پیدأیش ۳۱
۳۱
یعقوب جٚه لابانٚ ورجأ جیویزه
1 ایتأ روج یعقوب بٚشتأوٚسته کی لابانٚ پٚسرأن گفتیدی: «یعقوب تومأمٚ اَمی پِئرٚ مأل و مینألَ فأگیفته و جٚه اَمی پِئرٚ مأل ایسٚه کی اَندر مأل و مینألدأر بوبوسته.» 2 یعقوب خٚیلی زود بٚفأمسته کی لابانٚ رفتأر اونٚ اَمرأ پیشترأنٚ مأنستَن همدیل و همجأن نییٚه.
3 اَ وخت بو کی خوداوند یعقوبَ بٚفرمأسته: «بوشو تی پیله‌بابایأنٚ سرزیمین و وأگرد تی فکٚ فأمیلٚ ورجأ و من تی اَمرأ ایسٚم.»
4 پٚس یعقوب، راحیل و لیه رِه پیغأم اوسه کوده کی بٚشٚد بیأبأن، او جأ کی اونٚ گلّه ایسأ، بأیٚد کی اوشأنٚ اَمرأ گب بٚزنه. 5 او وخت کی بأمؤده یعقوب اوشأنَ بوگفته: «من بفأمٚستٚم کی شیمی پِئرٚ رفتأر می اَمرأ پیشترأنٚ مأنستَن همدیل و همجأن نییٚه، ولی می پِئرٚ خودا مٚرَه وِلَ نوکوده. 6 شومأن دأنیدی کی چندر تومأمٚ حقٚ سعی اَمرأ شیمی پِئرَ خیدمت بوکودم، 7 ولی اون خٚیلی وختأن می حقَ پأمألَ کوده و مٚرَه گول بٚزِه. ولی خودا ولأشته اون مٚرَه ضرر بٚرسأنه؛ 8 چونکی هر وخت شیمی پِئر گفتی: "خألدأرٚ حیوأنأن تی شین بٚبد،" تومأمٚ گلّه خألدأرٚ بٚرّه اَوٚردیدی و او وخت کی جٚه اَ فیکر وأگردستی و گفتی: "تومأمٚ خط دأرأن تی شین بٚبد،" او وخت تومأمٚ گلّه خط دأرَ بٚرّه‌یأن زأییدی! 9 اَطؤیی بو کی خودا شیمی پِئرٚ مألَ فأگیفته و مٚرَه فأدأ.
10 «او وخت کی گلّه جوفتگیری وخت فأرٚسه، خأبٚ دورون بیدِم او قوچأن کی میشأنٚ اَمرأ جوفتگیری کودیدی خط و خألدأر و اَبلق بود. 11 بأزون خودا فٚرٚشته خأبٚ دورون مٚرَه بوگفته: "یعقوب!" و من بوگفتم: "بله، اَمر بٚفرمأ!" 12 بوگفته: "بیدین، تومأمٚ او قوچأن کی میشأنٚ اَمرأ جوفتگیری کونٚده خط و خألدأر و اَبلق ایسٚد، چونکی جٚه اونچی کی لابان تی اَمرأ بوکوده وأخٚب ایسٚم. 13 من هو خودا ایسٚم کی بیت‌ئیلٚ میأن تٚرَه ظأهیرَ بوستم، او جأجیگأ کی ایتأ سوتون جٚه سنگ بٚپأ بوکودی اونٚ رو تدهینٚ روغن فوکودی و نذر بوکودی کی می جَا ایطأعت بوکونی. هسأ اَ شهرَ بٚنه و بوشو و وأگرد تی وطن."»
14 راحیل و لیه یعقوبَ جوأب بٚدأده: «هرچی بٚبه هیچی جٚه اَمی پِئر مأل و مینأل اَمٚرَه فأنرٚسه، 15 چونکی اون اَمی اَمرأ بیگأنه مأنستَن کردٚکأر بوکوده. اون اَمٚرَه بوفرؤخته و او پول کی جٚه اَ رأ بٚدٚس بأوٚرده‌یَ تومأم و کمأل خؤرِه اوسأده. 16 او مأل و مینأل کی خودا جٚه اَمی پِئرٚ مأل و مینأل تٚرَه فأدأ، اَمأن و اَمی زأکأنٚ شین ایسٚه. پٚس اونچی خودا تٚرَه بٚفرمأسته انجأم بٚدٚن.»
