Mak 14
14
Baak rngiêl, baak chhưt u rêh kươi Brah Jê-sus ri
(14:1 – 16:20)
Pơrgênh jmlôm bơl yau thwaai ri
(Ma-thi-ơ 26:1-5; Lu-ka 22:1,2; Jang 11:45-53)
1Baar nar noor ryơơng Chloong Rlach n'hai ryơơng Nom 'Bưn Kenh, bơl yau thwaai ndap ttơơm pôl bơl yau gưt jhai wơng troong jah nhôp u lưm Brah Jê-sus. 2Bu mor: “Khơơm a lơh knông nar ryơơng, daq rook wưu wao knông phung raih.”
Brah Jê-sus kươt lơơm pring tu Bê-tha-ni
(Ma-thi-ơ 26:6-13; Jang 12:1-8)
3Brah Jê-sus gôq tu poh dêq Bê-tha-ni, knông nhi Si-môn ri laa bnih dưn. Tơt Pang plah gôq tu bliêng sôông nei geh di mbu dơur mưt, liêu n'hai di kwah bluk dơơm pring tơơm chhơm daak tơơm, thlay prak đat. Mei nei danh chah kwah u khut pring chhơm lơ bôôk Pang. 4Geh pal du bnih hao nuih mor ta n'hai: “A hay leet mhaach pring chhơm bei nei? 5Đươm pring au awap tech kươt huôih pei riêng đơ-ni-ê jah aan bnih l'ơơi.” Bu mor jjơk baak teq u mei. 6Dôh Brah Jê-sus lah: “Phrui teq êêng bu. A hay bơl 'bei rook rngiêl aan bnih nei? Bu ja lơh di kaar klanh aan Hei. 7Đươm bơl 'bei khal êch kot geh bnih l'ơơi n'hai nơơm, êch lơh smlaang aan bu khal êch kot kươt; dôh 'bưn geh khal êch kot geh Hei laang. 8Bu ja lơh ntil nơơm bu awap lơh kươt, ja lơơm kơmôich Hei jah riêp aan kaar rôôp tơơp. 9A ngan, Hei lah bơl 'bei, leq rlum play teh, paich ktôk êch Baak Sroong Klanh kươt chhuôr, nei kaar bnih dơur au ja lơh a kươi kươt krơơ ryơơng tơt bu.”
Ju-đa ndun Brah
(Ma-thi-ơ 26:14-16; 22:36)
10Ju-đa Ich-ka-ri-ôt, di mbu knông jmơt baar jơt jơng, han tơt bơl yau thwaai ndap ttơơm jah ndun ndơơp Brah Jê-sus aan bu. 11Ttang bei nei bu broh đat, u pơn aan bu prak kaih. Ju-đa wơng phrui jah nhôp ndơơp Pang.
Brah krơơ ryơơng Chơloong Rlach n'hai riêp srap ryơơng Sa Griêng Jrah
(Ma-thi-ơ 26:17-30; Lu-ka 22:7-20; Jang 13:21-30)
12Laap nar muôi ryơơng Nom 'Bưn Kenh, laa nar bu nday lưm koon bưr ryơơng Chloong Rlach, bơl jơrnơ ơh teq u Brah Jê-sus: “Yau êch sa ryơơng Chloong Rlach a êch jah bơl hei han riêp?” 13Pang maanh baar du jơrnơ han u pn'ak: “Phrui mưt u knông poh, geh di mbu aanh koq daak a kươi mơp bơl 'bei. Phrui han tênh bnih nei; 14bnih nei mưt nhi êch, bơl 'bei phrui lôh mor teq u nnơơm nhi nei laah: ‘Yau ôp: Lwing blap jah Hei u bơl jơrnơ Hei sa ryơơng Chloong Rlach a êch?’ 15Nnơơm nhi a kươi chong aan bơl 'bei di lwing ttih lơ ndring ja kươt dap dơih riêp ơơm. Phrui riêp aan bơl bơn a nei.” 16Baar du jơrnơ han mưt u poh u a mơp jôm kaar bei Pang ja mor, ja nei bu riêp ryơơng Chloong Rlach.
