Lu-ka 3
3
Brah Jê-sus riêp snap lơh kênh kaar
(3:1 – 4:13)
Kaar Jang Bap-tit ri
(Ma-thi-ơ 3:1-12; Mak 1:1-8; Jang 1:19-28)
1Snam ttal jmơt pram a teh klap Sê-sa Ti-be-rơ — tơt Pôn-sơ Phi-lat lơh yau tông kwaal Ju-đê; Hê-rôt lơh snđach pơching kwaal Ga-li-lê; Phi-lip, oh snđach nei, lơh snđach pơching kwaal I-tu-rê u Tra-kô-nit; Li-sa-ni-a lơh snđach pơching kwaal A-bi-len; 2An-ne u Kai-phe lơh yau thwaai ttơơm — nei geh baak Brah Ưn tơmbơh aan Jang, koon Sa-cha-ri, knông trenh sngat. 3Jang han jôm pal kwaal a gêêng daak glung Jô-đanh, chhuôr teq u ryơơng bap-tem teq u baak teq lơi dôih jah kươt krôih dôih, 4bei baak ja 'bian knông sm'bưt grnưt noor Ê-sai:
“Geh baak bnih khuôl knông trenh sngat:
Phrui kwaih troong aan Brah, lơh song pal troong Pang.
5Jôm tơrlung phrui bôôr aan bêêng,
Jôm yôq bnơm phrui lơh aan ngơrhêq;
Troong gei phrui iêl aan song,
Troong lhuk lhak phrui lơh aan ta drơơl;
6U leq koon bnih a kươi sau smlaang đoh kwaai Brah Ưn ri.”
7Nei mơ, Jang mor n'hai phung raih lôh jah bu lơh bap-tem laah: “Ơi mbaang pai bêh khih tôw, 'bơơn ja tơmbơh aan bơl 'bei gưt jah tuôt kup baak hao nuih êch dơơh tơt?#Mat 12:34; 23:33. 8Bei nei, phrui play kao klanh dip n'hai baak teq lơi dôih; khơơm gênh êêng: ‘Ap-ra-ham laa yau yi bơl hei’; đươm hei mor n'hai bơl 'bei, Brah Ưn geh lơh pal graap tmau au but koon sau aan Ap-ra-ham.#Ja 8:33. 9Mlưm sung ja dơih gêêng tơrgôq jhư; tơơm êch 'bưn lôh play klanh kot dol gôt u jang teq u ôinh.”#Mat 7:19. 10Phung raih ôp Jang: “Bei nei bơl hei phrui lơh ơơn?” 11Bu ơh: “'Bơơn geh baar ao phrui cheq aan bnih 'bưn geh; 'bơơn geh griêng sa kot lơh bei nei.” 12Kot geh bơl bnih nhôq prak lôh jah dol bap-tem, ôp laah: “Ơi yau, bơl hei phrui lơh ơơn?”#Lu 7:29. 13Bu maanh bơl nei: “Khơơm nhôq huôih suai waat ơơm.” 14Bơl lênh kot ôp: “Nha bơl hei phrui lơh ơơn?” Bu ơh: “Khơơm a kaap paich ntơn baak 'bơơn jah kaap prak, dôh phrui dip chưt teq u prak lơh kaar nơơm ri.” 15Leq sêch phung raih plah cham u ôp êêng knông chưt: “Phrui pan Jang laa Yaang Krist?” 16Bei nei, Jang ơh n'hai jôm bnih: “Hei lơh bap-tem aan bơl 'bei u daak; dôh geh di mbu Yaang kmheng huôih hei a kươi lôh, hei 'bưn dip jah doh chhei sroom aan Pang. Pang a kươi lơh bap-tem aan bơl 'bei u Brah Wêêng u ôinh. 17Ti Pang kan kong kơrthêu jah kơrthêu ggaih ngan tal lơwaang ba nơơm u pơrgum ba teq u nơm; dôh blôw nei chhu knông ôinh 'bưn ngơt.” 18Jang kot nhôq ơk baak maanh buôi nday baah chhuôr Baak Sroong Klanh aan phung raih. 19Dôh tơt Hê-rôt, snđach pơching, dol Jang têh gmhaar teq u kaar pơih Hê-rô-đia, sai ur oh nơơm ri, u leq sêch pal dôih ap snđach ja lơh#Mat 14:3-4; Mak 6:17-18. 20nei snđach kươi lơh tih top di dôih ap dơq, laa nhôp Jang teq khaam.
