3. Mose 16
16
Ko baro dives, kay i doosh krik lino vell
1Pal kova, kay anan o Aroneskre douy čave yaake soungepaskro koova glan o baro Debleste, har kova gar čačo his, oun doleske meran, penas o baro Devel ap o Moseste: 2Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi. 3Te djal lo koy dren, hounte anas lo glan kova i terno gouroum, hoy vell maredo, te vell i doosh oun o pale-čiddo koova krik lino, ninna hounte anas lo i bakro, koleskro tselo mass rhačedo vell o Debleske.
4Glanstounes hounte thovell lo pes, oun rivell i rashayengre koola an: ko layntikro gad, oun ko layntikro rholop koy tel. Yob pandell i pereskro layntikro pandepen troul peste, oun i shereskro pandepen troul peskro shero.
5I Israelitarya anenn leske douy morsh bouzya oun yek bakro. I bouzya venn maredo, te vell i doosh oun o pale-čiddo koova krik lino. Oun o bakro vell maredo, te vell leskro tselo mass rhačedo o Debleske. 6O Aron anell peske oun peskri familyake i gouroum, te vell lo maredo, te vell lengri doosh oun lengro pale-čiddo koova krik lino, oun lauter pale mishto mank o baro Debleste oun lende. 7Palle lell yob kol douy morsh bouzya oun anell len pash o baro Debleste glan o voudar leskro plarhteno kherestar. 8O Aron vitsrell douy tikne barra, te sikrenn le, havi bouzni o baro Debleske hi, oun havi bouzni an o moulo tato them tradedo vell#16:8 ou bien: oun havi bouzni koleske hi, kay kharell Asasel. 9Palle marell lo koy bouzni, hoy o baro Debleske hi, te vell i doosh oun o pale-čiddo koova krik lino. 10Koy vavar bouzni vell djides glan o baro Debleste tardo, oun lake vell i doosh i menshendar pre-čiddo. Palle vell li an o moulo tato them tradedo.
11O Aron marell ko gouroum, te vell i doosh oun o pale-čiddo koova lestar oun leskri familyatar krik lino, oun yon čačo oun erligo tardo hi glan o baro Debleste. 12Palle djal lo pash ko sonakaskro bob, hoy glan o baro Debleste tardo hi, oun lell kolestar i sasterno čaro pherdo kasht, hoy rhačell, oun douy vasta pherdo soungepaskro koova, oun djal koleha pal ko voudar dran than an i kouč isema. 13Kote čivell lo ko soungepaskro koova ap i yag, te djal i yagakro dourho vin oun čakrell ko pralstouno kotar ap ko morhton, kay o Debleskre deesh laba dren hi. Kova hounte krell lo doleske, te merell lo gar. 14Oun yob lell ko ratestar ko gouroumestar, oun vitsrell kova peskro goushteha glan ap o pralstouno kotar. Oun ap koy platsa glan o morhton vitsrell lo peskro goushteha efta kope čomone ko ratestar.
15Palle marell yob koy morsh bouzni, te vell i doosh oun o pale-čiddo koova i menshendar Israel krik lino. Oun yob djal ko rateha pal i voudar dran than an i kouč isema, oun krell ko rateha yaake, har lo les ko rateha ko gouroumestar kras. Yob vitsrell peskro goushteha čomone ap o pralstouno kotar, hoy ap o morhton čiddo hi, oun ap koy platsa glan o morhton. 16Oun yaake krell lo, te vell o pale-čiddo koova oun koy doosh, hoy i Israelitarya ap pende anan – lengro tselo čilačo koova, dran o Debleskri kouč isema krik lino. Oun yaake hounte krell lo ko tselo Debleskro plarhteno khereha. Kava kheer hi tardo ap i platsa, kay i Israelitarya djivenn. Oun koy doosh, hoy yon ap pende anenn oun lengro pale-čiddo koova krell ninna o Debleskro kheer pale-čiddo.
17Kek mensho hounte vell an o Debleskro kheer an ko tselo tsiro, kay djal o Aron an o kouč isema dren, oun krell te vell o pale-čiddo koova oun koy doosh krik lino lestar, leskri familyatar oun i tsele Israelendar.
