Kutep - 1995 Edition (Drama NT)

<div class="version vid2071 iso6393kub" data-vid="2071" data-iso6393="kub">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Fengo ti Ande u Jwam Rimam</div><div class="p"> 1Tiri Yesu sunn ira iki ti wu kwen na atugbug-wu baa, aba na tsikunn Rimam ti jwam, ama yer-ba anying utob be. 2Awu ri baa, &#8220;Unde ti ku pwen rikwen iki ta uten uwog iki u ku kyen-wu ikyenricwu Rimam be, u ku kyen-wu unde iki be ama. 3Uwa icwu iki ama ta uwae uten atang. Unda wune tsikunn ti ku ru ba kob uwog unde wune u ku jwam kob wu baa, &#8216;Pwen na m rikwen yine be unde ti rikwen-m ku ci m ci.&#8217; 4Fengo rwen pu yi ti unda wune ku kyang uwog unde ti ku pwen rikwen wu, amaa awu pyir-wu ti wu pwen rikwen yi. Ama ricwunnkyi-yi awu kab ira uwae utob-wu baa, &#8216;Ame ku kyen-m ikyenricwu Rimam be, u ku kyen-m unde be, 5amaa uwa icwu wune tsikunn-wu ti ku ba uwog-m. Ama ikyaen meme rikaen ti awu ku nda m ne, ame u naa kutong yi ira-wu ayi u pwen na wu rikwen-wu ti kubenti, be, ame u kunn cwu uwae na ikyin ti kyang ti awu ku kyang ba uwog-m.&#8217; Ricwunnkyi-yi, ko ti awu si unde titibi, awu nde iken ti pang atang.&#8221; 6Tiri Itsekuru ri baa, &#8220;Ni kwen iken uwae ira ti unde ti tikong wune ri. 7Rimam ama re? Awu u fxen-wu ira ti jwub na anyisu-wu be a? Aba anyisu-wu ti ayib ricwu-wu, ti ku jwub ira uwog-wu usirtaen ti utitang, awu u nde-wu iken ti pang atang uwog-ba be a? 8Kubenti, awu u ndeya kang ba ti ritsen ti ritsen. Amaa kiye ti Umbae Unde a kafe ba utense, awu u tu se ande ti ru kubenti uwog-wu njwaa?&#8221;</div><div class="s">Ira ti Sunn Risu Farisi ti Unde ti ku Mbe Aser Ukwe</div><div class="p"> 9Yesu sunn kyi ira iki te ande ti ku sae ijwe-ba baa, aba na si ande ti tinyang u ku sae ru ande ti tsitsi. 10Awu ri te ba baa, &#8220;Usir iki ande ifaen ru ka kusog Rimam ti a ka jwam Rimam. Kinjo si unde ti kumbub Farisi, ti ifaen ama si kinjo uwae ande ti ku mbe aser ukwe, ti ande ku cwe-ba ira-ba be. 11Unde ti Farisi wu fa sunwunn u jwam Rimam uwae utob-wu baa, &#8216;Ame ku nde fu fxaefa Rimam, ti ame si-m unde ti ku ci iken ande ti tikong be, ame si-m unde ti ku yer rifen be, ame si-m unde ti ku nae amae pangma ti ande ti tsitsi meme ku nde be. 12Uwae kutsab kinjo, ame ku cwe unju atsepu ifaen. Ame ku sa kinjo ruye uwae iken rijwe yi rifunn ti ku sang kujwo-m na fu Rimam.&#8217; 13Ama unde wu ti ku mbe aser ukwe tsi ti fengo ti rwen. Awu pu ayib tso-wu ritsen be, u kum kikog-wu amam, u ri baa, &#8216;Rimam, nung m te ayibrisi, ame si unde titibi.&#8217; &#8221;</div><div class="p"> 14Yesu ri te ba baa, &#8220;Ame ku ri te ni, kiye ti ande bane nwunn ru yi kununn-ba, i si unde ti ku mbe aser ukwe ti Rimam cwe ira-wu, si-yi unde ti kumbub Farisi wu be. Ikyaen ti, unde titini ti ku sha ti wu tso risu-wu baa, awu na ko pu wu unde, a u shir wu si yi riben. Unde titini ti a nae risu riben, a u nda wu kuko.