17 او وخت یعقوب ویریشته، خو زأکأن و زنأکأنَ شوتورأنٚ سٚر سوأرَ کوده 18 و تومأمٚ رمه و تومأمٚ خو مأل و مینألَ کی جمَ کوده بو، ینی او رمه کی فَدّان‌اَرامٚ میأن بٚدٚس بأوٚرده بویَ، رأ تأوٚدأ کی بٚشه خو پِئر ایسحأقٚ ورجأ کنعانٚ سرزیمین میأن. 19 ولی لابان گوسوٚندأنٚ پشم وأچینی وأسی بوشؤ بو و راحیل خو پِئرٚ خأنه بُتأنَ بودوزأنه. 20 و یعقوب، لابانٚ ارامی‌یَ گول بٚزِه چونکی اونَ خٚوٚر نٚدأ کی خأیه جیویزأده. 21 اَطؤیی بو کی، اون هرچی اَمرأ کی دأشتی ویریشت و بوگروخت و جٚه روخأن دٚوأرٚسته و بوشؤ جلعادٚ کوهأنٚ ور.
لابان یعقوبَ دونبألَ کونِه
22 سه روجٚ پٚسی، لابانَ خٚوٚر بٚدأده کی یعقوب بوگروخته. 23 پٚس اون چن نفرَ خو اَمرأ اوسأد و توندأتوند یعقوبَ دونبألَ کوده و هفت روجٚ پٚسی جلعادٚ کوهأنٚ میأن اونَ فأرٚسه. 24 هو شب، خودا خأبٚ دورون لابانَ ظأهیرَ بوسته و بٚفرمأسته: «بٚپأ کی یعقوبَ هیچی نیگی.»
25 یعقوب جلعادٚ کوهأنٚ میأن چأدر بٚزِه بو کی لابان خو آدمأنٚ اَمرأ فأرٚسِه اونَ. اونم اویَه خو چأدرَ بٚپأ بوکوده. 26 لابان یعقوبٚ جَا وأوٚرسِه: «چٚره مٚرَه گول بٚزِیی و می دؤخترأنَ جنگٚ اسیرأنٚ مأنستَن اوسأدی و بوشؤیی؟ 27 چٚره مٚرَه خٚوٚر نٚدأیی کی ایتأ میهمأنی شِمِره بٚپأ بوکونٚم و سأزٚ آوأزٚ اَمرأ شٚمٚره اوسه کونٚم؟ 28 دٚسٚ کم وئأشته بی می نوه‌یأن و می دؤخترأنَ مأچی بٚدم و اوشأنٚ اَمرأ خوداحافظی بوکونٚم! بیخودی کأر بوکودی! 29 اَ قودرتَ دأرم کی تٚرَه ضرر بٚرسأنم، ولی ای شب پیشتر تی پِئرٚ خودا مِرِه ظأهیرَ بوسته، بوگفته: "بٚپأ هیچی یعقوبَ نیگی." 30 جٚه تومأمٚ اَشأن بوگذریم، تو کی خأستی بیشی و اَندر آروزو دأشتی کی وأگردی تی وطن، دِه چٚره می بُتأنَ بودوزأنِئی؟»
31 یعقوب جوأب بٚدأ بوگفته: «می قأیمکی شؤئؤنٚ عیلّت اَن بو کی ترسِئیم زورٚ اَمرأ تی دؤخترأنَ می جَا پٚسَ گیری. 32 ولی دروأره‌یٚ تی بُتأن، هر کی جٚه اَمأن اوشأنَ بودوزأنه‌بی، بوکوشته بٚبه. اگه جٚه تی مأل و مینأل ایچی اَیَه بیأفتی، هه مردأکأنٚ ورجأ قسم خورم اونَ بودونٚ هیتأ گب تٚرَه پٚسَ دٚم.» یعقوب نأنستی کی راحیل بُتأنَ خو اَمرأ بأوٚرده بو.