Brah Jê-sus dol bap-tem
(Ma-thi-ơ 3:13-17; Mak 1:9-11)
21Tơt leq sêch phung raih kot dol bap-tem, Brah Jê-sus kot dol bap-tem. Plah Pang nha r'bon dan nei trôôk a pơơk, 22u Brah Wêêng jưr knông gui chhak bei pi traap bat lơ Pang; kươi geh baak a lơ trôôk lah: “Koon laa Koon êch srlanh Hei ri, klanh chưt Hei sơp!”#Mat 3:17; Mak 1:11; Lu 9:35.
Puich mbaang Brah Jê-sus ri
(Ma-thi-ơ 1:1-17)
23Brah Jê-sus ptơơm kênh kaar jơl Pang tơmlai pei jơt snam. Tênh bu nday jơ nei Pang laa koon Jô-sep, Jô-sep koon Hê-li, 24Hê-li koon Mat-tat, Mat-tat koon Lê-wi, Lê-wi koon Mên-chi, Mên-chi koon Ja-nê, Ja-nê koon Jô-sep, 25Jô-sep koon Ma-ta-thia, Ma-ta-thia koon A-môt, A-môt koon Na-hôm, Na-hôm koon Êch-li, Êch-li koon Na-ghê, 26Na-ghê koon Ma-at, Ma-at koon Ma-ta-thia, Ma-ta-thia koon Sê-mê-in, Sê-mê-in koon Jô-sêch, Jô-sêch koon Jô-đa, 27Jô-đa koon Jô-a-nan, Jô-a-nan koon Rê-sa, Rê-sa koon Sô-rô-ba-bên, Sô-rô-ba-bên koon Sa-la-thi-ên,#3:27 Chôôl chhak au knông Pơrnơn Ndơm lah Sa-anh-thi-ên. Sa-la-thi-ên koon Nê-ri, 28Nê-ri koon Mên-chi, Mên-chi koon A-đi, A-đi koon Kô-sam, Kô-sam koon Ên-ma-đan, Ên-ma-đan koon Ê-rơ, 29Ê-rơ koon Jô-suê, Jô-suê koon Ê-li-ê-se, Ê-li-ê-se koon Jô-rim, Jô-rim koon Mat-that, Mat-that koon Lê-wi, 30Lê-wi koon Si-mê-ôn, Si-mê-ôn koon Ju-đa, Ju-đa koon Jô-sep, Jô-sep koon Jô-nam, Jô-nam koon Ê-li-a-kim, Ê-li-a-kim koon Mê-lê-a, 31Mê-lê-a koon Men-na, Men-na koon Mat-ta-tha, Mat-ta-tha koon Na-than, Na-than koon Đa-wit, 32Đa-wit koon Je-sê, Je-sê koon Ô-bêt, Ô-bêt koon Bô-ô, Bô-ô koon Sa-la, Sa-la koon Na-ha-sôn, Na-ha-sôn koon A-mi-na-đap, 33A-mi-na-đap koon At-min, At-min koon A-rơ-ni, A-rơ-ni koon Hêt-rôn, Hêt-rôn koon Phê-rêt, Phê-rêt koon Ju-đa, 34Ju-đa koon Ja-kôp, Ja-kôp koon I-sak, I-sak koon Ap-ra-ham, Ap-ra-ham koon Tha-rê, Tha-rê koon Na-kô, 35Na-kô koon Sê-ruk, Sê-ruk koon Rê-hu, Rê-hu koon Bê-lek, Bê-lek koon Hê-be, Hê-be koon Sa-la, 36Sa-la koon Kai-nam, Kai-nam koon A-pak-sat, A-pak-sat koon Sem, Sem koon Nô-ê, Nô-ê koon Lê-mek, 37Lê-mek koon Mê-tu-sê-la, Mê-tu-sê-la koon Hê-nok, Hê-nok koon Jê-rêt, Jê-rêt koon Ma-ha-la-ên, Ma-ha-la-ên koon Kai-nam, 38Kai-nam koon Ê-not, Ê-not koon Sêt, Sêt koon A-đam, A-đam koon Brah Ưn.
© 2024 Bible Society Vietnam. All rights reserved.
