EPH 2
2
Niinyo a woɗɗa aa ko a huurtu
1Ka tang kasǝ wote ɗaan a tinimsa kwalakwala ma, ma tenatenato waaso, 2u ka sǝsǝ ɗaan a si a fer sǝn bǝɗsǝ ɗǝta put taandi wa ɓa, nga yaa yǝn tomsǝ kuɓsutu a liuta ɓoti ya, ǝn wis nsaa wa u yǝn sutsǝ kuti ɓeta ya ɓǝ mbisi na mbarta Kaa wa. 3Nsaad kaɗɗo waando ka maaso tangtang, ndǝn bǝɗ ɗeuta maabiri ta, ndǝn tom mbu maabiri ma kuti yaade ɓǝ sut ndǝsǝ me ndǝ tom ɓa maɗ. Ndǝ keke nga nsaad ɓaata ɓeta ɓǝsǝ wa, ɓaa haa ndǝ ma senda kwalakwala ra, ɓet Kaa kiyǝ ɓǝn kan kiita ɓa. 4Pa me yauta ita yǝsǝ a ndani yǝ dem wa, sase Kaa, yaa yǝsǝ ma manyamanyato peler ya, 5yǝ ti ndǝ, ndǝ nɗanyǝ ke ma Almaseho hana a fer ndǝsǝ wote ɗaan a tenatenato waando wa. Ma lau kwasira Kaa wa ra, ɓaa konsǝsǝ nkweera wa. 6Kaa nik ndǝ ke ma Almaseho, ɗǝm ma lau Almaseho Yeso wa, yǝ na ndǝ ham kaɗɗa ke ma sase a kuɓsutu usu ɓoti a liura wa. 7Kaa yǝ tom mbu ɓa maaso, me a kaare ka wo ya, yǝ weɗɗa pelerto kwasira ira u nkaa a mǝɗkǝ ra wa. Kwasira ira sǝsa, yǝ weɗɗa a dani ma lau Almaseho Yeso wa. 8Ai, ma lau kwasira Kaa wa ra, ɓaa konsǝsǝ nkweera wa, ma lau naɓongtǝra wa. U nwa sem kweeto nkweerase wa ra, pa ǝn nawoo Kaa wa. 9Sem ma lau tinimsa wa ra, me tom yaake yǝ nheu ra. 10Ai, ndase ma nkweerande, ndǝn tinima ima, ɓaa ɓaarǝ ndǝ haa ma lau Almaseho Yeso wa, me ndǝ tom tinimsa kwalari ma, u Kaa yǝ weesǝ werko a ntiiri me ndǝ tom ɓa.
Almaseho yǝ tǝmɓa ɓeta nsaad
11Me maaso, sǝ ɗim me sǝn ɓaa Yahudawa ɓa a haa ra, ɗǝm ɓaa ɓǝn yarsǝ nkweera ɓora me “ɓaa ɓaa fir ɓǝsǝ ɓa,” ɓǝn yarsǝ me “ɓaa ɓaa fir ɓǝsǝ ra ɓa.” Si firo siso ǝn u maabiri wa, u ɓan tomsǝ ma neme wa. 12Sǝ ɗim me a fer siso sǝ ɓolɓol ma Almaseho, sǝn em putu ɓa a put Israˈila ɓa wa ra, sǝn waa a waa kawa u Kaa yǝ tomsǝ ɓa wa, sǝ sem ma ti kanggo wa ra, ɗǝm sǝ sem ma Kaa a put taandi wa ra. 13Pa nga waso, ma lau Almaseho Yeso wa, saase u ka sǝsǝ mǝbmǝb tangtang wa, ɓaa wosǝsǝn ngwang ma lau monma Almaseho wa.
