Ayyukan 16
16
Timatawus yǝ bǝɗ Bulus ma Silas
1Bulus ma Silas ɓǝ kang Darbe ma Listira a han aufǝɗke ǝn yarsǝ me Timatawus ya. Maasi kǝn ǝn Bayahude an bǝɗ Kaa ya, papsi ǝn Bahelene. 2Ɓan bǝɗ Kaa Listira ma Ikoniya ɓa ɓǝ nkee mara yaɓ a ɗuura Timatawus ra. 3Bulus yǝn taa me kiya too ɓǝ ko ke a siko usu, pa yaa piri me ɓaa Yahudawa ɓǝsǝ kǝnso ɓa, ɓǝ maan nsaad me papisi yǝn Bahelene. 4A fer ɓǝsa siko ura ura wa, ɓǝn nkee ɓan bǝɗ Kaa ɓa mbu ɓahona ma wiina Urshalima ɓa ɓǝ nkeesǝ me a bǝɗ wa. 5Maso ɓan bǝɗ Kaa ɓǝsa ura ɓa ɓǝ tom kwakwa a na ɓongto ɓoso ɓǝ toma soko nfee.
Bulus yǝ tom rotǝma a ɗuura yaake Makidoniya
6Bulus ma sik ɓǝsa ɓǝ ko a ura ɓolɓol u Firigiya ma Galatiya, me Wis Kaa wa yǝ saa ɓǝ nkee mara ira wa put Asiya wa. 7Pa ɓǝ kansǝ a han put Masiya tǝngsǝ ɓa wa, ɓǝ kweetǝ me kama ɓǝ kang Bitiniya, pa Wis Yeso wa yau ɓǝra. 8Pa ɓǝ tallǝ ma lau ur Masiya wa, ɓǝ ham ɓǝ faɗ a put Toruwas wa. 9A pǝrtǝra sǝra Bulus yǝ tom rotǝma me yaake Makidoniya yǝ kǝɗ yǝn kǝnasǝ me, “Ngau Makidoniya ngǝtǝ kwasi!” 10Ndiira Bulus yǝ wǝrsǝ mbusa a rotǝma maaso wa, tǝ nii tǝ kǝr ɗǝɗa kǝ ta ko Makidoniya ra, me tǝ yawan me Kaa yǝ yartǝ me kotǝ ɓǝ nkee mara Kwalari ra.
Lidiya yǝ na ɓongto
11Pa tǝ nii Toruwas tǝ bǝɗ aulaara tǝ ko Samutarkiya, pa handa weesǝ wa tǝ kan Niyafolis. 12Tǝ niisǝ kǝnso wa tǝ ko Filibi, u yǝsaa kuɓsutu Roma wa ɗǝm ǝn sase ur kwang a put Makidoniya wa. Pa tǝ tǝr kǝnso siingǝ.
13A kaa wiiya Yahudawa ɓa, tǝ nii tǝ ko a inntii uru ya ma kal seno wa, han tǝn sensǝ me kǝtǝ wǝr han kǝnara ɓa. Pa tǝ kaɗ tǝ ntii kano ma toona ɓǝ kwausǝ kǝnso ɓa. 14A ɓaa ɓǝ kwausǝ ɓa toone ke kǝn ǝn yarsǝ me Lidiya, yǝn pang lukta u ma koɓa dem wa, yǝ fiɗ a put Tayatira wa, yǝn an nyoo Kaa ya. Ankundi yǝ wilsǝ kuɗa me yǝ kura ɗǝm yǝ kon mbu Bulus yǝn kansǝ ɓa. 15Pa sase ma ɓaa ɓǝsǝ ke a taanda ɓa ɓaa ɓǝ tom baptisma, pa yǝ tǝ yar ɗuur usu yǝ nkee me, “Me sǝ yau nǝn me nǝ an bǝɗ Ankundi yan, sau sǝ tǝr ɗuur waano.” Yǝtǝ ree dem.
Bulus ma Silas a hit neu ɓeta wa.
