Mak 16
16
Baak rêh kươi Brah Jê-sus ri
(Ma-thi-ơ 28:1-8; Lu-ka 24:1-12; Jang 20:1-10)
1Nar sa-'bat rlach hơơi, Ma-ri Ma-đơ-len, Ma-ri mei Ja-kơ, u Sa-lô-mê pook griêng chhơm jah han lơơm kơmôich Brah Jê-sus. 2Nar muôi knông rthôl, a aang ôi, tơt mat nar mhei kơơt, pei du ja han tơt kmôôch. 3Bu mor ta n'hai: “'Bơơn a kươi pơrlam tmau bôôk lpôông kmôôch aan bơl bơn?” 4Dôh tơt mơq nggơơr, bu sau tmau ja kươt pơrlam hơơi; nei laa di tmau ttih đat. 5Mưt knông kmôôch, bu sau di mbu dơlu dook ao nhjoong book, gôq mak ma, nei bơm yoh êêng aang. 6Dôh bnih nei lah n'hai bu: “Khơơm ring n'hông! Bơl 'bei wơng Brah Jê-sus bnih Na-sa-ret, laa Yaang ja dol pơng đênh lơ chhư rglaang. Pang rêh kươi hơơi, 'bưn geh gôq a au hôm. Phrui mơq ktôk ja rôôp tơơp Pang. 7Phrui han, tơmbơh aan bơl jơrnơ Pang u Phi-e-rơ laah Pang han tơt Ga-li-lê noor bơl 'bei. Tu nei, bơl 'bei a kươi sau Pang bei Pang ja laah teq u bơl 'bei.”#Mat 26:32; Mak 14:28. 8Mhei sot rlach a kmôôch, bơl dơur kot tuôt kup đươm êêng aang ir u n'hông n'hing. Bơl bu 'bưn baanh mor ơơn u 'bơơn đươm n'hông ring đat.#16:8 Tênh m'baak 'bian ti, nei sm'bưt Baak Sroong Klanh Mak geh ơk bôh ptut êêng nday. M'baak plơơp 'bian ti ptut a ndroong 8. M'baak plơơp 'bian ti ptut a ndroong 20; kot geh plơơp 'bian ti nday ptut teq u ndroong 9-10: “Bơl mei lôh u Phi-e-rơ u bnih jơrnơ, krơơ kươi gleh lnhơnh aan bu leq sêch ntil ơơn bơl mei ja kươt tơmbơh kne. Kơi nei, nơơm Brah Jê-sus maanh bơl jơrnơ Pang ri liêu baak preh jrah peh thlay u ngan nguôn teq u baak đoh kwaai yoot yôw tơmbơh chhuôr a nhơp nar tơt kơơt nar”.
Brah Jê-sus lôh sot n'hai Ma-ri Ma-đơ-len
(Ma-thi-ơ 28:9,10; Jang 20:11-18)
[9Tơt Brah Jê-sus rêh kươi lap aang ôi nar muôi knông rthôl, noor leq Pang lôh sot aan Ma-ri Ma-đơ-len, laa bnih ja kươt Pang tak prơh poh chaak kraanh. 10Mei han tơmbơh aan bơl bnih ja tênh Pang plah chhong rmlơng, nhim ngliêng. 11Dôh tơt ttang laah Pang nha rêh u đươm mei ja sau nei bu 'bưn jơ.
Brah Jê-sus lôh sot n'hai bơl jơrnơ
(Ma-thi-ơ 28:16-20; Lu-ka 24:13-49; Jang 20:19-23; Kênh Kaar 1:6-8)
12Ndih nei, Brah Jê-sus knông di sm'aang nday ja lôh sot aan baar du knông bơl jơrnơ, jơl bu a troong plah siq poh lôt. 13Baar du au plơq kươi tơmbơh aan bơl jơrnơ nday, dôh bu kot 'bưn jơ.
