Cishingini: Uzuwakpani u Savu n Cishingini; n aba'in a na a Zagbai a Uzukpani New Testament

Uzuwakpani u Savu n Cishingini; n aba'in a na a Zagbai a Uzukpani

<div class="version vid1293 iso6393asg" data-vid="1293" data-iso6393="asg">
 <div class="book bkJHN">
 <div class="chapter ch17" data-usfm="JHN.17">
 <div class="label">17</div><div class="s">Yesu u vasakai mukumitoni n ni</div><div class="p"> 1Ana Yesu u kotsoi kudansa ukuna u nan lo ra&#817;ka&#817;, &#599;a wi indanai ga&#599;i &#599;a u danai, &#8220;Dada, ayin a a yawa ta&#817;. Neke Maku ma&#817; nu tsugbayin adama a na Maku ma me neke wu feu tsugbayin. 2Vi neke ta&#817; Maku ma utsura u na u la&#42891;i u uma ra&#817;ka&#817;, adama a na a&#817;yi feu u neke wuma u babu uteku wa aza a na vi nekei ni ra&#817;ka&#817;. 3Na va &#599;a&#599;a uye u na a&#817; kuciya&#817; wuma u babu uteku: e yeve wu, vuza na wi Ka&#817;shile ka mayun ende&#42891;en, e yeve kpamu Yesu Kirisiti Kishi, vuza na vu suki. 4N yotsongu ta&#817; tsugbayin tsu nu a aduniyan ana n kotsoi ulinga u na vi nekei mu n ya&#42891;an. 5Gogo na, Dada, neke mu kpamu tsugbayin tsu na mi n tsu &#599;a ana mi ko&#595;olo n avu kafu a ya&#42891;an aduniyan.</div><div class="p"> 6&#8220;Vi nekei mu aza o kutoni o yoku a aduniyan a nam pa, n yotsongu le ta&#817; &#599;e kpamu uteku u na vi. Ele uma a&#817; nu a &#599;a, amma &#599;a vi nekei mu ele, &#599;a a panakai nu. 7E yeve ta&#817; a na vi nekei mu ili dem i na mi n i &#599;a. 8Adama a na n dana le ta&#817; ili i na vu danai mu, &#599;a a&#817; ushuki n i &#599;a. E yeve ta&#817; a na mu uta&#817;i wa&#817; nu, &#599;a kpamu e nekei a&#817;&#599;u e le a na avu &#599;a vuza na vu suki mu.</div><div class="p"> 9&#8220;Mi ta&#817; a kuvasaka le. Mi a kuvasaka uma a aduniyan ba, amma adama a aza a na vi nekei mu, adama a na ele &#599;a a aza a&#817; nu. 10Aza o kutoni a&#817; va&#817; ra&#817;ka&#817; aza a&#817; nu a &#599;a feu, aza a na kpamu i aza o kutoni a&#817; nu aza a&#817; va&#817; a &#599;a feu. O yotsongu ta&#817; uteku u na tsugbayin tsu va&#817; ci mayun. 11Mi ta&#817; a&#817; kuta&#817;wa&#817; wa&#817; nu. Mi a kushamgba a aduniyan ali megeshe kpamu ba. Amma aza o kutoni a&#817; va&#817; a buwa ta&#817; bi&#42891;i a aduniyan. Yotsongu utsura u kula ku nu ku na vi nekei mu, ka&#817;ta&#817; vu sa&#817;nka&#817; ili kusa&#42891;wa le. Ka&#817;ta&#817; o okpo vi te uteku u na mpa n avu ci vi te. 12N utsura u nu u &#599;a u na vi nekei mu mpa bi&#42891;i a aduniyan, &#599;a&#599;a n sa&#817;nka&#817;i ili i gbani-gbani kusa&#42891;wa le. Babu vuza te vu na u puwa&#817;nka&#817;i,#Yah. 6:39; 18:9. sai vuza na u nekei ka&#817;ci ka&#817; ni adama a&#817; ukpa&#817;, tsu na Katagarda ka Ci&#599;a ka danai.</div><div class="p"> 13&#8220;Mi ta&#817; a&#817; kuta&#817;wa&#817; wa&#817; nu gogo na. Amma n dansa ta&#817; ili i nam pa mpa bi&#42891;i a aduniyan, adama a na aza o kutoni a&#817; va&#817; a shana m ma&#817;za&#817;nga&#817; ma&#817; va&#817;. 14N dana le ta&#817; &#599;e akaka a&#817; nu. Amma &#599;a uma a aduniyan a iwain le, adama a na ele i vi te n uma a aduniyan ba, uteku u na mpa mi kau n uma a aduniyan. 15Mi o kufolono wu vu uta&#817;ka&#817; le a aduniyan ba, amma vu sa&#817;nka&#817; vuza gbani-gbani kusa&#42891;wa le. 16Mpa vuza va a aduniyan &#599;a mi ba, tsu na feu aza o kutoni a&#817; va&#817; i aza a aduniyan ba. 17Takpaka le nshinda&#817; ka&#817;ta&#817; o okpo ci&#599;a a&#817; ubuta&#817; u kuyotsongusu le akaka a&#817; nu a mayun. 18N suku le ta&#817; a aduniyan, uteku u na vu suki mu a aduniyan. 19N neke ta&#817; ka&#817;ci ka&#817; va&#817; n ya&#42891;anka wu tsugbashi adama a na ele feu e neke ka&#817;ci ke le a ya&#42891;anka wu tsugbashi.</div><div class="s">Yesu u vasakai aza o kutoni ra&#817;ka&#817;</div><div class="p"> 20&#8220;N vasaka ta&#817; aza o kutoni a nam pa, amma mi ta&#817; feu a kuvasaka aza a na e kuneke a&#817;&#599;u nu mpa ra&#817;ka&#817; adama a ili i na aza o kutoni a&#817; va&#817; a kudansa adama a&#817; va&#817;. 21Dada, n ciga ta&#817; ra&#817;ka&#817; vi le o okpo vi te ko&#595;olo, uteku u na mpa mi n avu, avu kpamu nu mpa. N ciga ta&#817; feu o okpo vi te n a&#817;tsu, ka&#817;ta&#817; uma a aduniyan a nam pa a&#817; ciya&#817; a&#817; ushuku a na vu suki mu. 22N neke ta&#817; &#599;e uma a nam pa tsugbayin tsu na vi nekei mu adama a na o okpo vi te, uteku u na mpa n avu ci vi te. 23Mpa vi te &#599;a n ele, avu kpamu vi te nu mpa, adama a na ele o okpo vi te cika, ka&#817;ta&#817; uma a aduniyan e yeve a na vu suki mu. I ta&#817; e kuyeve a na vi cigai aza o kutoni a&#817; va&#817; tsu na vi cigai mu.</div><div class="p"> 24&#8220;Dada, vi neke mu ta&#817; ele. N ciga ta&#817; kpamu o yongo nu mpa a&#817; ubuta&#817; u na mi, adama a na e ene tsugbayin tsu va&#817; tsu na vi nekei mu, adama a na vi ciga mu ta&#817; kafu vi ya&#42891;an a aduniyan.</div><div class="p"> 25&#8220;Dada, avu &#599;a vuza ci&#599;a. Aduniyan e yeve wu ba, amma mpa n yeve wu ta&#817;, e yeve ta&#817; kpamu a na vu suki mu. 26N yotsongu le ta&#817; &#599;e uteku u na vi, mi ta&#817; a kulya&#42891;a kelime n kuya&#42891;an nannai, ka&#817;ta&#817; ucigi u na vi n u &#599;a a kubana wa&#817; va&#817; u yongo n ele adama a na mpa n ele tso okpo vi te.&#8221;</div>
 </div>
 </div>
</div>