Lu-ka 3
3
Brah Jê-sus riêp snap lơh kênh kaar
(3:1 – 4:13)
Kaar Jang Bap-tit ri
(Ma-thi-ơ 3:1-12; Mak 1:1-8; Jang 1:19-28)
1Snam ttal jmơt pram a teh klap Sê-sa Ti-be-rơ — tơt Pôn-sơ Phi-lat lơh yau tông kwaal Ju-đê; Hê-rôt lơh snđach pơching kwaal Ga-li-lê; Phi-lip, oh snđach nei, lơh snđach pơching kwaal I-tu-rê u Tra-kô-nit; Li-sa-ni-a lơh snđach pơching kwaal A-bi-len; 2An-ne u Kai-phe lơh yau thwaai ttơơm — nei geh baak Brah Ưn tơmbơh aan Jang, koon Sa-cha-ri, knông trenh sngat. 3Jang han jôm pal kwaal a gêêng daak glung Jô-đanh, chhuôr teq u ryơơng bap-tem teq u baak teq lơi dôih jah kươt krôih dôih, 4bei baak ja 'bian knông sm'bưt grnưt noor Ê-sai:
“Geh baak bnih khuôl knông trenh sngat:
Phrui kwaih troong aan Brah, lơh song pal troong Pang.
5Jôm tơrlung phrui bôôr aan bêêng,
Jôm yôq bnơm phrui lơh aan ngơrhêq;
Troong gei phrui iêl aan song,
Troong lhuk lhak phrui lơh aan ta drơơl;
6U leq koon bnih a kươi sau smlaang đoh kwaai Brah Ưn ri.”
7Nei mơ, Jang mor n'hai phung raih lôh jah bu lơh bap-tem laah: “Ơi mbaang pai bêh khih tôw, 'bơơn ja tơmbơh aan bơl 'bei gưt jah tuôt kup baak hao nuih êch dơơh tơt?#Mat 12:34; 23:33. 8Bei nei, phrui play kao klanh dip n'hai baak teq lơi dôih; khơơm gênh êêng: ‘Ap-ra-ham laa yau yi bơl hei’; đươm hei mor n'hai bơl 'bei, Brah Ưn geh lơh pal graap tmau au but koon sau aan Ap-ra-ham.#Ja 8:33. 9Mlưm sung ja dơih gêêng tơrgôq jhư; tơơm êch 'bưn lôh play klanh kot dol gôt u jang teq u ôinh.”#Mat 7:19. 10Phung raih ôp Jang: “Bei nei bơl hei phrui lơh ơơn?” 11Bu ơh: “'Bơơn geh baar ao phrui cheq aan bnih 'bưn geh; 'bơơn geh griêng sa kot lơh bei nei.” 12Kot geh bơl bnih nhôq prak lôh jah dol bap-tem, ôp laah: “Ơi yau, bơl hei phrui lơh ơơn?”#Lu 7:29. 13Bu maanh bơl nei: “Khơơm nhôq huôih suai waat ơơm.” 14Bơl lênh kot ôp: “Nha bơl hei phrui lơh ơơn?” Bu ơh: “Khơơm a kaap paich ntơn baak 'bơơn jah kaap prak, dôh phrui dip chưt teq u prak lơh kaar nơơm ri.” 15Leq sêch phung raih plah cham u ôp êêng knông chưt: “Phrui pan Jang laa Yaang Krist?” 16Bei nei, Jang ơh n'hai jôm bnih: “Hei lơh bap-tem aan bơl 'bei u daak; dôh geh di mbu Yaang kmheng huôih hei a kươi lôh, hei 'bưn dip jah doh chhei sroom aan Pang. Pang a kươi lơh bap-tem aan bơl 'bei u Brah Wêêng u ôinh. 17Ti Pang kan kong kơrthêu jah kơrthêu ggaih ngan tal lơwaang ba nơơm u pơrgum ba teq u nơm; dôh blôw nei chhu knông ôinh 'bưn ngơt.” 18Jang kot nhôq ơk baak maanh buôi nday baah chhuôr Baak Sroong Klanh aan phung raih. 19Dôh tơt Hê-rôt, snđach pơching, dol Jang têh gmhaar teq u kaar pơih Hê-rô-đia, sai ur oh nơơm ri, u leq sêch pal dôih ap snđach ja lơh#Mat 14:3-4; Mak 6:17-18. 20nei snđach kươi lơh tih top di dôih ap dơq, laa nhôp Jang teq khaam.