14Kơi nei, Pang lôh sot aan jmơt muôi jơrnơ plah bu gôq sôông sa. Pang sngaanh bu teq u baak kraam chưt 'bưn sang jơ, đươm bu 'bưn jơ bơl bnih u ja sau Pang di kươi Pang rêh kươi.#16:14 Kơi nei... rêh kươi: Knông m'baak plơơp 'bian ti, ndroong 14 geh đah kươi: Bu ta koh roong êêng baah mor laa, “Jơrnơl dôih ap n'hai 'bưn jơ au laa pơơn teq u Sa-tan, laa bah 'bưn teq aan baak dơrnip n'hai dang kmheng Brah Ưn jn'ah huôih pal baak jrơơk jrơơm bơl wêêng yaang. Bei nei, Pang phrui tơrsau baak sêch song nơơm bơn na ri, kơndaal bei au” bu mor n'hai Yaang Krist. Yaang Krist ơh: “Jơrnơl teq u pal khay snam kmheng Sa-tan ri ja kươt sơp, dôh pal ntil n'hông n'hing nday ja lôh dơơh. Teq u bơl bah geh dôih, Hei ja ndơơp aan baak chhưt, jah bu awap plơq n'hai baak dơrnip u 'bưn nh'hơơm geh dôih hôm, leq sêch aan bu awap kươt pơih a sroh baak sêch song peh thlay ri n'hai 'bưn luôch lêêk a lơ trôôk.” 15Pang lah n'hai bu: “Phrui han jôm swich teh, chhuôr Baak Sroong Klanh aan jôm bnih.#Kênh 1:8. 16'Bơơn jơ u dol bap-tem a kươi kươt đoh dôih; dôh 'bơơn 'bưn jơ a kươi dol kaap dôih. 17Bơl bnih jơ a kươi kươt pal chmlih chmleek au krop n'hai: Bu a kươi tơmoh chhak Hei jah prơh chaak; a kươi mor pal baak mor mhei;#16:17 baak mor mhei: Knông baak Hi-lap laa glossa rơih laa mor dơng lpiat. 18nhôp pi bêh [a koon ti],#16:18 [a koon ti]: Knông m'baak plơơp 'bian ti 'bưn geh pal sêr au. paich mơq ôn chrlam daak khih kot 'bưn dol a khuich; bu dơih ti lơ bnih pơrtanh nei bnih pơrtanh a kươi kươt baaq.”
Brah Jê-sus hao u trôôk
(Lu-ka 24:50-53; Kênh Kaar 1:9-11)
19Di kươi lah bei nei, Brah Jê-sus kươt liêu hao trôôk, gôq mak ma Brah Ưn.#Kênh 1:9-11. 20Bơl jơrnơ han tơmbơh chhuôr jôm ktôk; Brah lơh kaar pôl n'hai bu u nhôq pal chmlih chmleek krop n'hai jah lơh aan jap baak preh.]
© 2024 Bible Society Vietnam. All rights reserved.
Mak 16
16
Baak rêh kươi Brah Jê-sus ri
(Ma-thi-ơ 28:1-8; Lu-ka 24:1-12; Jang 20:1-10)
1Nar sa-'bat rlach hơơi, Ma-ri Ma-đơ-len, Ma-ri mei Ja-kơ, u Sa-lô-mê pook griêng chhơm jah han lơơm kơmôich Brah Jê-sus. 2Nar muôi knông rthôl, a aang ôi, tơt mat nar mhei kơơt, pei du ja han tơt kmôôch. 3Bu mor ta n'hai: “'Bơơn a kươi pơrlam tmau bôôk lpôông kmôôch aan bơl bơn?” 4Dôh tơt mơq nggơơr, bu sau tmau ja kươt pơrlam hơơi; nei laa di tmau ttih đat. 5Mưt knông kmôôch, bu sau di mbu dơlu dook ao nhjoong book, gôq mak ma, nei bơm yoh êêng aang. 6Dôh bnih nei lah n'hai bu: “Khơơm ring n'hông! Bơl 'bei wơng Brah Jê-sus bnih Na-sa-ret, laa Yaang ja dol pơng đênh lơ chhư rglaang. Pang rêh kươi hơơi, 'bưn geh gôq a au hôm. Phrui mơq ktôk ja rôôp tơơp Pang. 7Phrui han, tơmbơh aan bơl jơrnơ Pang u Phi-e-rơ laah Pang han tơt Ga-li-lê noor bơl 'bei. Tu nei, bơl 'bei a kươi sau Pang bei Pang ja laah teq u bơl 'bei.”#Mat 26:32; Mak 14:28. 8Mhei sot rlach a kmôôch, bơl dơur kot tuôt kup đươm êêng aang ir u n'hông n'hing. Bơl bu 'bưn baanh mor ơơn u 'bơơn đươm n'hông ring đat.#16:8 Tênh m'baak 'bian ti, nei sm'bưt Baak Sroong Klanh Mak geh ơk bôh ptut êêng nday. M'baak plơơp 'bian ti ptut a ndroong 8. M'baak plơơp 'bian ti ptut a ndroong 20; kot geh plơơp 'bian ti nday ptut teq u ndroong 9-10: “Bơl mei lôh u Phi-e-rơ u bnih jơrnơ, krơơ kươi gleh lnhơnh aan bu leq sêch ntil ơơn bơl mei ja kươt tơmbơh kne. Kơi nei, nơơm Brah Jê-sus maanh bơl jơrnơ Pang ri liêu baak preh jrah peh thlay u ngan nguôn teq u baak đoh kwaai yoot yôw tơmbơh chhuôr a nhơp nar tơt kơơt nar”.