16Kakake tǝn koko a han kǝna Kaa ɓa, pa tǝ pam ma hoora autoone ke ra u yǝsǝ ma wis u yǝn tisǝsǝ yǝ maa mbuka tom a wiiyo ɓa. Ɓantaanda ɓisa ɓǝn taa koɓa dem a mbu yǝn tomsǝ sǝsa. 17Autoone kaya yǝ bǝɗ Bulus ma taase nsaad, yǝn yauli me, “Ɓet ɓa ɓǝn hoota Kaa ɓoti a Liura ɓa, ɓǝn nkeesǝ ɗǝɗa kǝsa taa kon nkweera wa.” 18Yǝ tom a nkee mbusǝsa wa tǝro dem. A feɗefeɗe mbusa a rǝka Bulus, pa yǝ kǝrtǝ yǝ nkee wis ka wa, “A ɗǝnda Yeso Krisiti ra nǝn nkwaakǝ ngǝ a fiɗ a maabiri autoone sisi ra!” Nok kǝnso wis ka wa yǝ fiɗ yǝ lee autoone ka ya.
19Pa ɓantaanda autoone sisi ɓa ɓǝ maasǝ me ɗǝɗa taa koɓa ɓosa ra feɗɗen wa, pa ɓǝ ma Bulus ma Silas ɓǝ ɓǝn ko a wii ɓan kankiita ɓa. 20Ɓǝ ɓǝn wo a han kan kiita ɓa ɓǝ nkee me, “Bǝɗ ɓaa ɓǝn ɓaa Yahudawa ɓa, ɓǝn tǝblǝ ndǝ ur waado. 21Ɓǝn fǝɗkǝ ɓet ɓǝta Roma mbu pamman me tǝ tommo, hana tǝ bǝɗ ɗa.”
22Pa ɓeta ɓǝ kwau dem a ɗuura Bulus ma Silas ra, pa ɓan kankiita ya yǝ nkee me ǝɓǝ nsaatǝ lukta ɓǝ hoɓ ma lǝɓra. 23Ndiira ɓaa hoɓ ɓǝsǝ dem wa, ɓaa ɓǝ neu a han neu ɓeta ɓa, a nkee an ware me yǝɓǝ war kwakwa tom ɓǝ fiɗ ɗa. 24An ware yǝ kurasǝ mbusa maaso wa, pa yǝɓǝ tung ɗaan ɗaan yǝɓǝ kaa natsa ma sakla a tǝmɓa ma ɓota.
25A pam pǝrte Bulus ma Silas ɓa kǝnara ma kǝɗ pina a nyoo Kaa sa wa, ɓaata ɓaa neu ɓǝsǝ kǝnso ɓa ɓǝn kura ɓǝn kura. 26Nok kǝnso ɓǝ kura kunda hit neu ɓeta ka wa ǝn nyaˈnya. Nok kǝnso inntii hit neu ɓeta wa ya a wili, pa sakla u kaasǝ a natsa ɓaa neu ɓǝsǝ ɓa wa a nkaa nsaad. 27An ware yǝ niisǝ a moonda wa, pa yǝ wǝrsǝ inntii han neu ɓeta ɓa wilsǝ, pa yǝ hik pee isi me kiya sep ee usu me yǝn nkee me ɓa ɓaa neu ɓǝsǝ ɓa nsaad ɓǝ monon. 28Pa Bulus yǝ yauli yǝ nkee me, “Ngǝ tod ee nwango ra! Tǝ nsaad a ham ɓa!”
29An ware yǝ nkee me, yaake yǝnǝ na ara, yǝ mon yǝ ko yǝ nwii a wiiyo a Bulus ma Silas ni yǝn madkinmadki. 30Pa yǝɓǝ hik taandi yǝɓǝ taa, “Wiina, Kǝnǝ tom mbiu kǝna taa kon nkweera wau?”
31Pa ɓaa kak me, “A na ɓongto a Ankundi Yeso ni, pa kǝngǝ taa kon ngweerange wa ma hana yamni yaa nasǝ ɓongto a taanda nga ya.” 32Pa ɓaa nkee mara Ankundi ra sase ma taanda ira nsaad. 33A pǝrtǝra sǝra an ware yǝ too Bulus ma Sila yǝɓǝ sob hunde ɓose; nok kǝnso sase ma ɓet ɓǝsa ɓaa ɓǝ tom baptisma. 34An ware siya yǝɓǝn wo a ɗuur usu yǝɓǝ na mbuseya; ɓǝ kungsǝ ma hur kuɗa wa me yǝ na ɓongtǝra a Kaa nin, sase ma ɓet ɓǝsa nsaad.
