2 Corinthians 8
8
1Nga ngreda kinè, dalahimam ga, pombi Zhiklè man mpi ndohi Zhiklè Macèdoine a n'ngotso. 2Ko ta te ndev matakwan kumba, ta wuffè holhola'a gènè. Ko ta tawassa kumba, ta vau skwi a vata, a ndav nzura'a.
3I ndo malwuƌai tenga'a, aman ta vau skwai a ndav amba, a fena wuƌi ta ba. 4Ta tsa nga ri kam kam, ta dzhoƌ civèƌ, aman ta mbi a mizlinè ntakaha ta ndohi Zhiklè. 5A ta gau ara man nga hur genè ka ɓai, aman ta vau va ta, nshèlèkura'a a Bi Zhiklè, te deɓa'a ta vau va ta a gèƌ nga, ara man Zhiklè a woya'a. 6Gar haha Tite a ndeva mizlinè pombi a sam kinè, ara man a hüno.
7Lèmèlèmè ara man kin ngots kumba te skwi tèlèba, te ncè-a-ndav, te ngèƌè, te nshin skwai, te ngi gazawa te skwi tèlèba, te mwoy-ndo, man kin ngotso a sam nga, vangreda mwoy-ndo kinè auda te mvi skwi ba. 8I gèƋè ara man i fa kinè a gèƋ a wuƋi ka ɓai. Aman a géƋ man ndohi ngiƋè ta vi skwi a vata, i jkedè mwoy-ndo a ndav kinè ba: kin woy ndo a vava ƌè?
9Aman kin sun pombi Bi nga Yèsu Kristi, ko nenga'a ndo mèshèlè, a n'nde na a ndo ntawassa'a, a géƋ kinè, a géƋ man te ntèwèshè nenga'a kin ndi a ndohi mèshèlè. 10I hur ar haha: aman skwi haha a da takaha kinè. Atutsa kin hüno ngia'a, a gèƌ man kin woya'a.
11Aman ara man kin woy a kin gia'a, varufa skwi man kin hüno, a kin vi skwi man kin ngotso. 12Aman ndo a wuffè a géƋ mvi skwi man a ngotso, ambaba Zhiklè. Zhiklè ajhèƋè skwi man a ngatsa ɓai, ka ɓai.
13I woy aman ndohi ngiƌè ta wèl va, a kinè, kin si matakwan te ria'a, azbai; aman skwi da lèmda. 14Te njèkèƋi skwi kinè, kin takaha ta tengahia'a man antanta skwi dè'a ta ɓai. Te deɓa ba te njèkèdi skwi tenga'a, ta da takaha kinè te skwi man dè'a kinè ɓai: a skwi a nlèmdè aranta, ara man ƌèlèwèr Zhiklè a gaƌa:
15Ndo man a ɓica skwi kumba, mpataka'a azɓai; ndo man a ɓica skwi kumba ɓai, skwi man dè'a na ɓi ba, azɓai.
16Nga shid gèƋ a Zhiklè, aman a n'ndha ndav Tite, a gi wuƋi kumba a géƌ kinè aranta. 17Nenga'a a ngu ara man nga dzhoƋo a ndav amba; aman nenga'a a nhur a ri na, aman a ndè a sam kinè. 18Nga zlündo kramam ngiƌè a nda nenga'a, man labar ma nenga'a a géƌ man ma mbela'a amba, a zlèzlèmè a sam mpi ndohi Zhiklè tèlèba.
19Mpi ndohi Zhiklè ta co nenga'a auda a ndo man kin tsakala na skwi a rai, a nga Ƌè a vna, a nga ngreda skwi man amba man nga woya a nga gia'a, a n'njèl Zhiklè. 20Gar haha nga nga gi maya a sam ndohi man ta tsa nga demgasl a géƌ skwi mbia'a man a shkè auda te mizlinè nga. 21Aman nga gi maya, aman skwi tèlè a gi zura'a a sam di Bi Zhiklè, a sam di ndohi ba.
22A nga zlündo kramam nga ngiƌè a nda tenga'a, man nga ngotso a géƌ mizlinè man a gia zura'a. Antanta a gi holhola'a za'a a géƌ man a fi géƌ a kinè. 23Anai Tite, ndo ga, man nga gi mizlinè a vna te ndev kinè; kramamhi nga man ta zlundo ara ndohi sak mpi ndohi Zhiklè, man nenga'a njèl Kristi; 24vangreda mwoy-ndo a ndav kinè a sam di mpi ndohi Zhilkè tèlèba; vagu malwuƌai, ara man nga tsi wi a gèƌ kinè ambali ka ɓai.