33 لابان وأمٚج وُموج بوکوده. اوّل یعقوبٚ چأدر، اونٚ پٚسی لیه چأدر و بأزون یعقوبٚ کنیزأنٚ چأدرَ وأمؤخته، ولی بُتأنَ نیأفته. آخرسٚرِی بوشؤ راحیلٚ چأدر. 34 راحیل کی بُتأنَ بودوزأنِه بو، اوشأنَ شوتورٚ جهأزٚ جیر جیگأ بٚدأ، اونٚ رو نیشته بو! پٚس هطؤ کی لابان دیقّتٚ اَمرأ اونٚ چأدرَ وأمؤخته هیچی نیأفته. 35 راحیل خو پِئرَ بوگفته: «پِئر، جٚه اَنکی نتأنم تی ورجأ بِئیسم بٚبخش مٚرَه، چونکی زنأنه عأدت بوبوستم.»
36 یعقوب دِه طأقت نأوٚرده و غیظٚ اَمرأ لابانَ بوگفته: «چی خبطٚ خطأیی بوکودم کی مٚرَه اَطؤیی دونبألَ کودی؟ 37 هسأ کی تومأمٚ می مأل و مینألٚ میأنَ وأمؤختی، ایچی بیأفتی؟ اگه جٚه تی مأل و مینأل ایچی بیأفتی اونَ تومأمٚ تی آدمأن و می آدمأنٚ ورجأ بأوٚر کی اوشأن بیدینٚد و قیضأوت بوکونٚد کی شین ایسٚه! 38 اَ بیست سألٚ میأن کی تی ورجأ ایسأ بوم و تی گلّه جَا مورأقبت کودیم، حتّا ایتأ جٚه تی حیوأنأنٚ زأکأن تلف نوبوسته و هیوخت ایتأ جٚه اوشأنَ نوخوردم. 39 اگه ایتأ وأشی حیوأن ایتأ جٚه اوشأنَ فوتورکسته بی و اونَ بوکوشته‌بی، حتّا بودونٚ اَنکی تٚرَه بٚگم، اونَ تأوأنَ فأدأییم. اگه ایتأ گوسوٚند جٚه گلّه شب یا روجٚ میأن بودوزأنه بوبوسته‌بی، مٚرَه زور کودی اونَ پولَ فأدٚم. 40 روجٚ گرمأ میأن کی سوجأنِئی و شبٚ سختٚ سرمأ میأن، بودونٚ اَنکی خأبَ می چومأنَ رأ بٚدم، تِرِه کأر بوکودم. 41 دوروسته، بیست سأل تومأم تِرِه زحمت بٚکشِم، چأرده سأل تی دوتأ دؤخترٚ وأسی و شیش سأل اَ گلّه‌یَ کی دأرمٚ بٚدٚس اَوٚردنٚ وأسی! تو خٚیلی وختأن می حقَ پأمأل بوکودی. 42 اگه می پیله بأبأ ایبرأهیمٚ خودا رحمت و می پِئر ایسحأقٚ خودا بوزورگی نوبوسته‌بی، هسأ مٚرَه دٚس خألی اوسه کودی. ولی خودا می موصیبت و زحمتأنَ بیدِه و هنٚ وأسی دیشب تِرِه ظأهیرَ بوسته.»
43 لابان بوگفته: «تی زنأکأن، می دؤخترأن و تی زأکأن، می زأکأن و گلّه‌یأن و هر اونچی کی دأری می شین ایسٚه. پٚس ایمرو چوطؤ تأنٚم می دؤخترأن و نوه‌یأنَ ضرر بٚرسأنم؟ 44 هسأ بیأ کس‌کسٚ اَمرأ عهد دٚوٚدیم و جٚه اَنٚ پٚسی اونٚ موطأبق کأر بوکونیم.»
45 پٚس یعقوب ایتأ سنگ اوسأده و اونَ عهد و پیمأنٚ نیشأنه عوض، ایتأ سوتونٚ شیکل و شمأیل بٚپأ بوکود 46 و خو آدم نفرأن کی اونٚ اَمرأ ایسأبودَ بوگفته کی سنگأنَ ایتأ جیگأ جمَ کونٚد و اوشأنَ ایتأ کوت بٚزِه جیگأ مأنستَن بٚپأ بوکونٚد. بأزون یعقوب و لابان کس‌کسٚ اَمرأ او کوت بٚزِه جیگأ سنگأنٚ جیر غذأ بوخوردٚد. 47 اوشأن او کوت بٚزِه جیگأ سنگأنَ «شهأدتٚ کوت بٚزِه جیگأ» نأم بٚنأده کی لابانٚ زوأنٚ اَمرأ یجرسهدوتا و یعقوبٚ زوأنٚ میأن جَلعید دؤخأده بوستی. 48 لابان بوگفته: «اگه اینفر جٚه اَمأن اَ عهد و پیمأنٚ شرطأنَ خو پأ جیر بٚنه، اَ سنگأن اونٚ ضد شهأدت دٚهٚده.» 49 هطؤیم او کوت بٚزِه جیگأ سنگأنَ مِصفَه (ینی «پأسبأنی بورج») نأم بٚنأده، چونکی لابان بوگفته: «او وخت کی اَمأن کس‌کسٚ جَا دور ایسأییم، خوداوند اَمی رو پأسبأنی کونِه. 50 اگه تو می دؤخترأنٚ اَمرأ توندی بوکونی یا ایوأردِه زن بیگیری، من نفأمٚم، ولی خودا اونَ دینه.»
