رَوْمَا 11
11
اللّه ما أبى بني إسرائيل
1وَ أَشَانْ دَا، أَنَا نَسْأَلْ سُؤَالْ. اللّٰهْ أَبَى شَعَبَهْ بَنِي إِسْرَائِيلْ مَرَّةْ وَاحِدْ وَلَّا؟ لَا، أَبَداً. أَنَا ذَاتِي مِنْ بَنِي إِسْرَائِيلْ وَ مِنْ ذُرِّيَّةْ إِبْرَاهِيمْ وَ مِنْ قَبِيلَةْ بَنْيَامِينْ. 2اللّٰهْ مَا أَبَى شَعَبَهْ الْعَزَلَاهُمْ مِنْ أَوَّلْ.
وَلَّا نِسِيتُوا الْكَلَامْ الْمَكْتُوبْ فِي الْكِتَابْ الْبُخُصّ النَّبِي إِلِيَاسْ؟ فِي بَكَانْ وَاحِدْ، هُو حَجَّى لِلّٰهْ وَ شَكَى مِنْ بَنِي إِسْرَائِيلْ 3وَ قَالْ: <يَا اللّٰهْ، هُمَّنْ كَتَلَوْا الْأَنْبِيَاء الرَّسَّلْتُهُمْ وَ كَسَّرَوْا كُلَّ مَدَابْحَكْ. وَ أَنَا فَضَّلْت وِحَيْدِي وَ هُمَّنْ يِفَتُّشُونِي لِيَكْتُلُونِي.>#11:3 الكلام دا تلقوه في 1 مُلوك 19:10. 4وَ لَاكِنْ اللّٰهْ رَدَّ لَيَّهْ كِكَّيْف؟ هُو قَالْ: <أَنَا حَفَضْت مِنْهُمْ 7 000 نَاسْ الْأَبَداً مَا سَجَدَوْا قِدَّامْ إِلٰـهْ بَعَلْ.>#11:4 الكلام دا تلقوه في 1 مُلوك 19:18.
5وَ الشَّيّءْ الْقَاعِدْ يَبْقَى هَسَّعْ، هُو مِثِلْ الشَّيّءْ الْبِقِي فِي الْوَكِتْ دَاكْ. فَضَّلَوْا نَاسْ شِيَّةْ بَسْ الْيِتَابُعُوا اللّٰهْ وَ هُمَّنْ النَّاسْ الْاللّٰهْ عَزَلَاهُمْ بِنِعْمَتَهْ. 6وَ كَنْ دِي نِعْمَةْ، دَا مَا بِقِي بِسَبَبْ أَيِّ شَيّءْ الْهُمَّنْ سَوَّوْه. أَشَانْ كَنْ اللّٰهْ عَزَلْ النَّاسْ بِسَبَبْ الشَّيّءْ السَّوَّوْه، النِّعْمَةْ مَا تَبْقَى نِعْمَةْ.
7وَ دَا كِكَّيْف؟ بَنِي إِسْرَائِيلْ مَا لِقَوْا الشَّيّءْ الطَّلَبَوْه مِنْ اللّٰهْ. إِلَّا النَّاسْ الْاللّٰهْ عَزَلَاهُمْ بَسْ لِقَوْه. وَ الْآخَرِينْ رُوسَيْهُمْ بِقَوْا قَوِيِّينْ. 8أَشَانْ دَا، مَكْتُوبْ فِي الْكِتَابْ: <اللّٰهْ نَزَّلْ فَوْقهُمْ رُوحْ هَنَا نَوْم وَ عُيُونْهُمْ مَا يِشِيفُوا وَ أُدْنَيْهُمْ مَا يَسْمَعَوْا لَحَدِّي الْيَوْم.>#11:8 الكلام دا تلقوه في إشَعْيا 29:10. 9وَ النَّبِي دَاوُدْ قَالْ:
<خَلِّي دَبَلَايِتْهُمْ تَبْقَى لَيْهُمْ
أَمْ كَجَّامَةْ وَ شَرَكْ قِدَّامْهُمْ.