&#8221;</div><div class="s">Yesu Ri Unju Tinyang te Anyisu</div><div class="r">(Matiyu 19:13-15; Markus 10:13-16)</div><div class="p"> 15Ande iki pu anyisu-ba ru ba uwog Yesu ti wu na pu ajwo cwu tsa ba risu. Ama ande ti putsa-wu fwan ba kibyag, u byangkyi ba. 16Amaa Yesu kunn anyisu ba ira ru ba, u ri te atugbug-wu baa, &#8220;Ni ya ta ti anyisu aba &#257; ru ba uwog-m. Ni byang kyi-ni aba be, ikyaen ti, Kujwo Rimam si ikyaen ande ti pangma anyisu bane. 17Kubenti ti ame ku ri te ni, unde titini ti awu a cwe-wu ti Rimam na nae ukwe risu-wu pangma ti umbae kitinying ku cwe be, awu u sang tu-wu kuru Rimam be.&#8221;</div><div class="s">Unde ti Rifunn</div><div class="r">(Matiyu 19:16-30; Markus 10:17-31)</div><div class="p"> 18Unde ti uwe iki ru ba rang Yesu baa, &#8220;Unde tiyang ti tinyang, imi ti ame u nde itawe ame u tu unyang ti tsi kukunn?&#8221; 19Yesu rang wu baa, &#8220;Imi ti nde afu kunn m baa, unde ti tinyang? Unde iki ta-wu ti si ti tinyang be, se Rimam amam. 20Afu nung pu fu Icwe Rimam re. Nae-fu amae be, wen-fu unde be, yib-fu riyib be, yer rifen nae tsa-fu unde be, nda itse-fu ti iya-fu kuko.&#8221; 21Unde wu ri baa, &#8220;Ame putsa tag icwe yine meme ti ti ame si umbae kitinying.&#8221; 22Ti Yesu fxen ira yine, awu ri te unde wu baa, &#8220;Amaa tsitsi iken kinjo rikaen ti afu u nde. Pu meme usu-fu jabci ti pu aser yi na ande ti rikaen. Afu a nde iken yine titawe afu u site rifunn uwog Rimam apupwen. Isim yine ru ba putsa m.&#8221; 23Ti unde wu fxen ira ti Yesu ri te wu ne, utob-wu ndembeb ikyaen ti, awu si unde ti site rifunn timambe. 24Ti Yesu nung utob unde wu ndembeb ahan, awu ri baa, &#8220;Ayi kpukpag titawe ande ti rifunn u ka sang Kujwokwe Rimam. 25I tom skeb ti kakum u sang ruye kiye uyi ti ti unde ti rifunn u sang Kujwokwe Rimam.&#8221; 26Ande ti fxen ira yi ti awu ri ne rang wu baa, &#8220;Ayi a si ahan, aye ti u tu itinwangru?&#8221; 27Yesu ri baa, &#8220;Meme iken ti ande nung baa, ayi na caeb, ayi caeb-yi caeb be uwog Rimam.&#8221;</div><div class="p"> 28Tiri Bitrus sa ri baa, &#8220;Nung! Ati teya anunn-ti ta u ru ba putsa fu.&#8221; 29Yesu ri te ba baa, &#8220;Een ara, amaa unde titini ti a ya kununn-wu ta u ya uwa-wu ko ameinja-wu ko ite-wu ti iya-wu ko anyisu-wu ta, asiti awu nde yi ikyaen Kujwokwe Rimam, 30awu u tu iken ti ko skeb iken yine. Awu u tu yi uwae kiye wune. Uwae kiye ti ru ku ba ama, awu u ba tu unyang ti tsi kukunn.&#8221;</div><div class="s">Yesu Ri Kyi Ira Risu Iticwu-wu</div><div class="r">(Matiyu 20:17-19; Markus 10:32-34)</div><div class="p"> 31Yesu ye pu ande-wu rijwe asu ifaen ru yi iyen u ka ri te ba baa, &#8220;Ni fxen ira-m! Ati ku tso yi Urushelima. Ama meme iken ti ande ti ku ya iskin ira Rimam bae risu Umbae Unde kute u ka nde atang. 