51 لابان ایضأفَه کوده: «اَ کوت بٚزِه جیگأ و اَ سوتونَ بیدین کی اونَ اَمی میأن بٚپأ بٚدأشتم. 52 اَشأن اَمی قولٚ قرأرٚ شأهید بٚده. هیتأ جٚه اَمأن نوأستی اویتأیَ فوتورکستنٚ وأسی جٚه اَ کوت بٚزِه جیگأ دٚوأره. 53 اَمی پیله بأبأ ایبرأهیمٚ خودا و اَمی پیله بأبأ ناحورٚ خودا اَمی میأن قیضأوت بوکونه.» بأزون یعقوب خو پِئر ایسحأقٚ خودا بوزورگی‌یَ قسم بوخورده کی اَ قولٚ قرأرَ بٚدأره.
54 او وخت یعقوب هو کوهأنٚ میأن خوداوندٚ رِه قوربأنی بوکوده و اونی آدم نفرأن کی اونٚ اَمرأ ایسأبودَ میهمأن بوکوده، اَشأنٚ اَمرأ غذأ بوخورد و اوشأن همٚتأن شبَ اویَه بِئیسأده. 55 لابان صُب دٚم ویریشته، خو دؤخترأن و نوه‌یأنَ مأچی بٚدأ و اوشأنَ برکت بٚدأ و وأگردسته خو خأنه.
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۳۱
۳۱
یعقوب جٚه لابانٚ ورجأ جیویزه
1 ایتأ روج یعقوب بٚشتأوٚسته کی لابانٚ پٚسرأن گفتیدی: «یعقوب تومأمٚ اَمی پِئرٚ مأل و مینألَ فأگیفته و جٚه اَمی پِئرٚ مأل ایسٚه کی اَندر مأل و مینألدأر بوبوسته.» 2 یعقوب خٚیلی زود بٚفأمسته کی لابانٚ رفتأر اونٚ اَمرأ پیشترأنٚ مأنستَن همدیل و همجأن نییٚه.
3 اَ وخت بو کی خوداوند یعقوبَ بٚفرمأسته: «بوشو تی پیله‌بابایأنٚ سرزیمین و وأگرد تی فکٚ فأمیلٚ ورجأ و من تی اَمرأ ایسٚم.»
4 پٚس یعقوب، راحیل و لیه رِه پیغأم اوسه کوده کی بٚشٚد بیأبأن، او جأ کی اونٚ گلّه ایسأ، بأیٚد کی اوشأنٚ اَمرأ گب بٚزنه. 5 او وخت کی بأمؤده یعقوب اوشأنَ بوگفته: «من بفأمٚستٚم کی شیمی پِئرٚ رفتأر می اَمرأ پیشترأنٚ مأنستَن همدیل و همجأن نییٚه، ولی می پِئرٚ خودا مٚرَه وِلَ نوکوده. 6 شومأن دأنیدی کی چندر تومأمٚ حقٚ سعی اَمرأ شیمی پِئرَ خیدمت بوکودم، 7 ولی اون خٚیلی وختأن می حقَ پأمألَ کوده و مٚرَه گول بٚزِه. ولی خودا ولأشته اون مٚرَه ضرر بٚرسأنه؛ 8 چونکی هر وخت شیمی پِئر گفتی: "خألدأرٚ حیوأنأن تی شین بٚبد،" تومأمٚ گلّه خألدأرٚ بٚرّه اَوٚردیدی و او وخت کی جٚه اَ فیکر وأگردستی و گفتی: "تومأمٚ خط دأرأن تی شین بٚبد،" او وخت تومأمٚ گلّه خط دأرَ بٚرّه‌یأن زأییدی! 9 اَطؤیی بو کی خودا شیمی پِئرٚ مألَ فأگیفته و مٚرَه فأدأ.
