GAL 4
4
1Mbu nǝn nkeesǝn nkee ɓa, ndǝ siso, an kangge fer yǝsǝn auwe wa, sase ma hoora nsaad ɓǝ keke, hanaka nsaad mbu yǝsǝ a ɗuur ɓoso wa, ǝn usu. 2Sase yaa neme a ɓaa ɓǝn senggesǝsǝ ɓa, ɗǝm ma ɓaa ɓan na ɓǝsǝ mbuka me ɓǝ ma ɓa, aa kan a fer pap isi yǝ tisǝ wa. 3Ka maaso yǝsǝ a ndani wa, fer si ɗǝɗa Almaseho ra wo sundu ra wa, ndǝ nga emɓa, nɗǝn hoota a kunda kwangto kuɓsutu put taandi wa ɓa. 4Pa fer Kaa yǝ tisǝ kungsǝ wa, yǝ timi Au isi ma lau haa toone wa, ɗǝm ɓaa haasǝ a kunda kwangto masaka Musa wa, 5yǝ tom maaso me, yǝ kwan nkweeto ɓaa ɓǝsǝ a kunda kwangto masaka Musa siso ra, me kǝ ɓǝ nkaa ɓǝ taa nsaad mbu pamsǝ men emba ɓa wa. 6Tomsǝ me saase sǝn emɓisa wa, Kaa yǝ timi Wis Au isi wa ɗaan a kuti yaase, Wis siso yǝn yar Kaa me, “Abba! Paapa!” 7Me maaso, ngase ngǝn hoora ɗǝm ra, pa ngǝn auwe. Ɗǝm tomsǝ me ngǝ auwe wa, Kaa yǝ kangngǝ an kangge yan.
Taarǝma Bulus ma a ɗuura ɓaa Galatiyawa ɓa
8Tangtang ka tumo sǝ maa Kaa ra, sǝn hoota aa nyoo kwandamse wa, u a ɓongtǝrato ɓǝn Kaa ra wa 9Pa waso sǝ maa Kaan, hana aa nkee me, Kaa yǝ maa sǝn, pa kǝ tomtomniu kǝsaa ɓaarǝ sǝ kang aa kunda kwangto kuɓsutu u put taandi u sem kokrok ra wau? Ɓǝn mbu sal ɓa. Mbu kwaa mbi sǝn taasǝ me sǝ kang hoota ɓosa ɗǝmǝu? 10Waso sǝn na ɗuura saa a bǝɗ tǝromse ke ma ofemse ke, ma katamse ke, ɗǝm ma metamse ke. 11Mbu sǝn tomsǝ ɓa, nanǝ kokton, siso weɗɗa nga nsaad kongsa nǝ weesǝ a ɗuura saa ra, tommon sal.
12Ɓaata ɓǝna nǝn kǝnasǝ, sǝ kaɗ nga nǝsǝ wa, me niina nǝ kaɗɗan kǝn nga saase. Sǝ tomnǝ mbu kwalakwala kǝ ra ra. 13Sǝ maan me siyo nǝ tomsǝ wa, yǝ wil ɗǝɗa nǝ wosǝsǝ ma mara kwalari a ntiiri wa. 14Hanaka siyo waano siso yǝ kaɗ wiine rǝkata ya a saanin wa, nsaad siso, sǝ tomnǝ ɗuura kwakwa ra ra, hana sǝnǝ mbisi senggo ra. Pa sǝ konnǝ nga nǝ an timira Kaa ya, ɗǝm nga sǝ konsǝ Almaseho Yeso ma nkweera ira wa. 15Sǝ hur kuɗan dem a fer siso! Yaa waso hur kuɗa sǝ tomsǝ a ɗuura naa wa nau? Nǝn nkeesǝ ɓongtǝra, me kama kǝ tommo, kama kǝsǝ nkaa sǝ hik nuuwasǝsa sǝnǝ na! 16Hankara waso sǝ kang nǝ atiker yaasen, me nǝ nkeesǝsǝ ɓongtǝrato wau?
