پیدأیش ۲۸
۲۸
1 پٚس ایسحأق یعقوبَ دؤخأده، اونَ برکت بٚدأ و اونَ بوگفته: «هیتأ جٚه اَ کنعانٚ دؤخترأن اَمرأ عروسی نوأکودن. 2 بلکی ویریز و بوشو فَدّان‌اَرام، تی پیله بأبأ بتوئیلٚ خأنه و ایتأ جٚه تی دأیی لابانٚ دؤخترأن اَمرأ عروسی بوکون. و تی دأیی لابانٚ ایتأ جٚه دؤخترأنٚ اَمرأ عروسی بوکون 3 او خودا کی قأدیر موطلق ایسٚه تٚرَه برکت بٚده و تٚرَه فرأوأنٚ زأکأن بٚبخشه کی تی نتأجٚ جَا خٚیلی قبیله‌یأن چأکوده بٚبد. 4 اون او برکتَ کی ایبرأهیمَ وعده بٚدأ، تٚرَه و تی نتأجَ فأدٚه کی اَ سرزیمینٚ صأب بیبی کی خودا اونَ ایبرأهیمَ بٚبخشِه و هسأ اونٚ دورون غریب ایسیم.»
5 پٚس ایسحأق یعقوبَ اوسه کوده و اون بوشؤ فَدّان‌اَرامَ، خو دأیی لابان ینی بتوئیلٚ ارامی پٚسرَ ورجأ.
6 عیسو بٚفأمسته کی ایسحأق یعقوبَ جٚه عروسی کودن کنعانٚ زنأکأنٚ اَمرأ منع بوکوده. و اونٚ برکت دٚئنٚ پٚسی، اونَ اوسه کوده فَدّان‌اَرام 7 کی جٚه اویَه ایتأ زن خؤرِه بیگیره و یعقوبٚم جٚه خو پِئر و مأر ایطأعت بوکوده بوشؤ فَدّان‌اَرام. 8 عیسو کی بٚفأمسته اونٚ پِئر کنعانٚ دؤخترأنٚ جَا نیفرت دأره 9 بوشؤ خو عمو ایسمأعیل کی ایبرأهیمٚ پٚسر بو نتأجٚ ورجأ و جغرز زنأکأنی کی دأشتی، محلت، ایسمأعیلٚ دؤختر، نبایوتٚ خأخورم بیگیفت.
یعقوبٚ خأب بیت‌ئیلٚ میأن
10 پٚس یعقوب بئرشبعَ اَ نیّتٚ اَمرأ کی بٚشه حران، بٚنأ و بوشؤ. 11 هو روج غروب دٚمٚ پٚسی، ایتأ جأ فأرٚسِه و بٚخأسته شبَ اویَه بِئیسه. پٚس ایتأ سنگ اوسأده و خو سٚرٚ جیر بٚنأ، هویَه وأخأبَ شؤ. 12 خأبٚ دورون ایتأ سردی بیدِه کی اونٚ پأیه زیمینٚ رو نٚهأ بو و اونٚ سٚر آسمأنَ فأرٚسه و خودا فٚرٚشته‌یأن اونٚ جَا بوجؤر بیجیر شٚده 13 و خوداوند نردبأنٚ جؤر ایسأ. بأزون خوداوند اَطؤ بٚفرمأسته: «من خوداوند، ایبرأهیمٚ خودا و تی پِئر ایسحأقٚ خودا ایسٚم. او زیمین کی اونٚ رو خوفتِئی تی شین ایسٚه. من اونَ تٚرَه و تی نتأجَ بٚخشم. 14 تی زأکأنَ زیمینٚ گرد و خأکَ مأنستَن، نشأ ایشمأردن! جٚه مشرق تأ مغرب و جٚه شومأل تأ جونوبَ پورَ کونٚده. زیمینٚ تومأمٚ مردوم تو و تی نتأجٚ جَا برکت گیرده. 15 هر جأ کی بیشی من تی اَمرأ ایسٚم و تی جَا حیمأیت کونٚم، ایوأردِه تٚرَه سلأمتی جأنٚ اَمرأ اَ سرزیمینٚ میأن وأگردأنم. تأ اونچی‌یَ کی تٚرَه وعده بٚدأم بٚجأ نأوٚرم تٚرَه وِلَ نوکونٚم.»
