3. Mose 2
2
O rhapen dran djob, hoy o Debleske rhačedo vell
1Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova#2:1 littéralement: encens koy pral. 2Oun yob anell kova pash i rashayende dran o kheer Aron. Yek lendar lell i vast pherdo yarro o djeteha oun ko tselo soungepaskro koova, oun moukell kova ap i rhačepaskri te rhačrell. Kova sikrell, kay ko tselo rhapen, hoy anlo vas, o Debleske hi. Oun o lačo soungepen, hoy vell vin, soungell mishto o baro Debleske. 3Kova, hoy o yarrestar o djeteha pral ačell, hi o Aroneske oun leskre čavenge. Kova hi i Debleskro rhapen oun hi i rashayenge#2:3 oun lengre morsh čavenge kokres.
4Te kameh i rhapen glan o baro Debleste te anell, hoy peklo hi an i bob, palle an čomone, kay kek shoutlo yarro dren hi, nay venn merklia dran lačo yarro khetne kerdo djeteha, nay venn sane mare, hoy djet pral maklo vell. 5Te kameh i merkli te anell, hoy peklo hi ap i sasterno čaro, palle le yarro, kay kek shoutlo yarro dren hi, oun hoy kerdo hi o djeteha. 6Tou phagess koy merkli an kotya oun čoress djet pral. Yaake hounte vell i rhapen dran djob anlo glan o Debleste.
7Te kameh i rhapen glan o baro Debleste te anell, hoy hi keredo an i piri, palle kre les dran lačo yarro, kerdo o djeteha. 8oun an kova glan o baro Debleste, oun de les o rashayeste. Oun kova hidjrell les glan o Debleskri rhačepaskri. 9Oun o rashay lell čomone lestar oun rhačrell les ap i rhačepaskri. Kova sikrell, kay ko tselo rhapen, hoy anlo vas, o Debleske hi. Oun o lačo soungepen, hoy vell vin, soungell mishto o baro Debleske. 10Kova, hoy pral ačell, hi o Aroneske oun leskre čavenge. Kova hi i Debleskro rhapen, oun hi i rashayenge#2:10 oun lengre morsh čavenge kokres.
11Ko tselo rhapen dran djob, hoy yek o baro Debleske anell, an koleste hounte vell kek shoutlo yarro. T'mer hounte denn kek shoutlo yarro, vitar kek gvin an ko rhapen, hoy rhačrenn o baro Debleske. 12Ap ko tsiro, kay anenn o nevo djob o baro Debleske, nay anenn t'mer shoutlo yarro oun gvin, – ap leskri rhačepaskri nay rhačrenn kova gar. Kova hi kek koova, hoy rhačedo vell, te soungell lo lačes o Debleske. 13Ko tselo rhapen, hoy tou o baro Debleske aneh, hounte vell londo. Ko loon hi i sikepen, kay kova, hoy o Devel t'mentsa vin kras, hako tsiro ačell#2:13 O Devel kras lentsa vin, te hi lo lengro Devel oun yon leskre menshe.. Doleske aneh leske kek rhapen dran djob, vitar kek firhen, kay kek loon pashel kerdo vas.
14Te kameh tou tiro nevo djob glan o baro Debleste te anell, palle le ko djob oun peke les pral i yag, oun kre les tikno oun an les glan o Debleste! 15Čore djet koy pre oun čip soungepaskro koova pre. Yaake hounte vell i rhapen dran djob, hoy glan o baro Debleste anlo vell. 16O rashay lell i kotar kol djobendar oun djetestar tele, oun rhačrell kova khetne ko tselo soungepaskro koova. Kova hi i sikepen, kay ko tselo djob, hoy anlo vas, o baro Debleske hi.
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
3. Mose 2
2
O rhapen dran djob, hoy o Debleske rhačedo vell
1Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova#2:1 littéralement: encens koy pral. 2Oun yob anell kova pash i rashayende dran o kheer Aron. Yek lendar lell i vast pherdo yarro o djeteha oun ko tselo soungepaskro koova, oun moukell kova ap i rhačepaskri te rhačrell. Kova sikrell, kay ko tselo rhapen, hoy anlo vas, o Debleske hi. Oun o lačo soungepen, hoy vell vin, soungell mishto o baro Debleske. 3Kova, hoy o yarrestar o djeteha pral ačell, hi o Aroneske oun leskre čavenge. Kova hi i Debleskro rhapen oun hi i rashayenge#2:3 oun lengre morsh čavenge kokres.
4Te kameh i rhapen glan o baro Debleste te anell, hoy peklo hi an i bob, palle an čomone, kay kek shoutlo yarro dren hi, nay venn merklia dran lačo yarro khetne kerdo djeteha, nay venn sane mare, hoy djet pral maklo vell. 5Te kameh i merkli te anell, hoy peklo hi ap i sasterno čaro, palle le yarro, kay kek shoutlo yarro dren hi, oun hoy kerdo hi o djeteha. 6Tou phagess koy merkli an kotya oun čoress djet pral. Yaake hounte vell i rhapen dran djob anlo glan o Debleste.
7Te kameh i rhapen glan o baro Debleste te anell, hoy hi keredo an i piri, palle kre les dran lačo yarro, kerdo o djeteha. 8oun an kova glan o baro Debleste, oun de les o rashayeste. Oun kova hidjrell les glan o Debleskri rhačepaskri. 9Oun o rashay lell čomone lestar oun rhačrell les ap i rhačepaskri. Kova sikrell, kay ko tselo rhapen, hoy anlo vas, o Debleske hi. Oun o lačo soungepen, hoy vell vin, soungell mishto o baro Debleske. 10Kova, hoy pral ačell, hi o Aroneske oun leskre čavenge. Kova hi i Debleskro rhapen, oun hi i rashayenge#2:10 oun lengre morsh čavenge kokres.
11Ko tselo rhapen dran djob, hoy yek o baro Debleske anell, an koleste hounte vell kek shoutlo yarro. T'mer hounte denn kek shoutlo yarro, vitar kek gvin an ko rhapen, hoy rhačrenn o baro Debleske. 12Ap ko tsiro, kay anenn o nevo djob o baro Debleske, nay anenn t'mer shoutlo yarro oun gvin, – ap leskri rhačepaskri nay rhačrenn kova gar. Kova hi kek koova, hoy rhačedo vell, te soungell lo lačes o Debleske. 13Ko tselo rhapen, hoy tou o baro Debleske aneh, hounte vell londo. Ko loon hi i sikepen, kay kova, hoy o Devel t'mentsa vin kras, hako tsiro ačell#2:13 O Devel kras lentsa vin, te hi lo lengro Devel oun yon leskre menshe.. Doleske aneh leske kek rhapen dran djob, vitar kek firhen, kay kek loon pashel kerdo vas.
14Te kameh tou tiro nevo djob glan o baro Debleste te anell, palle le ko djob oun peke les pral i yag, oun kre les tikno oun an les glan o Debleste! 15Čore djet koy pre oun čip soungepaskro koova pre. Yaake hounte vell i rhapen dran djob, hoy glan o baro Debleste anlo vell. 16O rashay lell i kotar kol djobendar oun djetestar tele, oun rhačrell kova khetne ko tselo soungepaskro koova. Kova hi i sikepen, kay ko tselo djob, hoy anlo vas, o baro Debleske hi.
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.