پیدأیش ۲۶
۲۶
ایسحأق و ابیملک
1 ایتأ روج پیله قأطی سأل، ایبرأهیمٚ زمأتٚ قأطی سألٚ مأنستَن کنعانٚ سرزیمینَ جٚه اَسٚر تأ اوسٚرَ بیگیفت. هنٚ وأسی ایسحأق بوشؤ جرارٚ شهرٚ میأن فلسطینٚ پأدیشأ، ابیملکٚ ورجأ. 2 خوداوند اویَه ایسحأقٚ رِه ظأهیرَ بوسته، بوگفته: «نوشؤ مصر. اونچی کی گم انجأم بٚدٚن. 3 اَ سرزیمینٚ دورون ایتأ غریبه مأنستَن بِئیس و من تی اَمرأ ایسَم و تٚرَه برکت دٚهٚم. من تومأمٚ اَ سرزیمینَ تٚرَه و تی نتأجَ بٚخشم و اَطؤیی او قسمَ کی تی پِئرٚ رِه بوخوردم وفأ کونٚم. 4 تی نتأجَ آسمأنٚ ستأره‌یأنٚ مأنستَن زیأدَ کونٚم کی نشأ اونَ ایشمأردن و تومأمٚ اَ سرزیمینَ اوشأنَ فأدم و دونیأ همٚتأ قومأن جٚه تی نتأج برکت گیرده. 5 اَ کأرَ ایبرأهیمٚ وأسی کونٚم، چونکی اون می حوکمأن و دستورأنَ ایطأعت بوکوده.»
6 پٚس ایسحأق جرارٚ دورون بِئیسأ. 7 او وخت کی اویَه آدمأن دروأره‌یٚ ربکا اونٚ جَا سوأل وأوٚرسِئده، بوگفته: «اون می خأخور ایسٚه!» چونکی بٚترسه اگه بٚگه می زن ایسٚه، ربکایَ گیفتن وأسی اونَ بوکوشٚد، چونکی ربکا خٚیلی قشنگ بو. 8 دونبألتر، ایتأ روج ابیملک، فلسطینٚ پأدیشأ پنجره جَا بیدِه کی ایسحأق خو زن ربکا اَمرأ شوخی کودأندره. 9 پٚس ابیملک، ایسحأقَ دؤخأده خو ورجأ، اونَ بوگفته: «چٚره بوگفتی ربکا تی خأخور ایسٚه، اَطؤ کی بیدِم اون تی زن ایسٚه؟» ایسحأق جوأب بٚدأ بوگفته: «چونکی ترسِئیم اونٚ بٚدٚس اَوٚردنٚ رِه مٚرَه بوکوشٚد.»
10 اَبیمِلِک بوگفته: «اَن چی کردٚکأر بو کی اَمی اَمرأ بوکودی؟ ینی فیکر نوکودی کی ایمکأن دأره اینفر جٚه اَمی آدمأن اونَ اَمرأ همخأب بٚبه؟ اوطؤیی اَمٚرَه ایتأ پیله گونأیَ دوچأرَ کودی.» 11 بأزون ابیملک همه کسَ بوگفته: «هرکی اَ مردأک و اونٚ زنَ اَذِت‌آزأر بوکونه، بوکوشته بِه.»
12 ایسحأق جرارٚ میأن کیشأورزی بوکوده و او سألٚ میأن صد مرتوه ویشتر جٚه او دأنه کی بکأشته بو دیبه، چونکی خوداوند اونَ برکت بٚدأ بو. 13 هر روج اونٚ مأل و مینأل ویشترَ بوستی و اَندر نوبوسته کی اون ایتأ مأل و مینألدأرٚ مردأی بوبوسته. 14 اون فرأوأنٚ گلّه‌یأن و رمه‌یأن و غولأمأن دأشتی اوطؤ کی فلسطینیأن اونَ اَمرأ حسودی کودیدی. 15 پٚس اوشأن او چأهأنَ کی اونٚ پِئر ایبرأهیمٚ غولأمأن او زمأتٚ کی ایبرأهیم زٚنده بو بٚکنده بود، خأکٚ اَمرأ پورَ کودٚد. 16 ابیملکٚ پأدیشأیٚم اونٚ جَا بٚخأسته کی اونٚ سرزیمینَ بٚنه بٚشه و اونَ بوگفته: «جٚه اَیَه بوشو، چونکی تو خٚیلی ویشتر جٚه اَمأن مأل و مینألدأر و پورقودرت بوبوستی.»