Ana Yesu u kotsoi kudansa ukuna u nan lo ra̱ka̱, ɗa wi indanai gaɗi ɗa u danai, “Dada, ayin a a yawa ta̱. Neke Maku ma̱ nu tsugbayin adama a na Maku ma me neke wu feu tsugbayin. Vi neke ta̱ Maku ma utsura u na u laꞋi u uma ra̱ka̱, adama a na a̱yi feu u neke wuma u babu uteku wa aza a na vi nekei ni ra̱ka̱. Na va ɗaɗa uye u na a̱ kuciya̱ wuma u babu uteku: e yeve wu, vuza na wi Ka̱shile ka mayun endeꞋen, e yeve kpamu Yesu Kirisiti Kishi, vuza na vu suki. N yotsongu ta̱ tsugbayin tsu nu a aduniyan ana n kotsoi ulinga u na vi nekei mu n yaꞋan. Gogo na, Dada, neke mu kpamu tsugbayin tsu na mi n tsu ɗa ana mi koɓolo n avu kafu a yaꞋan aduniyan.
“Vi nekei mu aza o kutoni o yoku a aduniyan a nam pa, n yotsongu le ta̱ ɗe kpamu uteku u na vi. Ele uma a̱ nu a ɗa, amma ɗa vi nekei mu ele, ɗa a panakai nu. E yeve ta̱ a na vi nekei mu ili dem i na mi n i ɗa. Adama a na n dana le ta̱ ili i na vu danai mu, ɗa a̱ ushuki n i ɗa. E yeve ta̱ a na mu uta̱i wa̱ nu, ɗa kpamu e nekei a̱ɗu e le a na avu ɗa vuza na vu suki mu.
“Mi ta̱ a kuvasaka le. Mi a kuvasaka uma a aduniyan ba, amma adama a aza a na vi nekei mu, adama a na ele ɗa a aza a̱ nu. Aza o kutoni a̱ va̱ ra̱ka̱ aza a̱ nu a ɗa feu, aza a na kpamu i aza o kutoni a̱ nu aza a̱ va̱ a ɗa feu. O yotsongu ta̱ uteku u na tsugbayin tsu va̱ ci mayun. Mi ta̱ a̱ kuta̱wa̱ wa̱ nu. Mi a kushamgba a aduniyan ali megeshe kpamu ba. Amma aza o kutoni a̱ va̱ a buwa ta̱ biꞋi a aduniyan. Yotsongu utsura u kula ku nu ku na vi nekei mu, ka̱ta̱ vu sa̱nka̱ ili kusaꞋwa le. Ka̱ta̱ o okpo vi te uteku u na mpa n avu ci vi te. N utsura u nu u ɗa u na vi nekei mu mpa biꞋi a aduniyan, ɗaɗa n sa̱nka̱i ili i gbani-gbani kusaꞋwa le. Babu vuza te vu na u puwa̱nka̱i, sai vuza na u nekei ka̱ci ka̱ ni adama a̱ ukpa̱, tsu na Katagarda ka Ciɗa ka danai.
“Mi ta̱ a̱ kuta̱wa̱ wa̱ nu gogo na. Amma n dansa ta̱ ili i nam pa mpa biꞋi a aduniyan, adama a na aza o kutoni a̱ va̱ a shana m ma̱za̱nga̱ ma̱ va̱. N dana le ta̱ ɗe akaka a̱ nu. Amma ɗa uma a aduniyan a iwain le, adama a na ele i vi te n uma a aduniyan ba, uteku u na mpa mi kau n uma a aduniyan. Mi o kufolono wu vu uta̱ka̱ le a aduniyan ba, amma vu sa̱nka̱ vuza gbani-gbani kusaꞋwa le. Mpa vuza va a aduniyan ɗa mi ba, tsu na feu aza o kutoni a̱ va̱ i aza a aduniyan ba. Takpaka le nshinda̱ ka̱ta̱ o okpo ciɗa a̱ ubuta̱ u kuyotsongusu le akaka a̱ nu a mayun. N suku le ta̱ a aduniyan, uteku u na vu suki mu a aduniyan. N neke ta̱ ka̱ci ka̱ va̱ n yaꞋanka wu tsugbashi adama a na ele feu e neke ka̱ci ke le a yaꞋanka wu tsugbashi.