17Tơt jơ ngôw, Pang lôh u jmơt baar jơt jơng. 18Plah sôông sa, Brah Jê-sus lah: “Ngan, Hei lah bơl 'bei, di mbu knông bơl 'bei plah gôq sa n'hai Hei au a kươi ndun Hei.” 19Bơl jơrnơ chhong rmlơng đat, tawai ôp Pang: “'Bưn geh hei. Dip 'bưn?” 20Pang ơh: “Nei laa di mbu knông jmơt baar du, laa bnih plah chlok nom pôl giaam n'hai Hei. 21Đươm Koon Bnih han bei baak ja 'bian teq u Pang, dôh ji rngiêl aan bah ndun Koon Bnih! N'hop n'hal bah nei khơơm lgơơch đôh laa au klanh huôih.”
22Plah sôông, Brah Jê-sus pơih nom, or gun, ja nei 'bơh ndơơp aan bơl jơrnơ u lah: “Phrui dơp pơih, au laa chhak jan Hei.” 23Pang pơih tgaan, or gun, ja nei ndơơp aan bơl jơrnơ, u leq sêch kot ôn. 24Pang lah: “Au laa mhaam Hei, mhaam pơrnơn ri a chai aan ơk bnih. 25Ngan, Hei maanh bơl 'bei, Hei a kươi 'bưn ôn daak nho au hôm aan tơt nar Hei a kươi ôn daak nho mhei knông nggoor Brah Ưn.”
Baak pơrjat aan Phi-e-rơ
(Ma-thi-ơ 26:31-35; Lu-ka 22:31-34; Jang 13:36-38)
26Di kươi tapơt sm'bưt tư wơơl, Brah Jê-sus u bơl jơrnơ sot han, hao bnơm Ô-liu. 27Brah Jê-sus maanh bơl jơrnơ: “Leq sêch bơl 'bei a kươi kot a kơq; đươm geh baak 'bian laah:
‘Hei a kươi pơm bnih gwaal,
Nei bưr a kươi dol a brơh.’
28Dôh di kươi Hei rêh kươi, Hei a kươi han tơt Ga-li-lê noor bơl 'bei.”#Mat 28:16. 29Phi-e-rơ ơh: “Paich aan leq sêch kot a kơq, dôh hei nei 'bưn.” 30Brah Jê-sus ơh: “Ngan, Hei lah 'bei, nar au, đươm mang au, di mat iêr ndrau baar tôk, 'bei a kươi dmôw Hei pei wưt.” 31Dôh Phi-e-rơ dươn ơh jap ngan huôih: “Paich geh dip chhưt n'hai Yau, hei a kươi 'bưn dmôw Yau laang.” Leq sêch bơl jơrnơ nday kot mor bei au.
