Ubwandilo 42
42
Abawamwabo aba Yosefu bakubuka mu Ijiputi
1Bo u Yakobo ivwa ukuti muchisu icha Ijiputi ivyakulya vilimo, akabalalusya abana bache akati, “Nkimba choni chicho mwikaye bulo? 2#Imbo. 7.12Abantu bambuzya ukuti, ‘Kuchisu icha Ijiputi ivyakulya viliko.’ Bukagha kulakula mutughulileko ivyakulya lumo izala yingatughogha.”
3Po abawamwabo 10 aba Yosefu bakabuka pakughula ivyakulya muchisu icha Ijiputi. 4Loli u Yakobo atakamutuma u Benjamini, umuzuna uwa Yosefu poka na bawamwabo pachifukwa akanyilagha ukuti chimo ichibibi chingamubonekela. 5Abana aba Yakobo, poka na bantu abanji bakiza pakughula ivyakulya, pachifukwa ichakuti muchisu icha Kenani mukaba izala.
6Pakuti u Yosefu akaba mulaghili uwa chisu, akabaghulizizya abantu ivyakulya babo bakafumagha kuvyisu vyosi ivya muchisu ichapasi. Po bope abawamwabo aba Yosefu bakiza nukufughama pamaso papache. 7Bo u Yosefu abennya abawamwabo, akabamanya. Loli akabapima ngati po bantu babo atabamenye, po akabalalusya umwakuboghofya nukuti, “Nkimba mwafuma kwiyi?”
Bakamwamula bakati, “Twafuma kuchisu icha Kenani twiza pakughula ivyakulya.” 8Napapo u Yosefu akabamanya abawamwabo loli abene batakamumanya. 9#Ubw. 37.5-10U Yosefu akakumbuka ivilota vyache vivyo akalota, po akati, “Amwe mwe bantu batendezi. Mwiza kuno pakutendela ichisu chitu ukuti mwennye nanti chite na maka.”
10Bakamwamula bakati, “Wee mwene, awe, te momumo, loli aswe twe bambombo bako twiza pakughula ivyakulya. 11Twebosi twe banamuntu, sona tute bantu abatendezi, loli twe bantu abasubiliwa.”
12U Yosefu akati, “Awe, amwe mwiza pakutendela ichisu ukuti mwennye ubudedebazu.”
13Bakamwamula u Yosefu bakati, “Aswe twe babombi bako, tukabapo twe banamuntu 12, abana aba tata weka muchisu chitu icha Kenani. Umunandi nkani munyumba yitu ali nu tata witu, loli uwamwitu yumo afuye.”
14Loli u Yosefu akabamula akati, “Momumo, naloli amwe mwe batendezi. 15Polelo nkwiza pakubayela ulu: Nkulapa pamaso pa Falabo ukuti mutakwiza pakubuka pene papo umuzuna winyu iza kuno. 16Mumutume uwamwinyu weka ukuti abuke pakumusenda umuzuna winyu, bo amwe mwe banji muli mujele ukuti twennye nanti zyo mukunena bwanaloli pamo bumyasi. Mwitabwa ilya Falabo, naloli amwe mwe batendezi.” 17Po akabighalila bosi mujele amasiku matatu.
18Bo ghachilapo amasiku matatu u Yosefu akababuzya akati, “Ane ne muntu uwakumunyila u Chala, po mukwiza pakupona nanti mwabomba bulo ichintu ichi. 19Nanti naloli mwe basubiliwa, uwamwinyu weka asyale mujele, po mwe banji mungabwela ni vyakulya kunyumba zyinyu kuko kuli izala. 20Nanti mwiza kuno nu muzuna winyu umunandi nkani, po nkwiza pakumanya naloli ukuti mukunena ubwanaloli, sona mukwiza pakupona.”
Po bakitinkana nazyo 21nukunenezannya benebene nukuti, “Naloli tukananga bo umuzuna witu akutulaba ukuti tumupelele ichisa, loli aswe tukakana. Cho chifukwa ilelo tuli muntamyo inkulu nkani.”
