Misima-Paneati - 2018 WBT (NT+Malachi) Drama

Misima-Paneati

<div class="version vid1482 iso6393mpx" data-vid="1482" data-iso6393="mpx">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="nb"> 1yaa Yeisu i egon i na i ha Oya Olibe. 2Lan i gan al mweluluga kekeisi, Yeisu i sikal i na Limi Bwabwalena ana bakubakuwa, yaka boda hi nowanik hi na hi mipainan, ge iya i misiyo i panpankiti elal. 3Logugui ana topankite avaliyau ge Palisi yova etega hi ahe hi en tukan, yova o hi pwawaa ganawal paganina elana. Inoke hi patalmilil boda mataliyaa, 4yaka hi baek Yeisu elana hi ba, &#8220;Topankite, yova ya hi pwawa hoti alona tau etega hi gaganawal. 5He Logugui elana Mosese i ba yova gaganawalina ololana ya naha loipati ana siga ni aliga. Yaa owa wam nuwatu ga i ola?&#8221; 6Nel ya hi neli tage Yeisu nihi paona ge ana woliwoli nihi ginol.</div><div class="p">Yaa Yeisu i lokululu ge nimana gigina elana i leleli bilibiliya. 7Heliya iyoho ya hi mimi nelnel elana, yaka i mat ge i ba, &#8220;Ebo komiu etega nige gegi etega i giginol, inoke iya pat ni alihouwan yova ya elana.&#8221; 8Yaka i lokululu al ge i leleli bilibiliya.</div><div class="p"> 9Wana baaba o hi hago, yaka maisena ge maisena i egoegon, i telipunaa tonowakau elal i na ana siga gegewel hi egonan haba. Yeisu maisena ya hi eguluwai alona ge yova iyoho ya i taltalmilil. 10Yeisu i mat ge i baek yova elana i ba, &#8220;Vaini, gamagalau gegewel heliya ga? Nige etega i mimina ge ni pakotiwa?&#8221;</div><div class="p"> 11Yova Yeisu anana i lahe i ba, &#8220;Tonowak, nige etega.&#8221;</div><div class="p">Yaka Yeisu i ba, &#8220;Nau al ge nige na papakotiwa. He u egon ge bahi al nu gegegi.&#8221;#8:11 Toleli papanet houhouwel enuna sekson ya 7:53&#8211;8:11 hi leli, enuna nigeya.</div><div class="s1">Yeisu Iya Panayawi ana Mwananal</div><div class="p"> 12Yeisu i baek al gamagalau elal i ba, &#8220;Nau panayawi ana mwananal. Toto ebo ni toulilau nige al ni nanawaa gogouwa, iya yawal ana mwananal ni ahe.&#8221;</div><div class="p"> 13Yaka Palisi hi baek elana hi ba, &#8220;Totom wasam te u wasawasa-an ei, he nige bosowaina ana abulilek-an ni gan.&#8221;</div><div class="p"> 14Yeisu Palisi analiya i lahe i ba, &#8220;Bwagana ebo totou wasau na wasawasa-an, he bosowaina ya te ana abulilek-an ni gan, kaiwena ya atena te ga ya noem ge ga ya nonoek. Yaa komiu nige ku aatena te ga ya noem o ebo ga ya nonoek. 15Komiu wami kite ge wami hilihili i ola gamagalau wali hilihili. Yaa nau nige gamagal etega ya hihile ge ana lahi ya babaunan. 16Yaa binimala ebo gamagal etega na hile ge ana logugui na baunan, he no logugui i sapu ge i tunahot, kaiwena nige totou logugui o ya giginol, yaa Nam toto i patunau iya alou. 17Komiu wami logugui elana hi leli lowan te ebo gamagalau eluwa wali wasa ni olaolaek, he i tunahot. 18Nau totou wasau ya wasawasa-an, i ola al Nam toto i patunau, iya al wasau i wasawasa-an.&#8221;</div><div class="p"> 19Yaka Yudiya Yeisu hi neli hi ba, &#8220;He tamwam ga?&#8221;</div><div class="p">Analiya i lahe i ba, &#8220;Nau nige ku aatenau, ge Nam al nige ku aatena. Ebo binimala nuku atenau, inoke Nam al nuku atena.