Эге дөс 46
46
Иаковтуң Египетче аян-чоруун Бурганның деткээни
1 # Э. д. 26:33Израиль бар-ла өнчүзүн ап алгаш, орукче үнүпкен. Беэр-Шевага келгеш, ачазы Исаактың Бурганынга өргүлдер салган. 2Дүне дүжүнде Бурган ону: «Иаков! Иаков!» – деп кыйгырарга, ол: «Дыңнап тур мен» – дээн. 3Бурган аңаа: «Мен сээң ачаңның Бурганы-дыр мен. Кортпа, Египетче чорувут. Ол черге сенден укталган улуг чон чаяап каар мен. 4# Э. д. 50:13Мен сээң-биле кады Египетче чоруптар мен. Оон дедир база үндүрүп каар мен. Өлүп каарыңга, Иосиф бодунуң холу-биле сээң карактарыңны шимдиндир суйбап каар» – деп чугаалаарга, 5Иаков Беэр-Шевадан чорупкан. Оолдары ачазы Иаковту, боттарының кадайларын, ажы-төлүн фараоннуң бергени тергелеринге олурткаш, чорупканнар. 6Ханаан черге азырап чорааны мал-маганын, эдилеп чорааны эт-хөреңгизин ап алгаш, Иаков бодунуң бүгү төрел аймаа-биле Египетке чедип келген. 7Оолдарын, уругларын база оларның ажы-төлүн – бодунуң бүгү-ле төрел аймаан Египетке эккелген.
Иаковтуң үре-салгалының даңзызы
(1 Чыл. 2:1-5)
8 # Хост. 6:14-16Египетке чедип келген израиль чоннуң даңзызы бо-дур.
Иаков болгаш ооң оолдары.
Иаковтуң дун оглу: Рувим. 9# Хост. 6:14; Сан. 26:5-6; 1 Чыл. 5:3Рувимниң оолдары: Энох, Фаллу, Хецрон болгаш Харми.
10 # Сан. 26:13Симеоннуң оолдары: Иемуил, Ямин, Огад, Яхин, Цохар база хананей херээженден төрүттүнген Саул.
11 # Сан. 3:17; 26:57Левийниң оолдары: Гирсон, Кохат болгаш Мерари.
12 # Э. д. 38:1-30; Сан. 26:19Иуданың оолдары: Ир, Онан, Шела, Фарес, Зерах. А Ир биле Онан ханаан черге-ле чок апарганнар. Фарестиң Хецрон биле Хамул деп оолдары турган.
13 # Сан. 26:23-24; 1 Чыл. 7:1Иссахарның оолдары: Тола, Фува, Яшув#46:13 Өске бурунгу сөзүглелде «Яшув» эвес, а «Иов» деп бижээн. болгаш Шимрон.
14 # Сан. 26:26Завулоннуң оолдары: Серед, Элон, Яхлеил.
15Оон аңгыда Иаков Дина деп кыстыг турган. Бо оолдар, кыстар – үжен үш кижи – Лия биле Иаковтуң Паддан-Арамга чурттап турган үезинде өзүп-көвүдээн үре-салгалы чүве-дир.
16 # Сан. 26:15Гадтың оолдары: Цифион, Хагги, Шуни, Эцбон, Эри, Ароди, Арели.
17 # Сан. 26:44-46; 1 Чыл. 7:30-40Асирниң оолдары: Имна, Ишва, Ишви, Брия база кыс уруу Серах. Брияның оолдары: Хевер биле Малхиил. 18Бо уруг-дарыг – он алды кижи – Лаванның уруу Лияга чалча кылдыр берип кааны Зелфа биле Иаковтуң үре-салгалы чүве-дир.
19Иаковтуң кадайы Рахилдиң оолдары: Иосиф биле Вениамин. 20# Э. д. 41:45; Иса. 19:18; Иез. 30:17 || Сан. 26:28-37Илиопольда бараалгакчы Поти-Фераның уруу Асенет Иосифке Манассия биле Эфремни египет черге божуп берген.
21 # Сан. 26:38-41; 1 Чыл. 7:6-12; 8:1-5Вениаминниң үре-салгалы: Бела, Бехер, Ашбел, Гера, Нааман, Эхи, Рош, Муппим, Хуппим, Ард. 22Бо оолдар – он дөрт кижи – Рахил биле Иаковтуң үре-салгалы чүве-дир.