17Ɓet sǝsa ɓǝn tom rǝmara me ɓǝsǝ kǝrtǝ ɗuuti yaase a ɓoni, pa senta ɓota sem u teno ra. Ɓǝn taa me ɓǝsǝ ɓaa ma taase, me sǝ tom rǝmara a ɗuuti ɓose. 18Ai, tommon keke aa kaɗ ma nkamǝra tom rǝmara sǝra, meka senda sǝra ǝn u teno wa. Siso ɗǝm aa kaɗ maaso nfee, sem fer nǝsǝ ke ma saase wa maɗ ra. 19Saase emɓǝna, waso nǝn kura kongsa a ɗuura haa waaso ra. Ɗǝm kǝnǝ faɗ wiiyo ma kura kongsa siso ra, ndub me sǝ kang nga Almasehon. 20Me ka nkee me, nǝ ke ma sase waaso, kama kǝnǝ paki kwar waano, me nǝn taarǝ dem a ɗuura saa!
Mǝɗkǝra a ɗuura Hagar ma Saratu ra
21Sǝnǝ nkee, saase ɓaa sǝn taasǝ me sǝ tomma bǝɗɗo Masaka Musa wa, sǝ maa mbu masaka siso ǝn sensǝ ɓa niu? 22Nga ɓaa nyorsǝ a Likarkar Kaa wa me, Ibrahim yǝ ma emba parata raɓ, yaa fin nya ɓaa haasǝ ma lau hoora toone ra, ate ɗǝm ɓaa haasǝ ma lau toone a taanda ya. 23Au hoora toone siya, Ibrahim yǝ taasǝ ma lau ɗǝɗa ɓan haasǝ ra. Pa Au fin u toone a taanda siya, ɓaa haasǝ ma lau waa Kaa yǝ tomsǝsǝ wa.
24Mbusǝsa a too me ǝn mǝɗkǝra, toona raɓ sǝsa, ɓǝ weɗɗa mǝɗkǝra u tom waa raɓ wa. Waa fin wa, fiɗ a Yol Sinai wa, ɗǝm em waa sǝsa ɓaa haaɓǝ a hooto. Usu ǝn Hagar. 25Waso, Hagar yǝ kaɗ mǝɗkǝra u Yol Sinai yǝsǝ a put Arabiya wa. Toone sisi ǝn mǝɗkǝra ur Urshalima u waso wa ya, me sase ma emɓisa nsaad ɓaa a hooto. 26Pa Urshalima u ɓoti wa, yǝ sem a hooto ra, ɗǝm ur siso ndǝ maande. 27Nga ɓaa nyorsǝ a likarkar Kaa wa me,
“Ngase tiura toone ra,
yaa yǝ haa emba ra ya, aa hurkuɗa.
Ngase ngǝ pǝtasǝ kura kongsa u haa wa ra ya,
aa tom yaulira u kwallo wa,
me em tiura toone siya ya,
ɓǝ faɗ em toone yǝsǝ ma kere yan.”
28Ɓaata ɓǝna, waso saase sǝ kaɗ em Kaa ɓan, ma lau tom waa wa keke nga Ishaku yǝsǝ wa. 29Pa a fer tangtang siso, au ɓaa haasǝsǝ ma lau ɗǝɗa ɓan haasǝ ra ya, yǝ na kongsa au ɓaa haasǝsǝ ma lau kwangto Wis Kaa wa ya. Nga a fer siso yǝsǝ wa, maaso yǝsǝ naso wa. 30Pa nga ɓaa nyorsǝ a likarkar Kaa wa me, “Aa pǝǝ hoora toone ya, ma au isi, me au hoora toone sisi ya, yǝ pǝta ɓaa kangge ke ma au toone a taanda siya, yǝ haasǝ ya ra.” 31Me maaso ɓaata ɓǝna, ndase ndǝ sem em hoora toone ya ɓa ra, ndase ndǝ em toone a taanda ya.