35Handa weesǝ wa, ɓan kankiita ɓa ɓǝ tung ankaa'nɗeera ya a an ware ni me, “A lee Bulus ma Sila ɓǝ faɗa” 36Pa an ware yǝ nkee Bulus, “An kan kiita ya ya yǝ nkee me ngase ma Sila sǝ lee. Nwa sǝkǝ nkaa sǝ faɗ mbasa. So hurhur.”
37Pa Bulus yǝ nkee ya ɓa timisǝsǝ si ya, “Ɓaa hoɓtǝ a ɓeta sǝ kantǝ kiita ra, hana ka tǝsǝn ɓet Romawa ɓa wa, pa ɓǝtǝ neu a han neu ɓeta ɓa. Pa wa kaɓǝn taa me ɓǝtǝ hik a nhukǝrau? A tomra! A lee ɓǝ wo ma ngweera ɓora wo ɓǝtǝ hiki ɓǝtǝ tung tǝ faɗa.” 38Pa ankaa'nɗeera siya yǝ kan yǝ nkee an kan kiita ya ya me Bulus ma Sila ǝn ɓet Romawa ɓa wa ɓan kankiita sǝɓa kokto ɓǝ ma. 39Pa ɓǝ wo a Bulus ma Sila ni ɓǝ kon nfaata ɓǝɓǝ hik a han neu ɓǝsǝ ɓa ɓǝɓǝ kǝna me ɓǝ lee ur siso. 40Ndiira Bulus ma Silas ɓǝ fiɗsǝ a han neu ɓeta ɓa wa, ɓǝ ko a ɗuur Lidiya wa, a han ɓǝ famsǝ ma ɓaata ɓan bǝɗ Kaa ɓa. Ɓǝɓǝ naankwiiti, pa ɓǝ faɗa.
©2023 Seed Company in collaboration with Language Developers and Bible Translators Association
Ayyukan 16
16
Timatawus yǝ bǝɗ Bulus ma Silas
1Bulus ma Silas ɓǝ kang Darbe ma Listira a han aufǝɗke ǝn yarsǝ me Timatawus ya. Maasi kǝn ǝn Bayahude an bǝɗ Kaa ya, papsi ǝn Bahelene. 2Ɓan bǝɗ Kaa Listira ma Ikoniya ɓa ɓǝ nkee mara yaɓ a ɗuura Timatawus ra. 3Bulus yǝn taa me kiya too ɓǝ ko ke a siko usu, pa yaa piri me ɓaa Yahudawa ɓǝsǝ kǝnso ɓa, ɓǝ maan nsaad me papisi yǝn Bahelene. 4A fer ɓǝsa siko ura ura wa, ɓǝn nkee ɓan bǝɗ Kaa ɓa mbu ɓahona ma wiina Urshalima ɓa ɓǝ nkeesǝ me a bǝɗ wa. 5Maso ɓan bǝɗ Kaa ɓǝsa ura ɓa ɓǝ tom kwakwa a na ɓongto ɓoso ɓǝ toma soko nfee.
Bulus yǝ tom rotǝma a ɗuura yaake Makidoniya
6Bulus ma sik ɓǝsa ɓǝ ko a ura ɓolɓol u Firigiya ma Galatiya, me Wis Kaa wa yǝ saa ɓǝ nkee mara ira wa put Asiya wa. 7Pa ɓǝ kansǝ a han put Masiya tǝngsǝ ɓa wa, ɓǝ kweetǝ me kama ɓǝ kang Bitiniya, pa Wis Yeso wa yau ɓǝra. 8Pa ɓǝ tallǝ ma lau ur Masiya wa, ɓǝ ham ɓǝ faɗ a put Toruwas wa. 9A pǝrtǝra sǝra Bulus yǝ tom rotǝma me yaake Makidoniya yǝ kǝɗ yǝn kǝnasǝ me, “Ngau Makidoniya ngǝtǝ kwasi!” 10Ndiira Bulus yǝ wǝrsǝ mbusa a rotǝma maaso wa, tǝ nii tǝ kǝr ɗǝɗa kǝ ta ko Makidoniya ra, me tǝ yawan me Kaa yǝ yartǝ me kotǝ ɓǝ nkee mara Kwalari ra.