خَلِّي بَرَكَاتْهُمْ يَبْقَوْا لَيْهُمْ
شُغُلْ الْيِنْطَقَّوْا فَوْقَهْ وَ عِقَابْ.
10خَلِّي عُيُونْهُمْ يِطَوْشُشُوا
وَ بَتَّانْ مَا يِشِيفُوا
وَ دَايْماً أَكْسِرْ ضُهُورْهُمْ.>#11:10 الكلام دا تلقوه في زَبُور 69:22-23، حسب الترْجمة اليونانيّة.
11أَشَانْ دَا نَسْأَلْ. هُمَّنْ وَقَعَوْا مَرَّةْ وَاحِدْ لَحَدِّي بَتَّانْ مَا يُقُمُّوا وَلَّا؟ لَا، أَبَداً. هُمَّنْ وَقَعَوْا وَ بِخَطَاهُمْ دَا، نَجَاةْ اللّٰهْ لِحْقَتْ النَّاسْ الْمَا يَهُودْ أَشَانْ يِسَوِّي الْيَهُودْ يَحْسُدُوهُمْ. 12وَ كَنْ خَطَا الْيَهُودْ سَبَّبْ بَرَكَةْ كَبِيرَةْ لِنَاسْ الدُّنْيَا وَ مَسْكَنَةْ الْيَهُودْ سَبَّبَتْ بَرَكَةْ كَبِيرَةْ لِلنَّاسْ الْمَا يَهُودْ، أَكِيدْ وَكِتْ الْيَهُودْ يِقَبُّلُوا مَرَّةْ وَاحِدْ فِي الدَّرِبْ، دَا يَبْقَى لَيْنَا بَرَكَةْ كَبِيرَةْ بِزِيَادَةْ.
13يَا النَّاسْ الْمَا يَهُودْ، أَنَا قَاعِدْ نِحَجِّي لَيْكُو. أَنَا الرَّسُولْ الْمُرَسَّلْ لِلنَّاسْ الْمَا يَهُودْ وَ أَنَا فَرْحَانْ بِلْحَيْن بِخِدِمْتِي 14أَشَانْ أَكُونْ نِسَوِّي أَخْوَانِي الْيَهُودْ يَحْسُدُوكُو وَ أَكُونْ بِمِثِلْ دَا، نِنَجِّي وَاحِدِينْ مِنْهُمْ. 15وَكِتْ اللّٰهْ أَبَى الْيَهُودْ، نَاسْ الدُّنْيَا لِقَوْا سَلَامْ مَعَ اللّٰهْ. وَ كَنْ بِقِي مِثِلْ دَا، يَبْقَى كِكَّيْف وَكِتْ اللّٰهْ يَقْبَلْ الْيَهُودْ بَتَّانْ؟ دَا يِجِيبْ بُعَاثْ الْمَيْتِينْ.
مَثَل هنا فُروع الزَيْتون
16كَنْ الْإِنْتَاجْ الْأَوَّلْ هُو خَاصّ لِلّٰهْ، الْعَجِينْ الْيِسَوُّوهْ مِنْهَا كُلَ خَاصّ لِلّٰهْ. وَ كَنْ خَصَّصَوْا عُرُوقْ الشَّدَرَةْ لِلّٰهْ، فُرُوعْهَا كُلَ خَاصِّيْن لِلّٰهْ. 17وَ مِثِلْ دَا، ذُرِّيَّةْ إِبْرَاهِيمْ مِثِلْ شَدَرَةْ الزَّيْتُونْ وَ فُرُوعْ وَاحِدِينْ قَطَعَوْهُمْ مِنْهَا. وَ إِنْتَ الْمَا يَهُودِي، إِنْتَ مِثِلْ فِرِعْ هَنَا الزَّيْتُونْ الْبَنْدَرْ. وَ شَالَوْك وَ لَصَّقَوْك فِي الشَّدَرَةْ الْفِي الْجِنَيْنَةْ فِي بَدَلْ الْفُرُوعْ الْقَطَعَوْهُمْ. وَ مِثِلْ دَا، إِنْتَ كُلَ تِعِيشْ مِنْ الْعُرُوقْ الْعَدِيلِينْ مَعَ الْفُرُوعْ الْفَضَّلَوْا. 18وَ بِمِثِلْ دَا، وَاجِبْ إِنْتَ مَا تِفَاشِرْ فِي الْفُرُوعْ الْقَطَعَوْهُمْ. وَ كَنْ تِدَوْر تِفَاشِرْ كَمَانْ، فَكِّرْ كَدَرْ إِنْتَ مَا قَاعِدْ تِعَيِّشْ الْعُرُوقْ لَاكِنْ الْعُرُوقْ قَاعِدِينْ يِعَيُّشُوكْ إِنْتَ.