16 بأزون یعقوب جٚه خأب ویریشته و بوگفته: «شک نٚنأ کی خوداوند اَیَه حوضور دأره و من نأنستیم!» 17 پٚس بٚترسِه و بوگفته: «اَن چی ترسنأکٚ جیگأ ایسٚه! اَن ایسٚه خودا خأنه و اَن ایسٚه آسمأنٚ دروأزه!»
18 پٚس یعقوب صُب دٚم ویریشته و ایتأ سنگَ کی خو سٚرٚ جیر بٚنأبو، ایتأ سوتونٚ مأنستَن چأکوده و اونٚ رو زیتونٚ روغنَ فوکود. 19 اون او جأیَ بیت‌ئیل (ینی «خودا خأنه») نأم بٚنأ. اَ شهرٚ نأم پیشتر جٚه اون لوز بو.
20 او وخت یعقوب نذر بوکوده بوگفته: «اگه خودا اَ سٚفرٚ دورون می اَمرأ بٚبه و مٚرَه موحأفیظت بوکونه و مٚرَه غذأ و رخت فأده 21 و مٚرَه سأقٚ سألیم می پِئرٚ خأنه وأگردأنه، او وخت یهوه می خودا بِه 22 و اَ سوتون کی یأدبودٚ رِه چأکودم، ایتأ جأجیگأ بِه خودا عیبأدتٚ رِه و دَه‌یک جٚه هرچی کی اون مٚرَه فأده اونَ وأگردأنم.»
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۲۸
۲۸
1 پٚس ایسحأق یعقوبَ دؤخأده، اونَ برکت بٚدأ و اونَ بوگفته: «هیتأ جٚه اَ کنعانٚ دؤخترأن اَمرأ عروسی نوأکودن. 2 بلکی ویریز و بوشو فَدّان‌اَرام، تی پیله بأبأ بتوئیلٚ خأنه و ایتأ جٚه تی دأیی لابانٚ دؤخترأن اَمرأ عروسی بوکون. و تی دأیی لابانٚ ایتأ جٚه دؤخترأنٚ اَمرأ عروسی بوکون 3 او خودا کی قأدیر موطلق ایسٚه تٚرَه برکت بٚده و تٚرَه فرأوأنٚ زأکأن بٚبخشه کی تی نتأجٚ جَا خٚیلی قبیله‌یأن چأکوده بٚبد. 4 اون او برکتَ کی ایبرأهیمَ وعده بٚدأ، تٚرَه و تی نتأجَ فأدٚه کی اَ سرزیمینٚ صأب بیبی کی خودا اونَ ایبرأهیمَ بٚبخشِه و هسأ اونٚ دورون غریب ایسیم.»
5 پٚس ایسحأق یعقوبَ اوسه کوده و اون بوشؤ فَدّان‌اَرامَ، خو دأیی لابان ینی بتوئیلٚ ارامی پٚسرَ ورجأ.
6 عیسو بٚفأمسته کی ایسحأق یعقوبَ جٚه عروسی کودن کنعانٚ زنأکأنٚ اَمرأ منع بوکوده. و اونٚ برکت دٚئنٚ پٚسی، اونَ اوسه کوده فَدّان‌اَرام 7 کی جٚه اویَه ایتأ زن خؤرِه بیگیره و یعقوبٚم جٚه خو پِئر و مأر ایطأعت بوکوده بوشؤ فَدّان‌اَرام. 8 عیسو کی بٚفأمسته اونٚ پِئر کنعانٚ دؤخترأنٚ جَا نیفرت دأره 9 بوشؤ خو عمو ایسمأعیل کی ایبرأهیمٚ پٚسر بو نتأجٚ ورجأ و جغرز زنأکأنی کی دأشتی، محلت، ایسمأعیلٚ دؤختر، نبایوتٚ خأخورم بیگیفت.