18Palle djal yob vin pash koy rhačepaskri, hoy glan o baro Debleskro plarhteno kheer tardo hi, oun lell čomone ko gouroumeskro ratestar oun koy bouzyakro ratestar, oun makell kova ap i shinga#16:18 shinga horne, hoy ap i star ekke ap koy rhačepaskri hi, te vell koy doosh oun ko pale-čiddo koova krik lino foun koy rhačepaskri. 19Oun yob čivell peskro goushto an o rat, oun vitsrell čomone ko ratestar ap i rhačepaskri. Kova krell lo efta kope, te vell i Israelengri doosh oun lengro pale-čiddo koova krik lino, hoy ap i rhačepaskri hi. Oun i rhačepaskri vell pale djoudjo glan o baro Debleskre yaka.
20Te kras o Aron halauter, te vell i doosh oun o pale-čiddo koova krik lino dran o Debleskri kouč isema, dran o tselo Debleskro plarhteno kheer oun dran i rhačepaskri, palle anell lo koy djidi morsh bouzni kay, 21oun čivell peskre douy vasta ap lakro shero, oun penell haki doosh oun hako čilačepen, hoy i Israelitarya kran. Yaake čivell lo kova lauter ap i bouzyakro shero. Palle moukell lo lat i morshestar, kay koleske koy tardo hi, krik te tradell an o moulo tato them. 22Kay morsh bouzni hidjrell lengri tseli doosh peha an o divyo moulo them. Oun kote ačell li.
23Pal kova djal o Aron an o Debleskro plarhteno kheer oun rivell kol layntikre koola vin, hoy yob ap peste rivas, har djas lo an o kheer dren. Oun kote čivell lo len pale tele. 24Palle thovell lo pes ap i Debleskri platsa, oun rivell peskre koola an. Palle djal lo pale vin, marell kol douy bakre, ko yek peske, oun ko vavar i menshenge Israel, oun rhačrell lengro tselo mass o baro Debleske, te vell i doosh oun o pale-čiddo koova krik lino lestar oun kol menshendar Israel. 25Kol thoulle kotya kol firhendar, hoy maredo van, te vell i doosh oun o pale-čiddo koova krik lino, kal kotya rhačrell lo ninna ap o Debleskri rhačepaskri.
26Ko morsh, kay tradas koy morsh bouzni an o moulo divyo them, hounte thovell pes oun peskre koola, glan te nay djal lo pale ap i platsa, kay i menshe djivenn.
27Kova, hoy pral ačas ko terno gouroumestar oun koy morsh bouzyatar, kolengro rat an i kouč isema anlo vas, te vell i doosh oun o pale-čiddo koova krik lino, kol kotya anell yek vin glan i platsa, kay i menshe hi, oun rhačrell kote lauter, koy hauta, ko mass, oun kol bouke. 28Ko morsh, kay kova lauter rhačras, kova hounte thovell pes oun peskre koola. Pal kova nay vell lo pale ap i platsa, kay i menshe djivenn.
29Kava lauter hounte vell kerdo ap o deshto dives an o eftato čon. Oun yaake hounte krenn t'mer hako tsireske. Ma rhan ap ko dives! Ma krenn i boudi, t'mer gar oun vitar gar i vi-themarya, kay mank t'mende djivenn. 30Ap kava dives vell t'mari tseli doosh oun ko tselo pale-čiddo koova, hoy ap t'mende hi, krik lino. Oun lauter vell pale mishto mank o baro Debleste oun t'mende. 31Kava Debleskro dives hi i dives, kay han kokres o baro Debleske koy. Oun t'mer nay krenn kek boudi, oun rhan či. Yaake vell kava kerdo an hako tsiro, hoy vella.
32Oun kokres savo rashay krell, te vell i doosh oun o pale-čiddo koova krik lino, koleske djet ap leskro shero čoredo vas, te vas lo rashay pal peskro dadeste, o Aroneste. Oun yob hounte rivell kol layntikre koola an, hoy i rashayenge hi, 33oun lell i doosh oun o pale-čiddo koova krik, hoy hi an o Debleskri kouč isema, an o tselo Debleskro plarhteno kheer, ap i rhačepaskri, ap i rashaya oun ap i tsele menshende Israel. 34Yek kopo an o bersh hounte vell kova yaake kerdo, te vell i tseli doosh oun o tselo pale-čiddo koova i Israelendar krik lino. Ap kava lab hounte rikrenn t'men hako tsireske.
Oun o Aron kras halauter yaake, har o baro Devel kova o Moseske penas.
