Bum - 2014 Edition (Non-Drama NT)

Bum - 2014 Edition (Drama NT)

<div class="version vid2175 iso6393bmv" data-vid="2175" data-iso6393="bmv">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Jiso&#768;s fo&#770;kti&#768; lum we Ni&#768;ko&#768;demu&#768;s mo&#768; hi bo&#768;n at&#616;&#770;n</div><div class="p"> 1Wu&#768;t wu&#768; tihena gh&#616;t a Ju&#770;s wu&#768;le&#768; ndu&#768;ku la&#770;wu&#770;, yet yi wuni mo&#770; Ni&#768;ko&#768;demu&#768;s, a mo&#770; wut a yi chi&#768;nte gh&#616;t a Fala&#768;si&#770;. 2Tuku jy&#601;&#770; tuk wule, wu&#768; yen yen Jiso&#768;s to&#331;ti wun jis na, &#8220;Chicha&#768; gha&#768;h kh&#601; k&#601; na&#770; na a&#768; tum Fu&#768;ye&#768;n ni&#768; wo&#768; na wo&#768; be&#770; hi yike gh&#616;ta. Wu&#768;t wij&#601; a wu&#768; mo&#768; hi te&#768; ne&#768; chwe&#768;nasu gha kanana sina a wo&#768; ne&#768; ni a bu k&#601; na Ye&#768;nfu&#768; mo&#768; ghe&#770; wu&#770;n.&#8221;</div><div class="p"> 3Jiso&#768;s jis ha wu&#770;n na, &#8220;Mu ji&#768;sa&#768; ha wo&#768; hamok na, wu&#768;t wi hi lye lu&#768;k wu f&#601;&#768;n wu&#768; Fu&#768;ye&#768;nu&#768; a bu k&#601; na gh&#616; kaha bw&#616; wu&#770;n ha fe&#770;.&#8221;</div><div class="p"> 4Ni&#768;ko&#768;demu&#768;s buf ha wun na, &#8220;Gh&#616; ni mo&#768; ya&#768;ni hi bw&#601; wu&#768;t a fe&#770; ma wu&#768; ti l&#601;ma ni? Ba mu kh&#601; na wu&#768;t l&#601;ma&#770; wi hi kaha lye a ne&#768; wu&#770;n wu la&#768; na gh&#616; bw&#616; wu&#770;n agha?&#8221;</div><div class="p"> 5Jiso&#768;s fi&#770;si&#768; na, &#8220;Mu ji&#768;sa&#768; ha wo&#768; k&#601; na&#770; hamok na, wu&#768;t wi hi lye a wu lu&#768;k wu f&#601;&#768;n wu&#768; Fu&#768;ye&#768;nu&#768;, a bu k&#601; na gh&#616; bw&#616; wun te gh&#616; bw&#601; gh&#616;ta, fi&#770; kaha bw&#616; wun a Yo&#768;hna&#768;. 6Wu&#768;t bw&#601; k&#601; a chyak a wu&#768;na biyani, Ye&#768;nfu&#768; fo a Yohna&#768;. 7K&#601; wo&#768; hi mo&#770; ni&#768; kani te mu ji&#768;sa ha wo&#768; na gh&#616; k&#601;ta hi kaha bw&#601; gha&#768;n a&#768; j&#616;&#768;m a fe&#770;. 8Wu&#768;t wi hi kh&#616;le lum we Ye&#768;nfu&#768; fo Yohna&#768; ha gh&#616;ta. Yi mo&#770; k&#601;bi yi gh&#601;l te fufa shihi chya&#768; wo hi ywo te gh&#616; kwo&#770;, kh&#601; wi na gh&#616; lo afa, ye&#770;na&#768; afa agha? K&#601; te yi mo&#770; ni&#768; bw&#616; Yo&#768;hna&#768;.&#8221; 9Ni&#768;ko&#768;demu&#768;s jis ha wun na, &#8220;Mu ta&#768; yu kh&#616;li gha mi yi&#770;n.&#8221;</div><div class="p"> 10Jiso&#768;s buf ha wun na, &#8220;A ni ji&#768;sa&#768; na&#770; wo&#768; mo&#770; na&#770; fo&#768;kti&#768; wu&#768; chi&#768;k yi lak yi Isali&#768; ni, ywo kh&#616;le wi gha gh&#616;&#770;n?