Mat 12
12
Ashawa Onhon na A̱subi
1N beka̱ni bire n hibi na a̱subi she Ayesu won to anyan shehwa she oalkama ato na moma'anga nonwan a hoge remonron a̱bire a̱ ri to harpaga resore re oalkama an korya 2Na Aparisiyawa a̱ hendi a̱nno a hyen Iyesu,<<Ruka̱ ato na moma'anga nanwon an ena reme cewo n hibi na a̱subi.>>
3Ayesu wa̱ ra̱'a̱ni ga wa hyen, <<E ta rotange cewo ena A dauda won den na wa hoge renmonron gwa, uwa natoginto na tohano tuwa. 4Na wa̱ gegi n egewa na Onhon, pa̱ka̱ na yan'on na tohano tuwa a re iri korya na a̱ shi'a̱gi Apristoci ena reme cewo awa a re. 5A̱ka̱ ta'a eta roncen cewo ena tubisa̱ga̱ to Mosa to hyen n uhibi na a̱subi gwa, Apristoci nanmen ka̱'uma̱na̱ ata anyan odoka na a̱subi, ba n yan'on mangasa ba.? 6N ne'en bi bisa̱ga̱, awo huri egewa na Onhon won pana. 7She ena yan'son ma'ana ma ewanna to hyan, <Ga̱mi ane'en na yanman go nen saro pihin nce iwuki go,> ena rawon to hyanda mangasa ma ato na rawo mangasa. 8Nade ba'a wo woto a̱ure Ashawa na A̱subi
9Na Ayesu wa maheketane pare wa̱ gegin ka̱woro ka aduwa. 10Ta'a yan'on woto won dewa pa̱re awo ma'inna n ka'ara Aparisiyawa a̱ rushigi Iyesu a hyen,<< Man man dan n tubisa̱ga̱ tu Mosa a hogake n uhibi na a̱subi? na an ma̱ ciga̱ ena an to awana kara kau wa go.>>
11Ayesu wa hyen ga, << She woto wuba̱ n nanmen ga̱hin wo omange bita̱ma̱'in bya kenan n hyanbe n uhibi na a̱subi wo rawon to gega̱ a sortome bego? 12Maa̱n ba na woto wu huri bita̱main odaraja! Nadea̱nno ma reme ato an de ena reme n uhibi na a̱subi.?>>
13<<Nande Ayesu wa hyen woto wure, n cewane ka'ara kawo.>> A̱nde wa cewane ka'ara kau wa ta'a ka mahoge, ka mokoshe she kayan'on. 14Ama A Farisiyawa a̱ huri niji a pare na an to kentana Iyesu a kone wo.
Ayesu Wogema Awo Onhon Ta̱ri
15Na Yesu ma̱pi a̱nno, wa maheketane wa̱ ga̱'i pa̱re, ta'a ato na yemi a rope wo wa hogake ga ca. 16wa washe ga ogago a ga̱'i tuhita̱ uwa awa go. 17Ama̱no na an ma shintuma̱ monran ma Wotoma wo Onhon a Ishaya wo hyen.
18Wogema wu mi wanna, awo n rubi, awo n nanmen cende nonwan,
mahenda
nan to masangya wo benhyan be onhon,
won tu bisa̱
ato na yan'cewo Onhon
onyan na mahenda
19Wo rawon to bonta ko ngwa,
woto wo rawo awon to hoga bengoro be wa nonyan.
20Be'onto bi ma̱nguci wo rawon to kosaga bego, becella be no'an tu uwa̱ga̱ wo rawon to kona bego, onyan na mahenda mamande.
21N rira̱'i re wa go ca toroma kanniyan ton ta mansa anmen nonwan.
aYesu na Bu'alzababul
22Nade ato na̱ba̱ a owangya wo yan'on wuruwa̱ wuka̱mu awo nperan wa hogake wo wuka̱mu wa hita̱gi, wa̱ hendi pa̱ri. 23Ato ca an de omamake a hyen <<A̱ka̱ ba'a wo Dauda wonna?.>>
24Ama na Aparisiyawa a hoge a̱nno, a hyen, <<Na̱ ta̱ra̱n na ba'alzabul, wogoma wo npera, go woto wonna won to sortomanga npera.>>
25Enande Ayesu wo yan'son etama nanwan, naande wa hyen ga ca togoma to ma̱ra̱wanu, ton to hacega, Oceso ta'a n egewa na ma̱ra̱wa̱nu e rawon to esa. 26She kitunbul keta sortoma kitunbul, ke warano unbu na kewa go a̱nde. Nago togoma tu kewa ton to iyaka.? 27She na̱ta̱ra̱n na ba'alzabul go nta sortoma npera, na̱ ta̱ra̱n nanwan go ato na̱hin ata sortoma? Nadea̱nno na a̱nno, a̱wa̱re an be dangya shetara. 28Ga̱mi ta'a she na̱ta̱ra̱ na benhyan be Onhon go nta sortoma npera, togoma to Onhon toye ragane wa̱no.