32A u sa wu na ande ti si-ba Mbayawuda be. A u txir wu txir u txun wu asu u tub atsang si wu. 33A u byinn wu u ye wu wen, amaa usir ti fa ti ita awu u nwunn kuskab ti unyang.&#8221; 34Ande ti putsa Yesu fxen ira-wu ayine, amaa, aba nungye-ba ko ira kinjo uwae-yi be. A sa imbyi ira-wu ayi tam ba tam. Ikyaen yine a nung-ba risu ira ti awu ku ri be.</div><div class="s">Yesu Nwangru Unde ti Mbub Ayib</div><div class="r">(Matiyu 20:29-34; Markus 10:46-52)</div><div class="p"> 35Ti Yesu ru ba ku fer uten ti Jeriko, unde iki som iyen fengo u ku jwam iken. 36Ti unde wu fxen ande ru ba wur ku ru, awu rang ira baa, imi ti na ku nde ne? 37A ri te wu baa, &#8220;Yesu unde ti Nazareti ti wur ku ru.&#8221; 38Awu sa afxenjwin tso ti ritsen u taen ira baa, &#8220;Yesu, Umbae Dawuda! Sae m ti ayibrisi!&#8221; 39Ande ti ta uwe fwan wu kibyag baa, awu na bwe tag. Amaa awu taen ira skeb kyi ti kucang baa, &#8220;Umbae Dawuda! Sae me ti ayibrisi!&#8221; 40Yesu kyaetsi u nda ba a pu unde wu ru ba uwog-wu. Kiye ti unde wu ru ba fob, Yesu rang wu baa, 41&#8220;Imi ti afu ku sha ti m na nde na fu?&#8221; Awu ri baa, &#8220;Itsekuru, ame ku sha ti m sae uwog cwucwo.&#8221; 42Tiri Yesu ri te wu baa, &#8220;Ayib-fu &#257; mbubta! Uwae kinjo-fu nwangru pu yi afu.&#8221; 43Ti ritsen, ayib unde wu mbubta. Awu nwunn u putsa Yesu u ku teb rinyi Rimam. Ti ande ti funn nungye iken yine, meme-ba nwunn ku teb Rimam.</div>
 </div>
 </div>
</div>

Tiri Yesu sunn ira iki ti wu kwen na atugbug-wu baa, aba na tsikunn Rimam ti jwam, ama yer-ba anying utob be. Awu ri baa, “Unde ti ku pwen rikwen iki ta uten uwog iki u ku kyen-wu ikyenricwu Rimam be, u ku kyen-wu unde iki be ama. Uwa icwu iki ama ta uwae uten atang. Unda wune tsikunn ti ku ru ba kob uwog unde wune u ku jwam kob wu baa, ‘Pwen na m rikwen yine be unde ti rikwen-m ku ci m ci.’ Fengo rwen pu yi ti unda wune ku kyang uwog unde ti ku pwen rikwen wu, amaa awu pyir-wu ti wu pwen rikwen yi. Ama ricwunnkyi-yi awu kab ira uwae utob-wu baa, ‘Ame ku kyen-m ikyenricwu Rimam be, u ku kyen-m unde be, amaa uwa icwu wune tsikunn-wu ti ku ba uwog-m. Ama ikyaen meme rikaen ti awu ku nda m ne, ame u naa kutong yi ira-wu ayi u pwen na wu rikwen-wu ti kubenti, be, ame u kunn cwu uwae na ikyin ti kyang ti awu ku kyang ba uwog-m.’ Ricwunnkyi-yi, ko ti awu si unde titibi, awu nde iken ti pang atang.” Tiri Itsekuru ri baa, “Ni kwen iken uwae ira ti unde ti tikong wune ri. Rimam ama re? Awu u fxen-wu ira ti jwub na anyisu-wu be a? Aba anyisu-wu ti ayib ricwu-wu, ti ku jwub ira uwog-wu usirtaen ti utitang, awu u nde-wu iken ti pang atang uwog-ba be a? Kubenti, awu u ndeya kang ba ti ritsen ti ritsen. Amaa kiye ti Umbae Unde a kafe ba utense, awu u tu se ande ti ru kubenti uwog-wu njwaa?”

