1 تِمُوتَاوُس 2
2
وصايا في العِبادة
1وَ أَوَّلْ شَيّءْ، نِوَصِّي الْأَخْوَانْ يَسْأَلَوْا اللّٰهْ بِشِدَّةْ بِصَلَاةْ وَ دُعَا وَ شُكُرْ فِي شَانْ كُلَّ النَّاسْ. 2خَلِّي يَسْأَلَوْا اللّٰهْ فِي شَانْ الرُّؤَسَاءْ وَ كُلَّ الْكُبَارَاتْ أَشَانْ نِعِيشُوا فِي حَالَةْ هَادِيَةْ وَ بِالسَّلَامْ وَ بِتَقْوَى وَ إِحْتِرَامْ فِي كُلِّ شَيّءْ. 3الدُّعَا الْمِثِلْ دَا سَمَحْ وَ اللّٰهْ مُنَجِّينَا هُو يَرْضَى بَيَّهْ. 4هُو يِدَوْر كَدَرْ كُلَّ النَّاسْ يَنْجَوْا وَ يَلْقَوْا عِرْفَةْ الْحَقّ. 5وَ دَاهُو الْحَقّ، اللّٰهْ وَاحِدْ وَ الْوَسِيطْ الْبَيْن اللّٰهْ وَ بَيْن النَّاسْ كُلَ وَاحِدْ وَ هُو الْإِنْسَانْ عِيسَى الْمَسِيحْ 6الْأَنْطَى نَفْسَهْ ضَحِيَّةْ أَشَانْ يَفْدَى كُلَّ النَّاسْ. وَ دِي بَسْ شَهَادَةْ اللّٰهْ الْقَدَّمَاهَا فِي الْوَكِتْ الْمُوَافِقْ. 7وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.
حال الرجال و العوين في العِبادة
8وَ فِي كُلِّ بَكَانْ نِدَوْر كَدَرْ الرُّجَالْ الْيَعَبُدُوا اللّٰهْ يَبْقَوْا صَالِحِينْ وَ يَرْفَعَوْا إِيدَيْهُمْ قِدَّامْ اللّٰهْ بَلَا زَعَلْ وَ لَا هُرَاجْ. 9وَ نِدَوْر كَدَرْ كُلِّ مَرَةْ تَلْبَسْ لُبَاسْ عَادِي الْيِغَطِّي جِسِمْهَا مِثِلْ الْوَاجِبْ. خَلِّي الْمَرَةْ مَا تِلْجَمَّلْ بِالْمُشَاطْ الْمَا بِشَابِهْ وَ لَا بِدَهَبْ وَ لَا مَرَجَانْ وَ لَا لُبَاسْ هَنَا فَشَارْ، 10لَاكِنْ خَلِّي تِلْجَمَّلْ بِعَمَلْ الْخَيْر مِثِلْ مُوَافِقْ لِلْمَرَةْ التِّتَابِعْ دَرِبْ اللّٰهْ.
11خَلِّي كُلِّ مَرَةْ تَقْعُدْ سَاكِتْ أَشَانْ تَسْمَعْ التَّعْلِيمْ وَ تِتَابِعَهْ بِكُلَّ أَدَبْ. 12أَنَا مَا نَنْطِي إِذِنْ لِأَيِّ مَرَةْ أَشَانْ تِعَلِّمْ الرُّجَالْ وَ لَا تَحْكِمْهُمْ. وَاجِبْ تَقْعُدْ هَادِيَةْ. 13أَشَانْ اللّٰهْ خَلَقْ آدَمْ أَوَّلْ وَ بَعَدَيْن خَلَقْ حَوَّاء. 14وَ النَّادُمْ الْإِبْلِيسْ غَشَّهْ، دَا مَا آدَمْ لَاكِنْ الْمَرَةْ. وَ هِي بِقَتْ مُذْنِبَةْ. 15وَ لَاكِنْ الْمَرَةْ تَنْجَى بِوَالُودَةْ الْوِلَيْد.#2:15 وَالُودَةْ الْوِلَيْد: الكلام دا بُخُصّ والودة المسيح. صحيح كدر بالمرة، الذنِب دخل في الدُنْيا و لاكن بمرة آخرة، المسيح كل دخل في الدُنْيا أشان ينجّينا. وَ خَلَاصْ، الْعَوِينْ يَنْجَنْ كَنْ يَقْعُدَنْ ثَابْتَاتْ فِي الْإِيمَانْ وَ الْمَحَبَّةْ وَ الْحَالْ الصَّالْحَةْ مَعَ الْأَدَبْ.