&#8221; 20Yeisu baaba bolo ya i baunanagil, sauga iya iyoho i panpankiti Limi Bwabwalena gamwanaa, labi toto mulolu ana abateliteliya. Yaa nige gamagal etega Yeisu i lilib ge ni yowan, kaiwena wana sauga nigeya ga i vivin.</div><div class="s1">Gamagalau Hi Nuwa Gewagewa Yeisu kaiwena</div><div class="p"> 21Yeisu i baek al Yudiya elal i ba, &#8220;Ya eegon, ge abwe nuku loyaagau, yaa nige nuku kikiteyau. He wami gegi elana nuku yaomal. Komiu nige bosowaimiu nuku nem labi toto ya nonoek.&#8221;</div><div class="p"> 22Yaka Yudiya wali tohouwa hi ba, &#8220;Iya i ba, &#8216;Komiu nige bosowaimiu nuku nem labi toto ya nonoek.&#8217; Baaba o ana sapu ga i ola? Age totona yawalina ni pwamowasi?&#8221;</div><div class="p"> 23Inoke Yeisu i ba vevehe al i ba, &#8220;Komiu ku neem paiya, nau ya neem natiya. Komiu panayawi toto ya gamagaliliyau, nau nige panayawi toto ya gamagalina i oola. 24Heiya ge kaiwena ya ba, &#8216;Wami gegi elana nuku yaomal.&#8217; He ebo nige nuku aabulilek te &#8216;Nau heiya te nau,&#8217;#8:24 Baaba toto &#8220;Nau heiya te nau, nau iyoho ya gangan,&#8221; Yehoba i baunan Mosese elana Totagil 3:14 elana. Yeisu baaba ya i baunan al iya kaiwena. Diyon 8:28, 8:58 ge 13:19 nu kite al. inoke wami gegi elana nuku yaomal.&#8221;</div><div class="p"> 25Yaka Yudiya hi neli hi ba, &#8220;Yaa henala owa?&#8221;</div><div class="p">Analiya Yeisu i lahe i ba, &#8220;He nau heiya te toto valila ya wasaan eliyamiu. 26Bugul i gewi bosowaiu na baunan kaiwemiu ge ami lahi na ginol. Yaa nige ya babaunan, kaiwena toto i patunau iya tobaaba tunahot ge bugul bolo ya hagowa elana ya te na baunan komiu panayawi gamagaliliyau eliyamiu.&#8221;</div><div class="p"> 27He Yudiya nige hi aatena te Yeisu age i baaba Tamana kaiwena. 28Inoke Yeisu i ba, &#8220;Sauga Gamagal Natuna nuku teli heyan kolos elana, inoke abwe nuku atena te &#8216;Nau heiya te nau,&#8217; ge nuku atena nige bugul etega totou ya giginol, yaa toto Nam i pankiteyau te ya baubaunan. 29He toto i patunau iya alou. Iya nige i mimiluwagau, kaiwena sauga gegewena bugul bolo i yaliyaya-an te ya giginolil.&#8221; 30Gamagalau bolo Yeisu wana papaatena o hi hago, hi gewi hi abulilek-an.</div><div class="s1">Abalahama Natunau ge Seitani Natunau Baliya</div><div class="p"> 31Yaka Yeisu i baek bolo wana panpankiti hi abulilek-an elal i ba, &#8220;Ebo nuku minaa no panpankiti elana, he komiu no tohago hot. 32Inoke baaba tunahot nuku atena ge baaba tunahot o ni sokalimiu.&#8221;</div><div class="p"> 33Yaka Yeisu anana hi lahe hi ba, &#8220;Ama Abalahama tubutubunau, nige sauga etega ha tutuwalali loloyowan gamagal etega elana. Ga i ola ge u ba, &#8216;Baaba tunahot ni sokalimiu&#8217;?&#8221;</div><div class="p"> 34Yeisu i baek elal i ba, &#8220;Ya ba tunahot eliyamiu, gamagalau gegewel bolo gegi hi awaawaginol, heliya gegi wana totuwalali loloyowanil. 35Totuwalali loloyowanina nige i mimihot wana babala alonau ge natunau ali boda elana, yaa babala natuna i mihot boda o elana. 