17 پٚس ایسحأق جٚه اویَه بوشو، جرارٚ درّه میأن سأمأن بیگیفته. 18 اون او چأهأنَ کی اونٚ پِئرٚ زمأتٚ دورون بٚکنده بود و فلسطینیأن اوشأنَ پورَ کوده بود، ایوأردِه بٚکنده و هو نأمأنَ کی پیشتر اونی پِئر اوشأنٚ رو بٚنأ بو اوشأنٚ سٚر بٚنأ. 19 اونٚ غولأمأنم ایتأ تأزه چأه جرارٚ درّه دورون بٚکندد و اونٚ جولفٚ جأ دورون روأنٚ آبَ فأرٚسِده.
20 بأزون جرارٚ چوپأنأن بأمؤده و ایسحأقٚ چوپأنأنٚ اَمرأ دعوأ بیگیفتٚد، بوگفتٚده: «اَ چأه اَمی شین ایسٚه.» پٚس ایسحأق او چأهَ عِسِق (ینی «دعوأ») نأم بٚنأ.
21 ایسحأقٚ غولأمأن ایتأ دِه چأه بٚکندد و ایوأردِه اونٚ سٚر دعوأ بوبوسته. ایسحأق او چأهَ سِطنه (ینی «دوشمنی») نأم بٚنأ. 22 ایسحأق او چأهٚم بٚنأ و بوشؤ، ایتأ دِه چأه بٚکنده، ولی اَیدفأرِه دعوأ نوبوسته. پٚس ایسحأق اونَ رحوبوت (ینی «پیله صأرأیی») نأم بٚنأ. اون بوگفته: «خوداوند ایتأ جأ اَمِرِه فرأهم بوکوده و اَمأن اَ سرزیمینٚ دورون روشد کونیمی.»
23 او وخت کی ایسحأق بوشؤ بئرشبع 24 هو شبٚ میأن خوداوند اونٚ رِه ظأهیرَ بوسته و بٚفرمأسته: «من تی پِئر ایبرأهیمٚ خودا ایسٚم. نوأترسِئن، چونکی من تی اَمرأ ایسأم. من تٚرَه برکت دٚهٚم و می بنده ایبرأهیمٚ وأسی تی نتأجَ زیأدَ کونٚم.» 25 بأزون ایسحأق ایتأ مذبح بٚنأ بوکود، خوداوندَ پرستٚش بوکوده. اون هویَه زٚندیگی بوکود و اونٚ غولأمأن ایتأ دِه چأه بٚکندد.
26 ایتأ روج ابیملکٚ پأدیشأ خو موبأشر احوزات و فیکول کی اونٚ لشکرٚ فرمأنده بو اَمرأ جٚه جرار بأمؤده ایسحأقٚ ورجأ. 27 ایسحأق اَشأنٚ جَا وأوٚرسِه: «چٚره بأمؤیید اَیَه؟ شومأن کی مٚرَه دوشمنی اَمرأ جٚه شیمی ورجأ بیرونَ کودید!»
