Miqueas 5
5
1Katawhan sa Jerusalem, pangandam kamo#5:1 pangandam kamo: Sa Hebreo dili klaro.
kay misulong na ang mga kaaway.
Giataki na nila ang mga pangulo sa Israel.
Nagsaad ang Dios ug Pangulo nga gikan sa Betlehem
2Miingon#Mat. 2:6; Juan 7:42. ang Ginoo,
“Apan ikaw, O Betlehem Efrata,
bisag ikaw gamay nga lungsod sa Juda,
anha maggikan kanimo ang usa ka hari sa Israel,
nga ang kagikan nagsukad pa gayod sa kakaraanan.”
3Busa itugyan sa Ginoo ang iyang katawhan ngadto sa ilang mga kaaway,
hangtod nga manganak na ang babayeng nagbati.
Unya ang tanan niyang kadugo nga gipamihag mamauli na sa ilang nasod.
4Inig-abot niya, harian niya ang iyang katawhan sa gahom nga gikan sa Ginoo,
ug sa kahalangdon nga gikan gayod sa Ginoo nga iyang Dios.
Magpuyo nga layo sa kadaot ang iyang katawhan,
kay ang katawhan sa tibuok kalibotan moila man sa iyang pagkagamhanan
5ug magdala siyag kalinaw.
Kaluwasan ug Silot
Inigsulong sa taga-Asiria sa atong nasod#5:5 nasod: Sa Hebreo, palasyo. aron paggun-ob nila sa atong mga panalipod,
ipaaway ta sila sa labing isog natong mga pangulo.
6Unya#Gen. 10:8-11. mailog nila ang Asiria
ug ang yuta ni Nimrod pinaagi sa espada.
Sila#5:6 Sila: Sa Hebreo, siya. ang moluwas kanato
inigsulong na sa taga-Asiria sa atong nasod.
7Unya ang nahibiling katawhan sa Israel
magkatibulaag tipon sa nagkalainlaing katawhan
sama sa yamog gikan sa Ginoo,
ug ingon sa taligsik nga mangahulog sa kasagbotan.
Mag-agad sila sa Dios ug dili sa tawo.
8Ang nahibiling katawhan sa Israel
nga nagkatibulaag ngadto sa nagkalainlaing nasod
mahisama sa usa ka liyon tipon sa mga mananap sa lasang,
o sa itoy nga liyon taliwala sa mga karnero.
Moyatakyatak ug mokuniskunis kini kanila
ug wala gayoy makaluwas.
9Buntogon sa Israel ang iyang mga kaaway,
ug mangamatay silang tanan.
10Nag-ingon ang Ginoo,
“Niadtong unyang adlawa, pamatyon ko ang inyong mga kabayo
ug gub-on ang inyong mga karwahi.
11Lumpagon ko ang inyong mga siyudad
ug pukanon ang inyong mga kota.
12Wagtangon ko ang inyong pagkabarangan,
ug mahanaw unya ang inyong mga mananagna.
13Dugmokon ko ang inyong mga diosdios ug ang inyong mga sagradong haligi
aron dili na kamo magsimba sa binuhat sa inyong mga kamot.
14Pangibton ang mga larawan sa inyong diosa nga si Asera
ug gun-obon ang inyong mga siyudad.
15Tungod sa akong kasuko,
silotan ko ang mga nasod nga wala motuman sa akong sugo.”
© 1999 Philippine Bible Society
Miqueas 5
5
1Katawhan sa Jerusalem, pangandam kamo#5:1 pangandam kamo: Sa Hebreo dili klaro.
kay misulong na ang mga kaaway.
Giataki na nila ang mga pangulo sa Israel.
Nagsaad ang Dios ug Pangulo nga gikan sa Betlehem
2Miingon#Mat. 2:6; Juan 7:42. ang Ginoo,
“Apan ikaw, O Betlehem Efrata,
bisag ikaw gamay nga lungsod sa Juda,
anha maggikan kanimo ang usa ka hari sa Israel,
nga ang kagikan nagsukad pa gayod sa kakaraanan.”
3Busa itugyan sa Ginoo ang iyang katawhan ngadto sa ilang mga kaaway,
hangtod nga manganak na ang babayeng nagbati.
Unya ang tanan niyang kadugo nga gipamihag mamauli na sa ilang nasod.
4Inig-abot niya, harian niya ang iyang katawhan sa gahom nga gikan sa Ginoo,
ug sa kahalangdon nga gikan gayod sa Ginoo nga iyang Dios.
Magpuyo nga layo sa kadaot ang iyang katawhan,
kay ang katawhan sa tibuok kalibotan moila man sa iyang pagkagamhanan
5ug magdala siyag kalinaw.
Kaluwasan ug Silot
Inigsulong sa taga-Asiria sa atong nasod#5:5 nasod: Sa Hebreo, palasyo. aron paggun-ob nila sa atong mga panalipod,
ipaaway ta sila sa labing isog natong mga pangulo.
6Unya#Gen. 10:8-11. mailog nila ang Asiria
ug ang yuta ni Nimrod pinaagi sa espada.
Sila#5:6 Sila: Sa Hebreo, siya. ang moluwas kanato
inigsulong na sa taga-Asiria sa atong nasod.
7Unya ang nahibiling katawhan sa Israel
magkatibulaag tipon sa nagkalainlaing katawhan
sama sa yamog gikan sa Ginoo,
ug ingon sa taligsik nga mangahulog sa kasagbotan.
Mag-agad sila sa Dios ug dili sa tawo.
8Ang nahibiling katawhan sa Israel
nga nagkatibulaag ngadto sa nagkalainlaing nasod
mahisama sa usa ka liyon tipon sa mga mananap sa lasang,
o sa itoy nga liyon taliwala sa mga karnero.
Moyatakyatak ug mokuniskunis kini kanila
ug wala gayoy makaluwas.
9Buntogon sa Israel ang iyang mga kaaway,
ug mangamatay silang tanan.
10Nag-ingon ang Ginoo,
“Niadtong unyang adlawa, pamatyon ko ang inyong mga kabayo
ug gub-on ang inyong mga karwahi.
11Lumpagon ko ang inyong mga siyudad
ug pukanon ang inyong mga kota.
12Wagtangon ko ang inyong pagkabarangan,
ug mahanaw unya ang inyong mga mananagna.
13Dugmokon ko ang inyong mga diosdios ug ang inyong mga sagradong haligi
aron dili na kamo magsimba sa binuhat sa inyong mga kamot.
14Pangibton ang mga larawan sa inyong diosa nga si Asera
ug gun-obon ang inyong mga siyudad.
15Tungod sa akong kasuko,
silotan ko ang mga nasod nga wala motuman sa akong sugo.”
© 1999 Philippine Bible Society