Brah Jê-sus r'bon dan knông mir Gêt-sê-ma-nê
(Ma-thi-ơ 26:36-46; Lu-ka 22:39-46)
32Kơi nei, Brah Jê-sus u bơl jơrnơ han tơt di ktôk, chôôl laa Gêt-sê-ma-nê. Pang maanh bu: “Phrui gôq tu au plah knông Hei r'bon dan.” 33Pang liêu Phi-e-rơ, Ja-kơ u Jang han pôl. Pang ptơơm but sau bơm yoh chhong rmlơng u rhơq rpơq. 34Pang lah n'hai bu: “Wêêng yaang Hei chhong rmlơng aan tơt chhưt, bơl 'bei phrui gôq a au, u kah rngeh.” 35Han dơơh di bôông nha, Pang kun saak u teh u r'bon dan jah mơq awap kươt nei dan bêl au rlach Pang. 36Pang ơh: “A-ba,#14:36 A-ba: Knông baak A-ram rơih laa Bươp. Bươp ơi, jôm kaar Bươp kot lơh kươt. Dan Bươp prap tgaan au rlach Koon, dôh 'bưn tênh rnđêch Koon baah tênh rnđêch Bươp.” 37Ja nei Pang plơq kươi, sau pei du nha bêch; Pang lah n'hai Phi-e-rơ: “Si-môn, 'bei nha bêch nggan! 'Bei 'bưn geh kah rngeh kươt di bêl laang? 38Phrui kah rngeh u r'bon dan, jah bơl 'bei rôih rlach teq u baak lêch lung. Chưt nuih nei êch đat, dôh pêêk pai nei lhok lhơơi.” 39Pang han dơq u r'bon dan bei baak r'bon dan noor. 40Ja nei Pang plơq kươi di wưt dơq, u sau bơl bu nha bêch, đươm pi mat bu ja ttrư ir u bu 'bưn gưt phrui ơh n'hai Pang bei êch. 41Pang plơq kơơi wưt pei, u mor teq u bơl jơrnơ: “Bơl 'bei nha bêch n'hai rlu rlơk kươt nggan? Sơp hơơi, bêl ja lôh! Au, Koon Bnih êch dơơh dol ndun ndơơp teq u ti bơl geh dôih. 42Phrui ta yoong, bơl bơn han. Tôw, bah ndun Hei ja lôh.”
Brah Jê-sus dol nhôp
(Ma-thi-ơ 26:47-56; Lu-ka 22:47-53; Jang 18:3-12)
43Plah Brah Jê-sus nha mor, nei Ju-đa, di mbu knông jmơt baar jơt jơng, lôh. Han pôl n'hai bah nei geh di phung ơk kan pêh u kơnđôn, đươm bơl yau thwaai ndap ttơơm, bơl yau gưt jhai, u bơl raanh ttơơm maanh lôh. 44Bei au, bah ndun Pang ja aan bơl nei chmlih chmleek: “Mơq hei phêp 'bơơn, nei laa nơơm bnih nei; phrui nhôp kươi u jưn han njrang.” 45Mhei lôh, Ju-đa kơndaal kơrnan dơơh tơt Pang u mor: “Ơi Yau!” hơơi nei phêp Pang. 46Bơl bu nhôp kơt Pang drơh. 47Di mbu knông bơl bnih ta yoong gêêng nei hôt đao, pơm u sreh tech tôr dêch yau thwaai ttơơm ri. 48Brah Jê-sus mor n'hai bu: “A hay bơl 'bei liêu đao u kơnđôn lôh nhôp Hei bei nhôp bah ttung bei nei? 49Rêêng nar Hei gôq a klung bơl 'bei, chhuôr kne knông nhi r'bưn, baah bơl 'bei 'bưn nhôp Hei. Paich nei, phrui jah aan baak Sm'bưt Brah kươt dip plak.”#Lu 19:47; 21:37. 50Leq sêch kot teq Pang han tuôt kup.
51Geh di mbu dơlu han tênh Pang, ryoq di plơơp knat look. Bơl bu chraam pang, 52dôh dơlu nei pluôch teq knat, tuôt kup chhak rơi.