36He ebo Yehoba Natuna ni sokalimiu, yaka abwe nuku tabwa gamagalau sokasokalil hot. 37Ya atena te komiu Abalahama tubutubunau. Yaa nuwamiu hot nuku lopaaligau, kaiwena no panpankiti ku towani. 38Bugul bolo ya kiteya Nam elana ya wasawasa-an, yaa komiu pagan bolo ku aheya tamamiu elana te ku giginol.&#8221;</div><div class="p"> 39Inoke anana hi lahe hi ba, &#8220;Ama tamama te Abalahama.&#8221;</div><div class="p">Yaka abwe Yeisu i ba, &#8220;Ebo binimala Abalahama natunau komiu, he wami ginol ni ola iya wana ginol. 40Baaba tunahot bolo ya hagoem Yehoba elana heiya te ya baunan eliyamiu, yaa komiu nuwamiu hot nuku lopaaligau. Abalahama ginol ololana o nige i giginol. 41He komiu wami ginol i ola ya te tamamiu wana ginol.&#8221;</div><div class="p">Yaka anana hi lahe hi ba, &#8220;Ama nige ganawal natunau i oola. Ama tamama iyai te Yehoba maisena.&#8221;</div><div class="p"> 42Inoke Yeisu i baek al elal i ba, &#8220;Ebo binimala Yehoba iya tamamiu, he nasi nuku nunuwana-agau, kaiwena nau ya miminaa elana te ya nem e. He nau nige totou ya nenem, iya i patunau. 43Ga i ola ge no baaba nige nuwamiu i sasapuan? Kaiwena nige nuwamiu i oola no baaba nuku hago. 44Komiu tamamiu Seitani, iya natunau komiu, ge sauga gegewena nuwamiu tamamiu wana nuwatu nuku toulil. I neem abatelipuna elana iya totaulol, ge nige sauga etega i oolak baaba tunahot elana, kaiwena nige baaba tunahot i gagana elana. Sauga ebo i kakawi, he iya wana pagan hot to, kaiwena iya tokakawi ge kakawi paganina gegewel tamaliya. 45Yaa kaiwena nau baaba tunahot ya baubaunan, komiu nige ku aabulilek-agau. 46Age ku nuwatu tage nau togegi? Ebo ku nuwatu ola o, he no gegi etega nuku pamasal ge nuku patunahot. Yaa ebo ya baaba tunahot, he ga i ola ge nige ku aabulilek-agau? 47Yehoba natunau Yehoba wana baaba hi hago. Komiu nige Yehoba wana baaba ku hahago, kaiwena komiu nige Yehoba natunau i oola.&#8221;</div><div class="s1">Yeisu Alona ge Abalahama Baliya</div><div class="p"> 48Yudiya Yeisu anana hi lahe hi ba, &#8220;Tabam ha ba bubun ya te ha ba owa Sameliya gamagalina ge yayaluwa bibikena i ulutuk elam!&#8221;</div><div class="p"> 49Yaka analiya i lahe i ba, &#8220;Nige yayaluwa bibikena i uulutuk elau. Nau Nam ya awatauwan, yaa komiu nige ku aawatauwagau. 50Nau nige ya lologasisi tage alau na teli heyan, yaa etegana iyoho nuwana alau ni teli heyan, ge iya Tohilihili sasapona hot. 51Ya ba tunahot eliyamiu, toto ebo no baaba ni henapuan nige bosowaina ni yaomal.&#8221;</div><div class="p"> 52Inoke Yudiya hi baek elana hi ba, &#8220;Yaka abwe ha atena tunahot age yayaluwa bibikena i ulutuk elam! Abalahama ge palopitau iyaka hi yaomal, inoke owa u ba, &#8216;Toto ebo no baaba ni henapuan nige bosowaina ni yaomal.&#8217; 53Tubuma Abalahama iyaka i yaomal! Age owa u bwata lake? Ge palopitau al iyaka hi yaomal! He u nuwatu tage henala owa?&#8221;</div><div class="p"> 54Yeisu analiya i lahe i ba, &#8220;Ebo binimala totou alau na teli heyan, he nasi alau ni tabwa bugul bwagabwaga ya. Yaa Nam toto komiu ku ba, &#8216;Iya wama Yabowaine,&#8217; iya alau i teliteli heyan. 