If you have would like a copy of this version please contact info@davarpartners.com

The Lusoga Bible

Soga - BSU Version (Non-Drama - NT)

Soga - BSU Version (Drama - NT)

<div class="version vid1256 iso6393xog" data-vid="1256" data-iso6393="xog">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Okuzuukira kwa Yesu</div><div class="r">(Mat 28:1-10; Mar 16:1-8; Yoa 20:1-10)</div><div class="p"> 1Ku lusooka mu Sabbato, baawuuna be pwi pwi pwi, baaja ku magombe n'obuwoowo bwe baategeka ku lule. 2Baayagaana ng'eibaale ligalangwirwa okuva ku magombe, 3aye bwe bangira baaloba kwagaanamu mulambo gwa Musengwa Yesu. 4Baali bakaali agho, nga basobeirwa, baabona abasaadha babiri abavaire ebimesunkana nga beemereire agho. 5Baatya inho baakoteka emitwe, abasaadha baabakoba bati: &#8220;Lwaki muli kwagalira omulamu mu bafu? 6Tali ghano, azuukiire. Mwidhukire bwe yabakoba ng'akaali e Galilaaya,#Mat 16:21; 17:22-23; 20:18-19; Mar 8:31; 9:31; 10:33-34; Luk 9:22; 18:31-33 7bwe yakoba ati, &#8216;Omwana w'Omuntu ali n'okugheebwayo mu mikono gy'ababi, akomererwe era olunaku olwokusatu azuukire.&#8217; &#8221;</div><div class="p"> 8Era baidhukira ebibono bye ebyo. 9Baava ku magombe baira, baakoberaku eikumi n'omulala n'abandi boonaboona ebintu ebyo byonabyona. 10Abakazi abaakobera Abatume ebintu bino baali Maria Magadalene, Yoanna, ni Maria inhinha owa Yakobo n'abandi be baali nabo. 11Aye ebibono ebyo byabawulikanira ng'oti bya kudhondha era baaloba kubiikiriza. 12Petero yaasituka, yaalumuka okuja ku magombe era bwe yatuuka yaakutama, yaalengeza mu magombe, yaabona bwa ngoye dhe baamuziikamu dhonka, yairayo eka nga yeewuunhia mu mwoyo gwe ebyo ebyaligho.</div><div class="s1">Yesu abonekera abaali baja Emmao</div><div class="r">(Mar 16:12-13)</div><div class="p"> 13Ku lunaku lwene olwo ghaabaagho ku Beegeresebwa babiri abaali batambula nga baja mu kyalo ekyetebwa Emmao. Okuva e Yerusalemu okutuuka Emmao ghaligho kilomita ikumi na ndala. 14Baajanga nga baghaya ku bintu bino ebyali byakamala okubaagho. 15Baali bakaaghaya bwe beebuuzagania, Yesu mwene yaabatuukaku yaatoolera okutambula nabo 16aye amaiso gaibwe gaaliku ekintu baaloba kumutegeera. 17Yaababuuza ati: &#8220;Bibono ki ebyo bye muli kwogeraku nga mutambula?&#8221;</div><div class="p">Baayemerera nga badhuunie. 18Owundi ye baayetanga Kileopa yaamubuuza ati: &#8220;Niiwe wenka omugeni mu Yerusalemu ataidhi bintu bikibairemu mu nnaku dhino?&#8221;</div><div class="p"> 19Yaakoba ati: &#8220;Bintu ki?&#8221; Baakoba bati: &#8220;Ebigema ku Yesu ow'e Nazarethi eyali omulanzi ow'amaani mu bikolwa ni mu bibono mu maiso ga Katonda n'abantu boonaboona 20era nga Bakabona Abakulu n'abafuzi bwe baamughaayo okusalirwa ogw'okufa era n'akomererwa? 21Ate ife ni twali tumwesunga tuti n'ow'okununula Isiraeli, aye wuuno luno lwakusatu kasookanga bino bibaagho. 22Ebyo nga bikaali agho ghaligho abakazi mu kikunsu kyaife abatuwugulaiza bwe bajiire ku magombe ku nkyo. 23Tibaagaineeyo mulambo gwe, baira era baatukobera bati bamalaika bababonekeire baabakoba bati mulamu. 24Era abandi ku ife boona bajiire ku magombe era baayagaana nga biri bwenebwene ng'abakazi bwe bakobye, aye Yesu tibamuboine.&#8221;</div><div class="p"> 25Agho yaabakoba ati: &#8220;Ye bano abasirusiru, ab'emyoyo egirwa okwikiriza abalanzi bye boogera! 26Tikyali nti bino byali biri n'okutuuka ku Kurisito memale atuuke mu kitiisa kye?&#8221; 27Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.</div><div class="p"> 28Bwe baatuuka okumpi n'ekyalo mwe baali baja yaaboneka oti yeeyongerayo 29aye baamughaliriza asigale agho nabo nga bamukoba bati: &#8220;Eigulo lituuse, obwire buzibye.&#8221; Kale yaaja nabo nga wa kusula. 30Olwatyama ku kiiwulo yaatoola omugaati, yaagugha enkabi yeeyanza, yaagumegulamegulamu, yaabagha. 31Olwo baazibuka amaiso baamutegeera, aye yaababuliraku agho. 32Agho baakoba bati: &#8220;Titusuuyirirenga mule bw'abaire ng'ayogera n'ife mu ngira! Ng'atwinhonhola amakulu ag'Ebyaghandiikibwa?&#8221;</div><div class="p"> 33Saawa eyo yeene baasituka bairayo e Yerusalemu baayagaana eikumi n'omulala, n'abandi bwe baabitanga, nga beesoloiza ghalala, 34baabakobera bati: &#8220;Bwenebwene Musengwa azuukiire, era abonekeire Simoni.&#8221;</div><div class="p"> 35Boona baabaghayiraku nga bwe byali mu ngira ni bwe baamutegeerera ku kumegulamegula mu mugaati.</div><div class="s1">Yesu abonekera Abeegeresebwa be</div><div class="r">(Mat 28:16-20; Mar 16:14-18; Yoa 20:19-23; Bik 1:6-8)</div><div class="p"> 36Baali bakaabaghayiraku, Yesu mwene yaabeemereramu ghagati yaabakoba ati: &#8220;Emiraala gibe n'imwe.&#8221;</div><div class="p"> 37Baatya baadhugumira nga badhuubiriza bati bali kubona muzimu. 38Yaabakoba ati: &#8220;Kiki ekibatabwire, lwaki muba n'ebidhuubo bityo mu myoyo gyaimwe? 39Mulinge ku ngalo dhange, n'ebigere byange, ninze mwenemwene mungemeku mubone kuba omuzimu tiguba na mubiri waire magumba nga bwe mubona bwendi nabyo.&#8221;</div><div class="p"> 40Bwe yamala okukoba atyo, yaabalaga engalo dhe n'ebigere bye. 41Aye bwe baali nga bakaali kwikiriza olw'eisanhu n'okwewuunhia, yaabakoba ati: &#8220;Muligho ghano n'ekintu kyonakyona ekiriibwa?&#8221; 42Baamugha ekimega eky'ekyenhandha ekitalike, 43yaakitoola yaakirya nga babona.</div><div class="p"> 44Olumaliira yaabakoba ati: &#8220;Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.&#8221;</div><div class="p"> 45Agho yaigula emyoyo gyaibwe okutegeera Ebyaghandiikibwa, 46yaabakoba ati: &#8220;Kiti bwe kyaghandiikibwa nti Kurisito ali n'okudaagadaaga era ku lunaku olwokusatu azuukire okuva mu bafu, 47era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu. 48Niimwe abadhulizi ab'ebintu ebyo. 49Era nze mwene ndidha kubagheereza oyo Lata wange ye yabasuubiza aye musigale mu kibuga okutuusa nga muvaaziibwa amaani okuva mu igulu.&#8221;#Bik 1:4</div><div class="s1">Yesu aniina mu igulu</div><div class="r">(Mar 16:19-20; Bik 1:9-11)</div><div class="p"> 50Yesu yaabakulemberamu baafuluma, baatambula okuja e Bethania. Agho yaagolola amakono ge yaabagha omukisa.#Bik 1:9-11 51Era bwe yali abagha omukisa yaabavaaku yaatwalibwa mu igulu. 52Baamusinza, baira mu Yerusalemu n'eisanhu lingi inho, 53era baabanga mu isinzizo ebiseera byonabyona nga basaaka Katonda.</div>
 </div>
 </div>
</div>