29<<Ko ta'a, nago woto wuba̱ won tu gega̱ negewa na woto wo omange a̱ta̱ra̱n> a̱ shiga̱ni aronga nonwan, nca she sha wu cigi to kara woto wure wo omange a̱ta̱ra̱n? naande a gegi n egewa nonwan.
30<<Owa woto wo rawon pa̱ka̱ n ga̱mi, won rishiwu n ga̱mi, ta'a woto wo roman cewo n ga̱mi wota wasergaka. 31A̱nde ta'a n bi bishi, mahenda a ciringa̱gi ca ato ciri'i tawa n mangasa mawa, ama woto wo ma̱ga̱shi n benhyan be Onhon a rawon to recengagya wo 32Ko'ewa awo de monran ma reme cewo n ba'a wo Woto an tu ciringa̱ge wu, ama awo de monran ma reme cewo n benhyan be ce'en a rawon to ciringa̱ge wo, ko n kanniyan ko nan n'yan manna ko ona ne'enyan nonyan. 33<<She e remake o'o ri'ori re owa ren to rema, a̱nde ta'a she e remake cewo o'o ri'ori re owa ta'a re rawon to rema, ata mapa o'o n ri'ori re owa go. 34Ga̱hin a korowa, nago ga̱hin re de ato na kenoko en to yan'son tu hita̱ ena reme? enaande ena shemen shihin ri rubi go eta hita̱. 35Woto wo reme wota sortome monran ma reme n rekoko re wa, ta'a woto wo kenoko wota sortome ena kenoko n rekoko re kenoko wata sortomange iriri. 36Ama n bi bishi mahenda n uhibi na shetara ato an to hita̱ ca ena an de. 37N monran mawo mago man bo sortoma, ko ta'a ma wu ka̱ri.
Ato na Nyan Manna an Saro Alama
38Nande yan'on shima̱la̱n she tubisa̱ga̱ to Mosa na Aparisiyawa sha hyen wo, <<Ka̱ma̱la̱n, ton saro to hyanda yan'on osheda na sorya pewo.>> 39Ayesu wa̱ ra̱'a̱ni ga wa hyen, ato an nyan manna ana kenoko anan ma̱ye'o go an saro to hyanda yan'on osheda! ama yan'on osheda o rawo na an tu bisa̱ ga ba̱nta̱ n osheda na Wotoma Yunusa. 40Sha nde Ayunusa won den a̱hibi atato na geta tato nanmen biwo bi uru, a̱nde ba'a wo woto won ton da ahibi atato na geta tato n cenge 41N hibi na shetara ato na Neneba an to esaga nato na nyan manna a̱ kiri ga na an magetoge n to bansan to Yunusa, ta'a awo huri Iyunusa won panna. 42N hibi na shetara Sarauniya na be'awo be kinda̱n won tu kurika̱ pa̱ka̱ nato na nyan manna a kiri ga, nande wo rage naswarya tuhuwa̱ to kanniyan a hoge to yan'son to Sulemanu, ta'a woto wu huri Isulemanu won pana. 43<<She nperan nan kenoko n sorya pa woto. 44A̱bire n ta hyen nen mokosa negewa na̱mi enan sorya a̱bire na wan mokosha, a wuri egewa ka woto wo rawo nanmen, i washigi e ma kyarange. 45A̱bire wa huri wa tarya nperan nan mibo nan shigere, ntuda̱re, nnan huri wu kenoko, n rage n gegi pa̱re a me koreka.Wato anene'en nonwan a̱n tu hura̱ ana ka̱hin to hacega, a̱nno man to na'an n kenoko ke nahon.
46Won monran wa̱nu nato ananwan na yan'on sha asage ninji an saro ton dan monran na Yesu. 47Yan'on woto wan hyen wo kamaca kawo na yan'on nanwon esage pare nindi an saro ton dan monran gawo. 48Ayesu wa̱ ra̱'a̱ni woto wure wo hyen wo, << A̱ure won den kamaca ka̱mi na yan'on na̱mi?. 49Nande Ayesu wa cewane ka'ara pa ato ma ma'anga nonwan wa hyen wo kamaca ka̱mi na yan'on na̱mi wana. 50Ai ko awa awon den ena Ashawa na ne'en nanmen tonran an saro a̱ure won den woto suwa̱ wumi a̱ure ta'a kamaca ka̱mi.