22 #
Ubw. 37.21-22
U Lubeni akati, “Nkimba intakababuzya ukuti mutakamuvulazye umwana uyu, loli mutakanteghelezya? Ennya ilelo tuli pakufundiwa pachifukwa icha libanda lyache.” 23Loli batakazimanya ukuti u Yosefu akivwanga zizyo bakanenezannya, pakuti bakanenagha nawe ukwendela mumusanusi.
24Po u Yosefu akepapo pamaso papabo nukwanda pakulila. Bo ichitima chamala, akiza nukunena nabo. Akamusenda u Simiyoni nukumupinya pamaso papabo.
Abawamwabo aba Yosefu bakubwela ku Kenani
25U Yosefu akabalamula abambombo bache ukuti babasotele abawamwabo ivyakulya mumasaka ghagho, nukubikamo indalama mwisaka ilya muntu wesi, sona akabapa impayo. Abambombo bala bakazibomba zyosi zinizi. 26Po bakapakizya pampunda zyabo ivyakulya vivyo bakaghula nukunyamuka ubulendo bwabo.
27Bo bafika pabuzilo ukuti baghonepo ubusiku bula, weka akasatula isaka lyache ukuti alyesye impunda, akazyennya indalama zyache kumulomo uwa saka lyache. 28Akabitizya abawamwabo nukuti, “Mwebaya, indalama zyane banyosezya. Ennya izi mwisaka lyane!”
Bakapasya nkani mumoyo ghabo nukuba nubogha, po bakanda pakulalusannya ukuti, “Nkimba cho choni chicho u Chala atubombela?”
29Bo bafika kuwa wise u Yakobo muchisu icha Kenani bakamupangila vyosi vivyo vikabawila mu Ijiputi nukuti, 30“Umwimilili uwa muchisu chila akatunena akabibi nkani nukutunena pakuba twe batendezi. 31Loli tukamwamula ukuti, ‘Aswe, twe bantu abasubiliwa, tute twe batendezi, awe. 32Aswe tukapapiwa twe banamuntu 12, abana aba tata weka muchisu chitu icha Kenani. Umunandi nkani munyumba yitu ali nu tata witu, loli uwamwitu yumo afuye.’
33“Po umwimilili uwa chisu chila akati, ‘Uwamwinyu weka asyale mujele, po mwe banji mungabwela ni vyakulya kunyumba zyinyu kuko kuli izala. 34Mumutume uwamwinyu weka ukuti abuke pakumusenda umuzuna winyu. Po nkwiza pakumanya ukuti amwe mute batendezi, loli mwe bantu abasubiliwa. Nkwiza pakubanyosekezya umuzuna winyu, sona mukwiza pakuba mwe babuke pakwikala muchisu ichi pakughula nukughulizya.’ ”
35Bo bali pakusatula amasaka ghabo, umuntu wesi akayagha inyambi iya ndalama mwisaka lyache. Bo bennya indalama zila, babo nu wise u Yakobo, ubogha bukabalema nkani. 36Po uwise u Yakobo akababuzya akati, “Nkimba mukulonda ukuti mundeke ne musita mwana nayumoyumo. U Yosefu akabuka, wepe nu Simiyoni abukite, polelo mukulonda pakubuka sona nu Benjamini. Intamyo zyosi zinizi zikungwila nene?”
37U Lubeni akamubuzya uwise akati, “Nanti ntakwiza nawe u Benjamini, ubaghoghe abana bane babili aba. Umubike munyobe zyane, po nkwiza pakumunyosekezya.”
38Loli u Yakobo akamwamula akati, “Umwana wane atangabuka namwe, pachifukwa ichakuti umukulu wache afuye, ennya asyalite mwene. Buli nanti ichintu ichibibi chamubonekela muzila, po nkwiza pakubalilila mwenemwe nivwi zyane izi mupaka bo bufwe bwane.”
Lambya Bible © Bible Society of Malawi, 2024.