یعقوبٚ خأب بیت‌ئیلٚ میأن
10 پٚس یعقوب بئرشبعَ اَ نیّتٚ اَمرأ کی بٚشه حران، بٚنأ و بوشؤ. 11 هو روج غروب دٚمٚ پٚسی، ایتأ جأ فأرٚسِه و بٚخأسته شبَ اویَه بِئیسه. پٚس ایتأ سنگ اوسأده و خو سٚرٚ جیر بٚنأ، هویَه وأخأبَ شؤ. 12 خأبٚ دورون ایتأ سردی بیدِه کی اونٚ پأیه زیمینٚ رو نٚهأ بو و اونٚ سٚر آسمأنَ فأرٚسه و خودا فٚرٚشته‌یأن اونٚ جَا بوجؤر بیجیر شٚده 13 و خوداوند نردبأنٚ جؤر ایسأ. بأزون خوداوند اَطؤ بٚفرمأسته: «من خوداوند، ایبرأهیمٚ خودا و تی پِئر ایسحأقٚ خودا ایسٚم. او زیمین کی اونٚ رو خوفتِئی تی شین ایسٚه. من اونَ تٚرَه و تی نتأجَ بٚخشم. 14 تی زأکأنَ زیمینٚ گرد و خأکَ مأنستَن، نشأ ایشمأردن! جٚه مشرق تأ مغرب و جٚه شومأل تأ جونوبَ پورَ کونٚده. زیمینٚ تومأمٚ مردوم تو و تی نتأجٚ جَا برکت گیرده. 15 هر جأ کی بیشی من تی اَمرأ ایسٚم و تی جَا حیمأیت کونٚم، ایوأردِه تٚرَه سلأمتی جأنٚ اَمرأ اَ سرزیمینٚ میأن وأگردأنم. تأ اونچی‌یَ کی تٚرَه وعده بٚدأم بٚجأ نأوٚرم تٚرَه وِلَ نوکونٚم.»
16 بأزون یعقوب جٚه خأب ویریشته و بوگفته: «شک نٚنأ کی خوداوند اَیَه حوضور دأره و من نأنستیم!» 17 پٚس بٚترسِه و بوگفته: «اَن چی ترسنأکٚ جیگأ ایسٚه! اَن ایسٚه خودا خأنه و اَن ایسٚه آسمأنٚ دروأزه!»
18 پٚس یعقوب صُب دٚم ویریشته و ایتأ سنگَ کی خو سٚرٚ جیر بٚنأبو، ایتأ سوتونٚ مأنستَن چأکوده و اونٚ رو زیتونٚ روغنَ فوکود. 19 اون او جأیَ بیت‌ئیل (ینی «خودا خأنه») نأم بٚنأ. اَ شهرٚ نأم پیشتر جٚه اون لوز بو.
20 او وخت یعقوب نذر بوکوده بوگفته: «اگه خودا اَ سٚفرٚ دورون می اَمرأ بٚبه و مٚرَه موحأفیظت بوکونه و مٚرَه غذأ و رخت فأده 21 و مٚرَه سأقٚ سألیم می پِئرٚ خأنه وأگردأنه، او وخت یهوه می خودا بِه 22 و اَ سوتون کی یأدبودٚ رِه چأکودم، ایتأ جأجیگأ بِه خودا عیبأدتٚ رِه و دَه‌یک جٚه هرچی کی اون مٚرَه فأده اونَ وأگردأنم.»
The Gilaki Contemporary Bible is a Product of Transform Iran © 2024. All rights reserved. www.kelisayejame.org