माथ 5
5
बुरु बिनति
1आदो जिसु ओनको गादेल होड़ ञेलकाते बुरुतेये देच् एना, आरे दुड़ुप् एन खान आच्रेन चेलाको उनि ठेनको हेच्सोरेना। 2आदो गालमारावात्कोतेये चेत्आत्कोवा, नोनका मेनकाते!
भा़गानको रेयाङ
(लु ६:२०-२३)
3“जिउरे रेङगेजोक् कानकोगेको भा़गाना,
एनते सेरमा राज दो ओनकोवाक् कानगेया।
4हिरदा़उक् कानकोगेको भा़गाना,
एनते ओनकोवाक् जिवि राड़ेजोक्आ।#जेसाया 61:2
5मा़ँहिंरकोगेको भा़गाना,
एनते ओनको दो पिरथिमिको आ़इदा़रि जोङा।#सेरेञको 37:11
6भा़क्ला़इ रेङगेच् तेताङोक्कोगेको भा़गाना,
एनते ओनको दोको तिरपितोक्आ।#जेसाया 55:1,2
7माँयाँक्कोगेको भा़गाना,
एनते ओनको दोको माँयाँ ओचोक्आ।
8मोनरे नापायकोगेको भा़गाना,
एनते ओनको दो इसोरको ञेलेया।#सेरेञको 24:3,4
9सुलुककोगेको भा़गाना,
एनते ओनको दो इसोररेन होपोनको ञुमोगोक्आ।
10सा़रियाक् इया़ते खेद ओचोक्कानकोगेको भा़गाना,
एनते सेरमा राज दो ओनकोवाक् कानगेया!#१ पातरास 3:14
11“भा़गानगेयापे इञ इया़ते होड़को निहा़ँतलेपेरे आरको खेदलेपेरे आर आ़उड़ियाक्ते सानाम लेकानाक् बा़ड़िच् आपे रेयाङको रोड़लेरे,#१ पातरास 4:14 12आदो रा़सका़क्पे आर हुला़सोक्पे, एनते आपेयाक् कुड़ा़इ दो सेरमारे माराङगेया, एनते नोवा लेकागे आपे लाहारेन ना़बिकोको खेदलेत्कोवा।”#२ बिबोरोन 36:16; आपोस का़मि 7:52
बुलुङ आर मारसाल
(मा़र ९:५०; लु १४:३४-३५)
13“आपे दो धा़रति रेयाक् बुलुङ कानापे, मेनखान बुलुङ साबाक्लेन खान, ओना दो चेत्ते राहाम दाड़ेकोक्आ? चेतातरे हों आरदो बाङ जोवावक्आ, बाहरेते गिडिक्ते होड़को लेबेत्आक् छाडा।#मा़रकुस 9:50; लुक 14:34,35
14“आपे दो धा़रति रेयाक् मारसाल कानापे, बुरु चोटरे रेहेत् आकान नागराहा दो ओहो दानाङ दाड़ेलेना।#जोहान 8:12; 9:5 15आर दिउहे हों जेरेत्काते खा़चला़क्ते दो बाको हा़रुबा, बिचकोम दिया़ड़ा चेतानरेको दोहोया, खान ओड़ाक्रे ताहेन सानामको मारसालाकोवा।#मा़रकुस 4:21; लुक 8:16; 11:33 16ओनकागे आपेयाक् मारसाल दो होड़को सामाङरे जोलोक्तापेमा, जेमोन आपेयाक् भागे का़मिको ञेलतापे आर सेरमारे मेनाय आपेरेन बाबाको सारहावे।”#१ पातरास 2:12
आ़न रेयाङ जिसुवाक् सिखा़उना
17“आलोपे बुजहा़वा मोसे रेयाक् आ़न आर ना़बिकोवाक् काथा मा़उता़या मेनतेञ हेच् आकाना; बा़ञ हेच् आकाना मा़उता़इ ला़गित् दो बिचकोम ओना पुक्रा़उगे। 18एनते सा़रिगेञ मेतापेकाना, सेरमा आर ओत आ़उरि चाबाक् हा़बिच् मोसेयाक् आ़न रेयाक् मित् आखोर से टुडा़क् हों ओहो मेटावलेना, सानामाक् आ़उरि होयोक् हा़बिच्।#लुक 16:17 19ओनाते जाहाँय नोवाको का़टिच् उता़राक् हुकुमको मोदरे मित्गोटेच् होंए रा़पुद आर ओनकागे होड़कोय चेत्आको, उनि दो सेरमा राजरे हुडिञ उता़रिच् ए ञुमोगोक्आ; मेनखान जाहाँयगे ओनाकोय सेनाक् आरे चेत्आको उनि दो सेरमा राजरे माराङे ञुमोगोक्आ। 20एनतेञ मेतापेकाना, आपेयाक् बिक्चा़र दो सोसतोर बाडायको आर फा़रिसिकोवाक् खोन बाङ सोरोसलेनतापे खान, सेरमा राजरे ओहोगेपे बोलो ञावाना।”