10 «او وخت کی گلّه جوفتگیری وخت فأرٚسه، خأبٚ دورون بیدِم او قوچأن کی میشأنٚ اَمرأ جوفتگیری کودیدی خط و خألدأر و اَبلق بود. 11 بأزون خودا فٚرٚشته خأبٚ دورون مٚرَه بوگفته: "یعقوب!" و من بوگفتم: "بله، اَمر بٚفرمأ!" 12 بوگفته: "بیدین، تومأمٚ او قوچأن کی میشأنٚ اَمرأ جوفتگیری کونٚده خط و خألدأر و اَبلق ایسٚد، چونکی جٚه اونچی کی لابان تی اَمرأ بوکوده وأخٚب ایسٚم. 13 من هو خودا ایسٚم کی بیت‌ئیلٚ میأن تٚرَه ظأهیرَ بوستم، او جأجیگأ کی ایتأ سوتون جٚه سنگ بٚپأ بوکودی اونٚ رو تدهینٚ روغن فوکودی و نذر بوکودی کی می جَا ایطأعت بوکونی. هسأ اَ شهرَ بٚنه و بوشو و وأگرد تی وطن."»
14 راحیل و لیه یعقوبَ جوأب بٚدأده: «هرچی بٚبه هیچی جٚه اَمی پِئر مأل و مینأل اَمٚرَه فأنرٚسه، 15 چونکی اون اَمی اَمرأ بیگأنه مأنستَن کردٚکأر بوکوده. اون اَمٚرَه بوفرؤخته و او پول کی جٚه اَ رأ بٚدٚس بأوٚرده‌یَ تومأم و کمأل خؤرِه اوسأده. 16 او مأل و مینأل کی خودا جٚه اَمی پِئرٚ مأل و مینأل تٚرَه فأدأ، اَمأن و اَمی زأکأنٚ شین ایسٚه. پٚس اونچی خودا تٚرَه بٚفرمأسته انجأم بٚدٚن.»
17 او وخت یعقوب ویریشته، خو زأکأن و زنأکأنَ شوتورأنٚ سٚر سوأرَ کوده 18 و تومأمٚ رمه و تومأمٚ خو مأل و مینألَ کی جمَ کوده بو، ینی او رمه کی فَدّان‌اَرامٚ میأن بٚدٚس بأوٚرده بویَ، رأ تأوٚدأ کی بٚشه خو پِئر ایسحأقٚ ورجأ کنعانٚ سرزیمین میأن. 19 ولی لابان گوسوٚندأنٚ پشم وأچینی وأسی بوشؤ بو و راحیل خو پِئرٚ خأنه بُتأنَ بودوزأنه. 20 و یعقوب، لابانٚ ارامی‌یَ گول بٚزِه چونکی اونَ خٚوٚر نٚدأ کی خأیه جیویزأده. 21 اَطؤیی بو کی، اون هرچی اَمرأ کی دأشتی ویریشت و بوگروخت و جٚه روخأن دٚوأرٚسته و بوشؤ جلعادٚ کوهأنٚ ور.
لابان یعقوبَ دونبألَ کونِه
22 سه روجٚ پٚسی، لابانَ خٚوٚر بٚدأده کی یعقوب بوگروخته. 23 پٚس اون چن نفرَ خو اَمرأ اوسأد و توندأتوند یعقوبَ دونبألَ کوده و هفت روجٚ پٚسی جلعادٚ کوهأنٚ میأن اونَ فأرٚسه. 24 هو شب، خودا خأبٚ دورون لابانَ ظأهیرَ بوسته و بٚفرمأسته: «بٚپأ کی یعقوبَ هیچی نیگی.»