Ubwandilo 42
42
Abawamwabo aba Yosefu bakubuka mu Ijiputi
1Bo u Yakobo ivwa ukuti muchisu icha Ijiputi ivyakulya vilimo, akabalalusya abana bache akati, “Nkimba choni chicho mwikaye bulo? 2#Imbo. 7.12Abantu bambuzya ukuti, ‘Kuchisu icha Ijiputi ivyakulya viliko.’ Bukagha kulakula mutughulileko ivyakulya lumo izala yingatughogha.”
3Po abawamwabo 10 aba Yosefu bakabuka pakughula ivyakulya muchisu icha Ijiputi. 4Loli u Yakobo atakamutuma u Benjamini, umuzuna uwa Yosefu poka na bawamwabo pachifukwa akanyilagha ukuti chimo ichibibi chingamubonekela. 5Abana aba Yakobo, poka na bantu abanji bakiza pakughula ivyakulya, pachifukwa ichakuti muchisu icha Kenani mukaba izala.
6Pakuti u Yosefu akaba mulaghili uwa chisu, akabaghulizizya abantu ivyakulya babo bakafumagha kuvyisu vyosi ivya muchisu ichapasi. Po bope abawamwabo aba Yosefu bakiza nukufughama pamaso papache. 7Bo u Yosefu abennya abawamwabo, akabamanya. Loli akabapima ngati po bantu babo atabamenye, po akabalalusya umwakuboghofya nukuti, “Nkimba mwafuma kwiyi?”
Bakamwamula bakati, “Twafuma kuchisu icha Kenani twiza pakughula ivyakulya.” 8Napapo u Yosefu akabamanya abawamwabo loli abene batakamumanya. 9#Ubw. 37.5-10U Yosefu akakumbuka ivilota vyache vivyo akalota, po akati, “Amwe mwe bantu batendezi. Mwiza kuno pakutendela ichisu chitu ukuti mwennye nanti chite na maka.”
10Bakamwamula bakati, “Wee mwene, awe, te momumo, loli aswe twe bambombo bako twiza pakughula ivyakulya. 11Twebosi twe banamuntu, sona tute bantu abatendezi, loli twe bantu abasubiliwa.”
12U Yosefu akati, “Awe, amwe mwiza pakutendela ichisu ukuti mwennye ubudedebazu.”
13Bakamwamula u Yosefu bakati, “Aswe twe babombi bako, tukabapo twe banamuntu 12, abana aba tata weka muchisu chitu icha Kenani. Umunandi nkani munyumba yitu ali nu tata witu, loli uwamwitu yumo afuye.”
14Loli u Yosefu akabamula akati, “Momumo, naloli amwe mwe batendezi. 15Polelo nkwiza pakubayela ulu: Nkulapa pamaso pa Falabo ukuti mutakwiza pakubuka pene papo umuzuna winyu iza kuno. 16Mumutume uwamwinyu weka ukuti abuke pakumusenda umuzuna winyu, bo amwe mwe banji muli mujele ukuti twennye nanti zyo mukunena bwanaloli pamo bumyasi. Mwitabwa ilya Falabo, naloli amwe mwe batendezi.” 17Po akabighalila bosi mujele amasiku matatu.
18Bo ghachilapo amasiku matatu u Yosefu akababuzya akati, “Ane ne muntu uwakumunyila u Chala, po mukwiza pakupona nanti mwabomba bulo ichintu ichi. 19Nanti naloli mwe basubiliwa, uwamwinyu weka asyale mujele, po mwe banji mungabwela ni vyakulya kunyumba zyinyu kuko kuli izala. 20Nanti mwiza kuno nu muzuna winyu umunandi nkani, po nkwiza pakumanya naloli ukuti mukunena ubwanaloli, sona mukwiza pakupona.”
Po bakitinkana nazyo 21nukunenezannya benebene nukuti, “Naloli tukananga bo umuzuna witu akutulaba ukuti tumupelele ichisa, loli aswe tukakana. Cho chifukwa ilelo tuli muntamyo inkulu nkani.”