55He iya nige ku aatena, yaa nau ya atena. Binimala ebo na ba, &#8216;Iya nige ya aatena,&#8217; he nau na tabwa tokakawi ni ola komiu. Yaa iya ya atena ge wana baaba ya henapuan. 56Valila tubumiu Abalahama i nuwatu tage no sauga masal panayawi ni kite, inoke i yaliyaya; ge sauga i kite, yaka nuwana i waisi.&#8221;</div><div class="p"> 57Yaka Yudiya hi baek elana hi ba, &#8220;Wam baliman nigeya ga pipti i pwapwawa, inoke ga i ola ge u ba tage Abalahama u kite?&#8221;</div><div class="p"> 58Analiya i lahe i ba, &#8220;Ya ba tunahot eliyamiu, mulaa abwe Abalahama i masal, nau iyoho ya gangan.&#8221;#8:58 Diyon 8:24 ana epwamwananal paiya nu kite.</div><div class="p"> 59Yeisu wana baaba o kaiwena, yaka pat hi ahe tage nihi loipati, yaa i bunsumi, ge abwe Limi Bwabwalena ana bakubaku i eguluwai.</div>
 </div>
 </div>
</div>

yaa Yeisu i egon i na i ha Oya Olibe. Lan i gan al mweluluga kekeisi, Yeisu i sikal i na Limi Bwabwalena ana bakubakuwa, yaka boda hi nowanik hi na hi mipainan, ge iya i misiyo i panpankiti elal. Logugui ana topankite avaliyau ge Palisi yova etega hi ahe hi en tukan, yova o hi pwawaa ganawal paganina elana. Inoke hi patalmilil boda mataliyaa, yaka hi baek Yeisu elana hi ba, “Topankite, yova ya hi pwawa hoti alona tau etega hi gaganawal. He Logugui elana Mosese i ba yova gaganawalina ololana ya naha loipati ana siga ni aliga. Yaa owa wam nuwatu ga i ola?” Nel ya hi neli tage Yeisu nihi paona ge ana woliwoli nihi ginol.
Yaa Yeisu i lokululu ge nimana gigina elana i leleli bilibiliya. Heliya iyoho ya hi mimi nelnel elana, yaka i mat ge i ba, “Ebo komiu etega nige gegi etega i giginol, inoke iya pat ni alihouwan yova ya elana.” Yaka i lokululu al ge i leleli bilibiliya.
Wana baaba o hi hago, yaka maisena ge maisena i egoegon, i telipunaa tonowakau elal i na ana siga gegewel hi egonan haba. Yeisu maisena ya hi eguluwai alona ge yova iyoho ya i taltalmilil. Yeisu i mat ge i baek yova elana i ba, “Vaini, gamagalau gegewel heliya ga? Nige etega i mimina ge ni pakotiwa?”
Yova Yeisu anana i lahe i ba, “Tonowak, nige etega.”
Yaka Yeisu i ba, “Nau al ge nige na papakotiwa. He u egon ge bahi al nu gegegi.”

Yeisu i baek al gamagalau elal i ba, “Nau panayawi ana mwananal. Toto ebo ni toulilau nige al ni nanawaa gogouwa, iya yawal ana mwananal ni ahe.”
Yaka Palisi hi baek elana hi ba, “Totom wasam te u wasawasa-an ei, he nige bosowaina ana abulilek-an ni gan.”
Yeisu Palisi analiya i lahe i ba, “Bwagana ebo totou wasau na wasawasa-an, he bosowaina ya te ana abulilek-an ni gan, kaiwena ya atena te ga ya noem ge ga ya nonoek. Yaa komiu nige ku aatena te ga ya noem o ebo ga ya nonoek. Komiu wami kite ge wami hilihili i ola gamagalau wali hilihili. Yaa nau nige gamagal etega ya hihile ge ana lahi ya babaunan. Yaa binimala ebo gamagal etega na hile ge ana logugui na baunan, he no logugui i sapu ge i tunahot, kaiwena nige totou logugui o ya giginol, yaa Nam toto i patunau iya alou. Komiu wami logugui elana hi leli lowan te ebo gamagalau eluwa wali wasa ni olaolaek, he i tunahot. Nau totou wasau ya wasawasa-an, i ola al Nam toto i patunau, iya al wasau i wasawasa-an.”