&#8221; 11Mu ji&#768;sa&#768; ha wo&#768; k&#601; na&#770; hamok na gha&#768;h ji&#768;sa&#768; a gha&#770; kh&#601;, ma gha&#768;h ti ye&#770;n biyani gha&#768;n bime wi. 12Mu shi&#768;ki ji&#770;s ha gha&#768;n f&#601;&#770;kna&#768; ni&#768; gha a chy&#601;&#770; afa&#770;n, gha&#768;n bime wi ma mu ne&#770; jis gha ny&#601; ha gha&#768;n ma gha&#768;n bimi ya&#768;ni? 13Na&#770; wu&#768;t wu&#768; mo&#768;k ta&#768; timi lyi j&#601;&#770; a ny&#601;&#770; hi te&#768; kh&#601; gha ghe gh&#616; mo&#770; afu&#770;, a bu k&#601; mu Wa&#770; Wu&#768;t te mu lo a ny&#601;&#770; ben a chy&#601;&#770;.</div><div class="p"> 14Gh&#616; k&#601;ta hi gha&#331;he Wa&#770; Wu&#768;t a to&#770; fu&#768;ka&#768;k, k&#601;bi yi gh&#601;l te Musi&#768;s ti&#768; gha&#331;he funa&#768; ywo&#770; ghe gh&#616; fate ni&#768; chani a yi lak yi su&#768;si, 15shy&#601;ma na&#770;bi nde we wu&#768; bime ha wu&#770;n ma wu&#768; kh&#616;ti chy&#601;na&#768; ye yi&#768; be&#768; me&#770; wi, 16beka Ye&#768;nfu&#768; ti&#770; ko&#331; gh&#616;ta mbye na&#770; ha&#331;a&#331; tum Wa&#770; wu&#770;n wu&#768; mo&#768;k we wu&#768; ndu&#768;ku k&#601;ta na a&#768; bimi na&#770;bi nde ha wu&#770;n, ma wu&#768; ne&#770; te&#768; kpu&#770; biyani ma wu&#768; be&#770; hi k&#601;ta chy&#601;na ghe gh&#616; be&#768; me&#770; wi. 17Ye&#768;nfu&#768; ta&#768; ti&#768; tum j&#601; Wa&#770; wu&#770;n a mbyi&#770; na wu&#768; be&#770; bobhi gh&#616;ta kum besu gh&#616;na su. Wu&#768; ti&#768; tum na wu&#768; be&#770; bonhi gh&#616;ta. 18&#8220;A&#768; bimi na&#770;bi nde ha Wa&#770; Fu&#768;ye&#768;n, ma Ye&#768;nfu&#768; ne&#770; te&#770; bobhe j&#601;&#768; wu&#770;n, a&#768; fa&#331; na&#770;bi nde hi bimi&#770; ma a&#768; hi mo&#770; na Ye&#768;nfu&#768; ti bobhi wu&#770;n beka wu&#768; ti tunhi na yi bime wij&#601; a yi yet yi wan wu&#768; mo&#768;k we Ye&#768;nfu&#768; k&#601;ta. 19Ye&#768;nfu&#768; be&#768; saka a&#768; gh&#616;&#770;t kum na bani che ben a mbyi&#770; gh&#616;ta hi&#768; ko&#770;&#331;a&#768; wi, biyani ko&#770;&#331;a&#768; k&#601; a b&#616;n a finana beka gh&#616;na ne&#768; be. 20Na&#770; k&#601;bi nde we wu&#768; ne&#768; gha be ko&#768;&#331;a&#768; wi bani, ko&#770;&#331;a&#768; wi hi fwo at&#616;&#770;n na k&#601; gha wuna gh&#616; be ban a ndan. 21Na&#770; k&#601;bi nde we wu&#768; chy&#601; chy&#601;na chilichili fwo be&#768; lo&#768; yi ba&#770;n shy&#601;ma gh&#616;ta hi yena hamok na wu&#768; ne&#768; a gha wu lum afa Ye&#768;nfu&#768; kh&#616;&#331;a.