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
3. Mose 16
16
Ko baro dives, kay i doosh krik lino vell
1Pal kova, kay anan o Aroneskre douy čave yaake soungepaskro koova glan o baro Debleste, har kova gar čačo his, oun doleske meran, penas o baro Devel ap o Moseste: 2Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi. 3Te djal lo koy dren, hounte anas lo glan kova i terno gouroum, hoy vell maredo, te vell i doosh oun o pale-čiddo koova krik lino, ninna hounte anas lo i bakro, koleskro tselo mass rhačedo vell o Debleske.
4Glanstounes hounte thovell lo pes, oun rivell i rashayengre koola an: ko layntikro gad, oun ko layntikro rholop koy tel. Yob pandell i pereskro layntikro pandepen troul peste, oun i shereskro pandepen troul peskro shero.
5I Israelitarya anenn leske douy morsh bouzya oun yek bakro. I bouzya venn maredo, te vell i doosh oun o pale-čiddo koova krik lino. Oun o bakro vell maredo, te vell leskro tselo mass rhačedo o Debleske. 6O Aron anell peske oun peskri familyake i gouroum, te vell lo maredo, te vell lengri doosh oun lengro pale-čiddo koova krik lino, oun lauter pale mishto mank o baro Debleste oun lende. 7Palle lell yob kol douy morsh bouzya oun anell len pash o baro Debleste glan o voudar leskro plarhteno kherestar. 8O Aron vitsrell douy tikne barra, te sikrenn le, havi bouzni o baro Debleske hi, oun havi bouzni an o moulo tato them tradedo vell#16:8 ou bien: oun havi bouzni koleske hi, kay kharell Asasel. 9Palle marell lo koy bouzni, hoy o baro Debleske hi, te vell i doosh oun o pale-čiddo koova krik lino. 10Koy vavar bouzni vell djides glan o baro Debleste tardo, oun lake vell i doosh i menshendar pre-čiddo. Palle vell li an o moulo tato them tradedo.
11O Aron marell ko gouroum, te vell i doosh oun o pale-čiddo koova lestar oun leskri familyatar krik lino, oun yon čačo oun erligo tardo hi glan o baro Debleste. 12Palle djal lo pash ko sonakaskro bob, hoy glan o baro Debleste tardo hi, oun lell kolestar i sasterno čaro pherdo kasht, hoy rhačell, oun douy vasta pherdo soungepaskro koova, oun djal koleha pal ko voudar dran than an i kouč isema. 13Kote čivell lo ko soungepaskro koova ap i yag, te djal i yagakro dourho vin oun čakrell ko pralstouno kotar ap ko morhton, kay o Debleskre deesh laba dren hi. Kova hounte krell lo doleske, te merell lo gar. 14Oun yob lell ko ratestar ko gouroumestar, oun vitsrell kova peskro goushteha glan ap o pralstouno kotar. Oun ap koy platsa glan o morhton vitsrell lo peskro goushteha efta kope čomone ko ratestar.
15Palle marell yob koy morsh bouzni, te vell i doosh oun o pale-čiddo koova i menshendar Israel krik lino. Oun yob djal ko rateha pal i voudar dran than an i kouč isema, oun krell ko rateha yaake, har lo les ko rateha ko gouroumestar kras. Yob vitsrell peskro goushteha čomone ap o pralstouno kotar, hoy ap o morhton čiddo hi, oun ap koy platsa glan o morhton. 16Oun yaake krell lo, te vell o pale-čiddo koova oun koy doosh, hoy i Israelitarya ap pende anan – lengro tselo čilačo koova, dran o Debleskri kouč isema krik lino. Oun yaake hounte krell lo ko tselo Debleskro plarhteno khereha. Kava kheer hi tardo ap i platsa, kay i Israelitarya djivenn. Oun koy doosh, hoy yon ap pende anenn oun lengro pale-čiddo koova krell ninna o Debleskro kheer pale-čiddo.
17Kek mensho hounte vell an o Debleskro kheer an ko tselo tsiro, kay djal o Aron an o kouč isema dren, oun krell te vell o pale-čiddo koova oun koy doosh krik lino lestar, leskri familyatar oun i tsele Israelendar.