Brah Jê-sus bôôk mat Phung kliêu Jưm mlưm
(Ma-thi-ơ 26:57-68; Lu-ka 22:54,55,63-71; Jang 18:13,14,19-24)
53Bơl bu jưn Brah Jê-sus tơt nhi yau thwaai ttơơm. Leq sêch bơl yau thwaai ndap ttơơm, bơl raanh ttơơm u yau gưt jhai kot pơrgum tu nei. 54Phi-e-rơ tênh Pang ngngai ngngai, mưt tơt tal lơwaang nhi yau thwaai ttơơm, ja nei gôq n'hai bơl lênh, nhjơr ôinh a gêêng puung ôinh. 55Plah nei, bơl yau thwaai ndap ttơơm u sơp leq bơl Phung kliêu Jưm mlưm kot wơng ndraanh ta wal kươi Brah Jê-sus jah lưm Pang, dôh bu 'bưn wơng kươt ơơn leq. 56Đươm geh ơk bnih lơh ndraanh lhiat ta wal kươi Pang, dôh baak ndraanh bu ri 'bưn ta glap. 57Geh pal du ta yoong hao lơh ndraanh lhiat kmang kươi Pang laah: 58“Bơl hei geh ttang bnih au mor: ‘Hei a kươi lơh rlơm nhi r'bưn đươm koon bnih sun moon au; knông pei nar Hei a kươi sun di nhi r'bưn nday 'bưn geh paang ti koon bnih sun.’”#Ja 2:19. 59Dôh kơndaal a bôl au, baak ndraanh bu ri kot 'bưn ta glap.
60Yau thwaai ttơơm ta yoong a nggơl klung Phung kliêu u ôp Brah Jê-sus: “'Bei 'bưn ơh baak ơơn teq u pal pnđing pa bơl bnih au ri laang?” 61Dôh Pang nha iat rngơt, 'bưn ơh di baak. Yau thwaai ttơơm ôp nha: “'Bei geh laa Yaang Krist, Koon Yaang Dip Tư Wơơl 'bưn?” 62Brah Jê-sus ơh: “Nơơm hei.
Ja nei au bơl 'bei a kươi sau Koon Bnih
Gôq mak ma Yaang Dang kmheng,
U lôh tơt lwah duq trôôk.”
63Yau thwaai ttơơm yah ao nơơm u mor: “Bơl bơn 'bưn chkhôm wơng ndraanh nday jah lơh ơơn nha? 64Bơl 'bei ja ttang baak đam hơơi nei! Bơl 'bei rwach bei êch?” Leq sêch kot pơrkat dôih dip jah chhưt. 65M'baak bnih ptơơm chhoh brech teq u Pang, kơldêp mat Pang ja nei gơk Pang u lah: “Phrui mor grnưt noor ơơi!” Bơl lênh kray kot dơp kơrnham u taap Pang.
Phi-e-rơ dmôw Brah
(Ma-thi-ơ 26:69-75; Lu-ka 22:56-62; Jang 18:15-18,25-27)
66Plah Phi-e-rơ nha gôq a teh tal lơwaang, di mbu knông bơl dêch ur yau thwaai ttơơm ri lôh dơơh, 67sau Phi-e-rơ plah nhjơr ôinh nei mơq teq u mat bu u mor: “'Bei kot ja gôq n'hai Jê-sus bnih Na-sa-ret.” 68Dôh Phi-e-rơ dmôw: “Hei 'bưn gưt, kot 'bưn gưt ay mor pi ơơn ơơm.” Ja nei bu lơơi du sot tal lơwaang a mat, nei iêr ndrau#14:68 nei iêr ndrau: Knông m'baak plơơp 'bian ti 'bưn geh pal sêr au.. 69Dêch ur nei sau bu, kươi mor teq u bơl bnih ta yoong dơơh nei: “Bu au kot a klung phung tôw.” 70Dôh Phi-e-rơ kươi dmôw di wưt nha. Di rbôông kươi, bơl bnih ta yoong dơơh leet mor n'hai bu: “Jap ngan 'bei a klung phung nei hơơi, đươm 'bei laa bnih Ga-li-lê.” 71Dôh Phi-e-rơ raak u daai drơh: “Hei 'bưn geh ơih gưt teq u bnih pa bơl 'bei lah nei!” 72Kơndaal plah nei, iêr ndrau wưt baar. Phi-e-rơ a gênh kươi baak Brah Jê-sus ja mor n'hai nơơm: “Di mat iêr ndrau baar tôk, 'bei a kươi dmôw Hei pei wưt.” Bu drơh nhim a ơt a uôl.
© 2024 Bible Society Vietnam. All rights reserved.