23 # Сан. 26:42Данның оглу: Хушим.
24 # Сан. 26:48-49; 1 Чыл. 7:13Неффалимниң оолдары: Яхцеил, Гуни, Иецер, Шиллем. 25Бо оолдар – чеди кижи – Лаванның уруу Рахилге чалча кылдыр бергени Валла биле Иаковтуң үре-салгалы чүве-дир.
26Иаков-биле кады Египетке чедип келген ооң дорт салгакчылары, келиннерин санаваска, шупту алдан алды кижи чүве-дир. 27# Хост. 1:5А Иосифтиң ийи оглу Египетке төрүттүнген турган. Ынчангаш Иаковтуң Египетче көжүп келген төрел бөлүүнүң саны чеден#46:27 Өске бурунгу сөзүглелде «чеден беш» деп бижээн. кижи турган.
Иаковтуң өг-бүлезиниң Египетке чедип келгени
28Гесемче баар орукту айтып берзин дээш, Иуданы Иаков эртежик-ле Иосифче чорудупкан турган. Олар Гесемге чедип кээрге, 29Иосиф бодунуң чуузазын белеткээш, ачазы Израильди уткуп, Гесемче чорупкан. Ачазын көрүп кааш, Иосиф оон куспактаныпкаш, дыка үр ыглап келген. 30Израиль Иосифке: «Оглум, сени көрүп алганымда, ам өлүп калзымза-даа, ажырбас!» – дээн. 31Иосиф бодунуң акыларынга болгаш төрелдеринге: «Фараонга барып: „Ханаандан мээң акыларым болгаш төрелдерим чедип келди. 32Олар малчыннар болгаш, мал-маганын ап алгаш келген“ – деп чугаалаайн. 33Фараон силерден: „Кандыг ажыл-агыйлыг силер?“ – деп айтырарга, 34# Э. д. 43:32; Хост. 8:26„Бис, силерниң чалчаларыңар, өгбелеривис дег, бичиивистен тура кадарчылар улус бис“ – дээр силер. Ынчан силерни Гесемге чурттадып арттырып каар. Чүге дээрге хой кадарчыларын египетчилер ческинчиг деп санаар улус-тур» – дээн.
© Институт перевода Библии, 2025
Эге дөс 46
46
Иаковтуң Египетче аян-чоруун Бурганның деткээни
1 # Э. д. 26:33Израиль бар-ла өнчүзүн ап алгаш, орукче үнүпкен. Беэр-Шевага келгеш, ачазы Исаактың Бурганынга өргүлдер салган. 2Дүне дүжүнде Бурган ону: «Иаков! Иаков!» – деп кыйгырарга, ол: «Дыңнап тур мен» – дээн. 3Бурган аңаа: «Мен сээң ачаңның Бурганы-дыр мен. Кортпа, Египетче чорувут. Ол черге сенден укталган улуг чон чаяап каар мен. 4# Э. д. 50:13Мен сээң-биле кады Египетче чоруптар мен. Оон дедир база үндүрүп каар мен. Өлүп каарыңга, Иосиф бодунуң холу-биле сээң карактарыңны шимдиндир суйбап каар» – деп чугаалаарга, 5Иаков Беэр-Шевадан чорупкан. Оолдары ачазы Иаковту, боттарының кадайларын, ажы-төлүн фараоннуң бергени тергелеринге олурткаш, чорупканнар. 6Ханаан черге азырап чорааны мал-маганын, эдилеп чорааны эт-хөреңгизин ап алгаш, Иаков бодунуң бүгү төрел аймаа-биле Египетке чедип келген. 7Оолдарын, уругларын база оларның ажы-төлүн – бодунуң бүгү-ле төрел аймаан Египетке эккелген.
Иаковтуң үре-салгалының даңзызы
(1 Чыл. 2:1-5)
8 # Хост. 6:14-16Египетке чедип келген израиль чоннуң даңзызы бо-дур.
Иаков болгаш ооң оолдары.
Иаковтуң дун оглу: Рувим. 9# Хост. 6:14; Сан. 26:5-6; 1 Чыл. 5:3Рувимниң оолдары: Энох, Фаллу, Хецрон болгаш Харми.
10 # Сан. 26:13Симеоннуң оолдары: Иемуил, Ямин, Огад, Яхин, Цохар база хананей херээженден төрүттүнген Саул.
11 # Сан. 3:17; 26:57Левийниң оолдары: Гирсон, Кохат болгаш Мерари.