एदरे बाबोतते सिखा़उना
21“आँजोम आकादापे आ़गिल हापड़ामको ठेन रोड़लेना मेनते, आलोम खुना; आर जाहाँयगेये खुन उनि दो बिचा़ररे दा़यिके होयोक्आ।#एकसोडस 20:13; देउतरोनोमि 5:17 22मेनखान इञिञ मेतापेकाना, जाहाँय आच्रेन बोयहाय कुरुदायकान मित्के मित् होड़ दो बिचा़ररे दा़यिके होयोक्आ; आर जाहाँय आच्रेन बोयहाय मेताय, एया ओरलो, उनि दो माराङ बा़इसिरे सा़जा़योक् दा़यिके होयोक्आ, आर जाहाँयगेये मेन एया दुंदहा़ उनि दो नोरोक सेङगेलरे खादलेक् लेक ए होयोक्आ। 23ओना इया़ते पिंडरे आमाक् सामाङोक्आक् एम सामाङरे आर ओंडेम दिसा़ले खान जे बोयहाम आम उपा़रते जाहानाक् मेनाक्ताया मेनते, 24एनडेखान आमाक् सामाङोक्आक् ओंडे पिंड सामाङरे बा़गियाक्मे आर सेनकाते बोयहाम तुलुच् सोलहो माड़ाङलेनमे, एनखानते हेच्काते आमाक् सामाङोक्आक् सामाङमे।
25“आमरेन बा़दि तुलुच् होररे मेनामरेगे रा़जि होदोक्मे बाङ खान पासे बा़दि दो बिक्चा़रिच् ठेने सोपरोतमे आर बिक्चा़रिच् दो सिपा़हि ठेन आर हाजोत ओड़ाक्रेम भोराव ओचोक्। 26सा़रिगेञ मेताम काना, का़उड़िका़उड़ि आ़उरिम हाला चाबाय हा़बिच् ओंडे खोन ओहोगेम ओडोकलेना।”
लाटघाट रेयाङ सिखा़उना
27“आँजोम आकादापे रोड़लेना मेनते, आलोम लाटघाटा,”#एकसोडस २०:१४; देउतरोनोमि ५:१८ 28मेनखान इञिञ मेतापेकाना, “जाहाँय होड़ बा़ड़िच् सानाते मायजिवे बेङगेत्आय खान, इना़क्तेगे आयाक् ओनतोररे उनि तुलुच् ए लाटघाट आकादा। 29जुदि आमाक् जोजोम मेंत् ए ता़किच् ओचोमे खान, ओना दो होटोर तोत्काते गिडिकाक्मे, एनते आमाक् होड़मो हा़टिञको मोदरे मित्गोटेच् लोकसानोक्ते आमाक् गोटा होड़मो नोरोकरे आलो खादलेक्गे आम ला़गित् बोगेया।#माथाय 18:9; मा़रकुस 9:47 30आर जुदि आमाक् जोजोमतिये ता़किच् ओचोमे खान, सामाक् गिडिकाक्मे; एनते आमाक् होड़मो हा़टिञको मोदरे मित्गोटेच् लोकसानोक्ते आमाक् गोटा होड़मो नोरोकरे आलो सेन खाँजोक्गे आम ला़गित् बोगेया।”#माथाय 18:8; मा़रकुस 9:43
बापाग रेयाङ सिखा़उना
(माथ १९:९; मा़र १०:११-१२; लु १६:१८)
31“नोवा हों रोड़लेना जाहाँय होड़ बा़हुततेत् ए बा़गिले खान बापाग दोलेले एमायमा।#देउतरोनोमि 24:1-4; माथाय 19:7; मा़रकुस 10:4 32मेनखान इञिञ मेतापेकाना, जाहाँय होड़ लाटघाट छाडा एटाक् कारोनते बा़हुतेत्ए बा़गिये, उनि दोए लोटघुटि ओचोयेया आर जाहाँयगे उनि बा़गियिच् ए साङघाये उनि होंए लोटघुटिया।”#माथाय 19:9; मा़रकुस 10:11,12; लुक 16:18; १ कोरिन्थिको 7:10,11
