EPH 4
4
Kaɗɗo fin a maabiri Almaseho wa
1Me maaso, nase nǝsǝ pursǝna u Ankundi ra wa, nǝn kǝnasǝ me sǝ tom kaɗɗo u pamsǝ ma yarro ɓaa yarsǝsǝ ra wa. 2Sǝ kaɗ nfee ma loo ɗuura wa ma nlaato ma sǝmmo, ɗǝm sǝ tomma kaɗɗo sǝmmo wa ma ɓaatǝ a yauta. 3Sǝ kweetǝ ɓong sǝ faɗ wiiyo ma kaɗɗo tǝmba ɗuura wa u Wis ɗekɗek wa ma lau hurhurto u yǝ tǝmbasǝsǝ ke wa. 4Maabiri kǝn fin, Wiso kǝn fin. Maaso ɗǝm ti kanggo wa kǝn fin u ɓaa yarsǝsǝ a si wa. 5Ankundi fin, naɓongtǝra wa fin, ɗǝm soɓ ɗuura wa fin. 6Kaa fin, u yǝsǝ Paapa tǝna ya wa nsaad, yǝn kuɓu tǝna wa nsaad, yǝn tom tinima a ɗuura tǝna ra nsaad, ɗǝm yǝn kaɗ a kuti tǝna ya nsaad.
7Pa hana yamni a ɗaaso waando ɓaa nasǝ nawoo usu keke a pelerto kwasira Almaseho ra, nga yǝ ɓaasǝ wa. 8Ən siso mbu kwaasǝ mara Kaa ra, yǝ nkeesǝ me,
“A fer yǝ taasǝ ɓoti a liura wa,
yǝ ti ɓataker ɓisa ɓǝ siki a ndiira usu nga pursǝna,
ɗǝm yǝ na nawoo ɓolɓol ɓet ɓisa.”
9Ən mbi ǝn sensǝ me yǝ taa ɓoti a liura wau? Mara sǝra ǝn weɗɗa me, tang tang Almaseho ka yǝ ham a put taandi wan. 10Yaa yǝ hamsǝ kaya, ndǝ saase ɗǝm yǝ taasǝ, yǝ talǝ liuta ɓoti ya, me yǝ kung liura ma put taandi wa nsaad. 11Ndǝ saase yǝ na sǝ ɓaata me ɓǝ kaɗ ɓahona ɓisa, ɓaata ɓan nawanto ɓa, ɓaata ɓan nkee mara kwalari ra ɓa, ɓaata ɓan wanda ɓet bǝɗ Kaa ɓa wa, ma ɓan fǝɗkǝra ɓa. 12Yǝ tom maaso me, yǝ werkǝ ɓet bǝɗ Kaa ɓa me ɓǝ maa tom tinima ima, me aa mar maabiri Almaseho ya. 13Mbusǝsa kǝ se wiiyo maaso ndub me nsaad ndase ndǝ kanggan kaɗɗo fin a naɓongtǝra wa, ma kaɗɗo fin a maa Au Kaa ya wa. Ɗǝm ndǝ kang ɓaa ɓǝ kinisǝ ɓa, ndub me ndǝ kang kungsǝta nga Almaseho, yaa usu yǝ kungsǝra ya.
14Tom mbusa maaso me ndǝ pǝta kang nga em ngeek ngeek ɓa ra, hana ndǝ kang nga ɓaa kǝɓǝn kǝrtǝ senta ɓosa papa ra ya, hana ndǝ kang nga ɓaa yorro fǝɗkǝra paara ra ǝn kǝrtǝ ɓǝ papa ya, hana ndǝ kang nga ɓeta u ɓaa ɓǝ weesǝ nuuwa ɓa, ɓǝn nlaa ɓǝ ɗǝm ɓǝn pǝk ɓǝ wa. 15Pa me maaso, aa lee ndǝ nkee ɓongtǝra a ɗuura Almaseho ra a ɗǝɗa yauta ra, ndǝ mbar a mbu ndǝn tomsǝ ɓa nsaad, ndub me ndǝ kinin nga an ndǝ wii u yǝsǝn Almaseho wa. 16Ma lau usu, ndase nsaad ndǝ nga maabiri isi, u yǝsǝ nga tisaa u pamsǝ kakta maabiri ete ya nsaad wa. Me hana kakra maabiri nara, kiyǝ tom tinima ima yaɓ, maabiri siso kiyǝ mbar yǝ tom kokrok a yauta.