Ku lusooka mu Sabbato, baawuuna be pwi pwi pwi, baaja ku magombe n'obuwoowo bwe baategeka ku lule. Baayagaana ng'eibaale ligalangwirwa okuva ku magombe, aye bwe bangira baaloba kwagaanamu mulambo gwa Musengwa Yesu. Baali bakaali agho, nga basobeirwa, baabona abasaadha babiri abavaire ebimesunkana nga beemereire agho. Baatya inho baakoteka emitwe, abasaadha baabakoba bati: “Lwaki muli kwagalira omulamu mu bafu? Tali ghano, azuukiire. Mwidhukire bwe yabakoba ng'akaali e Galilaaya, bwe yakoba ati, ‘Omwana w'Omuntu ali n'okugheebwayo mu mikono gy'ababi, akomererwe era olunaku olwokusatu azuukire.’ ”
Era baidhukira ebibono bye ebyo. Baava ku magombe baira, baakoberaku eikumi n'omulala n'abandi boonaboona ebintu ebyo byonabyona. Abakazi abaakobera Abatume ebintu bino baali Maria Magadalene, Yoanna, ni Maria inhinha owa Yakobo n'abandi be baali nabo. Aye ebibono ebyo byabawulikanira ng'oti bya kudhondha era baaloba kubiikiriza. Petero yaasituka, yaalumuka okuja ku magombe era bwe yatuuka yaakutama, yaalengeza mu magombe, yaabona bwa ngoye dhe baamuziikamu dhonka, yairayo eka nga yeewuunhia mu mwoyo gwe ebyo ebyaligho.