किरिया़क् रेयाङ
33“आरहोंपे आँजोम आकादा आ़गिल हापड़ामको ठेन रोड़लेना मेनते, एड़ेएड़े आलोम किरिया़क्आ, मेनखान प्रोभु आमाक् किरिया़वाक्को पुरा़वायमे।#लेबितिकुस 19:12; नुमेरि 30:2; देउतरोनोमि 23:21 34मेनखान इञिञ मेतापेकाना, आलोतेत्गेपे किरिया़क्आ सेरमाते हों आलो, ओना दो एनते इसोराक् सिङघा़सोन काना, 35बाङ दो ओतते, एनते ओना दो उनियाक् जाङगा लेबेदोक् गाँडो कानताया, जेरुसालेमते हों आलो, एनते ओना दो माराङ राज रेयाक् नागराहा काना।#जेसाया 66:1 36आमाक् बोहोक्ते हों आलोम किरिया़क्आ आम दो एनते मित् उप् हों बाचोम पोंड सेम हेंदे दाड़ेयाक्। 37मेनखान आपे दो हें खान हें पे आर बाङ खान दो बाङपे, नोवा खोन बा़ड़तियाक् दो सायतान खोनाक्गे हिजुक्काना।”
हालाहा़लिक् रेयाङ
(लु 6:27-36)
38“आँजोम आकादापे रोड़लेना मेनते, ‘मेंत् हालाहा़लि मेंत् आर डाटा हालाहा़लि डाटा।’#देउतरोनोमि 19:21 39मेनखान इञिञ मेतापेकाना, बा़ड़िच्इच् दो आलोपे ता़किच् दारामेया, बिचकोम जाहाँयगे जोजोम जोहाय थापामे, उनि दो एटागाक् हों आ़चुरायमे। 40आर जाहाँय आमाक् आङगरोप हातावा मेनते ला़लिसामे मेनेत् खान ओयोनाक् हों आड़ाक्आयमे, 41आर जाहाँयगे मित् कोस चालाक् बेगारिये साप्मे खान उनि तुलुच् बार कोस चालाक्मे। 42कोयमेयिच् दो एमायमे आर जाहाँय आम ठेन पाञ्चाय कोयजोङ खान आलोम देयायेया।”
बा़इरि हों दुला़ड़को रेयाङ
(लु ६:२७-२८)
43“आँजोम आकादापे रोड़लेना मेनते, आम आडेपासेरेन होड़ेम दुला़ड़ेया, आर आमरेन बा़इरिम कुरुदआया।#लेबितिकुस 19:18; सेरेञको 139:21,22 44मेनखान इञिञ मेतापेकाना आपेरेन बा़इरिको दुला़ड़कोपे आर आपे खेखेदको कोयाकोपे। 45जेमोन सेरमारे मेनाय आपेरेन बाबारेन होपोनकोपे होयोक्, एनते उनि दो आच्रेन सिञ चाँदो बा़ड़िच् आर बोगेको चेतानरेये राकाप् ओचोयेदेया, आर भा़क्ला़इ आर बे भा़क्ला़इकोय दाक्आकोकाना। 46एनते आपे दुक्ला़ड़कोगेपे दुला़ड़ेत्को खान चेत् कुड़ा़इ मेनाक्तापेया? मा़सुल उक्ठा़उको हों चेत् बाको ओनकाएदा? 47आर जुदि आपेरेन बोयहा मोतोगेपे जोहाराको खान, ओकाटाक् सोरोसपे चेकायेदा? जिहुदि बाहरेरेन होड़को हों चेत् बाको ओनकायेदा? 48ओना इया़ते सा़बित होयोक्पे चेत्लेका आपेरेन सेरमा बाबाय सा़बितगे।”#लेबितिकुस 19:20
The New Testament Books in Santhali Language © The Word for the World International and Santhali Translation Project, Nepal, 2025
माथ 5
5
बुरु बिनति
1आदो जिसु ओनको गादेल होड़ ञेलकाते बुरुतेये देच् एना, आरे दुड़ुप् एन खान आच्रेन चेलाको उनि ठेनको हेच्सोरेना। 2आदो गालमारावात्कोतेये चेत्आत्कोवा, नोनका मेनकाते!