Lidiya yǝ na ɓongto
11Pa tǝ nii Toruwas tǝ bǝɗ aulaara tǝ ko Samutarkiya, pa handa weesǝ wa tǝ kan Niyafolis. 12Tǝ niisǝ kǝnso wa tǝ ko Filibi, u yǝsaa kuɓsutu Roma wa ɗǝm ǝn sase ur kwang a put Makidoniya wa. Pa tǝ tǝr kǝnso siingǝ.
13A kaa wiiya Yahudawa ɓa, tǝ nii tǝ ko a inntii uru ya ma kal seno wa, han tǝn sensǝ me kǝtǝ wǝr han kǝnara ɓa. Pa tǝ kaɗ tǝ ntii kano ma toona ɓǝ kwausǝ kǝnso ɓa. 14A ɓaa ɓǝ kwausǝ ɓa toone ke kǝn ǝn yarsǝ me Lidiya, yǝn pang lukta u ma koɓa dem wa, yǝ fiɗ a put Tayatira wa, yǝn an nyoo Kaa ya. Ankundi yǝ wilsǝ kuɗa me yǝ kura ɗǝm yǝ kon mbu Bulus yǝn kansǝ ɓa. 15Pa sase ma ɓaa ɓǝsǝ ke a taanda ɓa ɓaa ɓǝ tom baptisma, pa yǝ tǝ yar ɗuur usu yǝ nkee me, “Me sǝ yau nǝn me nǝ an bǝɗ Ankundi yan, sau sǝ tǝr ɗuur waano.” Yǝtǝ ree dem.
Bulus ma Silas a hit neu ɓeta wa.
16Kakake tǝn koko a han kǝna Kaa ɓa, pa tǝ pam ma hoora autoone ke ra u yǝsǝ ma wis u yǝn tisǝsǝ yǝ maa mbuka tom a wiiyo ɓa. Ɓantaanda ɓisa ɓǝn taa koɓa dem a mbu yǝn tomsǝ sǝsa. 17Autoone kaya yǝ bǝɗ Bulus ma taase nsaad, yǝn yauli me, “Ɓet ɓa ɓǝn hoota Kaa ɓoti a Liura ɓa, ɓǝn nkeesǝ ɗǝɗa kǝsa taa kon nkweera wa.” 18Yǝ tom a nkee mbusǝsa wa tǝro dem. A feɗefeɗe mbusa a rǝka Bulus, pa yǝ kǝrtǝ yǝ nkee wis ka wa, “A ɗǝnda Yeso Krisiti ra nǝn nkwaakǝ ngǝ a fiɗ a maabiri autoone sisi ra!” Nok kǝnso wis ka wa yǝ fiɗ yǝ lee autoone ka ya.
19Pa ɓantaanda autoone sisi ɓa ɓǝ maasǝ me ɗǝɗa taa koɓa ɓosa ra feɗɗen wa, pa ɓǝ ma Bulus ma Silas ɓǝ ɓǝn ko a wii ɓan kankiita ɓa. 20Ɓǝ ɓǝn wo a han kan kiita ɓa ɓǝ nkee me, “Bǝɗ ɓaa ɓǝn ɓaa Yahudawa ɓa, ɓǝn tǝblǝ ndǝ ur waado. 21Ɓǝn fǝɗkǝ ɓet ɓǝta Roma mbu pamman me tǝ tommo, hana tǝ bǝɗ ɗa.”
22Pa ɓeta ɓǝ kwau dem a ɗuura Bulus ma Silas ra, pa ɓan kankiita ya yǝ nkee me ǝɓǝ nsaatǝ lukta ɓǝ hoɓ ma lǝɓra. 23Ndiira ɓaa hoɓ ɓǝsǝ dem wa, ɓaa ɓǝ neu a han neu ɓeta ɓa, a nkee an ware me yǝɓǝ war kwakwa tom ɓǝ fiɗ ɗa. 24An ware yǝ kurasǝ mbusa maaso wa, pa yǝɓǝ tung ɗaan ɗaan yǝɓǝ kaa natsa ma sakla a tǝmɓa ma ɓota.
