Chorote, Iyojwa’ja: Nuevo Testamento Chorote Iyojwa'ja 1997

Texto Nuevo Testamento: Chorote, Iyojwa’ja © Sociedad Bíblicas Unidas 1997 www.sba.org.ar/web/ Grabación de Chorote, Iyojwa’ja ℗ 2021 Hosanna

Sinia' Jlamtis 1997

<div class="version vid371 iso6393crt" data-vid="371" data-iso6393="crt">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Ti Nicodemo ijioyi pa Jes&#250;s ti ajnaj</div><div class="p"> 1Pope ja i'nio' Fariseo jle' iyo'ate Nicodemo, jika anechiyas jlam japo Jud&#237;ojos. 2Jakajimpe ti ijioyi ja Jes&#250;s ti ajnaj. Sekyi'i iyone'ne 'ate:</div><div class="p">&#8212;Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.</div><div class="p"> 3Jes&#250;s iyo'ate ti isiujlie:</div><div class="p">&#8212;Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.</div><div class="p"> 4Nicodemo ti ipi'yaye ja Jes&#250;s ti kia'iyo iyo'ne 'ate:</div><div class="p">&#8212;&#191;'Est'iyiji ka inekiajle'e ka k'iejli inejyi'n ni i'nio' ti kiji'il? &#191;Jot'e ka 'najane paka iniwone ka inapi jitiowaja'm jana jlet, ka nekiajlayi'iji ka k'iejli inejyi'n?</div><div class="p"> 5Jes&#250;s iyo'ate ti isiujlie:</div><div class="p">&#8212;Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet. 6Siunie tajle pet ni i'nio' ti yiyetaja'n, &#191;tepa jawo ka kiak je iwo pet? 'Yina jlam pet siunie k'iejli yiji'n ti tajle pet jana Sinia' jikimet ti 'es, &#191;tepa jawo pet ka kiak je iwo? 7K&#225; ajwelna'a ka inkelit siunie ti jayo'ate, &#8220;Jikajlayi ka ekiajlayi'iji ka k'iejli awayets'iji'n.&#8221;#1 P 1.3,23 8Siunie jlajwu ti yejwutataje tajli pi tajli, 'wanjliyi tipe'yakietak'i'ni lapawo ti je ti'niejenaja siupi tajliyi siu'neje pi ijiojwi. 'Yina kiak iyo'ni siunapo ti k'iejli yik'iji'n ti tajle pet jana Sinia' jikimet.</div><div class="p"> 9Nicodemo yikiajlayi'iji ti i'yase'n ti iyo'ate:</div><div class="p">&#8212;&#191;Tepi t'i iyo ti kia'iyo?</div><div class="p"> 10Iyo'ne 'ate ja Jes&#250;s ti isiujlie:</div><div class="p">&#8212;&#191;Tepi t'i iyo ti jijwe'el je 'najane paka wone niwaka, ti a'am Israel jika kia'lis jika 'neyasajnawo'wa'm? 11Ijiate, ijiatk'i siunie ti kasts'ajane ajwela, siunie a'wena ajwela. 'Yina kaskakiu ti ajwelata'ase'm. 12Jijwel ka sakakiuye'ejyi ti atiejeje siuniwa ti 'yakaj yi' ajnat'e. &#191;Tepa jawo ka ak'iuyek'i'm siuti atiejeje siuniwa yi' poliyi?</div><div class="p"> 13&#8220;Lajk'ipa ka i'nioye ajnat'e ka ijnojwa'm ni poli, ijwienjli jla'am siunie tajla'm ta'a ti 'nelanjie'e nama ajnat'e, naka I'nio' Jlas. 14Iyoye'ate pi Mois&#233;s t'ipi ti yin pijia'm pi injla yi'i pi ajnat laj i'nioye'e,#N&#250;m 21.9 kiak janwo'ni pet ni I'nio' Jlas siunie ja tiwonaja ti ja tena pijia'm. 15Jant'eminayijna'ape siunie i'nio' ti ja ke inkakiu intajana'a siojona in'wasankiye ti laj jlaja.&#8221;</div><div class="s">Sinia' wuj ti jlemijnaye yi'ne napo i'nio' yi' ape'e 'ni ajnat</div><div class="p"> 16Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja. 17Sinia' je ijliuye pa Jlas ka insa'a napo i'nio' yi' ape'e 'ni ajnat ti ijliuye t'ipi, 'wenajliyi ti ijliuye ka injwajiete'n.