Mofa New Testament © The Bible Society of Cameroun, 1989
2 Corinthians 8
8
1Nga ngreda kinè, dalahimam ga, pombi Zhiklè man mpi ndohi Zhiklè Macèdoine a n'ngotso. 2Ko ta te ndev matakwan kumba, ta wuffè holhola'a gènè. Ko ta tawassa kumba, ta vau skwi a vata, a ndav nzura'a.
3I ndo malwuƌai tenga'a, aman ta vau skwai a ndav amba, a fena wuƌi ta ba. 4Ta tsa nga ri kam kam, ta dzhoƌ civèƌ, aman ta mbi a mizlinè ntakaha ta ndohi Zhiklè. 5A ta gau ara man nga hur genè ka ɓai, aman ta vau va ta, nshèlèkura'a a Bi Zhiklè, te deɓa'a ta vau va ta a gèƌ nga, ara man Zhiklè a woya'a. 6Gar haha Tite a ndeva mizlinè pombi a sam kinè, ara man a hüno.
7Lèmèlèmè ara man kin ngots kumba te skwi tèlèba, te ncè-a-ndav, te ngèƌè, te nshin skwai, te ngi gazawa te skwi tèlèba, te mwoy-ndo, man kin ngotso a sam nga, vangreda mwoy-ndo kinè auda te mvi skwi ba. 8I gèƋè ara man i fa kinè a gèƋ a wuƋi ka ɓai. Aman a géƋ man ndohi ngiƋè ta vi skwi a vata, i jkedè mwoy-ndo a ndav kinè ba: kin woy ndo a vava ƌè?
9Aman kin sun pombi Bi nga Yèsu Kristi, ko nenga'a ndo mèshèlè, a n'nde na a ndo ntawassa'a, a géƋ kinè, a géƋ man te ntèwèshè nenga'a kin ndi a ndohi mèshèlè. 10I hur ar haha: aman skwi haha a da takaha kinè. Atutsa kin hüno ngia'a, a gèƌ man kin woya'a.
11Aman ara man kin woy a kin gia'a, varufa skwi man kin hüno, a kin vi skwi man kin ngotso. 12Aman ndo a wuffè a géƋ mvi skwi man a ngotso, ambaba Zhiklè. Zhiklè ajhèƋè skwi man a ngatsa ɓai, ka ɓai.
13I woy aman ndohi ngiƌè ta wèl va, a kinè, kin si matakwan te ria'a, azbai; aman skwi da lèmda. 14Te njèkèƋi skwi kinè, kin takaha ta tengahia'a man antanta skwi dè'a ta ɓai. Te deɓa ba te njèkèdi skwi tenga'a, ta da takaha kinè te skwi man dè'a kinè ɓai: a skwi a nlèmdè aranta, ara man ƌèlèwèr Zhiklè a gaƌa:
15Ndo man a ɓica skwi kumba, mpataka'a azɓai; ndo man a ɓica skwi kumba ɓai, skwi man dè'a na ɓi ba, azɓai.
16Nga shid gèƋ a Zhiklè, aman a n'ndha ndav Tite, a gi wuƋi kumba a géƌ kinè aranta. 17Nenga'a a ngu ara man nga dzhoƋo a ndav amba; aman nenga'a a nhur a ri na, aman a ndè a sam kinè. 18Nga zlündo kramam ngiƌè a nda nenga'a, man labar ma nenga'a a géƌ man ma mbela'a amba, a zlèzlèmè a sam mpi ndohi Zhiklè tèlèba.
19Mpi ndohi Zhiklè ta co nenga'a auda a ndo man kin tsakala na skwi a rai, a nga Ƌè a vna, a nga ngreda skwi man amba man nga woya a nga gia'a, a n'njèl Zhiklè. 20Gar haha nga nga gi maya a sam ndohi man ta tsa nga demgasl a géƌ skwi mbia'a man a shkè auda te mizlinè nga. 21Aman nga gi maya, aman skwi tèlè a gi zura'a a sam di Bi Zhiklè, a sam di ndohi ba.
22A nga zlündo kramam nga ngiƌè a nda tenga'a, man nga ngotso a géƌ mizlinè man a gia zura'a. Antanta a gi holhola'a za'a a géƌ man a fi géƌ a kinè. 23Anai Tite, ndo ga, man nga gi mizlinè a vna te ndev kinè; kramamhi nga man ta zlundo ara ndohi sak mpi ndohi Zhiklè, man nenga'a njèl Kristi; 24vangreda mwoy-ndo a ndav kinè a sam di mpi ndohi Zhilkè tèlèba; vagu malwuƌai, ara man nga tsi wi a gèƌ kinè ambali ka ɓai.
Mofa New Testament © The Bible Society of Cameroun, 1989