The Word for the World International and The Word for the World Nigeria
Mat 12
12
Ashawa Onhon na A̱subi
1N beka̱ni bire n hibi na a̱subi she Ayesu won to anyan shehwa she oalkama ato na moma'anga nonwan a hoge remonron a̱bire a̱ ri to harpaga resore re oalkama an korya 2Na Aparisiyawa a̱ hendi a̱nno a hyen Iyesu,<<Ruka̱ ato na moma'anga nanwon an ena reme cewo n hibi na a̱subi.>>
3Ayesu wa̱ ra̱'a̱ni ga wa hyen, <<E ta rotange cewo ena A dauda won den na wa hoge renmonron gwa, uwa natoginto na tohano tuwa. 4Na wa̱ gegi n egewa na Onhon, pa̱ka̱ na yan'on na tohano tuwa a re iri korya na a̱ shi'a̱gi Apristoci ena reme cewo awa a re. 5A̱ka̱ ta'a eta roncen cewo ena tubisa̱ga̱ to Mosa to hyen n uhibi na a̱subi gwa, Apristoci nanmen ka̱'uma̱na̱ ata anyan odoka na a̱subi, ba n yan'on mangasa ba.? 6N ne'en bi bisa̱ga̱, awo huri egewa na Onhon won pana. 7She ena yan'son ma'ana ma ewanna to hyan, <Ga̱mi ane'en na yanman go nen saro pihin nce iwuki go,> ena rawon to hyanda mangasa ma ato na rawo mangasa. 8Nade ba'a wo woto a̱ure Ashawa na A̱subi
9Na Ayesu wa maheketane pare wa̱ gegin ka̱woro ka aduwa. 10Ta'a yan'on woto won dewa pa̱re awo ma'inna n ka'ara Aparisiyawa a̱ rushigi Iyesu a hyen,<< Man man dan n tubisa̱ga̱ tu Mosa a hogake n uhibi na a̱subi? na an ma̱ ciga̱ ena an to awana kara kau wa go.>>
11Ayesu wa hyen ga, << She woto wuba̱ n nanmen ga̱hin wo omange bita̱ma̱'in bya kenan n hyanbe n uhibi na a̱subi wo rawon to gega̱ a sortome bego? 12Maa̱n ba na woto wu huri bita̱main odaraja! Nadea̱nno ma reme ato an de ena reme n uhibi na a̱subi.?>>
13<<Nande Ayesu wa hyen woto wure, n cewane ka'ara kawo.>> A̱nde wa cewane ka'ara kau wa ta'a ka mahoge, ka mokoshe she kayan'on. 14Ama A Farisiyawa a̱ huri niji a pare na an to kentana Iyesu a kone wo.
Ayesu Wogema Awo Onhon Ta̱ri
15Na Yesu ma̱pi a̱nno, wa maheketane wa̱ ga̱'i pa̱re, ta'a ato na yemi a rope wo wa hogake ga ca. 16wa washe ga ogago a ga̱'i tuhita̱ uwa awa go. 17Ama̱no na an ma shintuma̱ monran ma Wotoma wo Onhon a Ishaya wo hyen.
18Wogema wu mi wanna, awo n rubi, awo n nanmen cende nonwan,
mahenda
nan to masangya wo benhyan be onhon,
won tu bisa̱
ato na yan'cewo Onhon
onyan na mahenda
19Wo rawon to bonta ko ngwa,
woto wo rawo awon to hoga bengoro be wa nonyan.
20Be'onto bi ma̱nguci wo rawon to kosaga bego, becella be no'an tu uwa̱ga̱ wo rawon to kona bego, onyan na mahenda mamande.
21N rira̱'i re wa go ca toroma kanniyan ton ta mansa anmen nonwan.
aYesu na Bu'alzababul
22Nade ato na̱ba̱ a owangya wo yan'on wuruwa̱ wuka̱mu awo nperan wa hogake wo wuka̱mu wa hita̱gi, wa̱ hendi pa̱ri. 23Ato ca an de omamake a hyen <<A̱ka̱ ba'a wo Dauda wonna?.>>
24Ama na Aparisiyawa a hoge a̱nno, a hyen, <<Na̱ ta̱ra̱n na ba'alzabul, wogoma wo npera, go woto wonna won to sortomanga npera.>>
25Enande Ayesu wo yan'son etama nanwan, naande wa hyen ga ca togoma to ma̱ra̱wanu, ton to hacega, Oceso ta'a n egewa na ma̱ra̱wa̱nu e rawon to esa. 26She kitunbul keta sortoma kitunbul, ke warano unbu na kewa go a̱nde. Nago togoma tu kewa ton to iyaka.? 27She na̱ta̱ra̱n na ba'alzabul go nta sortoma npera, na̱ ta̱ra̱n nanwan go ato na̱hin ata sortoma? Nadea̱nno na a̱nno, a̱wa̱re an be dangya shetara. 28Ga̱mi ta'a she na̱ta̱ra̱ na benhyan be Onhon go nta sortoma npera, togoma to Onhon toye ragane wa̱no.