भा़गानको रेयाङ
(लु ६:२०-२३)
3“जिउरे रेङगेजोक् कानकोगेको भा़गाना,
एनते सेरमा राज दो ओनकोवाक् कानगेया।
4हिरदा़उक् कानकोगेको भा़गाना,
एनते ओनकोवाक् जिवि राड़ेजोक्आ।#जेसाया 61:2
5मा़ँहिंरकोगेको भा़गाना,
एनते ओनको दो पिरथिमिको आ़इदा़रि जोङा।#सेरेञको 37:11
6भा़क्ला़इ रेङगेच् तेताङोक्कोगेको भा़गाना,
एनते ओनको दोको तिरपितोक्आ।#जेसाया 55:1,2
7माँयाँक्कोगेको भा़गाना,
एनते ओनको दोको माँयाँ ओचोक्आ।
8मोनरे नापायकोगेको भा़गाना,
एनते ओनको दो इसोरको ञेलेया।#सेरेञको 24:3,4
9सुलुककोगेको भा़गाना,
एनते ओनको दो इसोररेन होपोनको ञुमोगोक्आ।
10सा़रियाक् इया़ते खेद ओचोक्कानकोगेको भा़गाना,
एनते सेरमा राज दो ओनकोवाक् कानगेया!#१ पातरास 3:14
11“भा़गानगेयापे इञ इया़ते होड़को निहा़ँतलेपेरे आरको खेदलेपेरे आर आ़उड़ियाक्ते सानाम लेकानाक् बा़ड़िच् आपे रेयाङको रोड़लेरे,#१ पातरास 4:14 12आदो रा़सका़क्पे आर हुला़सोक्पे, एनते आपेयाक् कुड़ा़इ दो सेरमारे माराङगेया, एनते नोवा लेकागे आपे लाहारेन ना़बिकोको खेदलेत्कोवा।”#२ बिबोरोन 36:16; आपोस का़मि 7:52
बुलुङ आर मारसाल
(मा़र ९:५०; लु १४:३४-३५)
13“आपे दो धा़रति रेयाक् बुलुङ कानापे, मेनखान बुलुङ साबाक्लेन खान, ओना दो चेत्ते राहाम दाड़ेकोक्आ? चेतातरे हों आरदो बाङ जोवावक्आ, बाहरेते गिडिक्ते होड़को लेबेत्आक् छाडा।#मा़रकुस 9:50; लुक 14:34,35
14“आपे दो धा़रति रेयाक् मारसाल कानापे, बुरु चोटरे रेहेत् आकान नागराहा दो ओहो दानाङ दाड़ेलेना।#जोहान 8:12; 9:5 15आर दिउहे हों जेरेत्काते खा़चला़क्ते दो बाको हा़रुबा, बिचकोम दिया़ड़ा चेतानरेको दोहोया, खान ओड़ाक्रे ताहेन सानामको मारसालाकोवा।#मा़रकुस 4:21; लुक 8:16; 11:33 16ओनकागे आपेयाक् मारसाल दो होड़को सामाङरे जोलोक्तापेमा, जेमोन आपेयाक् भागे का़मिको ञेलतापे आर सेरमारे मेनाय आपेरेन बाबाको सारहावे।”#१ पातरास 2:12
आ़न रेयाङ जिसुवाक् सिखा़उना
17“आलोपे बुजहा़वा मोसे रेयाक् आ़न आर ना़बिकोवाक् काथा मा़उता़या मेनतेञ हेच् आकाना; बा़ञ हेच् आकाना मा़उता़इ ला़गित् दो बिचकोम ओना पुक्रा़उगे। 18एनते सा़रिगेञ मेतापेकाना, सेरमा आर ओत आ़उरि चाबाक् हा़बिच् मोसेयाक् आ़न रेयाक् मित् आखोर से टुडा़क् हों ओहो मेटावलेना, सानामाक् आ़उरि होयोक् हा़बिच्।#लुक 16:17 19ओनाते जाहाँय नोवाको का़टिच् उता़राक् हुकुमको मोदरे मित्गोटेच् होंए रा़पुद आर ओनकागे होड़कोय चेत्आको, उनि दो सेरमा राजरे हुडिञ उता़रिच् ए ञुमोगोक्आ; मेनखान जाहाँयगे ओनाकोय सेनाक् आरे चेत्आको उनि दो सेरमा राजरे माराङे ञुमोगोक्आ। 20एनतेञ मेतापेकाना, आपेयाक् बिक्चा़र दो सोसतोर बाडायको आर फा़रिसिकोवाक् खोन बाङ सोरोसलेनतापे खान, सेरमा राजरे ओहोगेपे बोलो ञावाना।”