&#8221;</div><div class="s">Jon jis kum Jiso&#768;s</div><div class="p"> 22Te Jiso&#768;s ji&#768;sa mihe ghe&#770; ju&#768;mti&#768;ba&#768;msu wunsu, lo&#770; lyi yen at&#616;&#770;n a&#768; yi lak yi Ju&#768;diya&#768; chy&#601;ti kwok ghe&#770; gh&#616;na, fo mo&#768;lu&#770; ha gh&#616;ta. 23A&#768; mo&#770; ya&#770; Jon fo k&#601;bi mo&#768;lu&#770; yi te&#768;k yi Eno&#768;n a da&#770;fa&#768; wi hi ye&#768; ta&#768;n a Sale&#768;m beka mo&#768;lu&#770; ndu&#768;ku do&#770; afu&#770;, gh&#616;ta mote&#768; k&#601; ni be&#770; yena wu&#770;n wu&#768; fo mo&#768;lu&#770; ha gh&#616;na. 24A&#768; ndu&#768;ku mo&#770; ya&#770; teka gh&#616; lem Jon a chya&#770;k.</div><div class="p"> 25Tuku yu&#770; tuk wule ju&#768;mti&#768;ba&#768;msu&#768; Jon su yi&#770;mi&#768; a gu&#768;fna ale ghe&#770; wu&#768;t a&#768; Ju&#770;s wu&#768;le&#768;, kum lum we gh&#616;t a Ju&#770;s so&#768; wunu at&#616;&#770;n a gh&#616;na chy&#601;na laka hi te&#768; mo&#768; na gh&#616;na yule kpenalo&#768; a Ye&#768;nfu&#768; ashy&#601;&#770;. 26Ju&#768;mti&#768;su&#768; Jon mi se&#770; yen yen wu&#770;n, jis ha wu&#770;n na, &#8220;Chicha&#768;, wo&#768; ti yen wu&#768;t we gha&#768;n a&#768; wu&#770;n chehi&#768; mo&#770; yi jin yi Joda&#768;n ya&#770; a we wo&#768; ti&#768; ji&#768;sa na a&#768; mo&#768; wu&#770;n we gh&#616; chwoka lema ya&#770; agha? Wu&#768; hi&#768; fo mo&#768;lu&#770; ha gh&#616;ta chi&#770;n gh&#616; ye&#770;na&#768; k&#601; wun a&#768; j&#616;&#768;m.&#8221;</div><div class="p"> 27Jon jis ha gh&#616;na na, &#8220;Na&#770;bi nde ne&#768; k&#601; gha ye Ye&#768;nfu&#768; fo jyaka na wu&#768; hi ne&#770;.&#8221; 28Na&#770; gha&#768;n kh&#601;lo&#768; hamok te mu ti&#768; ji&#768;sa na a&#768; wij&#601; mu we gh&#616; chwoka lema. Ye&#768;nfu&#768; tum mu ashy&#601;&#770; na mu be&#770; fati lum wu wunu. 29A&#768; ywe&#770; l&#616;m ye&#768; k&#601;ta k&#601; l&#616;m a&#768; wu&#768;t ywe&#770;n. So&#770; l&#616;m a&#768; wu&#768;t ywe&#770;n we wu&#768; ye&#768; ga&#770;mte&#768; wu&#770;n ye&#768; gbe&#770; k&#601; wun a tum. Sa&#331;le na&#770; ha&#331;a&#331; a yu afa wu&#768; ywo te l&#616;m a&#768; wu&#768;t ywe&#770;n ji&#768;sa&#768;. A&#768; mo&#768; k&#601;bi wu lum we a mu sa&#331;le at&#616;&#770;n ni. Sa&#331;li mi mo&#768; chi&#770;n, ma yi ti lun kpe&#770;n. 30Wu&#768;t mu wuna&#770; k&#601;ta hi te&#768; nga&#331;te ye&#768;n k&#601; ashy&#601;&#770; mu chwote ye&#770;na&#768; k&#601; a chy&#601;&#770;.