19أَكُونْ تُقُولْ: «الْفُرُوعْ دَوْل، قَطَعَوْهُمْ أَشَانْ سِيدْ الْجِنَيْنَةْ دَوَّرْ يِلَصِّقْنِي أَنَا فِي الشَّدَرَةْ فِي بَدَلْهُمْ.» 20كَلَامَكْ دَا صَحِيحْ. لَاكِنْ مَا تَنْسَى قَطَعَوْهُمْ أَشَانْ هُمَّنْ مَا آمَنَوْا وَ إِنْتَ قَاعِدْ فِي بَكَانْهُمْ بِسَبَبْ إِيمَانَكْ بَسْ. مَا تِسْتَكْبَرْ. أَنْقَرِعْ! 21كَنْ اللّٰهْ مَا عَفَا فُرُوعْ الشَّدَرَةْ، هُو مَا يَعَفَاكْ إِنْتَ كُلَ.
22فَكِّرْ فِي مَحَنَّةْ اللّٰهْ وَ فَكِّرْ فِي حُكْمَهْ الْقَوِي كُلَ. حُكْمَهْ قَوِي فِي النَّاسْ الْمَرَقَوْا مِنْ الدَّرِبْ، لَاكِنْ هُو حَنُونْ لَيْك بِلْحَيْن كَنْ تَقْعُدْ ثَابِتْ فِي إِحْسَانَهْ. وَ كَنْ مَا تَقْعُدْ ثَابِتْ، إِنْتَ كُلَ يَقْطَعَوْك. 23وَ بَنِي إِسْرَائِيلْ كُلَ، كَنْ يِخَلُّوا قِلَّةْ إِيمَانْهُمْ، اللّٰهْ يِقَبِّلْهُمْ بَتَّانْ فِي بَكَانْهُمْ الْأَوَّلْ قَاعِدِينْ فَوْقَهْ أَشَانْ اللّٰهْ قَادِرْ يِسَوِّيهْ. 24وَ بَيْدَا، إِنْتَ فِرِعْ مِنْ الْبَنْدَرْ. وَ اللّٰهْ قَطَعَكْ مِنَّهْ وَ لَصَّقَاكْ فِي شَدَرَةْ الزَّيْتُونْ الْمَقَّنْهَا. وَ دَا مَا بَكَانَكْ الْوَاجِبْ لَيْك. أَشَانْ دَا، يَبْقَى هَيِّنْ لِلّٰهْ يِقَبِّلْ الْفُرُوعْ الْقَطَعَاهُمْ وَ يِلَصِّقْهُمْ بَتَّانْ فِي الْبَكَانْ الْوَاجِبْ لَيْهُمْ.