La Bible en arabe tchadien © Alliance biblique du Tchad, 2019
1 تِمُوتَاوُس 2
2
وصايا في العِبادة
1وَ أَوَّلْ شَيّءْ، نِوَصِّي الْأَخْوَانْ يَسْأَلَوْا اللّٰهْ بِشِدَّةْ بِصَلَاةْ وَ دُعَا وَ شُكُرْ فِي شَانْ كُلَّ النَّاسْ. 2خَلِّي يَسْأَلَوْا اللّٰهْ فِي شَانْ الرُّؤَسَاءْ وَ كُلَّ الْكُبَارَاتْ أَشَانْ نِعِيشُوا فِي حَالَةْ هَادِيَةْ وَ بِالسَّلَامْ وَ بِتَقْوَى وَ إِحْتِرَامْ فِي كُلِّ شَيّءْ. 3الدُّعَا الْمِثِلْ دَا سَمَحْ وَ اللّٰهْ مُنَجِّينَا هُو يَرْضَى بَيَّهْ. 4هُو يِدَوْر كَدَرْ كُلَّ النَّاسْ يَنْجَوْا وَ يَلْقَوْا عِرْفَةْ الْحَقّ. 5وَ دَاهُو الْحَقّ، اللّٰهْ وَاحِدْ وَ الْوَسِيطْ الْبَيْن اللّٰهْ وَ بَيْن النَّاسْ كُلَ وَاحِدْ وَ هُو الْإِنْسَانْ عِيسَى الْمَسِيحْ 6الْأَنْطَى نَفْسَهْ ضَحِيَّةْ أَشَانْ يَفْدَى كُلَّ النَّاسْ. وَ دِي بَسْ شَهَادَةْ اللّٰهْ الْقَدَّمَاهَا فِي الْوَكِتْ الْمُوَافِقْ. 7وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.
حال الرجال و العوين في العِبادة
8وَ فِي كُلِّ بَكَانْ نِدَوْر كَدَرْ الرُّجَالْ الْيَعَبُدُوا اللّٰهْ يَبْقَوْا صَالِحِينْ وَ يَرْفَعَوْا إِيدَيْهُمْ قِدَّامْ اللّٰهْ بَلَا زَعَلْ وَ لَا هُرَاجْ. 9وَ نِدَوْر كَدَرْ كُلِّ مَرَةْ تَلْبَسْ لُبَاسْ عَادِي الْيِغَطِّي جِسِمْهَا مِثِلْ الْوَاجِبْ. خَلِّي الْمَرَةْ مَا تِلْجَمَّلْ بِالْمُشَاطْ الْمَا بِشَابِهْ وَ لَا بِدَهَبْ وَ لَا مَرَجَانْ وَ لَا لُبَاسْ هَنَا فَشَارْ، 10لَاكِنْ خَلِّي تِلْجَمَّلْ بِعَمَلْ الْخَيْر مِثِلْ مُوَافِقْ لِلْمَرَةْ التِّتَابِعْ دَرِبْ اللّٰهْ.
11خَلِّي كُلِّ مَرَةْ تَقْعُدْ سَاكِتْ أَشَانْ تَسْمَعْ التَّعْلِيمْ وَ تِتَابِعَهْ بِكُلَّ أَدَبْ. 12أَنَا مَا نَنْطِي إِذِنْ لِأَيِّ مَرَةْ أَشَانْ تِعَلِّمْ الرُّجَالْ وَ لَا تَحْكِمْهُمْ. وَاجِبْ تَقْعُدْ هَادِيَةْ. 13أَشَانْ اللّٰهْ خَلَقْ آدَمْ أَوَّلْ وَ بَعَدَيْن خَلَقْ حَوَّاء. 14وَ النَّادُمْ الْإِبْلِيسْ غَشَّهْ، دَا مَا آدَمْ لَاكِنْ الْمَرَةْ. وَ هِي بِقَتْ مُذْنِبَةْ. 15وَ لَاكِنْ الْمَرَةْ تَنْجَى بِوَالُودَةْ الْوِلَيْد.#2:15 وَالُودَةْ الْوِلَيْد: الكلام دا بُخُصّ والودة المسيح. صحيح كدر بالمرة، الذنِب دخل في الدُنْيا و لاكن بمرة آخرة، المسيح كل دخل في الدُنْيا أشان ينجّينا. وَ خَلَاصْ، الْعَوِينْ يَنْجَنْ كَنْ يَقْعُدَنْ ثَابْتَاتْ فِي الْإِيمَانْ وَ الْمَحَبَّةْ وَ الْحَالْ الصَّالْحَةْ مَعَ الْأَدَبْ.
La Bible en arabe tchadien © Alliance biblique du Tchad, 2019