28 جوأب بٚدأده: «اَمأن آشیکأرأ دِئندریم کی خوداوند تی اَمرأ ایسٚه؛ پٚس خأییم ایتأ قسم اَمی میأن بٚمأنه و تی اَمرأ ایتأ عهد دٚوٚدیم. 29 قول بٚدٚن هیذره اَمٚرَه ضرر فأنرسأنی هوطؤ کی اَمأنٚم تٚرَه ضرر فأنرسأنیم. اَمأن جغرز خُبی هیتأ کأر تی اَمرأ نوکودیم و تٚرَه صولح و صفأ اَمرأ اوسه کودیم. هسأ بیدین خوداوند چندر تٚرَه برکت بٚدأ.»
30 پٚس ایسحأق ایتأ میهمأنی اوشأنٚ رِه بٚدأ و اوشأن بوخور وأخور بوکودٚد 31 فردأیی صُبٚ رِه ویریشتد و هرتأ جٚه اوشأن قسم بوخوردٚد کی کس‌کسَ ضرر فأنرسأنٚد. بأزون ایسحأق اَشأنَ سلأمتی جأنٚ اَمرأ اوسه کوده خوشأنٚ سرزیمین.
32 هو روجٚ میأن، ایسحأقٚ غولأمأن بأمؤده و جٚه او چأه کی کندأندوبود اونٚ رِه خٚوٚر بأوٚردٚد، بوگفتد کی اونٚ دورون آب بیأفتٚد. 33 ایسحأق اونَ شَبَع (ینی «قسم») نأم بٚنأ و ایتأ شهر کی اویَه بٚنأ بوبوسته، بئرشبع (ینی «قسمٚ چأه») نأم بٚنأ بوبوسته کی تأ ایمرو هو نأم اونٚ رِه بٚمأنسته.
34 عیسو ایسحأقٚ پٚسر چهل سأل دأشتی کی یودیه، بیری حیتّی دؤختر و بسمه ایلونٚ حیتّی دؤخترَ اَمرأ عروسی بوکود. 35 اَ زنأکأن ایسحأق و ربکا رِه زٚندیگی‌یَ تلخَ کودٚد.
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۲۶
۲۶
ایسحأق و ابیملک
1 ایتأ روج پیله قأطی سأل، ایبرأهیمٚ زمأتٚ قأطی سألٚ مأنستَن کنعانٚ سرزیمینَ جٚه اَسٚر تأ اوسٚرَ بیگیفت. هنٚ وأسی ایسحأق بوشؤ جرارٚ شهرٚ میأن فلسطینٚ پأدیشأ، ابیملکٚ ورجأ. 2 خوداوند اویَه ایسحأقٚ رِه ظأهیرَ بوسته، بوگفته: «نوشؤ مصر. اونچی کی گم انجأم بٚدٚن. 3 اَ سرزیمینٚ دورون ایتأ غریبه مأنستَن بِئیس و من تی اَمرأ ایسَم و تٚرَه برکت دٚهٚم. من تومأمٚ اَ سرزیمینَ تٚرَه و تی نتأجَ بٚخشم و اَطؤیی او قسمَ کی تی پِئرٚ رِه بوخوردم وفأ کونٚم. 4 تی نتأجَ آسمأنٚ ستأره‌یأنٚ مأنستَن زیأدَ کونٚم کی نشأ اونَ ایشمأردن و تومأمٚ اَ سرزیمینَ اوشأنَ فأدم و دونیأ همٚتأ قومأن جٚه تی نتأج برکت گیرده. 5 اَ کأرَ ایبرأهیمٚ وأسی کونٚم، چونکی اون می حوکمأن و دستورأنَ ایطأعت بوکوده.»