رحْمة اللّه لكل الناس
25يَا أَخْوَانِي، نِدَوْر نِأَوْرِيكُو بِسِرّ وَاحِدْ الْاللّٰهْ بَيَّنَهْ لَيِّ. نِأَوْرِيكُو بَيَّهْ أَشَانْ كَنْ فِهِمْتُوهْ عَدِيلْ، مَا تِسْتَكْبَرَوْا فِي أَفْكَارْكُو. وَاحِدِينْ مِنْ بَنِي إِسْرَائِيلْ بِقَوْا عَاصِيِينْ وَ مَا يِآمُنُوا بِعِيسَى الْمَسِيحْ. وَ عِصْيَانْهُمْ دَا يُدُومْ لَحَدِّي عَدَدْ الْمُؤمِنِينْ مِنْ الْأُمَمْ يَلْحَقْ الْعَدَدْ الْاللّٰهْ يِدَوْرَهْ. 26وَ بِمِثِلْ دَا، بَنِي إِسْرَائِيلْ كُلُّهُمْ كَيْ يَنْجَوْا خَلَاصْ. أَشَانْ دَا، مَكْتُوبْ فِي الْكِتَابْ: <الْيَفْدَاهُمْ يَجِي مِنْ صَهْيُون وَ يِقَبِّلْ ذُرِّيَّةْ يَعْقُوبْ مِنْ عِصْيَانْهُمْ. 27وَ مِثِلْ أَنَا قُلْت فِي الْمُعَاهَدَةْ السَّوَّيْتهَا مَعَاهُمْ، أَنَا نُقُشّ ذُنُوبْهُمْ.>#11:27 الكلام دا تلقوه في إشَعْيا 59:20-21، حسب الترْجمة اليونانيّة.
28فِي الشَّيّءْ الْبُخُصّ بِشَارَةْ الْمَسِيحْ، بَنِي إِسْرَائِيلْ بِقَوْا عَدُو اللّٰهْ وَ مِنْ عِصْيَانْهُمْ، إِنْتُو لِقِيتُوا فَايْدَةْ. لَاكِنْ فِي الشَّيّءْ الْبُخُصّ إِخْتِيَارْ اللّٰهْ، هُمَّنْ مَحْبُوبِينْ بِسَبَبْ جُدُودْهُمْ. 29أَشَانْ كَنْ اللّٰهْ أَنْطَى نَادُمْ عَطِيَّةْ، هُو مَا يَنْدَمْ لَيْهَا. وَ كَنْ نَادَى نَادُمْ، مَا يِبَطِّلْ مُنَادَاتَهْ. 30إِنْتُو الْمَا يَهُودْ أَوَّلْ عَاصِيِينْ لَاكِنْ هَسَّعْ اللّٰهْ رَحَمَاكُو بِسَبَبْ عِصْيَانْ بَنِي إِسْرَائِيلْ. 31وَ هَسَّعْ بَنِي إِسْرَائِيلْ بِقَوْا عَاصِيِينْ وَ بِالرَّحْمَةْ الْاللّٰهْ رَحَمَاكُو بَيْهَا، هُمَّنْ كُلَ يَلْقَوْا رَحْمَةْ. 32فِي نِظَامْ اللّٰهْ كُلَّ الْأُمَمْ مَرْبُوطِينْ فِي عِصْيَانْهُمْ أَشَانْ فِي الأَخِيرْ، اللّٰهْ يَرْحَمْ كُلَّ الْأُمَمْ سَوَا سَوَا.
33الْحَمْدُ للّٰهْ الْعَلِيمْ وَ الْحَكِيمْ. حِكْمَتَهْ وَ عِلْمَهْ أَبَداً مَا عِنْدُهُمْ حَدّ! حِكْمَةْ حُكْمَهْ نَفْهَمَوْا مِنْهَا إِلَّا شِيَّةْ. وَ نِظَامَهْ عَجِيبْ لَحَدِّي مَا يِلْفَسَّرْ. 34أَشَانْ دَا، الْكِتَابْ بُقُولْ: <يَاتُو عِرِفْ أَفْكَارْ اللّٰهْ وَ بِقِي لَيَّهْ سِيدْ شَوْرتَهْ؟ 35يَاتُو دَيَّنْ اللّٰهْ شَيّءْ الْوَاجِبْ يِقَبِّلَهْ لَيَّهْ!>#11:35 الكلام دا تلقوه في أيُّوب 41:11. 36أَشَانْ كُلَّ شَيّءْ جَايِ مِنْ اللّٰهْ وَ مَوْجُودْ بَيَّهْ هُو وَ لَيَّهْ هُو. وَ الْحَمْدُ للّٰهْ إِلَى الْأَبَدْ. آمِينْ.