14Mbusa tommon maaso me Almaseho ma nkweerisi ǝn sase hurhurto nwaado, ǝn saase yaa yǝ toosǝ ɓaa Yahudawa ɓa ma ɓaa ɓǝn ɓaa Yahudawa ra ɓa, yǝ ti ɓǝ ɓǝ kaɗ fin. Yǝ ookǝ karo u ɓaaɓǝsǝ ka wa, u yǝsǝn mbisi ɓaatǝ yǝsǝ a ɗaaso ɓoso wa. 15Ma lau na maabiri isi yǝ tomsǝ wa, yǝ tum masaka Musa wa, ma mbu fǝɗkǝra ira yǝ nkeesǝ me aa tom ɓa. Yǝ tom maaso me ma lau usu, yǝ mar nfiinfiira ete ra fin, a ɗaaso ɓet raɓ sǝsa. Aa tommo maaso wa, yǝ wo ma kaɗɗo hurhurto wa a ɗaaso ɓoso. 16Yǝ kang ɓǝ maabiri fin maaso me ɓǝ sǝk kaɗɗo ɓoso ma Kaa, ma lau kwaakǝra wa. Aa tommo maaso wa, yǝ toɗ simbara kara a ɗaaso ɓoso. 17Yǝ wo yǝ sǝ nkee mara kwalari u hurhurto wa, saase ɓaa sem ɓaa Yahudawa ra ɓa, saa sǝsǝ mǝbmǝb ma Kaa wa ɓa, yǝ ɗǝm tom ɓaa Yahudawa ɓa maaso, ɓosa ɓǝsǝ ngwang ɓa. 18Ai, ma lau usu, nsaad ndase raɓ kou kǝ ndǝ taa ɗǝɗa ko a Paapani ma lau Wiso fin wa.
19Pa me maaso, saase ɓaa sǝn Yahudawa ra ɓa, sǝ sem waa ɗǝm ra, sǝ ntaa han kaɗɗa ra. Ai, saase sǝ ɓan putu ɓa ke ma ɓet bǝɗ Kaa ɓa ma em taanda u Kaa wa ɓa. 20Ɓaa marsǝ a ntiiri kunda mar hito ra, u ɓahona ma ɓan nawanto ɓa marsǝ wa, Almaseho Yeso ma nkweeresi ndǝ sase ɗungara timra hito ra, u faɗsǝ tinima a maro ya wa. 21Ma lau usu ɓaa tǝmbasǝ timra hito ra wa, maro kawa yǝ sookǝ mbarta a kang hit ɗekɗek bǝɗ Kaa wa, u Ankundi wa 22Ma lau usu, saase kǝn ɓaa marsǝsǝ wa ma ɓaata, me sǝ kaɗ hito, u Kaa yǝn kaɗsǝ ɗaan ma lau Wis usu wa.
©2023 Seed Company in collaboration with Language Developers and Bible Translators Association
EPH 2
2
Niinyo a woɗɗa aa ko a huurtu
1Ka tang kasǝ wote ɗaan a tinimsa kwalakwala ma, ma tenatenato waaso, 2u ka sǝsǝ ɗaan a si a fer sǝn bǝɗsǝ ɗǝta put taandi wa ɓa, nga yaa yǝn tomsǝ kuɓsutu a liuta ɓoti ya, ǝn wis nsaa wa u yǝn sutsǝ kuti ɓeta ya ɓǝ mbisi na mbarta Kaa wa. 3Nsaad kaɗɗo waando ka maaso tangtang, ndǝn bǝɗ ɗeuta maabiri ta, ndǝn tom mbu maabiri ma kuti yaade ɓǝ sut ndǝsǝ me ndǝ tom ɓa maɗ. Ndǝ keke nga nsaad ɓaata ɓeta ɓǝsǝ wa, ɓaa haa ndǝ ma senda kwalakwala ra, ɓet Kaa kiyǝ ɓǝn kan kiita ɓa. 4Pa me yauta ita yǝsǝ a ndani yǝ dem wa, sase Kaa, yaa yǝsǝ ma manyamanyato peler ya, 5yǝ ti ndǝ, ndǝ nɗanyǝ ke ma Almaseho hana a fer ndǝsǝ wote ɗaan a tenatenato waando wa. Ma lau kwasira Kaa wa ra, ɓaa konsǝsǝ nkweera wa. 6Kaa nik ndǝ ke ma Almaseho, ɗǝm ma lau Almaseho Yeso wa, yǝ na ndǝ ham kaɗɗa ke ma sase a kuɓsutu usu ɓoti a liura wa. 7Kaa yǝ tom mbu ɓa maaso, me a kaare ka wo ya, yǝ weɗɗa pelerto kwasira ira u nkaa a mǝɗkǝ ra wa. Kwasira ira sǝsa, yǝ weɗɗa a dani ma lau Almaseho Yeso wa. 8Ai, ma lau kwasira Kaa wa ra, ɓaa konsǝsǝ nkweera wa, ma lau naɓongtǝra wa. U nwa sem kweeto nkweerase wa ra, pa ǝn nawoo Kaa wa. 9Sem ma lau tinimsa wa ra, me tom yaake yǝ nheu ra. 10Ai, ndase ma nkweerande, ndǝn tinima ima, ɓaa ɓaarǝ ndǝ haa ma lau Almaseho Yeso wa, me ndǝ tom tinimsa kwalari ma, u Kaa yǝ weesǝ werko a ntiiri me ndǝ tom ɓa.