22 #
Ubw. 37.21-22
U Lubeni akati, “Nkimba intakababuzya ukuti mutakamuvulazye umwana uyu, loli mutakanteghelezya? Ennya ilelo tuli pakufundiwa pachifukwa icha libanda lyache.” 23Loli batakazimanya ukuti u Yosefu akivwanga zizyo bakanenezannya, pakuti bakanenagha nawe ukwendela mumusanusi.
24Po u Yosefu akepapo pamaso papabo nukwanda pakulila. Bo ichitima chamala, akiza nukunena nabo. Akamusenda u Simiyoni nukumupinya pamaso papabo.
Abawamwabo aba Yosefu bakubwela ku Kenani
25U Yosefu akabalamula abambombo bache ukuti babasotele abawamwabo ivyakulya mumasaka ghagho, nukubikamo indalama mwisaka ilya muntu wesi, sona akabapa impayo. Abambombo bala bakazibomba zyosi zinizi. 26Po bakapakizya pampunda zyabo ivyakulya vivyo bakaghula nukunyamuka ubulendo bwabo.
27Bo bafika pabuzilo ukuti baghonepo ubusiku bula, weka akasatula isaka lyache ukuti alyesye impunda, akazyennya indalama zyache kumulomo uwa saka lyache. 28Akabitizya abawamwabo nukuti, “Mwebaya, indalama zyane banyosezya. Ennya izi mwisaka lyane!”
Bakapasya nkani mumoyo ghabo nukuba nubogha, po bakanda pakulalusannya ukuti, “Nkimba cho choni chicho u Chala atubombela?”
29Bo bafika kuwa wise u Yakobo muchisu icha Kenani bakamupangila vyosi vivyo vikabawila mu Ijiputi nukuti, 30“Umwimilili uwa muchisu chila akatunena akabibi nkani nukutunena pakuba twe batendezi. 31Loli tukamwamula ukuti, ‘Aswe, twe bantu abasubiliwa, tute twe batendezi, awe. 32Aswe tukapapiwa twe banamuntu 12, abana aba tata weka muchisu chitu icha Kenani. Umunandi nkani munyumba yitu ali nu tata witu, loli uwamwitu yumo afuye.’
33“Po umwimilili uwa chisu chila akati, ‘Uwamwinyu weka asyale mujele, po mwe banji mungabwela ni vyakulya kunyumba zyinyu kuko kuli izala. 34Mumutume uwamwinyu weka ukuti abuke pakumusenda umuzuna winyu. Po nkwiza pakumanya ukuti amwe mute batendezi, loli mwe bantu abasubiliwa. Nkwiza pakubanyosekezya umuzuna winyu, sona mukwiza pakuba mwe babuke pakwikala muchisu ichi pakughula nukughulizya.’ ”
35Bo bali pakusatula amasaka ghabo, umuntu wesi akayagha inyambi iya ndalama mwisaka lyache. Bo bennya indalama zila, babo nu wise u Yakobo, ubogha bukabalema nkani. 36Po uwise u Yakobo akababuzya akati, “Nkimba mukulonda ukuti mundeke ne musita mwana nayumoyumo. U Yosefu akabuka, wepe nu Simiyoni abukite, polelo mukulonda pakubuka sona nu Benjamini. Intamyo zyosi zinizi zikungwila nene?”
37U Lubeni akamubuzya uwise akati, “Nanti ntakwiza nawe u Benjamini, ubaghoghe abana bane babili aba. Umubike munyobe zyane, po nkwiza pakumunyosekezya.”
38Loli u Yakobo akamwamula akati, “Umwana wane atangabuka namwe, pachifukwa ichakuti umukulu wache afuye, ennya asyalite mwene. Buli nanti ichintu ichibibi chamubonekela muzila, po nkwiza pakubalilila mwenemwe nivwi zyane izi mupaka bo bufwe bwane.”
Lambya Bible © Bible Society of Malawi, 2024.