La Bible en arabe tchadien © Alliance biblique du Tchad, 2019
رَوْمَا 11
11
اللّه ما أبى بني إسرائيل
1وَ أَشَانْ دَا، أَنَا نَسْأَلْ سُؤَالْ. اللّٰهْ أَبَى شَعَبَهْ بَنِي إِسْرَائِيلْ مَرَّةْ وَاحِدْ وَلَّا؟ لَا، أَبَداً. أَنَا ذَاتِي مِنْ بَنِي إِسْرَائِيلْ وَ مِنْ ذُرِّيَّةْ إِبْرَاهِيمْ وَ مِنْ قَبِيلَةْ بَنْيَامِينْ. 2اللّٰهْ مَا أَبَى شَعَبَهْ الْعَزَلَاهُمْ مِنْ أَوَّلْ.
وَلَّا نِسِيتُوا الْكَلَامْ الْمَكْتُوبْ فِي الْكِتَابْ الْبُخُصّ النَّبِي إِلِيَاسْ؟ فِي بَكَانْ وَاحِدْ، هُو حَجَّى لِلّٰهْ وَ شَكَى مِنْ بَنِي إِسْرَائِيلْ 3وَ قَالْ: <يَا اللّٰهْ، هُمَّنْ كَتَلَوْا الْأَنْبِيَاء الرَّسَّلْتُهُمْ وَ كَسَّرَوْا كُلَّ مَدَابْحَكْ. وَ أَنَا فَضَّلْت وِحَيْدِي وَ هُمَّنْ يِفَتُّشُونِي لِيَكْتُلُونِي.>#11:3 الكلام دا تلقوه في 1 مُلوك 19:10. 4وَ لَاكِنْ اللّٰهْ رَدَّ لَيَّهْ كِكَّيْف؟ هُو قَالْ: <أَنَا حَفَضْت مِنْهُمْ 7 000 نَاسْ الْأَبَداً مَا سَجَدَوْا قِدَّامْ إِلٰـهْ بَعَلْ.>#11:4 الكلام دا تلقوه في 1 مُلوك 19:18.
5وَ الشَّيّءْ الْقَاعِدْ يَبْقَى هَسَّعْ، هُو مِثِلْ الشَّيّءْ الْبِقِي فِي الْوَكِتْ دَاكْ. فَضَّلَوْا نَاسْ شِيَّةْ بَسْ الْيِتَابُعُوا اللّٰهْ وَ هُمَّنْ النَّاسْ الْاللّٰهْ عَزَلَاهُمْ بِنِعْمَتَهْ. 6وَ كَنْ دِي نِعْمَةْ، دَا مَا بِقِي بِسَبَبْ أَيِّ شَيّءْ الْهُمَّنْ سَوَّوْه. أَشَانْ كَنْ اللّٰهْ عَزَلْ النَّاسْ بِسَبَبْ الشَّيّءْ السَّوَّوْه، النِّعْمَةْ مَا تَبْقَى نِعْمَةْ.
7وَ دَا كِكَّيْف؟ بَنِي إِسْرَائِيلْ مَا لِقَوْا الشَّيّءْ الطَّلَبَوْه مِنْ اللّٰهْ. إِلَّا النَّاسْ الْاللّٰهْ عَزَلَاهُمْ بَسْ لِقَوْه. وَ الْآخَرِينْ رُوسَيْهُمْ بِقَوْا قَوِيِّينْ. 8أَشَانْ دَا، مَكْتُوبْ فِي الْكِتَابْ: <اللّٰهْ نَزَّلْ فَوْقهُمْ رُوحْ هَنَا نَوْم وَ عُيُونْهُمْ مَا يِشِيفُوا وَ أُدْنَيْهُمْ مَا يَسْمَعَوْا لَحَدِّي الْيَوْم.>#11:8 الكلام دا تلقوه في إشَعْيا 29:10. 9وَ النَّبِي دَاوُدْ قَالْ:
<خَلِّي دَبَلَايِتْهُمْ تَبْقَى لَيْهُمْ
أَمْ كَجَّامَةْ وَ شَرَكْ قِدَّامْهُمْ.