17To, nǝn nkeesǝ mbuɓa, ɗǝm nǝn wiinsǝ ngwee a ɗǝnda Ankundi ra me, sǝ kong tom kaɗɗo wa nga ɓaa ɓǝ maa Kaa ra ɓa ɗǝm ra, ɓaa ɓǝn tomsǝ senta u sal wa. 18Kuɗa ɓora kungsǝ ma teptepto, ɗǝm ɓaa ɓaa ɓǝ ma huurtu Kaa yǝn nasǝ wa, me ɓǝ maa mbuka ra, mbu kwaasǝ ɓa, me ɓǝ ma ɗuura kwakwa ra. 19Ɓongtǝra ɓǝ sem ma ɗuura nwaara a mbu kwalakwala ɓǝn tomsǝ ɓa ra, ǝn siso mbu kwaasǝ ɓǝ nasǝ ɗuura ɓora aa tom mbu ɗuura nwaara ɓa, ǝn siso ɓǝ faɗsǝ wiiyo a tom hana nkaamǝra pepeto nara ya, ɗǝm ɓǝn yau me ɓǝ tom a faɗ usu.
20Pa ǝn siso sǝ fǝɗkǝsǝ a Almaseho ni wa ra. 21Nǝ maan ɓong me sǝ kura mara a ɗuura iran, ɗǝm ɓaa fǝɗkǝsǝ mara a ɗuura ira, u yǝsǝ keke ma ɓongtǝra yǝsǝ a Yeso ni wa. 22U nwa ǝn siso mbu ɓaa fǝɗkǝsǝsǝ ɓa, me sǝ lee kaɗɗo u maabiri sǝn tomsǝ tangtang wa, kaɗɗo u tǝblǝsǝ ma yau mbu nɗeura u nlaata wa. 23Sǝ lee Kaa yǝsǝ faki siko waaso ma senta saa aa tom nfiinfii. 24Sǝ to senda nfiinfii sǝra u ɓaa marsǝ nga u Kaa wa wa. Senda nfiinfii sǝra yǝ weɗɗa ma lau tom mbu yǝsǝ keke a wiiyo a Kaa ni ɓa, ɗǝm ma kaɗɗo ɗekɗekto wa.
25Me maaso, tommon ɗaɗ hana yamni a ɗaaso waaso, yǝ ɓaa ma paata, ɗǝm yǝ tomma nkee ɓongtǝra anndǝnsaatǝre isi wa, me ndǝ kakta u maabiri fin wa nsaad. 26Me sǝ tom ɗaaman, sǝ tom tenatenato ra. Sǝ kong lee ɗaama saa aa kan sorot a ɗikra ra, 27ɗǝm sǝ na Shaitan ɗǝɗa ra. 28Yaa yǝsǝ nkwii ya, yǝ lee nkuura, pa tommon ɗaɗ yǝ tom tinima, yǝ tom mbu yǝsǝ yaɓ ɓa ma nem isi, me yǝ taa mbuka u kiya nkaa yǝ kwasi ɓaa ɓǝ sem ma mbuka ra ɓa.
29Sǝ kong lee mara kwalakwala kǝra yǝ fiɗ a ee yaase ɗǝm ra, pa sǝ kan mbu ka ti ɓaata ɓǝ mbar ɗǝm ɓǝ tom kokrok ɓa maɗ. Ma lau tommo maaso wa, kanmǝra ngaa kǝ kwasi ɓaa ɓǝn kurasǝ ɓa. 30Ɗǝm sǝ nhii nwaa tom sǝ tǝblǝ kuɗa Wis Ɗekɗek Kaa wa ra, Wis Ɗekɗek siso ǝn mbu ɓaa tisǝsǝ me aa weɗɗa me sǝ usu wa, a kaa konnkweera ɓa. 31Sǝ ɓaa ma hana nkaamǝra kuɗa ɓeɓeto na ra nsaad, ma nik senta wa, ma ɗaama, ma kito, ma tǝblǝ ɗǝnda wa, ma hana nkaamǝra simbira nara. 32Sǝ tom ɓaatǝ mbu kwalari ɓa, sǝ kura nyorataara ɓaatǝ ra, sǝ lee ɓaatǝ a senda nga Kaa yǝ lee sǝsǝ a senda wa kǝn, ma lau Almaseho wa.