©2023 Seed Company in collaboration with Language Developers and Bible Translators Association
GAL 4
4
1Mbu nǝn nkeesǝn nkee ɓa, ndǝ siso, an kangge fer yǝsǝn auwe wa, sase ma hoora nsaad ɓǝ keke, hanaka nsaad mbu yǝsǝ a ɗuur ɓoso wa, ǝn usu. 2Sase yaa neme a ɓaa ɓǝn senggesǝsǝ ɓa, ɗǝm ma ɓaa ɓan na ɓǝsǝ mbuka me ɓǝ ma ɓa, aa kan a fer pap isi yǝ tisǝ wa. 3Ka maaso yǝsǝ a ndani wa, fer si ɗǝɗa Almaseho ra wo sundu ra wa, ndǝ nga emɓa, nɗǝn hoota a kunda kwangto kuɓsutu put taandi wa ɓa. 4Pa fer Kaa yǝ tisǝ kungsǝ wa, yǝ timi Au isi ma lau haa toone wa, ɗǝm ɓaa haasǝ a kunda kwangto masaka Musa wa, 5yǝ tom maaso me, yǝ kwan nkweeto ɓaa ɓǝsǝ a kunda kwangto masaka Musa siso ra, me kǝ ɓǝ nkaa ɓǝ taa nsaad mbu pamsǝ men emba ɓa wa. 6Tomsǝ me saase sǝn emɓisa wa, Kaa yǝ timi Wis Au isi wa ɗaan a kuti yaase, Wis siso yǝn yar Kaa me, “Abba! Paapa!” 7Me maaso, ngase ngǝn hoora ɗǝm ra, pa ngǝn auwe. Ɗǝm tomsǝ me ngǝ auwe wa, Kaa yǝ kangngǝ an kangge yan.
Taarǝma Bulus ma a ɗuura ɓaa Galatiyawa ɓa
8Tangtang ka tumo sǝ maa Kaa ra, sǝn hoota aa nyoo kwandamse wa, u a ɓongtǝrato ɓǝn Kaa ra wa 9Pa waso sǝ maa Kaan, hana aa nkee me, Kaa yǝ maa sǝn, pa kǝ tomtomniu kǝsaa ɓaarǝ sǝ kang aa kunda kwangto kuɓsutu u put taandi u sem kokrok ra wau? Ɓǝn mbu sal ɓa. Mbu kwaa mbi sǝn taasǝ me sǝ kang hoota ɓosa ɗǝmǝu? 10Waso sǝn na ɗuura saa a bǝɗ tǝromse ke ma ofemse ke, ma katamse ke, ɗǝm ma metamse ke. 11Mbu sǝn tomsǝ ɓa, nanǝ kokton, siso weɗɗa nga nsaad kongsa nǝ weesǝ a ɗuura saa ra, tommon sal.
12Ɓaata ɓǝna nǝn kǝnasǝ, sǝ kaɗ nga nǝsǝ wa, me niina nǝ kaɗɗan kǝn nga saase. Sǝ tomnǝ mbu kwalakwala kǝ ra ra. 13Sǝ maan me siyo nǝ tomsǝ wa, yǝ wil ɗǝɗa nǝ wosǝsǝ ma mara kwalari a ntiiri wa. 14Hanaka siyo waano siso yǝ kaɗ wiine rǝkata ya a saanin wa, nsaad siso, sǝ tomnǝ ɗuura kwakwa ra ra, hana sǝnǝ mbisi senggo ra. Pa sǝ konnǝ nga nǝ an timira Kaa ya, ɗǝm nga sǝ konsǝ Almaseho Yeso ma nkweera ira wa. 15Sǝ hur kuɗan dem a fer siso! Yaa waso hur kuɗa sǝ tomsǝ a ɗuura naa wa nau? Nǝn nkeesǝ ɓongtǝra, me kama kǝ tommo, kama kǝsǝ nkaa sǝ hik nuuwasǝsa sǝnǝ na! 16Hankara waso sǝ kang nǝ atiker yaasen, me nǝ nkeesǝsǝ ɓongtǝrato wau?