خَلِّي بَرَكَاتْهُمْ يَبْقَوْا لَيْهُمْ
شُغُلْ الْيِنْطَقَّوْا فَوْقَهْ وَ عِقَابْ.
10خَلِّي عُيُونْهُمْ يِطَوْشُشُوا
وَ بَتَّانْ مَا يِشِيفُوا
وَ دَايْماً أَكْسِرْ ضُهُورْهُمْ.>#11:10 الكلام دا تلقوه في زَبُور 69:22-23، حسب الترْجمة اليونانيّة.
11أَشَانْ دَا نَسْأَلْ. هُمَّنْ وَقَعَوْا مَرَّةْ وَاحِدْ لَحَدِّي بَتَّانْ مَا يُقُمُّوا وَلَّا؟ لَا، أَبَداً. هُمَّنْ وَقَعَوْا وَ بِخَطَاهُمْ دَا، نَجَاةْ اللّٰهْ لِحْقَتْ النَّاسْ الْمَا يَهُودْ أَشَانْ يِسَوِّي الْيَهُودْ يَحْسُدُوهُمْ. 12وَ كَنْ خَطَا الْيَهُودْ سَبَّبْ بَرَكَةْ كَبِيرَةْ لِنَاسْ الدُّنْيَا وَ مَسْكَنَةْ الْيَهُودْ سَبَّبَتْ بَرَكَةْ كَبِيرَةْ لِلنَّاسْ الْمَا يَهُودْ، أَكِيدْ وَكِتْ الْيَهُودْ يِقَبُّلُوا مَرَّةْ وَاحِدْ فِي الدَّرِبْ، دَا يَبْقَى لَيْنَا بَرَكَةْ كَبِيرَةْ بِزِيَادَةْ.
13يَا النَّاسْ الْمَا يَهُودْ، أَنَا قَاعِدْ نِحَجِّي لَيْكُو. أَنَا الرَّسُولْ الْمُرَسَّلْ لِلنَّاسْ الْمَا يَهُودْ وَ أَنَا فَرْحَانْ بِلْحَيْن بِخِدِمْتِي 14أَشَانْ أَكُونْ نِسَوِّي أَخْوَانِي الْيَهُودْ يَحْسُدُوكُو وَ أَكُونْ بِمِثِلْ دَا، نِنَجِّي وَاحِدِينْ مِنْهُمْ. 15وَكِتْ اللّٰهْ أَبَى الْيَهُودْ، نَاسْ الدُّنْيَا لِقَوْا سَلَامْ مَعَ اللّٰهْ. وَ كَنْ بِقِي مِثِلْ دَا، يَبْقَى كِكَّيْف وَكِتْ اللّٰهْ يَقْبَلْ الْيَهُودْ بَتَّانْ؟ دَا يِجِيبْ بُعَاثْ الْمَيْتِينْ.
مَثَل هنا فُروع الزَيْتون
16كَنْ الْإِنْتَاجْ الْأَوَّلْ هُو خَاصّ لِلّٰهْ، الْعَجِينْ الْيِسَوُّوهْ مِنْهَا كُلَ خَاصّ لِلّٰهْ. وَ كَنْ خَصَّصَوْا عُرُوقْ الشَّدَرَةْ لِلّٰهْ، فُرُوعْهَا كُلَ خَاصِّيْن لِلّٰهْ. 17وَ مِثِلْ دَا، ذُرِّيَّةْ إِبْرَاهِيمْ مِثِلْ شَدَرَةْ الزَّيْتُونْ وَ فُرُوعْ وَاحِدِينْ قَطَعَوْهُمْ مِنْهَا. وَ إِنْتَ الْمَا يَهُودِي، إِنْتَ مِثِلْ فِرِعْ هَنَا الزَّيْتُونْ الْبَنْدَرْ. وَ شَالَوْك وَ لَصَّقَوْك فِي الشَّدَرَةْ الْفِي الْجِنَيْنَةْ فِي بَدَلْ الْفُرُوعْ الْقَطَعَوْهُمْ. وَ مِثِلْ دَا، إِنْتَ كُلَ تِعِيشْ مِنْ الْعُرُوقْ الْعَدِيلِينْ مَعَ الْفُرُوعْ الْفَضَّلَوْا. 18وَ بِمِثِلْ دَا، وَاجِبْ إِنْتَ مَا تِفَاشِرْ فِي الْفُرُوعْ الْقَطَعَوْهُمْ. وَ كَنْ تِدَوْر تِفَاشِرْ كَمَانْ، فَكِّرْ كَدَرْ إِنْتَ مَا قَاعِدْ تِعَيِّشْ الْعُرُوقْ لَاكِنْ الْعُرُوقْ قَاعِدِينْ يِعَيُّشُوكْ إِنْتَ.