6 پٚس ایسحأق جرارٚ دورون بِئیسأ. 7 او وخت کی اویَه آدمأن دروأره‌یٚ ربکا اونٚ جَا سوأل وأوٚرسِئده، بوگفته: «اون می خأخور ایسٚه!» چونکی بٚترسه اگه بٚگه می زن ایسٚه، ربکایَ گیفتن وأسی اونَ بوکوشٚد، چونکی ربکا خٚیلی قشنگ بو. 8 دونبألتر، ایتأ روج ابیملک، فلسطینٚ پأدیشأ پنجره جَا بیدِه کی ایسحأق خو زن ربکا اَمرأ شوخی کودأندره. 9 پٚس ابیملک، ایسحأقَ دؤخأده خو ورجأ، اونَ بوگفته: «چٚره بوگفتی ربکا تی خأخور ایسٚه، اَطؤ کی بیدِم اون تی زن ایسٚه؟» ایسحأق جوأب بٚدأ بوگفته: «چونکی ترسِئیم اونٚ بٚدٚس اَوٚردنٚ رِه مٚرَه بوکوشٚد.»
10 اَبیمِلِک بوگفته: «اَن چی کردٚکأر بو کی اَمی اَمرأ بوکودی؟ ینی فیکر نوکودی کی ایمکأن دأره اینفر جٚه اَمی آدمأن اونَ اَمرأ همخأب بٚبه؟ اوطؤیی اَمٚرَه ایتأ پیله گونأیَ دوچأرَ کودی.» 11 بأزون ابیملک همه کسَ بوگفته: «هرکی اَ مردأک و اونٚ زنَ اَذِت‌آزأر بوکونه، بوکوشته بِه.»
12 ایسحأق جرارٚ میأن کیشأورزی بوکوده و او سألٚ میأن صد مرتوه ویشتر جٚه او دأنه کی بکأشته بو دیبه، چونکی خوداوند اونَ برکت بٚدأ بو. 13 هر روج اونٚ مأل و مینأل ویشترَ بوستی و اَندر نوبوسته کی اون ایتأ مأل و مینألدأرٚ مردأی بوبوسته. 14 اون فرأوأنٚ گلّه‌یأن و رمه‌یأن و غولأمأن دأشتی اوطؤ کی فلسطینیأن اونَ اَمرأ حسودی کودیدی. 15 پٚس اوشأن او چأهأنَ کی اونٚ پِئر ایبرأهیمٚ غولأمأن او زمأتٚ کی ایبرأهیم زٚنده بو بٚکنده بود، خأکٚ اَمرأ پورَ کودٚد. 16 ابیملکٚ پأدیشأیٚم اونٚ جَا بٚخأسته کی اونٚ سرزیمینَ بٚنه بٚشه و اونَ بوگفته: «جٚه اَیَه بوشو، چونکی تو خٚیلی ویشتر جٚه اَمأن مأل و مینألدأر و پورقودرت بوبوستی.»
17 پٚس ایسحأق جٚه اویَه بوشو، جرارٚ درّه میأن سأمأن بیگیفته. 18 اون او چأهأنَ کی اونٚ پِئرٚ زمأتٚ دورون بٚکنده بود و فلسطینیأن اوشأنَ پورَ کوده بود، ایوأردِه بٚکنده و هو نأمأنَ کی پیشتر اونی پِئر اوشأنٚ رو بٚنأ بو اوشأنٚ سٚر بٚنأ. 19 اونٚ غولأمأنم ایتأ تأزه چأه جرارٚ درّه دورون بٚکندد و اونٚ جولفٚ جأ دورون روأنٚ آبَ فأرٚسِده.
20 بأزون جرارٚ چوپأنأن بأمؤده و ایسحأقٚ چوپأنأنٚ اَمرأ دعوأ بیگیفتٚد، بوگفتٚده: «اَ چأه اَمی شین ایسٚه.» پٚس ایسحأق او چأهَ عِسِق (ینی «دعوأ») نأم بٚنأ.