©2023 Seed Company in collaboration with Language Developers and Bible Translators Association
EPH 4
4
Kaɗɗo fin a maabiri Almaseho wa
1Me maaso, nase nǝsǝ pursǝna u Ankundi ra wa, nǝn kǝnasǝ me sǝ tom kaɗɗo u pamsǝ ma yarro ɓaa yarsǝsǝ ra wa. 2Sǝ kaɗ nfee ma loo ɗuura wa ma nlaato ma sǝmmo, ɗǝm sǝ tomma kaɗɗo sǝmmo wa ma ɓaatǝ a yauta. 3Sǝ kweetǝ ɓong sǝ faɗ wiiyo ma kaɗɗo tǝmba ɗuura wa u Wis ɗekɗek wa ma lau hurhurto u yǝ tǝmbasǝsǝ ke wa. 4Maabiri kǝn fin, Wiso kǝn fin. Maaso ɗǝm ti kanggo wa kǝn fin u ɓaa yarsǝsǝ a si wa. 5Ankundi fin, naɓongtǝra wa fin, ɗǝm soɓ ɗuura wa fin. 6Kaa fin, u yǝsǝ Paapa tǝna ya wa nsaad, yǝn kuɓu tǝna wa nsaad, yǝn tom tinima a ɗuura tǝna ra nsaad, ɗǝm yǝn kaɗ a kuti tǝna ya nsaad.
7Pa hana yamni a ɗaaso waando ɓaa nasǝ nawoo usu keke a pelerto kwasira Almaseho ra, nga yǝ ɓaasǝ wa. 8Ən siso mbu kwaasǝ mara Kaa ra, yǝ nkeesǝ me,
“A fer yǝ taasǝ ɓoti a liura wa,
yǝ ti ɓataker ɓisa ɓǝ siki a ndiira usu nga pursǝna,
ɗǝm yǝ na nawoo ɓolɓol ɓet ɓisa.”
9Ən mbi ǝn sensǝ me yǝ taa ɓoti a liura wau? Mara sǝra ǝn weɗɗa me, tang tang Almaseho ka yǝ ham a put taandi wan. 10Yaa yǝ hamsǝ kaya, ndǝ saase ɗǝm yǝ taasǝ, yǝ talǝ liuta ɓoti ya, me yǝ kung liura ma put taandi wa nsaad. 11Ndǝ saase yǝ na sǝ ɓaata me ɓǝ kaɗ ɓahona ɓisa, ɓaata ɓan nawanto ɓa, ɓaata ɓan nkee mara kwalari ra ɓa, ɓaata ɓan wanda ɓet bǝɗ Kaa ɓa wa, ma ɓan fǝɗkǝra ɓa. 12Yǝ tom maaso me, yǝ werkǝ ɓet bǝɗ Kaa ɓa me ɓǝ maa tom tinima ima, me aa mar maabiri Almaseho ya. 13Mbusǝsa kǝ se wiiyo maaso ndub me nsaad ndase ndǝ kanggan kaɗɗo fin a naɓongtǝra wa, ma kaɗɗo fin a maa Au Kaa ya wa. Ɗǝm ndǝ kang ɓaa ɓǝ kinisǝ ɓa, ndub me ndǝ kang kungsǝta nga Almaseho, yaa usu yǝ kungsǝra ya.
14Tom mbusa maaso me ndǝ pǝta kang nga em ngeek ngeek ɓa ra, hana ndǝ kang nga ɓaa kǝɓǝn kǝrtǝ senta ɓosa papa ra ya, hana ndǝ kang nga ɓaa yorro fǝɗkǝra paara ra ǝn kǝrtǝ ɓǝ papa ya, hana ndǝ kang nga ɓeta u ɓaa ɓǝ weesǝ nuuwa ɓa, ɓǝn nlaa ɓǝ ɗǝm ɓǝn pǝk ɓǝ wa. 15Pa me maaso, aa lee ndǝ nkee ɓongtǝra a ɗuura Almaseho ra a ɗǝɗa yauta ra, ndǝ mbar a mbu ndǝn tomsǝ ɓa nsaad, ndub me ndǝ kinin nga an ndǝ wii u yǝsǝn Almaseho wa. 16Ma lau usu, ndase nsaad ndǝ nga maabiri isi, u yǝsǝ nga tisaa u pamsǝ kakta maabiri ete ya nsaad wa. Me hana kakra maabiri nara, kiyǝ tom tinima ima yaɓ, maabiri siso kiyǝ mbar yǝ tom kokrok a yauta.