“N vasaka ta̱ aza o kutoni a nam pa, amma mi ta̱ feu a kuvasaka aza a na e kuneke a̱ɗu nu mpa ra̱ka̱ adama a ili i na aza o kutoni a̱ va̱ a kudansa adama a̱ va̱. Dada, n ciga ta̱ ra̱ka̱ vi le o okpo vi te koɓolo, uteku u na mpa mi n avu, avu kpamu nu mpa. N ciga ta̱ feu o okpo vi te n a̱tsu, ka̱ta̱ uma a aduniyan a nam pa a̱ ciya̱ a̱ ushuku a na vu suki mu. N neke ta̱ ɗe uma a nam pa tsugbayin tsu na vi nekei mu adama a na o okpo vi te, uteku u na mpa n avu ci vi te. Mpa vi te ɗa n ele, avu kpamu vi te nu mpa, adama a na ele o okpo vi te cika, ka̱ta̱ uma a aduniyan e yeve a na vu suki mu. I ta̱ e kuyeve a na vi cigai aza o kutoni a̱ va̱ tsu na vi cigai mu.
“Dada, vi neke mu ta̱ ele. N ciga ta̱ kpamu o yongo nu mpa a̱ ubuta̱ u na mi, adama a na e ene tsugbayin tsu va̱ tsu na vi nekei mu, adama a na vi ciga mu ta̱ kafu vi yaꞋan a aduniyan.
“Dada, avu ɗa vuza ciɗa. Aduniyan e yeve wu ba, amma mpa n yeve wu ta̱, e yeve ta̱ kpamu a na vu suki mu. N yotsongu le ta̱ ɗe uteku u na vi, mi ta̱ a kulyaꞋa kelime n kuyaꞋan nannai, ka̱ta̱ ucigi u na vi n u ɗa a kubana wa̱ va̱ u yongo n ele adama a na mpa n ele tso okpo vi te.”

收聽 Yahaya 17