</div><div class="s">We wu&#768; lo bena a ny&#601;&#770; chya&#768;lo&#768; gh&#616;t a&#768; j&#616;&#768;m</div><div class="p"> 31We wu&#768; lo bena a ny&#601;&#770; kokne chya&#770;lo&#768; na&#770;bi nde, we wu&#768; mo&#768; k&#601; wu&#768;t a&#768; chy&#601;&#770;, ji&#770;sa&#768; kum k&#601; a gha chy&#601;. We wu&#768; lo bena a ny&#601;&#770; nga&#331;te chya&#770;lo&#768; na&#770;bi nde, 32fo&#770;kte&#768; k&#601; ye wu&#768; yena fi&#770; yu lo&#768; biyani gh&#616;ta ywo bime wi. 33A&#768; ki bime na&#770;bi nde gha ye wu&#768; ji&#768;sa&#768;, ma a&#768; hi mo&#770; na wu&#768; ti chwu&#770;ti&#768; na Ye&#768;nfu&#768; ji&#770;sa&#768; k&#601; na&#770; hamok. 34Wu&#768;t mu wuna Ye&#768;nfu&#768; tuma ni fo&#768;kte&#768; k&#601; gha Fu&#768;ye&#768;ni&#768; beka fu ti fo Yohna&#768; wuna ha wu&#770;n fo mihi&#768; k&#601; yi mihi&#768;. 35Bi&#768; ko&#770;&#331;a&#768;lo&#768; Wa&#770; wu&#770;n ma wu&#768; ti fo jyaka ha wu&#770;n na wu&#768; hi saka k&#601; mw&#601;&#768; mu&#768; j&#616;&#768;m a mbyi&#770;. 36&#8220;A&#768; bimi na&#770;bi nde ha Wa&#770; Fu&#768;ye&#768;n, ma wu&#768; kh&#616;ti chy&#601;na&#768; ye yi&#768; be&#768; me&#770; wi, ma a&#768; fa&#331; na&#770;bi nde hi bimi&#770; ha Wa&#770; Fu&#768;ye&#768;n, ma wu&#768; be&#770; kpu beka lo&#768;n a&#768; Fu&#768;ye&#768;n ti fa&#331; a wun a tu&#770;.&#8221;</div>
 </div>
 </div>
</div>

Wùt wù tihena ghɨt a Jûs wùlè ndùku lâwû, yet yi wuni mô Nìkòdemùs, a mô wut a yi chìnte ghɨt a Falàsî. Tuku jyə̂ tuk wule, wù yen yen Jisòs toŋti wun jis na, “Chichà ghàh khə kə nâ na à tum Fùyèn nì wò na wò bê hi yike ghɨta. Wùt wijə a wù mò hi tè nè chwènasu gha kanana sina a wò nè ni a bu kə na Yènfù mò ghê wûn.”
Jisòs jis ha wûn na, “Mu jìsà ha wò hamok na, wùt wi hi lye lùk wu fə̀n wù Fùyènù a bu kə na ghɨ kaha bwɨ wûn ha fê.”
Nìkòdemùs buf ha wun na, “Ghɨ ni mò yàni hi bwə wùt a fê ma wù ti ləma ni? Ba mu khə na wùt ləmâ wi hi kaha lye a nè wûn wu là na ghɨ bwɨ wûn agha?”
Jisòs fîsì na, “Mu jìsà ha wò kə nâ hamok na, wùt wi hi lye a wu lùk wu fə̀n wù Fùyènù, a bu kə na ghɨ bwɨ wun te ghɨ bwə ghɨta, fî kaha bwɨ wun a Yòhnà. Wùt bwə kə a chyak a wùna biyani, Yènfù fo a Yohnà. Kə wò hi mô nì kani te mu jìsa ha wò na ghɨ kəta hi kaha bwə ghàn à jɨ̀m a fê. Wùt wi hi khɨle lum we Yènfù fo Yohnà ha ghɨta. Yi mô kəbi yi ghəl te fufa shihi chyà wo hi ywo te ghɨ kwô, khə wi na ghɨ lo afa, yênà afa agha? Kə te yi mô nì bwɨ Yòhnà.” Nìkòdemùs jis ha wun na, “Mu tà yu khɨli gha mi yîn.”
Jisòs buf ha wun na, “A ni jìsà nâ wò mô nâ fòktì wù chìk yi lak yi Isalì ni, ywo khɨle wi gha ghɨ̂n?” Mu jìsà ha wò kə nâ hamok na ghàh jìsà a ghâ khə, ma ghàh ti yên biyani ghàn bime wi. Mu shìki jîs ha ghàn fə̂knà nì gha a chyə̂ afân, ghàn bime wi ma mu nê jis gha nyə ha ghàn ma ghàn bimi yàni? Nâ wùt wù mòk tà timi lyi jə̂ a nyə̂ hi tè khə gha ghe ghɨ mô afû, a bu kə mu Wâ Wùt te mu lo a nyə̂ ben a chyə̂.