</div><div class="p"> 18I'nio' ni je 'yakakiu ni Sinia' Jlas, je tisiejek'i. Jlam pet ni i'nio' ti kakiujnieta 'yakaj ta'a ti ja tisiejek'i, jitis pet ti 'yakakiu ni Sinia' Jlas ti ijwienjli. 19Wikie'eyi siunapo kakiujnietas 'yakaj ta'a ti ja tisiejek'i'yi, 'yaka iyo siuniwa je isis. Je yiminis siojona kates ti nama ajnat'e, 'wenajliyi ni ajnatiok ti 'namajasi. 20Wikie'eyi siunapo iyo ni je 'es ne'wajasia'm jana kates. Je isienisiji jana kates, ti iyo ka je 'nakaja ape'e siunie je 'es ti iyoyisi. 21Jlam pet siunie iyo ni ijiatk'i, nak lajk'ipa ka woyi ka je injweyi jana kates ti ijioyi, 'yina 'yakaja pet siunie iyo ti its'iuye ni Sinia', ni iyone.</div><div class="s">Juan inajiejnawo ijiunit pa Jes&#250;s</div><div class="p"> 22Jlampa yama'niji siukia iyo, Jes&#250;s jla'yis japo t'eyasajnas ti ijioyis 'niji yi'i jlaja ajnat Judea. 'Wanjlejen'ne pa nojt'ijia'm kiwa jlomas, ti iniejiejne'n japo i'nio'. 23Siujlieja ajnat jle' iyo'ate En&#243;n je tojwape'n jlaja Salim, sek yiye'epe pet ja Juan ti iniejiejne'n japo i'nio' ti ijioyi'ni, kajeyepa ti je k'istie' jlam ki i'niat ti yiniji japo. 24Jakiak siojokia jloma ti je t'otiejli'ijyi a'laja'm ja Juan.#Lc 3.19-20</div><div class="p"> 25Siojopo Juan t'eyasajnas iniewitayisijpe siojo Jud&#237;o ape'e siunie iniwonisi ti inileje'n iyo niwa jikeyis ti jlomas ti iyo ka inilesanisiji. 26Yam'ni 'ne ti takajwejlanisi ja jika anechiyasis, iyonisi'ne 'ate ti yiyeyisi:</div><div class="p">&#8212;Ika'neyasajnawo, siojo i'nio' yi'ne ajap ts'e yi'i ja Jord&#225;n 'niji isia'm, siojo jijwel'ni'ne. 'Nak p'an yiye'e wikie'eyi napo i'nio' ti ijioyi ti iniejiejne'n.</div><div class="p"> 27Tamti'ne ja Juan ti iyo'ate:</div><div class="p">&#8212;Lajk'ipa ka neyi ni i'nio' siuti Sinia' ka je jla'm ka inwejna'm pi k'iejliyi. 28Asam'ne ti sipe'yaye ti awo'ate, &#8220;Je ya'am siunie Injwajieti Sinia' jijliujwanik,#Jn 1.20 'wenajliyi pet siunie isijmaye ti tiwenak'i'm ka niank'iye.&#8221; 29'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi. 30Jlajma injlasa'nina'a pijia'm ni janwo ti ja tiwunitie, jlam pet ti ya'am jajliasa'nina'a pet isia'm.</div><div class="s">Siunie tal 'niji pijia'm</div><div class="p"> 31Siunie tal 'niji pijia'm t'a'n ape'e wikie'eyi napo i'nio'. Jlam pet siunie tal 'ne ajnat'e ijwi'il siuniwa wask'i'nelaja yi' ajnat'e, kajeyepa ti ajnat jlele. Jlam pet siunie tal poliyi nak siunie ti t'a'n ape'e wikie'eyi napo i'nio'. 32Ijwi'il siuniwa i'wi'in, siu'neje niwa ipi'ya, 'yina ka kiak iwo ka jwanjliyi paka ink'iuye siunie ijwilta. 33Siunie i'nio' je 'yakakiu, nak 'yakajanit siuniwa Sinia' jlamtis ti ijiatk'i siunie iyoyi. 34Siunie ti Sinia' ijliu', yamtik'iji'n siunie iyo niwa Sinia' jlamtis, kajeyepa ti Sinia' ipijlatijnia'm siojona jikimet. 35Sinia' yimi'n ni Jlas, yikiajli'ne ni jijweye ka inkie ape'e wikie'eyi niwa wask'i'nelaja.#Mt 11.27 36Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.</div>
 </div>
 </div>
</div>