Ku lunaku lwene olwo ghaabaagho ku Beegeresebwa babiri abaali batambula nga baja mu kyalo ekyetebwa Emmao. Okuva e Yerusalemu okutuuka Emmao ghaligho kilomita ikumi na ndala. Baajanga nga baghaya ku bintu bino ebyali byakamala okubaagho. Baali bakaaghaya bwe beebuuzagania, Yesu mwene yaabatuukaku yaatoolera okutambula nabo aye amaiso gaibwe gaaliku ekintu baaloba kumutegeera. Yaababuuza ati: “Bibono ki ebyo bye muli kwogeraku nga mutambula?”
Baayemerera nga badhuunie. Owundi ye baayetanga Kileopa yaamubuuza ati: “Niiwe wenka omugeni mu Yerusalemu ataidhi bintu bikibairemu mu nnaku dhino?”
Yaakoba ati: “Bintu ki?” Baakoba bati: “Ebigema ku Yesu ow'e Nazarethi eyali omulanzi ow'amaani mu bikolwa ni mu bibono mu maiso ga Katonda n'abantu boonaboona era nga Bakabona Abakulu n'abafuzi bwe baamughaayo okusalirwa ogw'okufa era n'akomererwa? Ate ife ni twali tumwesunga tuti n'ow'okununula Isiraeli, aye wuuno luno lwakusatu kasookanga bino bibaagho. Ebyo nga bikaali agho ghaligho abakazi mu kikunsu kyaife abatuwugulaiza bwe bajiire ku magombe ku nkyo. Tibaagaineeyo mulambo gwe, baira era baatukobera bati bamalaika bababonekeire baabakoba bati mulamu. Era abandi ku ife boona bajiire ku magombe era baayagaana nga biri bwenebwene ng'abakazi bwe bakobye, aye Yesu tibamuboine.”
Agho yaabakoba ati: “Ye bano abasirusiru, ab'emyoyo egirwa okwikiriza abalanzi bye boogera! Tikyali nti bino byali biri n'okutuuka ku Kurisito memale atuuke mu kitiisa kye?” Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.
Bwe baatuuka okumpi n'ekyalo mwe baali baja yaaboneka oti yeeyongerayo aye baamughaliriza asigale agho nabo nga bamukoba bati: “Eigulo lituuse, obwire buzibye.” Kale yaaja nabo nga wa kusula. Olwatyama ku kiiwulo yaatoola omugaati, yaagugha enkabi yeeyanza, yaagumegulamegulamu, yaabagha. Olwo baazibuka amaiso baamutegeera, aye yaababuliraku agho. Agho baakoba bati: “Titusuuyirirenga mule bw'abaire ng'ayogera n'ife mu ngira! Ng'atwinhonhola amakulu ag'Ebyaghandiikibwa?”
Saawa eyo yeene baasituka bairayo e Yerusalemu baayagaana eikumi n'omulala, n'abandi bwe baabitanga, nga beesoloiza ghalala, baabakobera bati: “Bwenebwene Musengwa azuukiire, era abonekeire Simoni.”
Boona baabaghayiraku nga bwe byali mu ngira ni bwe baamutegeerera ku kumegulamegula mu mugaati.


Baali bakaabaghayiraku, Yesu mwene yaabeemereramu ghagati yaabakoba ati: “Emiraala gibe n'imwe.”
Baatya baadhugumira nga badhuubiriza bati bali kubona muzimu. Yaabakoba ati: “Kiki ekibatabwire, lwaki muba n'ebidhuubo bityo mu myoyo gyaimwe? Mulinge ku ngalo dhange, n'ebigere byange, ninze mwenemwene mungemeku mubone kuba omuzimu tiguba na mubiri waire magumba nga bwe mubona bwendi nabyo.”
Bwe yamala okukoba atyo, yaabalaga engalo dhe n'ebigere bye. Aye bwe baali nga bakaali kwikiriza olw'eisanhu n'okwewuunhia, yaabakoba ati: “Muligho ghano n'ekintu kyonakyona ekiriibwa?” Baamugha ekimega eky'ekyenhandha ekitalike, yaakitoola yaakirya nga babona.
Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”
Agho yaigula emyoyo gyaibwe okutegeera Ebyaghandiikibwa, yaabakoba ati: “Kiti bwe kyaghandiikibwa nti Kurisito ali n'okudaagadaaga era ku lunaku olwokusatu azuukire okuva mu bafu, era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu. Niimwe abadhulizi ab'ebintu ebyo. Era nze mwene ndidha kubagheereza oyo Lata wange ye yabasuubiza aye musigale mu kibuga okutuusa nga muvaaziibwa amaani okuva mu igulu.”


Yesu yaabakulemberamu baafuluma, baatambula okuja e Bethania. Agho yaagolola amakono ge yaabagha omukisa. Era bwe yali abagha omukisa yaabavaaku yaatwalibwa mu igulu. Baamusinza, baira mu Yerusalemu n'eisanhu lingi inho, era baabanga mu isinzizo ebiseera byonabyona nga basaaka Katonda.

收聽 Luka 24