12 # Э. д. 38:1-30; Сан. 26:19Иуданың оолдары: Ир, Онан, Шела, Фарес, Зерах. А Ир биле Онан ханаан черге-ле чок апарганнар. Фарестиң Хецрон биле Хамул деп оолдары турган.
13 # Сан. 26:23-24; 1 Чыл. 7:1Иссахарның оолдары: Тола, Фува, Яшув#46:13 Өске бурунгу сөзүглелде «Яшув» эвес, а «Иов» деп бижээн. болгаш Шимрон.
14 # Сан. 26:26Завулоннуң оолдары: Серед, Элон, Яхлеил.
15Оон аңгыда Иаков Дина деп кыстыг турган. Бо оолдар, кыстар – үжен үш кижи – Лия биле Иаковтуң Паддан-Арамга чурттап турган үезинде өзүп-көвүдээн үре-салгалы чүве-дир.
16 # Сан. 26:15Гадтың оолдары: Цифион, Хагги, Шуни, Эцбон, Эри, Ароди, Арели.
17 # Сан. 26:44-46; 1 Чыл. 7:30-40Асирниң оолдары: Имна, Ишва, Ишви, Брия база кыс уруу Серах. Брияның оолдары: Хевер биле Малхиил. 18Бо уруг-дарыг – он алды кижи – Лаванның уруу Лияга чалча кылдыр берип кааны Зелфа биле Иаковтуң үре-салгалы чүве-дир.
19Иаковтуң кадайы Рахилдиң оолдары: Иосиф биле Вениамин. 20# Э. д. 41:45; Иса. 19:18; Иез. 30:17 || Сан. 26:28-37Илиопольда бараалгакчы Поти-Фераның уруу Асенет Иосифке Манассия биле Эфремни египет черге божуп берген.
21 # Сан. 26:38-41; 1 Чыл. 7:6-12; 8:1-5Вениаминниң үре-салгалы: Бела, Бехер, Ашбел, Гера, Нааман, Эхи, Рош, Муппим, Хуппим, Ард. 22Бо оолдар – он дөрт кижи – Рахил биле Иаковтуң үре-салгалы чүве-дир.
23 # Сан. 26:42Данның оглу: Хушим.
24 # Сан. 26:48-49; 1 Чыл. 7:13Неффалимниң оолдары: Яхцеил, Гуни, Иецер, Шиллем. 25Бо оолдар – чеди кижи – Лаванның уруу Рахилге чалча кылдыр бергени Валла биле Иаковтуң үре-салгалы чүве-дир.
26Иаков-биле кады Египетке чедип келген ооң дорт салгакчылары, келиннерин санаваска, шупту алдан алды кижи чүве-дир. 27# Хост. 1:5А Иосифтиң ийи оглу Египетке төрүттүнген турган. Ынчангаш Иаковтуң Египетче көжүп келген төрел бөлүүнүң саны чеден#46:27 Өске бурунгу сөзүглелде «чеден беш» деп бижээн. кижи турган.
Иаковтуң өг-бүлезиниң Египетке чедип келгени
28Гесемче баар орукту айтып берзин дээш, Иуданы Иаков эртежик-ле Иосифче чорудупкан турган. Олар Гесемге чедип кээрге, 29Иосиф бодунуң чуузазын белеткээш, ачазы Израильди уткуп, Гесемче чорупкан. Ачазын көрүп кааш, Иосиф оон куспактаныпкаш, дыка үр ыглап келген. 30Израиль Иосифке: «Оглум, сени көрүп алганымда, ам өлүп калзымза-даа, ажырбас!» – дээн. 31Иосиф бодунуң акыларынга болгаш төрелдеринге: «Фараонга барып: „Ханаандан мээң акыларым болгаш төрелдерим чедип келди. 32Олар малчыннар болгаш, мал-маганын ап алгаш келген“ – деп чугаалаайн. 33Фараон силерден: „Кандыг ажыл-агыйлыг силер?“ – деп айтырарга, 34# Э. д. 43:32; Хост. 8:26„Бис, силерниң чалчаларыңар, өгбелеривис дег, бичиивистен тура кадарчылар улус бис“ – дээр силер. Ынчан силерни Гесемге чурттадып арттырып каар. Чүге дээрге хой кадарчыларын египетчилер ческинчиг деп санаар улус-тур» – дээн.
© Институт перевода Библии, 2025