Pope ja i'nio' Fariseo jle' iyo'ate Nicodemo, jika anechiyas jlam japo Judíojos. Jakajimpe ti ijioyi ja Jesús ti ajnaj. Sekyi'i iyone'ne 'ate:
—Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.
Jesús iyo'ate ti isiujlie:
—Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.
Nicodemo ti ipi'yaye ja Jesús ti kia'iyo iyo'ne 'ate:
—¿'Est'iyiji ka inekiajle'e ka k'iejli inejyi'n ni i'nio' ti kiji'il? ¿Jot'e ka 'najane paka iniwone ka inapi jitiowaja'm jana jlet, ka nekiajlayi'iji ka k'iejli inejyi'n?
Jesús iyo'ate ti isiujlie:
—Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet. Siunie tajle pet ni i'nio' ti yiyetaja'n, ¿tepa jawo ka kiak je iwo pet? 'Yina jlam pet siunie k'iejli yiji'n ti tajle pet jana Sinia' jikimet ti 'es, ¿tepa jawo pet ka kiak je iwo? Ká ajwelna'a ka inkelit siunie ti jayo'ate, “Jikajlayi ka ekiajlayi'iji ka k'iejli awayets'iji'n.” Siunie jlajwu ti yejwutataje tajli pi tajli, 'wanjliyi tipe'yakietak'i'ni lapawo ti je ti'niejenaja siupi tajliyi siu'neje pi ijiojwi. 'Yina kiak iyo'ni siunapo ti k'iejli yik'iji'n ti tajle pet jana Sinia' jikimet.
Nicodemo yikiajlayi'iji ti i'yase'n ti iyo'ate:
—¿Tepi t'i iyo ti kia'iyo?
Iyo'ne 'ate ja Jesús ti isiujlie:
—¿Tepi t'i iyo ti jijwe'el je 'najane paka wone niwaka, ti a'am Israel jika kia'lis jika 'neyasajnawo'wa'm? Ijiate, ijiatk'i siunie ti kasts'ajane ajwela, siunie a'wena ajwela. 'Yina kaskakiu ti ajwelata'ase'm. Jijwel ka sakakiuye'ejyi ti atiejeje siuniwa ti 'yakaj yi' ajnat'e. ¿Tepa jawo ka ak'iuyek'i'm siuti atiejeje siuniwa yi' poliyi?
“Lajk'ipa ka i'nioye ajnat'e ka ijnojwa'm ni poli, ijwienjli jla'am siunie tajla'm ta'a ti 'nelanjie'e nama ajnat'e, naka I'nio' Jlas. Iyoye'ate pi Moisés t'ipi ti yin pijia'm pi injla yi'i pi ajnat laj i'nioye'e, kiak janwo'ni pet ni I'nio' Jlas siunie ja tiwonaja ti ja tena pijia'm. Jant'eminayijna'ape siunie i'nio' ti ja ke inkakiu intajana'a siojona in'wasankiye ti laj jlaja.”

Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja. Sinia' je ijliuye pa Jlas ka insa'a napo i'nio' yi' ape'e 'ni ajnat ti ijliuye t'ipi, 'wenajliyi ti ijliuye ka injwajiete'n.
I'nio' ni je 'yakakiu ni Sinia' Jlas, je tisiejek'i. Jlam pet ni i'nio' ti kakiujnieta 'yakaj ta'a ti ja tisiejek'i, jitis pet ti 'yakakiu ni Sinia' Jlas ti ijwienjli. Wikie'eyi siunapo kakiujnietas 'yakaj ta'a ti ja tisiejek'i'yi, 'yaka iyo siuniwa je isis. Je yiminis siojona kates ti nama ajnat'e, 'wenajliyi ni ajnatiok ti 'namajasi. Wikie'eyi siunapo iyo ni je 'es ne'wajasia'm jana kates. Je isienisiji jana kates, ti iyo ka je 'nakaja ape'e siunie je 'es ti iyoyisi. Jlam pet siunie iyo ni ijiatk'i, nak lajk'ipa ka woyi ka je injweyi jana kates ti ijioyi, 'yina 'yakaja pet siunie iyo ti its'iuye ni Sinia', ni iyone.

Jlampa yama'niji siukia iyo, Jesús jla'yis japo t'eyasajnas ti ijioyis 'niji yi'i jlaja ajnat Judea. 'Wanjlejen'ne pa nojt'ijia'm kiwa jlomas, ti iniejiejne'n japo i'nio'. Siujlieja ajnat jle' iyo'ate Enón je tojwape'n jlaja Salim, sek yiye'epe pet ja Juan ti iniejiejne'n japo i'nio' ti ijioyi'ni, kajeyepa ti je k'istie' jlam ki i'niat ti yiniji japo. Jakiak siojokia jloma ti je t'otiejli'ijyi a'laja'm ja Juan.
Siojopo Juan t'eyasajnas iniewitayisijpe siojo Judío ape'e siunie iniwonisi ti inileje'n iyo niwa jikeyis ti jlomas ti iyo ka inilesanisiji. Yam'ni 'ne ti takajwejlanisi ja jika anechiyasis, iyonisi'ne 'ate ti yiyeyisi:
—Ika'neyasajnawo, siojo i'nio' yi'ne ajap ts'e yi'i ja Jordán 'niji isia'm, siojo jijwel'ni'ne. 'Nak p'an yiye'e wikie'eyi napo i'nio' ti ijioyi ti iniejiejne'n.
Tamti'ne ja Juan ti iyo'ate:
—Lajk'ipa ka neyi ni i'nio' siuti Sinia' ka je jla'm ka inwejna'm pi k'iejliyi. Asam'ne ti sipe'yaye ti awo'ate, “Je ya'am siunie Injwajieti Sinia' jijliujwanik, 'wenajliyi pet siunie isijmaye ti tiwenak'i'm ka niank'iye.” 'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi. Jlajma injlasa'nina'a pijia'm ni janwo ti ja tiwunitie, jlam pet ti ya'am jajliasa'nina'a pet isia'm.

Siunie tal 'niji pijia'm t'a'n ape'e wikie'eyi napo i'nio'. Jlam pet siunie tal 'ne ajnat'e ijwi'il siuniwa wask'i'nelaja yi' ajnat'e, kajeyepa ti ajnat jlele. Jlam pet siunie tal poliyi nak siunie ti t'a'n ape'e wikie'eyi napo i'nio'. Ijwi'il siuniwa i'wi'in, siu'neje niwa ipi'ya, 'yina ka kiak iwo ka jwanjliyi paka ink'iuye siunie ijwilta. Siunie i'nio' je 'yakakiu, nak 'yakajanit siuniwa Sinia' jlamtis ti ijiatk'i siunie iyoyi. Siunie ti Sinia' ijliu', yamtik'iji'n siunie iyo niwa Sinia' jlamtis, kajeyepa ti Sinia' ipijlatijnia'm siojona jikimet. Sinia' yimi'n ni Jlas, yikiajli'ne ni jijweye ka inkie ape'e wikie'eyi niwa wask'i'nelaja. Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

收聽 Juan 3