Yesu sunn kyi ira iki te ande ti ku sae ijwe-ba baa, aba na si ande ti tinyang u ku sae ru ande ti tsitsi. Awu ri te ba baa, “Usir iki ande ifaen ru ka kusog Rimam ti a ka jwam Rimam. Kinjo si unde ti kumbub Farisi, ti ifaen ama si kinjo uwae ande ti ku mbe aser ukwe, ti ande ku cwe-ba ira-ba be. Unde ti Farisi wu fa sunwunn u jwam Rimam uwae utob-wu baa, ‘Ame ku nde fu fxaefa Rimam, ti ame si-m unde ti ku ci iken ande ti tikong be, ame si-m unde ti ku yer rifen be, ame si-m unde ti ku nae amae pangma ti ande ti tsitsi meme ku nde be. Uwae kutsab kinjo, ame ku cwe unju atsepu ifaen. Ame ku sa kinjo ruye uwae iken rijwe yi rifunn ti ku sang kujwo-m na fu Rimam.’ Ama unde wu ti ku mbe aser ukwe tsi ti fengo ti rwen. Awu pu ayib tso-wu ritsen be, u kum kikog-wu amam, u ri baa, ‘Rimam, nung m te ayibrisi, ame si unde titibi.’ ”
Yesu ri te ba baa, “Ame ku ri te ni, kiye ti ande bane nwunn ru yi kununn-ba, i si unde ti ku mbe aser ukwe ti Rimam cwe ira-wu, si-yi unde ti kumbub Farisi wu be. Ikyaen ti, unde titini ti ku sha ti wu tso risu-wu baa, awu na ko pu wu unde, a u shir wu si yi riben. Unde titini ti a nae risu riben, a u nda wu kuko.”


Ande iki pu anyisu-ba ru ba uwog Yesu ti wu na pu ajwo cwu tsa ba risu. Ama ande ti putsa-wu fwan ba kibyag, u byangkyi ba. Amaa Yesu kunn anyisu ba ira ru ba, u ri te atugbug-wu baa, “Ni ya ta ti anyisu aba ā ru ba uwog-m. Ni byang kyi-ni aba be, ikyaen ti, Kujwo Rimam si ikyaen ande ti pangma anyisu bane. Kubenti ti ame ku ri te ni, unde titini ti awu a cwe-wu ti Rimam na nae ukwe risu-wu pangma ti umbae kitinying ku cwe be, awu u sang tu-wu kuru Rimam be.”