19أَكُونْ تُقُولْ: «الْفُرُوعْ دَوْل، قَطَعَوْهُمْ أَشَانْ سِيدْ الْجِنَيْنَةْ دَوَّرْ يِلَصِّقْنِي أَنَا فِي الشَّدَرَةْ فِي بَدَلْهُمْ.» 20كَلَامَكْ دَا صَحِيحْ. لَاكِنْ مَا تَنْسَى قَطَعَوْهُمْ أَشَانْ هُمَّنْ مَا آمَنَوْا وَ إِنْتَ قَاعِدْ فِي بَكَانْهُمْ بِسَبَبْ إِيمَانَكْ بَسْ. مَا تِسْتَكْبَرْ. أَنْقَرِعْ! 21كَنْ اللّٰهْ مَا عَفَا فُرُوعْ الشَّدَرَةْ، هُو مَا يَعَفَاكْ إِنْتَ كُلَ.
22فَكِّرْ فِي مَحَنَّةْ اللّٰهْ وَ فَكِّرْ فِي حُكْمَهْ الْقَوِي كُلَ. حُكْمَهْ قَوِي فِي النَّاسْ الْمَرَقَوْا مِنْ الدَّرِبْ، لَاكِنْ هُو حَنُونْ لَيْك بِلْحَيْن كَنْ تَقْعُدْ ثَابِتْ فِي إِحْسَانَهْ. وَ كَنْ مَا تَقْعُدْ ثَابِتْ، إِنْتَ كُلَ يَقْطَعَوْك. 23وَ بَنِي إِسْرَائِيلْ كُلَ، كَنْ يِخَلُّوا قِلَّةْ إِيمَانْهُمْ، اللّٰهْ يِقَبِّلْهُمْ بَتَّانْ فِي بَكَانْهُمْ الْأَوَّلْ قَاعِدِينْ فَوْقَهْ أَشَانْ اللّٰهْ قَادِرْ يِسَوِّيهْ. 24وَ بَيْدَا، إِنْتَ فِرِعْ مِنْ الْبَنْدَرْ. وَ اللّٰهْ قَطَعَكْ مِنَّهْ وَ لَصَّقَاكْ فِي شَدَرَةْ الزَّيْتُونْ الْمَقَّنْهَا. وَ دَا مَا بَكَانَكْ الْوَاجِبْ لَيْك. أَشَانْ دَا، يَبْقَى هَيِّنْ لِلّٰهْ يِقَبِّلْ الْفُرُوعْ الْقَطَعَاهُمْ وَ يِلَصِّقْهُمْ بَتَّانْ فِي الْبَكَانْ الْوَاجِبْ لَيْهُمْ.