Almaseho yǝ tǝmɓa ɓeta nsaad
11Me maaso, sǝ ɗim me sǝn ɓaa Yahudawa ɓa a haa ra, ɗǝm ɓaa ɓǝn yarsǝ nkweera ɓora me “ɓaa ɓaa fir ɓǝsǝ ɓa,” ɓǝn yarsǝ me “ɓaa ɓaa fir ɓǝsǝ ra ɓa.” Si firo siso ǝn u maabiri wa, u ɓan tomsǝ ma neme wa. 12Sǝ ɗim me a fer siso sǝ ɓolɓol ma Almaseho, sǝn em putu ɓa a put Israˈila ɓa wa ra, sǝn waa a waa kawa u Kaa yǝ tomsǝ ɓa wa, sǝ sem ma ti kanggo wa ra, ɗǝm sǝ sem ma Kaa a put taandi wa ra. 13Pa nga waso, ma lau Almaseho Yeso wa, saase u ka sǝsǝ mǝbmǝb tangtang wa, ɓaa wosǝsǝn ngwang ma lau monma Almaseho wa.
14Mbusa tommon maaso me Almaseho ma nkweerisi ǝn sase hurhurto nwaado, ǝn saase yaa yǝ toosǝ ɓaa Yahudawa ɓa ma ɓaa ɓǝn ɓaa Yahudawa ra ɓa, yǝ ti ɓǝ ɓǝ kaɗ fin. Yǝ ookǝ karo u ɓaaɓǝsǝ ka wa, u yǝsǝn mbisi ɓaatǝ yǝsǝ a ɗaaso ɓoso wa. 15Ma lau na maabiri isi yǝ tomsǝ wa, yǝ tum masaka Musa wa, ma mbu fǝɗkǝra ira yǝ nkeesǝ me aa tom ɓa. Yǝ tom maaso me ma lau usu, yǝ mar nfiinfiira ete ra fin, a ɗaaso ɓet raɓ sǝsa. Aa tommo maaso wa, yǝ wo ma kaɗɗo hurhurto wa a ɗaaso ɓoso. 16Yǝ kang ɓǝ maabiri fin maaso me ɓǝ sǝk kaɗɗo ɓoso ma Kaa, ma lau kwaakǝra wa. Aa tommo maaso wa, yǝ toɗ simbara kara a ɗaaso ɓoso. 17Yǝ wo yǝ sǝ nkee mara kwalari u hurhurto wa, saase ɓaa sem ɓaa Yahudawa ra ɓa, saa sǝsǝ mǝbmǝb ma Kaa wa ɓa, yǝ ɗǝm tom ɓaa Yahudawa ɓa maaso, ɓosa ɓǝsǝ ngwang ɓa. 18Ai, ma lau usu, nsaad ndase raɓ kou kǝ ndǝ taa ɗǝɗa ko a Paapani ma lau Wiso fin wa.
19Pa me maaso, saase ɓaa sǝn Yahudawa ra ɓa, sǝ sem waa ɗǝm ra, sǝ ntaa han kaɗɗa ra. Ai, saase sǝ ɓan putu ɓa ke ma ɓet bǝɗ Kaa ɓa ma em taanda u Kaa wa ɓa. 20Ɓaa marsǝ a ntiiri kunda mar hito ra, u ɓahona ma ɓan nawanto ɓa marsǝ wa, Almaseho Yeso ma nkweeresi ndǝ sase ɗungara timra hito ra, u faɗsǝ tinima a maro ya wa. 21Ma lau usu ɓaa tǝmbasǝ timra hito ra wa, maro kawa yǝ sookǝ mbarta a kang hit ɗekɗek bǝɗ Kaa wa, u Ankundi wa 22Ma lau usu, saase kǝn ɓaa marsǝsǝ wa ma ɓaata, me sǝ kaɗ hito, u Kaa yǝn kaɗsǝ ɗaan ma lau Wis usu wa.
©2023 Seed Company in collaboration with Language Developers and Bible Translators Association