एदरे बाबोतते सिखा़उना
21“आँजोम आकादापे आ़गिल हापड़ामको ठेन रोड़लेना मेनते, आलोम खुना; आर जाहाँयगेये खुन उनि दो बिचा़ररे दा़यिके होयोक्आ।#एकसोडस 20:13; देउतरोनोमि 5:17 22मेनखान इञिञ मेतापेकाना, जाहाँय आच्रेन बोयहाय कुरुदायकान मित्के मित् होड़ दो बिचा़ररे दा़यिके होयोक्आ; आर जाहाँय आच्रेन बोयहाय मेताय, एया ओरलो, उनि दो माराङ बा़इसिरे सा़जा़योक् दा़यिके होयोक्आ, आर जाहाँयगेये मेन एया दुंदहा़ उनि दो नोरोक सेङगेलरे खादलेक् लेक ए होयोक्आ। 23ओना इया़ते पिंडरे आमाक् सामाङोक्आक् एम सामाङरे आर ओंडेम दिसा़ले खान जे बोयहाम आम उपा़रते जाहानाक् मेनाक्ताया मेनते, 24एनडेखान आमाक् सामाङोक्आक् ओंडे पिंड सामाङरे बा़गियाक्मे आर सेनकाते बोयहाम तुलुच् सोलहो माड़ाङलेनमे, एनखानते हेच्काते आमाक् सामाङोक्आक् सामाङमे।
25“आमरेन बा़दि तुलुच् होररे मेनामरेगे रा़जि होदोक्मे बाङ खान पासे बा़दि दो बिक्चा़रिच् ठेने सोपरोतमे आर बिक्चा़रिच् दो सिपा़हि ठेन आर हाजोत ओड़ाक्रेम भोराव ओचोक्। 26सा़रिगेञ मेताम काना, का़उड़िका़उड़ि आ़उरिम हाला चाबाय हा़बिच् ओंडे खोन ओहोगेम ओडोकलेना।”
लाटघाट रेयाङ सिखा़उना
27“आँजोम आकादापे रोड़लेना मेनते, आलोम लाटघाटा,”#एकसोडस २०:१४; देउतरोनोमि ५:१८ 28मेनखान इञिञ मेतापेकाना, “जाहाँय होड़ बा़ड़िच् सानाते मायजिवे बेङगेत्आय खान, इना़क्तेगे आयाक् ओनतोररे उनि तुलुच् ए लाटघाट आकादा। 29जुदि आमाक् जोजोम मेंत् ए ता़किच् ओचोमे खान, ओना दो होटोर तोत्काते गिडिकाक्मे, एनते आमाक् होड़मो हा़टिञको मोदरे मित्गोटेच् लोकसानोक्ते आमाक् गोटा होड़मो नोरोकरे आलो खादलेक्गे आम ला़गित् बोगेया।#माथाय 18:9; मा़रकुस 9:47 30आर जुदि आमाक् जोजोमतिये ता़किच् ओचोमे खान, सामाक् गिडिकाक्मे; एनते आमाक् होड़मो हा़टिञको मोदरे मित्गोटेच् लोकसानोक्ते आमाक् गोटा होड़मो नोरोकरे आलो सेन खाँजोक्गे आम ला़गित् बोगेया।”#माथाय 18:8; मा़रकुस 9:43
बापाग रेयाङ सिखा़उना
(माथ १९:९; मा़र १०:११-१२; लु १६:१८)
31“नोवा हों रोड़लेना जाहाँय होड़ बा़हुततेत् ए बा़गिले खान बापाग दोलेले एमायमा।#देउतरोनोमि 24:1-4; माथाय 19:7; मा़रकुस 10:4 32मेनखान इञिञ मेतापेकाना, जाहाँय होड़ लाटघाट छाडा एटाक् कारोनते बा़हुतेत्ए बा़गिये, उनि दोए लोटघुटि ओचोयेया आर जाहाँयगे उनि बा़गियिच् ए साङघाये उनि होंए लोटघुटिया।”#माथाय 19:9; मा़रकुस 10:11,12; लुक 16:18; १ कोरिन्थिको 7:10,11