17To, nǝn nkeesǝ mbuɓa, ɗǝm nǝn wiinsǝ ngwee a ɗǝnda Ankundi ra me, sǝ kong tom kaɗɗo wa nga ɓaa ɓǝ maa Kaa ra ɓa ɗǝm ra, ɓaa ɓǝn tomsǝ senta u sal wa. 18Kuɗa ɓora kungsǝ ma teptepto, ɗǝm ɓaa ɓaa ɓǝ ma huurtu Kaa yǝn nasǝ wa, me ɓǝ maa mbuka ra, mbu kwaasǝ ɓa, me ɓǝ ma ɗuura kwakwa ra. 19Ɓongtǝra ɓǝ sem ma ɗuura nwaara a mbu kwalakwala ɓǝn tomsǝ ɓa ra, ǝn siso mbu kwaasǝ ɓǝ nasǝ ɗuura ɓora aa tom mbu ɗuura nwaara ɓa, ǝn siso ɓǝ faɗsǝ wiiyo a tom hana nkaamǝra pepeto nara ya, ɗǝm ɓǝn yau me ɓǝ tom a faɗ usu.
20Pa ǝn siso sǝ fǝɗkǝsǝ a Almaseho ni wa ra. 21Nǝ maan ɓong me sǝ kura mara a ɗuura iran, ɗǝm ɓaa fǝɗkǝsǝ mara a ɗuura ira, u yǝsǝ keke ma ɓongtǝra yǝsǝ a Yeso ni wa. 22U nwa ǝn siso mbu ɓaa fǝɗkǝsǝsǝ ɓa, me sǝ lee kaɗɗo u maabiri sǝn tomsǝ tangtang wa, kaɗɗo u tǝblǝsǝ ma yau mbu nɗeura u nlaata wa. 23Sǝ lee Kaa yǝsǝ faki siko waaso ma senta saa aa tom nfiinfii. 24Sǝ to senda nfiinfii sǝra u ɓaa marsǝ nga u Kaa wa wa. Senda nfiinfii sǝra yǝ weɗɗa ma lau tom mbu yǝsǝ keke a wiiyo a Kaa ni ɓa, ɗǝm ma kaɗɗo ɗekɗekto wa.
25Me maaso, tommon ɗaɗ hana yamni a ɗaaso waaso, yǝ ɓaa ma paata, ɗǝm yǝ tomma nkee ɓongtǝra anndǝnsaatǝre isi wa, me ndǝ kakta u maabiri fin wa nsaad. 26Me sǝ tom ɗaaman, sǝ tom tenatenato ra. Sǝ kong lee ɗaama saa aa kan sorot a ɗikra ra, 27ɗǝm sǝ na Shaitan ɗǝɗa ra. 28Yaa yǝsǝ nkwii ya, yǝ lee nkuura, pa tommon ɗaɗ yǝ tom tinima, yǝ tom mbu yǝsǝ yaɓ ɓa ma nem isi, me yǝ taa mbuka u kiya nkaa yǝ kwasi ɓaa ɓǝ sem ma mbuka ra ɓa.
29Sǝ kong lee mara kwalakwala kǝra yǝ fiɗ a ee yaase ɗǝm ra, pa sǝ kan mbu ka ti ɓaata ɓǝ mbar ɗǝm ɓǝ tom kokrok ɓa maɗ. Ma lau tommo maaso wa, kanmǝra ngaa kǝ kwasi ɓaa ɓǝn kurasǝ ɓa. 30Ɗǝm sǝ nhii nwaa tom sǝ tǝblǝ kuɗa Wis Ɗekɗek Kaa wa ra, Wis Ɗekɗek siso ǝn mbu ɓaa tisǝsǝ me aa weɗɗa me sǝ usu wa, a kaa konnkweera ɓa. 31Sǝ ɓaa ma hana nkaamǝra kuɗa ɓeɓeto na ra nsaad, ma nik senta wa, ma ɗaama, ma kito, ma tǝblǝ ɗǝnda wa, ma hana nkaamǝra simbira nara. 32Sǝ tom ɓaatǝ mbu kwalari ɓa, sǝ kura nyorataara ɓaatǝ ra, sǝ lee ɓaatǝ a senda nga Kaa yǝ lee sǝsǝ a senda wa kǝn, ma lau Almaseho wa.
©2023 Seed Company in collaboration with Language Developers and Bible Translators Association