17Ɓet sǝsa ɓǝn tom rǝmara me ɓǝsǝ kǝrtǝ ɗuuti yaase a ɓoni, pa senta ɓota sem u teno ra. Ɓǝn taa me ɓǝsǝ ɓaa ma taase, me sǝ tom rǝmara a ɗuuti ɓose. 18Ai, tommon keke aa kaɗ ma nkamǝra tom rǝmara sǝra, meka senda sǝra ǝn u teno wa. Siso ɗǝm aa kaɗ maaso nfee, sem fer nǝsǝ ke ma saase wa maɗ ra. 19Saase emɓǝna, waso nǝn kura kongsa a ɗuura haa waaso ra. Ɗǝm kǝnǝ faɗ wiiyo ma kura kongsa siso ra, ndub me sǝ kang nga Almasehon. 20Me ka nkee me, nǝ ke ma sase waaso, kama kǝnǝ paki kwar waano, me nǝn taarǝ dem a ɗuura saa!
Mǝɗkǝra a ɗuura Hagar ma Saratu ra
21Sǝnǝ nkee, saase ɓaa sǝn taasǝ me sǝ tomma bǝɗɗo Masaka Musa wa, sǝ maa mbu masaka siso ǝn sensǝ ɓa niu? 22Nga ɓaa nyorsǝ a Likarkar Kaa wa me, Ibrahim yǝ ma emba parata raɓ, yaa fin nya ɓaa haasǝ ma lau hoora toone ra, ate ɗǝm ɓaa haasǝ ma lau toone a taanda ya. 23Au hoora toone siya, Ibrahim yǝ taasǝ ma lau ɗǝɗa ɓan haasǝ ra. Pa Au fin u toone a taanda siya, ɓaa haasǝ ma lau waa Kaa yǝ tomsǝsǝ wa.
24Mbusǝsa a too me ǝn mǝɗkǝra, toona raɓ sǝsa, ɓǝ weɗɗa mǝɗkǝra u tom waa raɓ wa. Waa fin wa, fiɗ a Yol Sinai wa, ɗǝm em waa sǝsa ɓaa haaɓǝ a hooto. Usu ǝn Hagar. 25Waso, Hagar yǝ kaɗ mǝɗkǝra u Yol Sinai yǝsǝ a put Arabiya wa. Toone sisi ǝn mǝɗkǝra ur Urshalima u waso wa ya, me sase ma emɓisa nsaad ɓaa a hooto. 26Pa Urshalima u ɓoti wa, yǝ sem a hooto ra, ɗǝm ur siso ndǝ maande. 27Nga ɓaa nyorsǝ a likarkar Kaa wa me,
“Ngase tiura toone ra,
yaa yǝ haa emba ra ya, aa hurkuɗa.
Ngase ngǝ pǝtasǝ kura kongsa u haa wa ra ya,
aa tom yaulira u kwallo wa,
me em tiura toone siya ya,
ɓǝ faɗ em toone yǝsǝ ma kere yan.”
28Ɓaata ɓǝna, waso saase sǝ kaɗ em Kaa ɓan, ma lau tom waa wa keke nga Ishaku yǝsǝ wa. 29Pa a fer tangtang siso, au ɓaa haasǝsǝ ma lau ɗǝɗa ɓan haasǝ ra ya, yǝ na kongsa au ɓaa haasǝsǝ ma lau kwangto Wis Kaa wa ya. Nga a fer siso yǝsǝ wa, maaso yǝsǝ naso wa. 30Pa nga ɓaa nyorsǝ a likarkar Kaa wa me, “Aa pǝǝ hoora toone ya, ma au isi, me au hoora toone sisi ya, yǝ pǝta ɓaa kangge ke ma au toone a taanda siya, yǝ haasǝ ya ra.” 31Me maaso ɓaata ɓǝna, ndase ndǝ sem em hoora toone ya ɓa ra, ndase ndǝ em toone a taanda ya.
©2023 Seed Company in collaboration with Language Developers and Bible Translators Association