Mak 14
14
Baak rngiêl, baak chhưt u rêh kươi Brah Jê-sus ri
(14:1 – 16:20)
Pơrgênh jmlôm bơl yau thwaai ri
(Ma-thi-ơ 26:1-5; Lu-ka 22:1,2; Jang 11:45-53)
1Baar nar noor ryơơng Chloong Rlach n'hai ryơơng Nom 'Bưn Kenh, bơl yau thwaai ndap ttơơm pôl bơl yau gưt jhai wơng troong jah nhôp u lưm Brah Jê-sus. 2Bu mor: “Khơơm a lơh knông nar ryơơng, daq rook wưu wao knông phung raih.”
Brah Jê-sus kươt lơơm pring tu Bê-tha-ni
(Ma-thi-ơ 26:6-13; Jang 12:1-8)
3Brah Jê-sus gôq tu poh dêq Bê-tha-ni, knông nhi Si-môn ri laa bnih dưn. Tơt Pang plah gôq tu bliêng sôông nei geh di mbu dơur mưt, liêu n'hai di kwah bluk dơơm pring tơơm chhơm daak tơơm, thlay prak đat. Mei nei danh chah kwah u khut pring chhơm lơ bôôk Pang. 4Geh pal du bnih hao nuih mor ta n'hai: “A hay leet mhaach pring chhơm bei nei? 5Đươm pring au awap tech kươt huôih pei riêng đơ-ni-ê jah aan bnih l'ơơi.” Bu mor jjơk baak teq u mei. 6Dôh Brah Jê-sus lah: “Phrui teq êêng bu. A hay bơl 'bei rook rngiêl aan bnih nei? Bu ja lơh di kaar klanh aan Hei. 7Đươm bơl 'bei khal êch kot geh bnih l'ơơi n'hai nơơm, êch lơh smlaang aan bu khal êch kot kươt; dôh 'bưn geh khal êch kot geh Hei laang. 8Bu ja lơh ntil nơơm bu awap lơh kươt, ja lơơm kơmôich Hei jah riêp aan kaar rôôp tơơp. 9A ngan, Hei lah bơl 'bei, leq rlum play teh, paich ktôk êch Baak Sroong Klanh kươt chhuôr, nei kaar bnih dơur au ja lơh a kươi kươt krơơ ryơơng tơt bu.”
Ju-đa ndun Brah
(Ma-thi-ơ 26:14-16; 22:36)
10Ju-đa Ich-ka-ri-ôt, di mbu knông jmơt baar jơt jơng, han tơt bơl yau thwaai ndap ttơơm jah ndun ndơơp Brah Jê-sus aan bu. 11Ttang bei nei bu broh đat, u pơn aan bu prak kaih. Ju-đa wơng phrui jah nhôp ndơơp Pang.
Brah krơơ ryơơng Chơloong Rlach n'hai riêp srap ryơơng Sa Griêng Jrah
(Ma-thi-ơ 26:17-30; Lu-ka 22:7-20; Jang 13:21-30)
12Laap nar muôi ryơơng Nom 'Bưn Kenh, laa nar bu nday lưm koon bưr ryơơng Chloong Rlach, bơl jơrnơ ơh teq u Brah Jê-sus: “Yau êch sa ryơơng Chloong Rlach a êch jah bơl hei han riêp?” 13Pang maanh baar du jơrnơ han u pn'ak: “Phrui mưt u knông poh, geh di mbu aanh koq daak a kươi mơp bơl 'bei. Phrui han tênh bnih nei; 14bnih nei mưt nhi êch, bơl 'bei phrui lôh mor teq u nnơơm nhi nei laah: ‘Yau ôp: Lwing blap jah Hei u bơl jơrnơ Hei sa ryơơng Chloong Rlach a êch?’ 15Nnơơm nhi a kươi chong aan bơl 'bei di lwing ttih lơ ndring ja kươt dap dơih riêp ơơm. Phrui riêp aan bơl bơn a nei.” 16Baar du jơrnơ han mưt u poh u a mơp jôm kaar bei Pang ja mor, ja nei bu riêp ryơơng Chloong Rlach.