Brah Jê-sus lôh sot n'hai Ma-ri Ma-đơ-len
(Ma-thi-ơ 28:9,10; Jang 20:11-18)
[9Tơt Brah Jê-sus rêh kươi lap aang ôi nar muôi knông rthôl, noor leq Pang lôh sot aan Ma-ri Ma-đơ-len, laa bnih ja kươt Pang tak prơh poh chaak kraanh. 10Mei han tơmbơh aan bơl bnih ja tênh Pang plah chhong rmlơng, nhim ngliêng. 11Dôh tơt ttang laah Pang nha rêh u đươm mei ja sau nei bu 'bưn jơ.
Brah Jê-sus lôh sot n'hai bơl jơrnơ
(Ma-thi-ơ 28:16-20; Lu-ka 24:13-49; Jang 20:19-23; Kênh Kaar 1:6-8)
12Ndih nei, Brah Jê-sus knông di sm'aang nday ja lôh sot aan baar du knông bơl jơrnơ, jơl bu a troong plah siq poh lôt. 13Baar du au plơq kươi tơmbơh aan bơl jơrnơ nday, dôh bu kot 'bưn jơ.
14Kơi nei, Pang lôh sot aan jmơt muôi jơrnơ plah bu gôq sôông sa. Pang sngaanh bu teq u baak kraam chưt 'bưn sang jơ, đươm bu 'bưn jơ bơl bnih u ja sau Pang di kươi Pang rêh kươi.#16:14 Kơi nei... rêh kươi: Knông m'baak plơơp 'bian ti, ndroong 14 geh đah kươi: Bu ta koh roong êêng baah mor laa, “Jơrnơl dôih ap n'hai 'bưn jơ au laa pơơn teq u Sa-tan, laa bah 'bưn teq aan baak dơrnip n'hai dang kmheng Brah Ưn jn'ah huôih pal baak jrơơk jrơơm bơl wêêng yaang. Bei nei, Pang phrui tơrsau baak sêch song nơơm bơn na ri, kơndaal bei au” bu mor n'hai Yaang Krist. Yaang Krist ơh: “Jơrnơl teq u pal khay snam kmheng Sa-tan ri ja kươt sơp, dôh pal ntil n'hông n'hing nday ja lôh dơơh. Teq u bơl bah geh dôih, Hei ja ndơơp aan baak chhưt, jah bu awap plơq n'hai baak dơrnip u 'bưn nh'hơơm geh dôih hôm, leq sêch aan bu awap kươt pơih a sroh baak sêch song peh thlay ri n'hai 'bưn luôch lêêk a lơ trôôk.” 15Pang lah n'hai bu: “Phrui han jôm swich teh, chhuôr Baak Sroong Klanh aan jôm bnih.#Kênh 1:8. 16'Bơơn jơ u dol bap-tem a kươi kươt đoh dôih; dôh 'bơơn 'bưn jơ a kươi dol kaap dôih. 17Bơl bnih jơ a kươi kươt pal chmlih chmleek au krop n'hai: Bu a kươi tơmoh chhak Hei jah prơh chaak; a kươi mor pal baak mor mhei;#16:17 baak mor mhei: Knông baak Hi-lap laa glossa rơih laa mor dơng lpiat. 18nhôp pi bêh [a koon ti],#16:18 [a koon ti]: Knông m'baak plơơp 'bian ti 'bưn geh pal sêr au. paich mơq ôn chrlam daak khih kot 'bưn dol a khuich; bu dơih ti lơ bnih pơrtanh nei bnih pơrtanh a kươi kươt baaq.”
Brah Jê-sus hao u trôôk
(Lu-ka 24:50-53; Kênh Kaar 1:9-11)
19Di kươi lah bei nei, Brah Jê-sus kươt liêu hao trôôk, gôq mak ma Brah Ưn.#Kênh 1:9-11. 20Bơl jơrnơ han tơmbơh chhuôr jôm ktôk; Brah lơh kaar pôl n'hai bu u nhôq pal chmlih chmleek krop n'hai jah lơh aan jap baak preh.]
© 2024 Bible Society Vietnam. All rights reserved.