&#651; na kpi man zug&#596;&#596;? Am&#603;&#331;a ka m y&#603;tif ye, f&#651; na ki'is man n&#596;&#596;r atan' ka n&#596;raug nyaan kaas.&#8221;</div>
 </div>
 </div>
</div>

Ka Kum Maliak Gaadʋg malʋŋ dabisir la da li'el ka Yesu baŋ ye o saŋa paae ya ye o yi dunia kaŋa ni ka keŋ o Ba' san'an la, o da nɔŋ o mɛŋ nimbanɛ bɛ dunia ni la. O yʋ'ʋn da pa'ali ba nɔŋilim linɛ ka' makirɛ.
Yesu nɛ o nya'andɔlib daa ditnɛ ba yʋ'ʋŋ diib, ka Sʋntaana daa pʋn dɛŋi kpɛn' Judas, Simon Iskariot biig la sʋnfʋn, ye o zam Yesu. Yesu daa mi' ye o Ba' la zaŋ si'el mɛkama niŋ o nu'ugin la, ka mi' ye o yinɛ Wina'am san'an na, ka lɛbid Wina'am san'an. Ka o duoe diibin la yɛɛg o fuug, ka zaŋ pienni lɔɔ o siaa, ka kpa'ae ku'om niŋ si'iuŋʋn ka pin'ili piesid o nya'andɔlib la nɔba, ka duusidi ba nɛ pien kanɛ ka o lɔ o siaa la.
O daa pie paae Simon Pita. Ka Pita bu'os o ye, “M Zugsɔba, fʋ ye fʋ pie m nɔbaa?”
Ka Yesu lɛbis o ye, “Fʋn nan zi' man niŋid si'ela, amaa, nwa'a nya'aŋ fʋ na baŋi li.”
Ka Pita yɛl o ye, “Fʋ kʋdim kʋ pie m nɔbaa.”
Ka Yesu lɛbis o ye, “M ya'a pʋ pie fʋ nɔbaa, fʋ lɛn ka' m nya'andɔlla.”
Ka Simon Pita yɛl o ye, “M Zugsɔba, alazugɔ piemim nu'us nɛ m zug, ka ka' m nɔba gʋllimnɛɛ.”
Yesu yɛl o ye, “Onɛ pʋn sʋ sa, o nɔba pier gʋllim siakya, ka li maal o niŋgbiŋ wʋsa ka li an nyain. Ya anɛ nyain, amaa ka' ya wʋsaa.” Ka Yesu daa pʋn mi' onɛ ye o zam o la zug, ka o yɛl ye ka' ya wʋsa an nyainnɛ.
Ka on pie ba nɔba naae la, o lɛn yɛɛ o fuug, ka lɛbi zin'in, ka bu'osi ba ye, “Ya baŋ man niŋ si'el la gbinnɛɛ?” “Ya buon man ye, Pa'an nɛ Zugsɔb. Li anɛ amɛŋa. M anɛ ala. Man aan ya Zugsɔb nɛ ya Pa'an ka pie ya nɔba la, li sʋ'ʋm ye yanam mɛ pie ya taaba nɔba. M maal nwa' nɛ ye m pa'ali ya, ye yanam mɛ na maal wʋʋ mam maali ya si'em la. Amɛŋa ka m yɛti ya ye, tʋmtʋm kʋ gaad o zugdaana. Ka ban tʋm sɔ' la kʋ gaad onɛ tʋm o la. Yanam mɛ ya'a baŋ nwa', ka niŋ ala, albareka bɛɛ ya zugin.
“Li ka' ya wʋsa yɛla ka m yɛta. M mi' man gaŋ sieba la. Amaa asɛɛ Wina'am gbauŋ la sɔb si'em la niŋ amɛŋa ye, ‘Onɛ ka man nɛ on la'am dit la yii m nya'aŋi zi'e m yɛla.’
“M yɛti ya nɛ nannanna ka li nam pʋ maalɛ. Ka li ya'a ti maal, ya na niŋim yadda ye manɛ la. Amɛŋa ka m yɛti ya ye, onɛ di'e onɛ ka m tʋm la di'enɛ man. Ka onɛ di'ed man la di'ednɛ onɛ tʋm mam na la.”