17Tơt jơ ngôw, Pang lôh u jmơt baar jơt jơng. 18Plah sôông sa, Brah Jê-sus lah: “Ngan, Hei lah bơl 'bei, di mbu knông bơl 'bei plah gôq sa n'hai Hei au a kươi ndun Hei.” 19Bơl jơrnơ chhong rmlơng đat, tawai ôp Pang: “'Bưn geh hei. Dip 'bưn?” 20Pang ơh: “Nei laa di mbu knông jmơt baar du, laa bnih plah chlok nom pôl giaam n'hai Hei. 21Đươm Koon Bnih han bei baak ja 'bian teq u Pang, dôh ji rngiêl aan bah ndun Koon Bnih! N'hop n'hal bah nei khơơm lgơơch đôh laa au klanh huôih.”
22Plah sôông, Brah Jê-sus pơih nom, or gun, ja nei 'bơh ndơơp aan bơl jơrnơ u lah: “Phrui dơp pơih, au laa chhak jan Hei.” 23Pang pơih tgaan, or gun, ja nei ndơơp aan bơl jơrnơ, u leq sêch kot ôn. 24Pang lah: “Au laa mhaam Hei, mhaam pơrnơn ri a chai aan ơk bnih. 25Ngan, Hei maanh bơl 'bei, Hei a kươi 'bưn ôn daak nho au hôm aan tơt nar Hei a kươi ôn daak nho mhei knông nggoor Brah Ưn.”
Baak pơrjat aan Phi-e-rơ
(Ma-thi-ơ 26:31-35; Lu-ka 22:31-34; Jang 13:36-38)
26Di kươi tapơt sm'bưt tư wơơl, Brah Jê-sus u bơl jơrnơ sot han, hao bnơm Ô-liu. 27Brah Jê-sus maanh bơl jơrnơ: “Leq sêch bơl 'bei a kươi kot a kơq; đươm geh baak 'bian laah:
‘Hei a kươi pơm bnih gwaal,
Nei bưr a kươi dol a brơh.’
28Dôh di kươi Hei rêh kươi, Hei a kươi han tơt Ga-li-lê noor bơl 'bei.”#Mat 28:16. 29Phi-e-rơ ơh: “Paich aan leq sêch kot a kơq, dôh hei nei 'bưn.” 30Brah Jê-sus ơh: “Ngan, Hei lah 'bei, nar au, đươm mang au, di mat iêr ndrau baar tôk, 'bei a kươi dmôw Hei pei wưt.” 31Dôh Phi-e-rơ dươn ơh jap ngan huôih: “Paich geh dip chhưt n'hai Yau, hei a kươi 'bưn dmôw Yau laang.” Leq sêch bơl jơrnơ nday kot mor bei au.