Yaka Yudiya Yeisu hi neli hi ba, “He tamwam ga?”
Analiya i lahe i ba, “Nau nige ku aatenau, ge Nam al nige ku aatena. Ebo binimala nuku atenau, inoke Nam al nuku atena.” Yeisu baaba bolo ya i baunanagil, sauga iya iyoho i panpankiti Limi Bwabwalena gamwanaa, labi toto mulolu ana abateliteliya. Yaa nige gamagal etega Yeisu i lilib ge ni yowan, kaiwena wana sauga nigeya ga i vivin.

Yeisu i baek al Yudiya elal i ba, “Ya eegon, ge abwe nuku loyaagau, yaa nige nuku kikiteyau. He wami gegi elana nuku yaomal. Komiu nige bosowaimiu nuku nem labi toto ya nonoek.”
Yaka Yudiya wali tohouwa hi ba, “Iya i ba, ‘Komiu nige bosowaimiu nuku nem labi toto ya nonoek.’ Baaba o ana sapu ga i ola? Age totona yawalina ni pwamowasi?”
Inoke Yeisu i ba vevehe al i ba, “Komiu ku neem paiya, nau ya neem natiya. Komiu panayawi toto ya gamagaliliyau, nau nige panayawi toto ya gamagalina i oola. Heiya ge kaiwena ya ba, ‘Wami gegi elana nuku yaomal.’ He ebo nige nuku aabulilek te ‘Nau heiya te nau,’ inoke wami gegi elana nuku yaomal.”
Yaka Yudiya hi neli hi ba, “Yaa henala owa?”
Analiya Yeisu i lahe i ba, “He nau heiya te toto valila ya wasaan eliyamiu. Bugul i gewi bosowaiu na baunan kaiwemiu ge ami lahi na ginol. Yaa nige ya babaunan, kaiwena toto i patunau iya tobaaba tunahot ge bugul bolo ya hagowa elana ya te na baunan komiu panayawi gamagaliliyau eliyamiu.”
He Yudiya nige hi aatena te Yeisu age i baaba Tamana kaiwena. Inoke Yeisu i ba, “Sauga Gamagal Natuna nuku teli heyan kolos elana, inoke abwe nuku atena te ‘Nau heiya te nau,’ ge nuku atena nige bugul etega totou ya giginol, yaa toto Nam i pankiteyau te ya baubaunan. He toto i patunau iya alou. Iya nige i mimiluwagau, kaiwena sauga gegewena bugul bolo i yaliyaya-an te ya giginolil.” Gamagalau bolo Yeisu wana papaatena o hi hago, hi gewi hi abulilek-an.

Yaka Yeisu i baek bolo wana panpankiti hi abulilek-an elal i ba, “Ebo nuku minaa no panpankiti elana, he komiu no tohago hot. Inoke baaba tunahot nuku atena ge baaba tunahot o ni sokalimiu.”
Yaka Yeisu anana hi lahe hi ba, “Ama Abalahama tubutubunau, nige sauga etega ha tutuwalali loloyowan gamagal etega elana. Ga i ola ge u ba, ‘Baaba tunahot ni sokalimiu’?”
Yeisu i baek elal i ba, “Ya ba tunahot eliyamiu, gamagalau gegewel bolo gegi hi awaawaginol, heliya gegi wana totuwalali loloyowanil. Totuwalali loloyowanina nige i mimihot wana babala alonau ge natunau ali boda elana, yaa babala natuna i mihot boda o elana. He ebo Yehoba Natuna ni sokalimiu, yaka abwe nuku tabwa gamagalau sokasokalil hot. Ya atena te komiu Abalahama tubutubunau. Yaa nuwamiu hot nuku lopaaligau, kaiwena no panpankiti ku towani. Bugul bolo ya kiteya Nam elana ya wasawasa-an, yaa komiu pagan bolo ku aheya tamamiu elana te ku giginol.”
Inoke anana hi lahe hi ba, “Ama tamama te Abalahama.”