किरिया़क् रेयाङ
33“आरहोंपे आँजोम आकादा आ़गिल हापड़ामको ठेन रोड़लेना मेनते, एड़ेएड़े आलोम किरिया़क्आ, मेनखान प्रोभु आमाक् किरिया़वाक्को पुरा़वायमे।#लेबितिकुस 19:12; नुमेरि 30:2; देउतरोनोमि 23:21 34मेनखान इञिञ मेतापेकाना, आलोतेत्गेपे किरिया़क्आ सेरमाते हों आलो, ओना दो एनते इसोराक् सिङघा़सोन काना, 35बाङ दो ओतते, एनते ओना दो उनियाक् जाङगा लेबेदोक् गाँडो कानताया, जेरुसालेमते हों आलो, एनते ओना दो माराङ राज रेयाक् नागराहा काना।#जेसाया 66:1 36आमाक् बोहोक्ते हों आलोम किरिया़क्आ आम दो एनते मित् उप् हों बाचोम पोंड सेम हेंदे दाड़ेयाक्। 37मेनखान आपे दो हें खान हें पे आर बाङ खान दो बाङपे, नोवा खोन बा़ड़तियाक् दो सायतान खोनाक्गे हिजुक्काना।”
हालाहा़लिक् रेयाङ
(लु 6:27-36)
38“आँजोम आकादापे रोड़लेना मेनते, ‘मेंत् हालाहा़लि मेंत् आर डाटा हालाहा़लि डाटा।’#देउतरोनोमि 19:21 39मेनखान इञिञ मेतापेकाना, बा़ड़िच्इच् दो आलोपे ता़किच् दारामेया, बिचकोम जाहाँयगे जोजोम जोहाय थापामे, उनि दो एटागाक् हों आ़चुरायमे। 40आर जाहाँय आमाक् आङगरोप हातावा मेनते ला़लिसामे मेनेत् खान ओयोनाक् हों आड़ाक्आयमे, 41आर जाहाँयगे मित् कोस चालाक् बेगारिये साप्मे खान उनि तुलुच् बार कोस चालाक्मे। 42कोयमेयिच् दो एमायमे आर जाहाँय आम ठेन पाञ्चाय कोयजोङ खान आलोम देयायेया।”
बा़इरि हों दुला़ड़को रेयाङ
(लु ६:२७-२८)
43“आँजोम आकादापे रोड़लेना मेनते, आम आडेपासेरेन होड़ेम दुला़ड़ेया, आर आमरेन बा़इरिम कुरुदआया।#लेबितिकुस 19:18; सेरेञको 139:21,22 44मेनखान इञिञ मेतापेकाना आपेरेन बा़इरिको दुला़ड़कोपे आर आपे खेखेदको कोयाकोपे। 45जेमोन सेरमारे मेनाय आपेरेन बाबारेन होपोनकोपे होयोक्, एनते उनि दो आच्रेन सिञ चाँदो बा़ड़िच् आर बोगेको चेतानरेये राकाप् ओचोयेदेया, आर भा़क्ला़इ आर बे भा़क्ला़इकोय दाक्आकोकाना। 46एनते आपे दुक्ला़ड़कोगेपे दुला़ड़ेत्को खान चेत् कुड़ा़इ मेनाक्तापेया? मा़सुल उक्ठा़उको हों चेत् बाको ओनकाएदा? 47आर जुदि आपेरेन बोयहा मोतोगेपे जोहाराको खान, ओकाटाक् सोरोसपे चेकायेदा? जिहुदि बाहरेरेन होड़को हों चेत् बाको ओनकायेदा? 48ओना इया़ते सा़बित होयोक्पे चेत्लेका आपेरेन सेरमा बाबाय सा़बितगे।”#लेबितिकुस 19:20
The New Testament Books in Santhali Language © The Word for the World International and Santhali Translation Project, Nepal, 2025