Unde ti uwe iki ru ba rang Yesu baa, “Unde tiyang ti tinyang, imi ti ame u nde itawe ame u tu unyang ti tsi kukunn?” Yesu rang wu baa, “Imi ti nde afu kunn m baa, unde ti tinyang? Unde iki ta-wu ti si ti tinyang be, se Rimam amam. Afu nung pu fu Icwe Rimam re. Nae-fu amae be, wen-fu unde be, yib-fu riyib be, yer rifen nae tsa-fu unde be, nda itse-fu ti iya-fu kuko.” Unde wu ri baa, “Ame putsa tag icwe yine meme ti ti ame si umbae kitinying.” Ti Yesu fxen ira yine, awu ri te unde wu baa, “Amaa tsitsi iken kinjo rikaen ti afu u nde. Pu meme usu-fu jabci ti pu aser yi na ande ti rikaen. Afu a nde iken yine titawe afu u site rifunn uwog Rimam apupwen. Isim yine ru ba putsa m.” Ti unde wu fxen ira ti Yesu ri te wu ne, utob-wu ndembeb ikyaen ti, awu si unde ti site rifunn timambe. Ti Yesu nung utob unde wu ndembeb ahan, awu ri baa, “Ayi kpukpag titawe ande ti rifunn u ka sang Kujwokwe Rimam. I tom skeb ti kakum u sang ruye kiye uyi ti ti unde ti rifunn u sang Kujwokwe Rimam.” Ande ti fxen ira yi ti awu ri ne rang wu baa, “Ayi a si ahan, aye ti u tu itinwangru?” Yesu ri baa, “Meme iken ti ande nung baa, ayi na caeb, ayi caeb-yi caeb be uwog Rimam.”
Tiri Bitrus sa ri baa, “Nung! Ati teya anunn-ti ta u ru ba putsa fu.” Yesu ri te ba baa, “Een ara, amaa unde titini ti a ya kununn-wu ta u ya uwa-wu ko ameinja-wu ko ite-wu ti iya-wu ko anyisu-wu ta, asiti awu nde yi ikyaen Kujwokwe Rimam, awu u tu iken ti ko skeb iken yine. Awu u tu yi uwae kiye wune. Uwae kiye ti ru ku ba ama, awu u ba tu unyang ti tsi kukunn.”


Yesu ye pu ande-wu rijwe asu ifaen ru yi iyen u ka ri te ba baa, “Ni fxen ira-m! Ati ku tso yi Urushelima. Ama meme iken ti ande ti ku ya iskin ira Rimam bae risu Umbae Unde kute u ka nde atang. A u sa wu na ande ti si-ba Mbayawuda be. A u txir wu txir u txun wu asu u tub atsang si wu. A u byinn wu u ye wu wen, amaa usir ti fa ti ita awu u nwunn kuskab ti unyang.” Ande ti putsa Yesu fxen ira-wu ayine, amaa, aba nungye-ba ko ira kinjo uwae-yi be. A sa imbyi ira-wu ayi tam ba tam. Ikyaen yine a nung-ba risu ira ti awu ku ri be.


Ti Yesu ru ba ku fer uten ti Jeriko, unde iki som iyen fengo u ku jwam iken. Ti unde wu fxen ande ru ba wur ku ru, awu rang ira baa, imi ti na ku nde ne? A ri te wu baa, “Yesu unde ti Nazareti ti wur ku ru.” Awu sa afxenjwin tso ti ritsen u taen ira baa, “Yesu, Umbae Dawuda! Sae m ti ayibrisi!” Ande ti ta uwe fwan wu kibyag baa, awu na bwe tag. Amaa awu taen ira skeb kyi ti kucang baa, “Umbae Dawuda! Sae me ti ayibrisi!” Yesu kyaetsi u nda ba a pu unde wu ru ba uwog-wu. Kiye ti unde wu ru ba fob, Yesu rang wu baa, “Imi ti afu ku sha ti m na nde na fu?” Awu ri baa, “Itsekuru, ame ku sha ti m sae uwog cwucwo.” Tiri Yesu ri te wu baa, “Ayib-fu ā mbubta! Uwae kinjo-fu nwangru pu yi afu.” Ti ritsen, ayib unde wu mbubta. Awu nwunn u putsa Yesu u ku teb rinyi Rimam. Ti ande ti funn nungye iken yine, meme-ba nwunn ku teb Rimam.

收聽 Luka 18