Yaka abwe Yeisu i ba, “Ebo binimala Abalahama natunau komiu, he wami ginol ni ola iya wana ginol. Baaba tunahot bolo ya hagoem Yehoba elana heiya te ya baunan eliyamiu, yaa komiu nuwamiu hot nuku lopaaligau. Abalahama ginol ololana o nige i giginol. He komiu wami ginol i ola ya te tamamiu wana ginol.”
Yaka anana hi lahe hi ba, “Ama nige ganawal natunau i oola. Ama tamama iyai te Yehoba maisena.”
Inoke Yeisu i baek al elal i ba, “Ebo binimala Yehoba iya tamamiu, he nasi nuku nunuwana-agau, kaiwena nau ya miminaa elana te ya nem e. He nau nige totou ya nenem, iya i patunau. Ga i ola ge no baaba nige nuwamiu i sasapuan? Kaiwena nige nuwamiu i oola no baaba nuku hago. Komiu tamamiu Seitani, iya natunau komiu, ge sauga gegewena nuwamiu tamamiu wana nuwatu nuku toulil. I neem abatelipuna elana iya totaulol, ge nige sauga etega i oolak baaba tunahot elana, kaiwena nige baaba tunahot i gagana elana. Sauga ebo i kakawi, he iya wana pagan hot to, kaiwena iya tokakawi ge kakawi paganina gegewel tamaliya. Yaa kaiwena nau baaba tunahot ya baubaunan, komiu nige ku aabulilek-agau. Age ku nuwatu tage nau togegi? Ebo ku nuwatu ola o, he no gegi etega nuku pamasal ge nuku patunahot. Yaa ebo ya baaba tunahot, he ga i ola ge nige ku aabulilek-agau? Yehoba natunau Yehoba wana baaba hi hago. Komiu nige Yehoba wana baaba ku hahago, kaiwena komiu nige Yehoba natunau i oola.”

Yudiya Yeisu anana hi lahe hi ba, “Tabam ha ba bubun ya te ha ba owa Sameliya gamagalina ge yayaluwa bibikena i ulutuk elam!”
Yaka analiya i lahe i ba, “Nige yayaluwa bibikena i uulutuk elau. Nau Nam ya awatauwan, yaa komiu nige ku aawatauwagau. Nau nige ya lologasisi tage alau na teli heyan, yaa etegana iyoho nuwana alau ni teli heyan, ge iya Tohilihili sasapona hot. Ya ba tunahot eliyamiu, toto ebo no baaba ni henapuan nige bosowaina ni yaomal.”
Inoke Yudiya hi baek elana hi ba, “Yaka abwe ha atena tunahot age yayaluwa bibikena i ulutuk elam! Abalahama ge palopitau iyaka hi yaomal, inoke owa u ba, ‘Toto ebo no baaba ni henapuan nige bosowaina ni yaomal.’ Tubuma Abalahama iyaka i yaomal! Age owa u bwata lake? Ge palopitau al iyaka hi yaomal! He u nuwatu tage henala owa?”
Yeisu analiya i lahe i ba, “Ebo binimala totou alau na teli heyan, he nasi alau ni tabwa bugul bwagabwaga ya. Yaa Nam toto komiu ku ba, ‘Iya wama Yabowaine,’ iya alau i teliteli heyan. He iya nige ku aatena, yaa nau ya atena. Binimala ebo na ba, ‘Iya nige ya aatena,’ he nau na tabwa tokakawi ni ola komiu. Yaa iya ya atena ge wana baaba ya henapuan. Valila tubumiu Abalahama i nuwatu tage no sauga masal panayawi ni kite, inoke i yaliyaya; ge sauga i kite, yaka nuwana i waisi.”
Yaka Yudiya hi baek elana hi ba, “Wam baliman nigeya ga pipti i pwapwawa, inoke ga i ola ge u ba tage Abalahama u kite?”
Analiya i lahe i ba, “Ya ba tunahot eliyamiu, mulaa abwe Abalahama i masal, nau iyoho ya gangan.”
Yeisu wana baaba o kaiwena, yaka pat hi ahe tage nihi loipati, yaa i bunsumi, ge abwe Limi Bwabwalena ana bakubaku i eguluwai.

收聽 Diyon 8