Brah Jê-sus r'bon dan knông mir Gêt-sê-ma-nê
(Ma-thi-ơ 26:36-46; Lu-ka 22:39-46)
32Kơi nei, Brah Jê-sus u bơl jơrnơ han tơt di ktôk, chôôl laa Gêt-sê-ma-nê. Pang maanh bu: “Phrui gôq tu au plah knông Hei r'bon dan.” 33Pang liêu Phi-e-rơ, Ja-kơ u Jang han pôl. Pang ptơơm but sau bơm yoh chhong rmlơng u rhơq rpơq. 34Pang lah n'hai bu: “Wêêng yaang Hei chhong rmlơng aan tơt chhưt, bơl 'bei phrui gôq a au, u kah rngeh.” 35Han dơơh di bôông nha, Pang kun saak u teh u r'bon dan jah mơq awap kươt nei dan bêl au rlach Pang. 36Pang ơh: “A-ba,#14:36 A-ba: Knông baak A-ram rơih laa Bươp. Bươp ơi, jôm kaar Bươp kot lơh kươt. Dan Bươp prap tgaan au rlach Koon, dôh 'bưn tênh rnđêch Koon baah tênh rnđêch Bươp.” 37Ja nei Pang plơq kươi, sau pei du nha bêch; Pang lah n'hai Phi-e-rơ: “Si-môn, 'bei nha bêch nggan! 'Bei 'bưn geh kah rngeh kươt di bêl laang? 38Phrui kah rngeh u r'bon dan, jah bơl 'bei rôih rlach teq u baak lêch lung. Chưt nuih nei êch đat, dôh pêêk pai nei lhok lhơơi.” 39Pang han dơq u r'bon dan bei baak r'bon dan noor. 40Ja nei Pang plơq kươi di wưt dơq, u sau bơl bu nha bêch, đươm pi mat bu ja ttrư ir u bu 'bưn gưt phrui ơh n'hai Pang bei êch. 41Pang plơq kơơi wưt pei, u mor teq u bơl jơrnơ: “Bơl 'bei nha bêch n'hai rlu rlơk kươt nggan? Sơp hơơi, bêl ja lôh! Au, Koon Bnih êch dơơh dol ndun ndơơp teq u ti bơl geh dôih. 42Phrui ta yoong, bơl bơn han. Tôw, bah ndun Hei ja lôh.”
Brah Jê-sus dol nhôp
(Ma-thi-ơ 26:47-56; Lu-ka 22:47-53; Jang 18:3-12)
43Plah Brah Jê-sus nha mor, nei Ju-đa, di mbu knông jmơt baar jơt jơng, lôh. Han pôl n'hai bah nei geh di phung ơk kan pêh u kơnđôn, đươm bơl yau thwaai ndap ttơơm, bơl yau gưt jhai, u bơl raanh ttơơm maanh lôh. 44Bei au, bah ndun Pang ja aan bơl nei chmlih chmleek: “Mơq hei phêp 'bơơn, nei laa nơơm bnih nei; phrui nhôp kươi u jưn han njrang.” 45Mhei lôh, Ju-đa kơndaal kơrnan dơơh tơt Pang u mor: “Ơi Yau!” hơơi nei phêp Pang. 46Bơl bu nhôp kơt Pang drơh. 47Di mbu knông bơl bnih ta yoong gêêng nei hôt đao, pơm u sreh tech tôr dêch yau thwaai ttơơm ri. 48Brah Jê-sus mor n'hai bu: “A hay bơl 'bei liêu đao u kơnđôn lôh nhôp Hei bei nhôp bah ttung bei nei? 49Rêêng nar Hei gôq a klung bơl 'bei, chhuôr kne knông nhi r'bưn, baah bơl 'bei 'bưn nhôp Hei. Paich nei, phrui jah aan baak Sm'bưt Brah kươt dip plak.”#Lu 19:47; 21:37. 50Leq sêch kot teq Pang han tuôt kup.
51Geh di mbu dơlu han tênh Pang, ryoq di plơơp knat look. Bơl bu chraam pang, 52dôh dơlu nei pluôch teq knat, tuôt kup chhak rơi.