Brah Jê-sus dol bap-tem
(Ma-thi-ơ 3:13-17; Mak 1:9-11)
21Tơt leq sêch phung raih kot dol bap-tem, Brah Jê-sus kot dol bap-tem. Plah Pang nha r'bon dan nei trôôk a pơơk, 22u Brah Wêêng jưr knông gui chhak bei pi traap bat lơ Pang; kươi geh baak a lơ trôôk lah: “Koon laa Koon êch srlanh Hei ri, klanh chưt Hei sơp!”#Mat 3:17; Mak 1:11; Lu 9:35.
Puich mbaang Brah Jê-sus ri
(Ma-thi-ơ 1:1-17)
23Brah Jê-sus ptơơm kênh kaar jơl Pang tơmlai pei jơt snam. Tênh bu nday jơ nei Pang laa koon Jô-sep, Jô-sep koon Hê-li, 24Hê-li koon Mat-tat, Mat-tat koon Lê-wi, Lê-wi koon Mên-chi, Mên-chi koon Ja-nê, Ja-nê koon Jô-sep, 25Jô-sep koon Ma-ta-thia, Ma-ta-thia koon A-môt, A-môt koon Na-hôm, Na-hôm koon Êch-li, Êch-li koon Na-ghê, 26Na-ghê koon Ma-at, Ma-at koon Ma-ta-thia, Ma-ta-thia koon Sê-mê-in, Sê-mê-in koon Jô-sêch, Jô-sêch koon Jô-đa, 27Jô-đa koon Jô-a-nan, Jô-a-nan koon Rê-sa, Rê-sa koon Sô-rô-ba-bên, Sô-rô-ba-bên koon Sa-la-thi-ên,#3:27 Chôôl chhak au knông Pơrnơn Ndơm lah Sa-anh-thi-ên. Sa-la-thi-ên koon Nê-ri, 28Nê-ri koon Mên-chi, Mên-chi koon A-đi, A-đi koon Kô-sam, Kô-sam koon Ên-ma-đan, Ên-ma-đan koon Ê-rơ, 29Ê-rơ koon Jô-suê, Jô-suê koon Ê-li-ê-se, Ê-li-ê-se koon Jô-rim, Jô-rim koon Mat-that, Mat-that koon Lê-wi, 30Lê-wi koon Si-mê-ôn, Si-mê-ôn koon Ju-đa, Ju-đa koon Jô-sep, Jô-sep koon Jô-nam, Jô-nam koon Ê-li-a-kim, Ê-li-a-kim koon Mê-lê-a, 31Mê-lê-a koon Men-na, Men-na koon Mat-ta-tha, Mat-ta-tha koon Na-than, Na-than koon Đa-wit, 32Đa-wit koon Je-sê, Je-sê koon Ô-bêt, Ô-bêt koon Bô-ô, Bô-ô koon Sa-la, Sa-la koon Na-ha-sôn, Na-ha-sôn koon A-mi-na-đap, 33A-mi-na-đap koon At-min, At-min koon A-rơ-ni, A-rơ-ni koon Hêt-rôn, Hêt-rôn koon Phê-rêt, Phê-rêt koon Ju-đa, 34Ju-đa koon Ja-kôp, Ja-kôp koon I-sak, I-sak koon Ap-ra-ham, Ap-ra-ham koon Tha-rê, Tha-rê koon Na-kô, 35Na-kô koon Sê-ruk, Sê-ruk koon Rê-hu, Rê-hu koon Bê-lek, Bê-lek koon Hê-be, Hê-be koon Sa-la, 36Sa-la koon Kai-nam, Kai-nam koon A-pak-sat, A-pak-sat koon Sem, Sem koon Nô-ê, Nô-ê koon Lê-mek, 37Lê-mek koon Mê-tu-sê-la, Mê-tu-sê-la koon Hê-nok, Hê-nok koon Jê-rêt, Jê-rêt koon Ma-ha-la-ên, Ma-ha-la-ên koon Kai-nam, 38Kai-nam koon Ê-not, Ê-not koon Sêt, Sêt koon A-đam, A-đam koon Brah Ưn.
© 2024 Bible Society Vietnam. All rights reserved.