25 یعقوب جلعادٚ کوهأنٚ میأن چأدر بٚزِه بو کی لابان خو آدمأنٚ اَمرأ فأرٚسِه اونَ. اونم اویَه خو چأدرَ بٚپأ بوکوده. 26 لابان یعقوبٚ جَا وأوٚرسِه: «چٚره مٚرَه گول بٚزِیی و می دؤخترأنَ جنگٚ اسیرأنٚ مأنستَن اوسأدی و بوشؤیی؟ 27 چٚره مٚرَه خٚوٚر نٚدأیی کی ایتأ میهمأنی شِمِره بٚپأ بوکونٚم و سأزٚ آوأزٚ اَمرأ شٚمٚره اوسه کونٚم؟ 28 دٚسٚ کم وئأشته بی می نوه‌یأن و می دؤخترأنَ مأچی بٚدم و اوشأنٚ اَمرأ خوداحافظی بوکونٚم! بیخودی کأر بوکودی! 29 اَ قودرتَ دأرم کی تٚرَه ضرر بٚرسأنم، ولی ای شب پیشتر تی پِئرٚ خودا مِرِه ظأهیرَ بوسته، بوگفته: "بٚپأ هیچی یعقوبَ نیگی." 30 جٚه تومأمٚ اَشأن بوگذریم، تو کی خأستی بیشی و اَندر آروزو دأشتی کی وأگردی تی وطن، دِه چٚره می بُتأنَ بودوزأنِئی؟»
31 یعقوب جوأب بٚدأ بوگفته: «می قأیمکی شؤئؤنٚ عیلّت اَن بو کی ترسِئیم زورٚ اَمرأ تی دؤخترأنَ می جَا پٚسَ گیری. 32 ولی دروأره‌یٚ تی بُتأن، هر کی جٚه اَمأن اوشأنَ بودوزأنه‌بی، بوکوشته بٚبه. اگه جٚه تی مأل و مینأل ایچی اَیَه بیأفتی، هه مردأکأنٚ ورجأ قسم خورم اونَ بودونٚ هیتأ گب تٚرَه پٚسَ دٚم.» یعقوب نأنستی کی راحیل بُتأنَ خو اَمرأ بأوٚرده بو.
33 لابان وأمٚج وُموج بوکوده. اوّل یعقوبٚ چأدر، اونٚ پٚسی لیه چأدر و بأزون یعقوبٚ کنیزأنٚ چأدرَ وأمؤخته، ولی بُتأنَ نیأفته. آخرسٚرِی بوشؤ راحیلٚ چأدر. 34 راحیل کی بُتأنَ بودوزأنِه بو، اوشأنَ شوتورٚ جهأزٚ جیر جیگأ بٚدأ، اونٚ رو نیشته بو! پٚس هطؤ کی لابان دیقّتٚ اَمرأ اونٚ چأدرَ وأمؤخته هیچی نیأفته. 35 راحیل خو پِئرَ بوگفته: «پِئر، جٚه اَنکی نتأنم تی ورجأ بِئیسم بٚبخش مٚرَه، چونکی زنأنه عأدت بوبوستم.»
36 یعقوب دِه طأقت نأوٚرده و غیظٚ اَمرأ لابانَ بوگفته: «چی خبطٚ خطأیی بوکودم کی مٚرَه اَطؤیی دونبألَ کودی؟ 37 هسأ کی تومأمٚ می مأل و مینألٚ میأنَ وأمؤختی، ایچی بیأفتی؟ اگه جٚه تی مأل و مینأل ایچی بیأفتی اونَ تومأمٚ تی آدمأن و می آدمأنٚ ورجأ بأوٚر کی اوشأن بیدینٚد و قیضأوت بوکونٚد کی شین ایسٚه! 38 اَ بیست سألٚ میأن کی تی ورجأ ایسأ بوم و تی گلّه جَا مورأقبت کودیم، حتّا ایتأ جٚه تی حیوأنأنٚ زأکأن تلف نوبوسته و هیوخت ایتأ جٚه اوشأنَ نوخوردم. 39 اگه ایتأ وأشی حیوأن ایتأ جٚه اوشأنَ فوتورکسته بی و اونَ بوکوشته‌بی، حتّا بودونٚ اَنکی تٚرَه بٚگم، اونَ تأوأنَ فأدأییم. اگه ایتأ گوسوٚند جٚه گلّه شب یا روجٚ میأن بودوزأنه بوبوسته‌بی، مٚرَه زور کودی اونَ پولَ فأدٚم. 40 روجٚ گرمأ میأن کی سوجأنِئی و شبٚ سختٚ سرمأ میأن، بودونٚ اَنکی خأبَ می چومأنَ رأ بٚدم، تِرِه کأر بوکودم. 41 دوروسته، بیست سأل تومأم تِرِه زحمت بٚکشِم، چأرده سأل تی دوتأ دؤخترٚ وأسی و شیش سأل اَ گلّه‌یَ کی دأرمٚ بٚدٚس اَوٚردنٚ وأسی! تو خٚیلی وختأن می حقَ پأمأل بوکودی. 42 اگه می پیله بأبأ ایبرأهیمٚ خودا رحمت و می پِئر ایسحأقٚ خودا بوزورگی نوبوسته‌بی، هسأ مٚرَه دٚس خألی اوسه کودی. ولی خودا می موصیبت و زحمتأنَ بیدِه و هنٚ وأسی دیشب تِرِه ظأهیرَ بوسته.»
