Zacarias 4
4
Ang Panan-awon bahin sa Tungtonganang Suga
1Ug miduol pag-usab ang anghel nga nakigsulti kanako ug gipukaw niya ako sama nga daw nahikatulog ako. 2Ug gipangutana ako niya, “Unsay imong nakita?”
Giingnan ko siya, “Usa ka tungtonganag suga nga lubos bulawan ug tumoy niini may sudlanan sa lana. Kining tungtonganan may pito ka suga ug ang matag suga may pito ka butanganag pabilo. 3Ug#Gipa. 11:4. sa kiliran sa tungtonganag suga may duha ka kahoy nga olibo, ang usa sa tuo ug ang usa sa wala.” 4Ug gipangutana ko ang anghel nga nakigsulti kanako, “Unsa may kahulogan niini?”
5Ang anghel mitubag kanako, “Wala ka ba diay masayod ug unsay kahulogan niini?”
Gitubag ko siya, “Wala.”
10bMiingon ang anghel kanako, “Kining pito ka suga mao ang mga mata ni Yahweh nga nagtan-aw sa tibuok kalibotan.”#4:10b Ang bersikulo 10b-14 gibalhin dinhi gikan sa kataposan sa kapitulo aron mas masabtan ang dagan sa sugilanon.
11Unya#Gipa. 11:4. gipangutana ko siya, “Unsa man kining duha ka kahoyng olibo nga anaa sa tuo ug sa wala sa tungtonganan sa suga?” 12Ug gipangutana ko pa gayod siya, “Unsa may kahulogan niining duha ka sanga sa kahoy nga olibo nga anaa sa kiliran sa duha ka tubo nga bulawan diin modagayday ang lana?”#4:12 lana: Sa Hebreo, bulawan.
13Giingnan ako niya, “Wala ka ba diay masayod ug unsa kini?”
Mitubag ako, “Wala.”
14Unya miingon siya, “Kini mao ang duha ka tawo nga dinihogan aron mag-alagad sa Ginoo sa tibuok kalibotan.”
Ang Saad sa Dios ngadto kang Zerubabel
6Unya#Esd. 5:2. giingnan ako sa anghel nga isulti kining mensahe ni Yahweh nga Labing Gamhanan ngadto kang Zerubabel, “Molampos ka, dili pinaagi sa kusog o sa imong gahom kondili pinaagi sa akong espiritu. 7Ang mga kakulian nga ingon kadagko sa mga bukid mahanaw sa imong atubangan. Tukoron mo pag-usab ang Templo ug sa diha nga ipahimutang mo ang kataposang#4:7 kataposang: o pasukaranang. bato, mosinggit ang katawhan, ‘Pagkaanindot, pagkaanindot gayod!’”
8Ug giingnan pa gayod ako sa Ginoo, 9“Si Zerubabel maoy nagpahiluna sa sukaranan niining Temploha ug siya mao ang mohuman niini. Unya mahibaloan sa akong katawhan nga ako maoy nagpadala kanimo ngadto kanila. 10aBisag#Gipa. 5:6. kinsa nga nagtamay nga hinay ang dagan sa pagtukod niini magmalipayon ra unya kay makita niya nga si Zerubabel nagpadayon pagtukod sa Templo.”
© 1999 Philippine Bible Society
Zacarias 4
4
Ang Panan-awon bahin sa Tungtonganang Suga
1Ug miduol pag-usab ang anghel nga nakigsulti kanako ug gipukaw niya ako sama nga daw nahikatulog ako. 2Ug gipangutana ako niya, “Unsay imong nakita?”
Giingnan ko siya, “Usa ka tungtonganag suga nga lubos bulawan ug tumoy niini may sudlanan sa lana. Kining tungtonganan may pito ka suga ug ang matag suga may pito ka butanganag pabilo. 3Ug#Gipa. 11:4. sa kiliran sa tungtonganag suga may duha ka kahoy nga olibo, ang usa sa tuo ug ang usa sa wala.” 4Ug gipangutana ko ang anghel nga nakigsulti kanako, “Unsa may kahulogan niini?”
5Ang anghel mitubag kanako, “Wala ka ba diay masayod ug unsay kahulogan niini?”
Gitubag ko siya, “Wala.”
10bMiingon ang anghel kanako, “Kining pito ka suga mao ang mga mata ni Yahweh nga nagtan-aw sa tibuok kalibotan.”#4:10b Ang bersikulo 10b-14 gibalhin dinhi gikan sa kataposan sa kapitulo aron mas masabtan ang dagan sa sugilanon.
11Unya#Gipa. 11:4. gipangutana ko siya, “Unsa man kining duha ka kahoyng olibo nga anaa sa tuo ug sa wala sa tungtonganan sa suga?” 12Ug gipangutana ko pa gayod siya, “Unsa may kahulogan niining duha ka sanga sa kahoy nga olibo nga anaa sa kiliran sa duha ka tubo nga bulawan diin modagayday ang lana?”#4:12 lana: Sa Hebreo, bulawan.
13Giingnan ako niya, “Wala ka ba diay masayod ug unsa kini?”
Mitubag ako, “Wala.”
14Unya miingon siya, “Kini mao ang duha ka tawo nga dinihogan aron mag-alagad sa Ginoo sa tibuok kalibotan.”
Ang Saad sa Dios ngadto kang Zerubabel
6Unya#Esd. 5:2. giingnan ako sa anghel nga isulti kining mensahe ni Yahweh nga Labing Gamhanan ngadto kang Zerubabel, “Molampos ka, dili pinaagi sa kusog o sa imong gahom kondili pinaagi sa akong espiritu. 7Ang mga kakulian nga ingon kadagko sa mga bukid mahanaw sa imong atubangan. Tukoron mo pag-usab ang Templo ug sa diha nga ipahimutang mo ang kataposang#4:7 kataposang: o pasukaranang. bato, mosinggit ang katawhan, ‘Pagkaanindot, pagkaanindot gayod!’”
8Ug giingnan pa gayod ako sa Ginoo, 9“Si Zerubabel maoy nagpahiluna sa sukaranan niining Temploha ug siya mao ang mohuman niini. Unya mahibaloan sa akong katawhan nga ako maoy nagpadala kanimo ngadto kanila. 10aBisag#Gipa. 5:6. kinsa nga nagtamay nga hinay ang dagan sa pagtukod niini magmalipayon ra unya kay makita niya nga si Zerubabel nagpadayon pagtukod sa Templo.”
© 1999 Philippine Bible Society