18Palle djal yob vin pash koy rhačepaskri, hoy glan o baro Debleskro plarhteno kheer tardo hi, oun lell čomone ko gouroumeskro ratestar oun koy bouzyakro ratestar, oun makell kova ap i shinga#16:18 shinga horne, hoy ap i star ekke ap koy rhačepaskri hi, te vell koy doosh oun ko pale-čiddo koova krik lino foun koy rhačepaskri. 19Oun yob čivell peskro goushto an o rat, oun vitsrell čomone ko ratestar ap i rhačepaskri. Kova krell lo efta kope, te vell i Israelengri doosh oun lengro pale-čiddo koova krik lino, hoy ap i rhačepaskri hi. Oun i rhačepaskri vell pale djoudjo glan o baro Debleskre yaka.
20Te kras o Aron halauter, te vell i doosh oun o pale-čiddo koova krik lino dran o Debleskri kouč isema, dran o tselo Debleskro plarhteno kheer oun dran i rhačepaskri, palle anell lo koy djidi morsh bouzni kay, 21oun čivell peskre douy vasta ap lakro shero, oun penell haki doosh oun hako čilačepen, hoy i Israelitarya kran. Yaake čivell lo kova lauter ap i bouzyakro shero. Palle moukell lo lat i morshestar, kay koleske koy tardo hi, krik te tradell an o moulo tato them. 22Kay morsh bouzni hidjrell lengri tseli doosh peha an o divyo moulo them. Oun kote ačell li.
23Pal kova djal o Aron an o Debleskro plarhteno kheer oun rivell kol layntikre koola vin, hoy yob ap peste rivas, har djas lo an o kheer dren. Oun kote čivell lo len pale tele. 24Palle thovell lo pes ap i Debleskri platsa, oun rivell peskre koola an. Palle djal lo pale vin, marell kol douy bakre, ko yek peske, oun ko vavar i menshenge Israel, oun rhačrell lengro tselo mass o baro Debleske, te vell i doosh oun o pale-čiddo koova krik lino lestar oun kol menshendar Israel. 25Kol thoulle kotya kol firhendar, hoy maredo van, te vell i doosh oun o pale-čiddo koova krik lino, kal kotya rhačrell lo ninna ap o Debleskri rhačepaskri.
26Ko morsh, kay tradas koy morsh bouzni an o moulo divyo them, hounte thovell pes oun peskre koola, glan te nay djal lo pale ap i platsa, kay i menshe djivenn.
27Kova, hoy pral ačas ko terno gouroumestar oun koy morsh bouzyatar, kolengro rat an i kouč isema anlo vas, te vell i doosh oun o pale-čiddo koova krik lino, kol kotya anell yek vin glan i platsa, kay i menshe hi, oun rhačrell kote lauter, koy hauta, ko mass, oun kol bouke. 28Ko morsh, kay kova lauter rhačras, kova hounte thovell pes oun peskre koola. Pal kova nay vell lo pale ap i platsa, kay i menshe djivenn.
29Kava lauter hounte vell kerdo ap o deshto dives an o eftato čon. Oun yaake hounte krenn t'mer hako tsireske. Ma rhan ap ko dives! Ma krenn i boudi, t'mer gar oun vitar gar i vi-themarya, kay mank t'mende djivenn. 30Ap kava dives vell t'mari tseli doosh oun ko tselo pale-čiddo koova, hoy ap t'mende hi, krik lino. Oun lauter vell pale mishto mank o baro Debleste oun t'mende. 31Kava Debleskro dives hi i dives, kay han kokres o baro Debleske koy. Oun t'mer nay krenn kek boudi, oun rhan či. Yaake vell kava kerdo an hako tsiro, hoy vella.
32Oun kokres savo rashay krell, te vell i doosh oun o pale-čiddo koova krik lino, koleske djet ap leskro shero čoredo vas, te vas lo rashay pal peskro dadeste, o Aroneste. Oun yob hounte rivell kol layntikre koola an, hoy i rashayenge hi, 33oun lell i doosh oun o pale-čiddo koova krik, hoy hi an o Debleskri kouč isema, an o tselo Debleskro plarhteno kheer, ap i rhačepaskri, ap i rashaya oun ap i tsele menshende Israel. 34Yek kopo an o bersh hounte vell kova yaake kerdo, te vell i tseli doosh oun o tselo pale-čiddo koova i Israelendar krik lino. Ap kava lab hounte rikrenn t'men hako tsireske.
Oun o Aron kras halauter yaake, har o baro Devel kova o Moseske penas.
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.