Ghɨ kəta hi ghaŋhe Wâ Wùt a tô fùkàk, kəbi yi ghəl te Musìs tì ghaŋhe funà ywô ghe ghɨ fate nì chani a yi lak yi sùsi, shyəma nâbi nde we wù bime ha wûn ma wù khɨti chyənà ye yì bè mê wi, beka Yènfù tî koŋ ghɨta mbye nâ haŋaŋ tum Wâ wûn wù mòk we wù ndùku kəta na à bimi nâbi nde ha wûn, ma wù nê tè kpû biyani ma wù bê hi kəta chyəna ghe ghɨ bè mê wi. Yènfù tà tì tum jə Wâ wûn a mbyî na wù bê bobhi ghɨta kum besu ghɨna su. Wù tì tum na wù bê bonhi ghɨta. “À bimi nâbi nde ha Wâ Fùyèn, ma Yènfù nê tê bobhe jə̀ wûn, à faŋ nâbi nde hi bimî ma à hi mô na Yènfù ti bobhi wûn beka wù ti tunhi na yi bime wijə a yi yet yi wan wù mòk we Yènfù kəta. Yènfù bè saka à ghɨ̂t kum na bani che ben a mbyî ghɨta hì kôŋà wi, biyani kôŋà kə a bɨn a finana beka ghɨna nè be. Nâ kəbi nde we wù nè gha be kòŋà wi bani, kôŋà wi hi fwo atɨ̂n na kə gha wuna ghɨ be ban a ndan. Nâ kəbi nde we wù chyə chyəna chilichili fwo bè lò yi bân shyəma ghɨta hi yena hamok na wù nè a gha wu lum afa Yènfù khɨŋa.”

Te Jisòs jìsa mihe ghê jùmtìbàmsu wunsu, lô lyi yen atɨ̂n à yi lak yi Jùdiyà chyəti kwok ghê ghɨna, fo mòlû ha ghɨta. À mô yâ Jon fo kəbi mòlû yi tèk yi Enòn a dâfà wi hi yè tàn a Salèm beka mòlû ndùku dô afû, ghɨta motè kə ni bê yena wûn wù fo mòlû ha ghɨna. À ndùku mô yâ teka ghɨ lem Jon a chyâk.
Tuku yû tuk wule jùmtìbàmsù Jon su yîmì a gùfna ale ghê wùt à Jûs wùlè, kum lum we ghɨt a Jûs sò wunu atɨ̂n a ghɨna chyəna laka hi tè mò na ghɨna yule kpenalò a Yènfù ashyə̂. Jùmtìsù Jon mi sê yen yen wûn, jis ha wûn na, “Chichà, wò ti yen wùt we ghàn à wûn chehì mô yi jin yi Jodàn yâ a we wò tì jìsa na à mò wûn we ghɨ chwoka lema yâ agha? Wù hì fo mòlû ha ghɨta chîn ghɨ yênà kə wun à jɨ̀m.”
Jon jis ha ghɨna na, “Nâbi nde nè kə gha ye Yènfù fo jyaka na wù hi nê.” Nâ ghàn khəlò hamok te mu tì jìsa na à wijə mu we ghɨ chwoka lema. Yènfù tum mu ashyə̂ na mu bê fati lum wu wunu. À ywê lɨm yè kəta kə lɨm à wùt ywên. Sô lɨm à wùt ywên we wù yè gâmtè wûn yè gbê kə wun a tum. Saŋle nâ haŋaŋ a yu afa wù ywo te lɨm à wùt ywên jìsà. À mò kəbi wu lum we a mu saŋle atɨ̂n ni. Saŋli mi mò chîn, ma yi ti lun kpên. Wùt mu wunâ kəta hi tè ngaŋte yèn kə ashyə̂ mu chwote yênà kə a chyə̂.

We wù lo bena a nyə̂ kokne chyâlò nâbi nde, we wù mò kə wùt à chyə̂, jîsà kum kə a gha chyə. We wù lo bena a nyə̂ ngaŋte chyâlò nâbi nde, fôktè kə ye wù yena fî yu lò biyani ghɨta ywo bime wi. À ki bime nâbi nde gha ye wù jìsà, ma à hi mô na wù ti chwûtì na Yènfù jîsà kə nâ hamok. Wùt mu wuna Yènfù tuma ni fòktè kə gha Fùyènì beka fu ti fo Yohnà wuna ha wûn fo mihì kə yi mihì. Bì kôŋàlò Wâ wûn ma wù ti fo jyaka ha wûn na wù hi saka kə mwə̀ mù jɨ̀m a mbyî. “À bimi nâbi nde ha Wâ Fùyèn, ma wù khɨti chyənà ye yì bè mê wi, ma à faŋ nâbi nde hi bimî ha Wâ Fùyèn, ma wù bê kpu beka lòn à Fùyèn ti faŋ a wun a tû.”

收聽 Jon 3