Brah Jê-sus bôôk mat Phung kliêu Jưm mlưm
(Ma-thi-ơ 26:57-68; Lu-ka 22:54,55,63-71; Jang 18:13,14,19-24)
53Bơl bu jưn Brah Jê-sus tơt nhi yau thwaai ttơơm. Leq sêch bơl yau thwaai ndap ttơơm, bơl raanh ttơơm u yau gưt jhai kot pơrgum tu nei. 54Phi-e-rơ tênh Pang ngngai ngngai, mưt tơt tal lơwaang nhi yau thwaai ttơơm, ja nei gôq n'hai bơl lênh, nhjơr ôinh a gêêng puung ôinh. 55Plah nei, bơl yau thwaai ndap ttơơm u sơp leq bơl Phung kliêu Jưm mlưm kot wơng ndraanh ta wal kươi Brah Jê-sus jah lưm Pang, dôh bu 'bưn wơng kươt ơơn leq. 56Đươm geh ơk bnih lơh ndraanh lhiat ta wal kươi Pang, dôh baak ndraanh bu ri 'bưn ta glap. 57Geh pal du ta yoong hao lơh ndraanh lhiat kmang kươi Pang laah: 58“Bơl hei geh ttang bnih au mor: ‘Hei a kươi lơh rlơm nhi r'bưn đươm koon bnih sun moon au; knông pei nar Hei a kươi sun di nhi r'bưn nday 'bưn geh paang ti koon bnih sun.’”#Ja 2:19. 59Dôh kơndaal a bôl au, baak ndraanh bu ri kot 'bưn ta glap.
60Yau thwaai ttơơm ta yoong a nggơl klung Phung kliêu u ôp Brah Jê-sus: “'Bei 'bưn ơh baak ơơn teq u pal pnđing pa bơl bnih au ri laang?” 61Dôh Pang nha iat rngơt, 'bưn ơh di baak. Yau thwaai ttơơm ôp nha: “'Bei geh laa Yaang Krist, Koon Yaang Dip Tư Wơơl 'bưn?” 62Brah Jê-sus ơh: “Nơơm hei.
Ja nei au bơl 'bei a kươi sau Koon Bnih
Gôq mak ma Yaang Dang kmheng,
U lôh tơt lwah duq trôôk.”
63Yau thwaai ttơơm yah ao nơơm u mor: “Bơl bơn 'bưn chkhôm wơng ndraanh nday jah lơh ơơn nha? 64Bơl 'bei ja ttang baak đam hơơi nei! Bơl 'bei rwach bei êch?” Leq sêch kot pơrkat dôih dip jah chhưt. 65M'baak bnih ptơơm chhoh brech teq u Pang, kơldêp mat Pang ja nei gơk Pang u lah: “Phrui mor grnưt noor ơơi!” Bơl lênh kray kot dơp kơrnham u taap Pang.
Phi-e-rơ dmôw Brah
(Ma-thi-ơ 26:69-75; Lu-ka 22:56-62; Jang 18:15-18,25-27)
66Plah Phi-e-rơ nha gôq a teh tal lơwaang, di mbu knông bơl dêch ur yau thwaai ttơơm ri lôh dơơh, 67sau Phi-e-rơ plah nhjơr ôinh nei mơq teq u mat bu u mor: “'Bei kot ja gôq n'hai Jê-sus bnih Na-sa-ret.” 68Dôh Phi-e-rơ dmôw: “Hei 'bưn gưt, kot 'bưn gưt ay mor pi ơơn ơơm.” Ja nei bu lơơi du sot tal lơwaang a mat, nei iêr ndrau#14:68 nei iêr ndrau: Knông m'baak plơơp 'bian ti 'bưn geh pal sêr au.. 69Dêch ur nei sau bu, kươi mor teq u bơl bnih ta yoong dơơh nei: “Bu au kot a klung phung tôw.” 70Dôh Phi-e-rơ kươi dmôw di wưt nha. Di rbôông kươi, bơl bnih ta yoong dơơh leet mor n'hai bu: “Jap ngan 'bei a klung phung nei hơơi, đươm 'bei laa bnih Ga-li-lê.” 71Dôh Phi-e-rơ raak u daai drơh: “Hei 'bưn geh ơih gưt teq u bnih pa bơl 'bei lah nei!” 72Kơndaal plah nei, iêr ndrau wưt baar. Phi-e-rơ a gênh kươi baak Brah Jê-sus ja mor n'hai nơơm: “Di mat iêr ndrau baar tôk, 'bei a kươi dmôw Hei pei wưt.” Bu drơh nhim a ơt a uôl.
© 2024 Bible Society Vietnam. All rights reserved.