43 لابان بوگفته: «تی زنأکأن، می دؤخترأن و تی زأکأن، می زأکأن و گلّه‌یأن و هر اونچی کی دأری می شین ایسٚه. پٚس ایمرو چوطؤ تأنٚم می دؤخترأن و نوه‌یأنَ ضرر بٚرسأنم؟ 44 هسأ بیأ کس‌کسٚ اَمرأ عهد دٚوٚدیم و جٚه اَنٚ پٚسی اونٚ موطأبق کأر بوکونیم.»
45 پٚس یعقوب ایتأ سنگ اوسأده و اونَ عهد و پیمأنٚ نیشأنه عوض، ایتأ سوتونٚ شیکل و شمأیل بٚپأ بوکود 46 و خو آدم نفرأن کی اونٚ اَمرأ ایسأبودَ بوگفته کی سنگأنَ ایتأ جیگأ جمَ کونٚد و اوشأنَ ایتأ کوت بٚزِه جیگأ مأنستَن بٚپأ بوکونٚد. بأزون یعقوب و لابان کس‌کسٚ اَمرأ او کوت بٚزِه جیگأ سنگأنٚ جیر غذأ بوخوردٚد. 47 اوشأن او کوت بٚزِه جیگأ سنگأنَ «شهأدتٚ کوت بٚزِه جیگأ» نأم بٚنأده کی لابانٚ زوأنٚ اَمرأ یجرسهدوتا و یعقوبٚ زوأنٚ میأن جَلعید دؤخأده بوستی. 48 لابان بوگفته: «اگه اینفر جٚه اَمأن اَ عهد و پیمأنٚ شرطأنَ خو پأ جیر بٚنه، اَ سنگأن اونٚ ضد شهأدت دٚهٚده.» 49 هطؤیم او کوت بٚزِه جیگأ سنگأنَ مِصفَه (ینی «پأسبأنی بورج») نأم بٚنأده، چونکی لابان بوگفته: «او وخت کی اَمأن کس‌کسٚ جَا دور ایسأییم، خوداوند اَمی رو پأسبأنی کونِه. 50 اگه تو می دؤخترأنٚ اَمرأ توندی بوکونی یا ایوأردِه زن بیگیری، من نفأمٚم، ولی خودا اونَ دینه.»
51 لابان ایضأفَه کوده: «اَ کوت بٚزِه جیگأ و اَ سوتونَ بیدین کی اونَ اَمی میأن بٚپأ بٚدأشتم. 52 اَشأن اَمی قولٚ قرأرٚ شأهید بٚده. هیتأ جٚه اَمأن نوأستی اویتأیَ فوتورکستنٚ وأسی جٚه اَ کوت بٚزِه جیگأ دٚوأره. 53 اَمی پیله بأبأ ایبرأهیمٚ خودا و اَمی پیله بأبأ ناحورٚ خودا اَمی میأن قیضأوت بوکونه.» بأزون یعقوب خو پِئر ایسحأقٚ خودا بوزورگی‌یَ قسم بوخورده کی اَ قولٚ قرأرَ بٚدأره.
54 او وخت یعقوب هو کوهأنٚ میأن خوداوندٚ رِه قوربأنی بوکوده و اونی آدم نفرأن کی اونٚ اَمرأ ایسأبودَ میهمأن بوکوده، اَشأنٚ اَمرأ غذأ بوخورد و اوشأن همٚتأن شبَ اویَه بِئیسأده. 55 لابان صُب دٚم ویریشته، خو دؤخترأن و نوه‌یأنَ مأچی بٚدأ و اوشأنَ برکت بٚدأ و وأگردسته خو خأنه.
The Gilaki Contemporary Bible is a Product of Transform Iran © 2024. All rights reserved. www.kelisayejame.org