Ka Yesu n pian' nɛ'ɛŋa la ka o sʋnf san'am ka o yɛl ye, “Asida ka m yɛti ya ye, ya yinne na zam man.”
Ka o nya'andɔlib la gɔsid taaba ka ya'amisid onɛ yɛla ka Yesu pian'ad la. Ka Yesu nya'andɔl yinne onɛ ka o nɔŋ hali la zin' kpi'e nɛ o. Ka Simon Pita ɛnbig nya'andɔl la ka yɛl o ye, “Bu'osim o onɛ yɛla ka o pian'ad la.”
Ka onɛ zin' kpi'e nɛ Yesu la, gbɛligi bu'os o ye, “Zugsɔba, li aan anɔ'ɔnɛ?”
Ka Yesu lɛbis ye, “Li anɛ onɛ ka m na zaŋ bodobodo nwaa suk laan tis o la na zam man.” Ka on suk diib la laan la ka zaŋi li tis Judas Iskariot. Ka Judas n di diib la naae la ka Sʋntaana kpɛn' o ni.
Ka Yesu yɛl o ye, “Fʋn gban'e ye fʋ niŋ si'el la, niŋimi li tɔ'ɔtɔ.” Ka banɛ wʋsa la'am dit nɛ o la pʋ baŋ linɛ yɛla ka o yɛl o alaa. Ka sieba tɛn'ɛs ye Judas n da mɔri ba ligidi kɔlʋg la yɛla ka Yesu yɛt o ye o da'am la'abanɛ ka ba bɔɔd malʋŋ diib dabisir la yɛla, bɛɛ o sʋŋim nɔŋdim la. Li daa anɛ yʋ'ʋŋ, ka Judas di'e diib la naae la, ka kpɛn yi.

Judas n daa yi la, ka Yesu yɛl ye, “Ninsaal Biig la yʋ'ʋr na nyɛ zʋn'or nannanna, ka on ni ka Wina'am yʋ'ʋr mɛ na nyɛ zʋn'or. Wina'am yʋ'ʋr ya'a nyɛ zʋn'or o Biig la zug, Wina'am mɛŋ na zun'e o Biig la yʋ'ʋr, ka li kʋ yuugɛ.
“M biisɛ, m na bɛ nɛ ya saŋa bi'ela nwa'. Ya na ti ieedim, amaa m yɛti ya nwɛnɛ man daa yɛl Jew dim si'em la ye, man ken zin'isi'a la ya kʋ tun'e kɛɛn ani naa.
“Nɔzi'elpaal nwa' ka m tisidi ya: Nɔŋimi taaba. Nwɛnɛ man nɔŋi ya si'em la, ala mɛn ka ya na nɔŋ taaba. Ya ya'a nɔŋ taaba, nidib wʋsa na baŋ ye ya anɛ m nya'andɔlib.”


Ka Simon Pita bu'os o ye, “M Zugsɔba, fʋ ken yaanɛ?”
Ka Yesu lɛbis o ye, “Man ken zin'isi'a la, fʋ kʋ nyaŋi dɔl man nannanna. Amaa fʋ na ti yuolim dɔl mam keŋ.”
Ka Pita bu'os o ye, “M Zugsɔba, bɔɔ niŋ ka m kʋ nyaŋi dɔllif nannanna? M na tun'e kpii fʋ zug.”
Ka Yesu lɛbis o ye, “Fʋ na kpi man zugɔɔ? Amɛŋa ka m yɛtif ye, fʋ na ki'is man nɔɔr atan' ka nɔraug nyaan kaas.”

收聽 Joon 13