رحْمة اللّه لكل الناس
25يَا أَخْوَانِي، نِدَوْر نِأَوْرِيكُو بِسِرّ وَاحِدْ الْاللّٰهْ بَيَّنَهْ لَيِّ. نِأَوْرِيكُو بَيَّهْ أَشَانْ كَنْ فِهِمْتُوهْ عَدِيلْ، مَا تِسْتَكْبَرَوْا فِي أَفْكَارْكُو. وَاحِدِينْ مِنْ بَنِي إِسْرَائِيلْ بِقَوْا عَاصِيِينْ وَ مَا يِآمُنُوا بِعِيسَى الْمَسِيحْ. وَ عِصْيَانْهُمْ دَا يُدُومْ لَحَدِّي عَدَدْ الْمُؤمِنِينْ مِنْ الْأُمَمْ يَلْحَقْ الْعَدَدْ الْاللّٰهْ يِدَوْرَهْ. 26وَ بِمِثِلْ دَا، بَنِي إِسْرَائِيلْ كُلُّهُمْ كَيْ يَنْجَوْا خَلَاصْ. أَشَانْ دَا، مَكْتُوبْ فِي الْكِتَابْ: <الْيَفْدَاهُمْ يَجِي مِنْ صَهْيُون وَ يِقَبِّلْ ذُرِّيَّةْ يَعْقُوبْ مِنْ عِصْيَانْهُمْ. 27وَ مِثِلْ أَنَا قُلْت فِي الْمُعَاهَدَةْ السَّوَّيْتهَا مَعَاهُمْ، أَنَا نُقُشّ ذُنُوبْهُمْ.>#11:27 الكلام دا تلقوه في إشَعْيا 59:20-21، حسب الترْجمة اليونانيّة.
28فِي الشَّيّءْ الْبُخُصّ بِشَارَةْ الْمَسِيحْ، بَنِي إِسْرَائِيلْ بِقَوْا عَدُو اللّٰهْ وَ مِنْ عِصْيَانْهُمْ، إِنْتُو لِقِيتُوا فَايْدَةْ. لَاكِنْ فِي الشَّيّءْ الْبُخُصّ إِخْتِيَارْ اللّٰهْ، هُمَّنْ مَحْبُوبِينْ بِسَبَبْ جُدُودْهُمْ. 29أَشَانْ كَنْ اللّٰهْ أَنْطَى نَادُمْ عَطِيَّةْ، هُو مَا يَنْدَمْ لَيْهَا. وَ كَنْ نَادَى نَادُمْ، مَا يِبَطِّلْ مُنَادَاتَهْ. 30إِنْتُو الْمَا يَهُودْ أَوَّلْ عَاصِيِينْ لَاكِنْ هَسَّعْ اللّٰهْ رَحَمَاكُو بِسَبَبْ عِصْيَانْ بَنِي إِسْرَائِيلْ. 31وَ هَسَّعْ بَنِي إِسْرَائِيلْ بِقَوْا عَاصِيِينْ وَ بِالرَّحْمَةْ الْاللّٰهْ رَحَمَاكُو بَيْهَا، هُمَّنْ كُلَ يَلْقَوْا رَحْمَةْ. 32فِي نِظَامْ اللّٰهْ كُلَّ الْأُمَمْ مَرْبُوطِينْ فِي عِصْيَانْهُمْ أَشَانْ فِي الأَخِيرْ، اللّٰهْ يَرْحَمْ كُلَّ الْأُمَمْ سَوَا سَوَا.
33الْحَمْدُ للّٰهْ الْعَلِيمْ وَ الْحَكِيمْ. حِكْمَتَهْ وَ عِلْمَهْ أَبَداً مَا عِنْدُهُمْ حَدّ! حِكْمَةْ حُكْمَهْ نَفْهَمَوْا مِنْهَا إِلَّا شِيَّةْ. وَ نِظَامَهْ عَجِيبْ لَحَدِّي مَا يِلْفَسَّرْ. 34أَشَانْ دَا، الْكِتَابْ بُقُولْ: <يَاتُو عِرِفْ أَفْكَارْ اللّٰهْ وَ بِقِي لَيَّهْ سِيدْ شَوْرتَهْ؟ 35يَاتُو دَيَّنْ اللّٰهْ شَيّءْ الْوَاجِبْ يِقَبِّلَهْ لَيَّهْ!>#11:35 الكلام دا تلقوه في أيُّوب 41:11. 36أَشَانْ كُلَّ شَيّءْ جَايِ مِنْ اللّٰهْ وَ مَوْجُودْ بَيَّهْ هُو وَ لَيَّهْ هُو. وَ الْحَمْدُ للّٰهْ إِلَى الْأَبَدْ. آمِينْ.
La Bible en arabe tchadien © Alliance biblique du Tchad, 2019