25A pam pǝrte Bulus ma Silas ɓa kǝnara ma kǝɗ pina a nyoo Kaa sa wa, ɓaata ɓaa neu ɓǝsǝ kǝnso ɓa ɓǝn kura ɓǝn kura. 26Nok kǝnso ɓǝ kura kunda hit neu ɓeta ka wa ǝn nyaˈnya. Nok kǝnso inntii hit neu ɓeta wa ya a wili, pa sakla u kaasǝ a natsa ɓaa neu ɓǝsǝ ɓa wa a nkaa nsaad. 27An ware yǝ niisǝ a moonda wa, pa yǝ wǝrsǝ inntii han neu ɓeta ɓa wilsǝ, pa yǝ hik pee isi me kiya sep ee usu me yǝn nkee me ɓa ɓaa neu ɓǝsǝ ɓa nsaad ɓǝ monon. 28Pa Bulus yǝ yauli yǝ nkee me, “Ngǝ tod ee nwango ra! Tǝ nsaad a ham ɓa!”
29An ware yǝ nkee me, yaake yǝnǝ na ara, yǝ mon yǝ ko yǝ nwii a wiiyo a Bulus ma Silas ni yǝn madkinmadki. 30Pa yǝɓǝ hik taandi yǝɓǝ taa, “Wiina, Kǝnǝ tom mbiu kǝna taa kon nkweera wau?”
31Pa ɓaa kak me, “A na ɓongto a Ankundi Yeso ni, pa kǝngǝ taa kon ngweerange wa ma hana yamni yaa nasǝ ɓongto a taanda nga ya.” 32Pa ɓaa nkee mara Ankundi ra sase ma taanda ira nsaad. 33A pǝrtǝra sǝra an ware yǝ too Bulus ma Sila yǝɓǝ sob hunde ɓose; nok kǝnso sase ma ɓet ɓǝsa ɓaa ɓǝ tom baptisma. 34An ware siya yǝɓǝn wo a ɗuur usu yǝɓǝ na mbuseya; ɓǝ kungsǝ ma hur kuɗa wa me yǝ na ɓongtǝra a Kaa nin, sase ma ɓet ɓǝsa nsaad.
35Handa weesǝ wa, ɓan kankiita ɓa ɓǝ tung ankaa'nɗeera ya a an ware ni me, “A lee Bulus ma Sila ɓǝ faɗa” 36Pa an ware yǝ nkee Bulus, “An kan kiita ya ya yǝ nkee me ngase ma Sila sǝ lee. Nwa sǝkǝ nkaa sǝ faɗ mbasa. So hurhur.”
37Pa Bulus yǝ nkee ya ɓa timisǝsǝ si ya, “Ɓaa hoɓtǝ a ɓeta sǝ kantǝ kiita ra, hana ka tǝsǝn ɓet Romawa ɓa wa, pa ɓǝtǝ neu a han neu ɓeta ɓa. Pa wa kaɓǝn taa me ɓǝtǝ hik a nhukǝrau? A tomra! A lee ɓǝ wo ma ngweera ɓora wo ɓǝtǝ hiki ɓǝtǝ tung tǝ faɗa.” 38Pa ankaa'nɗeera siya yǝ kan yǝ nkee an kan kiita ya ya me Bulus ma Sila ǝn ɓet Romawa ɓa wa ɓan kankiita sǝɓa kokto ɓǝ ma. 39Pa ɓǝ wo a Bulus ma Sila ni ɓǝ kon nfaata ɓǝɓǝ hik a han neu ɓǝsǝ ɓa ɓǝɓǝ kǝna me ɓǝ lee ur siso. 40Ndiira Bulus ma Silas ɓǝ fiɗsǝ a han neu ɓeta ɓa wa, ɓǝ ko a ɗuur Lidiya wa, a han ɓǝ famsǝ ma ɓaata ɓan bǝɗ Kaa ɓa. Ɓǝɓǝ naankwiiti, pa ɓǝ faɗa.
©2023 Seed Company in collaboration with Language Developers and Bible Translators Association