29<<Ko ta'a, nago woto wuba̱ won tu gega̱ negewa na woto wo omange a̱ta̱ra̱n> a̱ shiga̱ni aronga nonwan, nca she sha wu cigi to kara woto wure wo omange a̱ta̱ra̱n? naande a gegi n egewa nonwan.
30<<Owa woto wo rawon pa̱ka̱ n ga̱mi, won rishiwu n ga̱mi, ta'a woto wo roman cewo n ga̱mi wota wasergaka. 31A̱nde ta'a n bi bishi, mahenda a ciringa̱gi ca ato ciri'i tawa n mangasa mawa, ama woto wo ma̱ga̱shi n benhyan be Onhon a rawon to recengagya wo 32Ko'ewa awo de monran ma reme cewo n ba'a wo Woto an tu ciringa̱ge wu, ama awo de monran ma reme cewo n benhyan be ce'en a rawon to ciringa̱ge wo, ko n kanniyan ko nan n'yan manna ko ona ne'enyan nonyan. 33<<She e remake o'o ri'ori re owa ren to rema, a̱nde ta'a she e remake cewo o'o ri'ori re owa ta'a re rawon to rema, ata mapa o'o n ri'ori re owa go. 34Ga̱hin a korowa, nago ga̱hin re de ato na kenoko en to yan'son tu hita̱ ena reme? enaande ena shemen shihin ri rubi go eta hita̱. 35Woto wo reme wota sortome monran ma reme n rekoko re wa, ta'a woto wo kenoko wota sortome ena kenoko n rekoko re kenoko wata sortomange iriri. 36Ama n bi bishi mahenda n uhibi na shetara ato an to hita̱ ca ena an de. 37N monran mawo mago man bo sortoma, ko ta'a ma wu ka̱ri.
Ato na Nyan Manna an Saro Alama
38Nande yan'on shima̱la̱n she tubisa̱ga̱ to Mosa na Aparisiyawa sha hyen wo, <<Ka̱ma̱la̱n, ton saro to hyanda yan'on osheda na sorya pewo.>> 39Ayesu wa̱ ra̱'a̱ni ga wa hyen, ato an nyan manna ana kenoko anan ma̱ye'o go an saro to hyanda yan'on osheda! ama yan'on osheda o rawo na an tu bisa̱ ga ba̱nta̱ n osheda na Wotoma Yunusa. 40Sha nde Ayunusa won den a̱hibi atato na geta tato nanmen biwo bi uru, a̱nde ba'a wo woto won ton da ahibi atato na geta tato n cenge 41N hibi na shetara ato na Neneba an to esaga nato na nyan manna a̱ kiri ga na an magetoge n to bansan to Yunusa, ta'a awo huri Iyunusa won panna. 42N hibi na shetara Sarauniya na be'awo be kinda̱n won tu kurika̱ pa̱ka̱ nato na nyan manna a kiri ga, nande wo rage naswarya tuhuwa̱ to kanniyan a hoge to yan'son to Sulemanu, ta'a woto wu huri Isulemanu won pana. 43<<She nperan nan kenoko n sorya pa woto. 44A̱bire n ta hyen nen mokosa negewa na̱mi enan sorya a̱bire na wan mokosha, a wuri egewa ka woto wo rawo nanmen, i washigi e ma kyarange. 45A̱bire wa huri wa tarya nperan nan mibo nan shigere, ntuda̱re, nnan huri wu kenoko, n rage n gegi pa̱re a me koreka.Wato anene'en nonwan a̱n tu hura̱ ana ka̱hin to hacega, a̱nno man to na'an n kenoko ke nahon.
46Won monran wa̱nu nato ananwan na yan'on sha asage ninji an saro ton dan monran na Yesu. 47Yan'on woto wan hyen wo kamaca kawo na yan'on nanwon esage pare nindi an saro ton dan monran gawo. 48Ayesu wa̱ ra̱'a̱ni woto wure wo hyen wo, << A̱ure won den kamaca ka̱mi na yan'on na̱mi?. 49Nande Ayesu wa cewane ka'ara pa ato ma ma'anga nonwan wa hyen wo kamaca ka̱mi na yan'on na̱mi wana. 50Ai ko awa awon den ena Ashawa na ne'en nanmen tonran an saro a̱ure won den woto suwa̱ wumi a̱ure ta'a kamaca ka̱mi.
The Word for the World International and The Word for the World Nigeria