21 ایسحأقٚ غولأمأن ایتأ دِه چأه بٚکندد و ایوأردِه اونٚ سٚر دعوأ بوبوسته. ایسحأق او چأهَ سِطنه (ینی «دوشمنی») نأم بٚنأ. 22 ایسحأق او چأهٚم بٚنأ و بوشؤ، ایتأ دِه چأه بٚکنده، ولی اَیدفأرِه دعوأ نوبوسته. پٚس ایسحأق اونَ رحوبوت (ینی «پیله صأرأیی») نأم بٚنأ. اون بوگفته: «خوداوند ایتأ جأ اَمِرِه فرأهم بوکوده و اَمأن اَ سرزیمینٚ دورون روشد کونیمی.»
23 او وخت کی ایسحأق بوشؤ بئرشبع 24 هو شبٚ میأن خوداوند اونٚ رِه ظأهیرَ بوسته و بٚفرمأسته: «من تی پِئر ایبرأهیمٚ خودا ایسٚم. نوأترسِئن، چونکی من تی اَمرأ ایسأم. من تٚرَه برکت دٚهٚم و می بنده ایبرأهیمٚ وأسی تی نتأجَ زیأدَ کونٚم.» 25 بأزون ایسحأق ایتأ مذبح بٚنأ بوکود، خوداوندَ پرستٚش بوکوده. اون هویَه زٚندیگی بوکود و اونٚ غولأمأن ایتأ دِه چأه بٚکندد.
26 ایتأ روج ابیملکٚ پأدیشأ خو موبأشر احوزات و فیکول کی اونٚ لشکرٚ فرمأنده بو اَمرأ جٚه جرار بأمؤده ایسحأقٚ ورجأ. 27 ایسحأق اَشأنٚ جَا وأوٚرسِه: «چٚره بأمؤیید اَیَه؟ شومأن کی مٚرَه دوشمنی اَمرأ جٚه شیمی ورجأ بیرونَ کودید!»
28 جوأب بٚدأده: «اَمأن آشیکأرأ دِئندریم کی خوداوند تی اَمرأ ایسٚه؛ پٚس خأییم ایتأ قسم اَمی میأن بٚمأنه و تی اَمرأ ایتأ عهد دٚوٚدیم. 29 قول بٚدٚن هیذره اَمٚرَه ضرر فأنرسأنی هوطؤ کی اَمأنٚم تٚرَه ضرر فأنرسأنیم. اَمأن جغرز خُبی هیتأ کأر تی اَمرأ نوکودیم و تٚرَه صولح و صفأ اَمرأ اوسه کودیم. هسأ بیدین خوداوند چندر تٚرَه برکت بٚدأ.»
30 پٚس ایسحأق ایتأ میهمأنی اوشأنٚ رِه بٚدأ و اوشأن بوخور وأخور بوکودٚد 31 فردأیی صُبٚ رِه ویریشتد و هرتأ جٚه اوشأن قسم بوخوردٚد کی کس‌کسَ ضرر فأنرسأنٚد. بأزون ایسحأق اَشأنَ سلأمتی جأنٚ اَمرأ اوسه کوده خوشأنٚ سرزیمین.
32 هو روجٚ میأن، ایسحأقٚ غولأمأن بأمؤده و جٚه او چأه کی کندأندوبود اونٚ رِه خٚوٚر بأوٚردٚد، بوگفتد کی اونٚ دورون آب بیأفتٚد. 33 ایسحأق اونَ شَبَع (ینی «قسم») نأم بٚنأ و ایتأ شهر کی اویَه بٚنأ بوبوسته، بئرشبع (ینی «قسمٚ چأه») نأم بٚنأ بوبوسته کی تأ ایمرو هو نأم اونٚ رِه بٚمأنسته.
34 عیسو ایسحأقٚ پٚسر چهل سأل دأشتی کی یودیه، بیری حیتّی دؤختر و بسمه ایلونٚ حیتّی دؤخترَ اَمرأ عروسی بوکود. 35 اَ زنأکأن ایسحأق و ربکا رِه زٚندیگی‌یَ تلخَ کودٚد.
The Gilaki Contemporary Bible is a Product of Transform Iran © 2024. All rights reserved. www.kelisayejame.org