1 KOR 12
12
Nawoo ɓolɓol u Wiso wa
1Waso ɓaata ɓǝna, a ɗuura mara nawoo Wiso Ɗekɗek wa, nǝ yau me sǝ yam maa mbuka wa ra. 2Nga sǝ maasǝ wa, a fer sǝn bǝɗsǝ ɓaa ɓǝn Yahudawa ra ɓa, nfee sǝn nyoo kwandamse u sem ma huurtu ra wa. 3Me maaso nǝn yau me sǝ maa me, yaake sem kǝn u Wis Kaa wa, ǝn bǝɗsǝsǝ kiya pǝta nkee me, “Yeso yǝ ma meto ya.” Maaso ɗǝm, yaake yǝ nkaa yǝ nkee me, “Yeso ndǝ Ankundi,” ra me sem ma lau kwangto Wis Ɗekɗek wa ya ra.
4Ndǝ ma nawoo wiso ɓolɓol wa, pa Wiso fin yǝn nasǝ wa. 5Ndǝ ma ɗǝta ɓolɓol u tom tinima wa, pa Ankundi fin ndǝn nyoosǝ wa. 6Ndǝ ma tinimsa ɓolɓol, pa Kaa fin yǝn nasǝ hana yamni kwangto tom tinimsa sǝma ya nsaad.
7Kaa yǝ na hana yamni mbu yǝka weɗɗa me Wis Ɗekɗek wa yǝ ɗaan a dani, me himara ɓeta ra nsaad. 8Atike ɓaa nasǝ nawoo fǝɗkǝra u maawo wa ma lau Wis Ɗekɗek wa, ate ɗǝm ɓaa nasǝ nawoo fǝɗkǝra u maa mbuka wa ma lau Wis siso wa, 9ate ɗǝm ɓaa nasǝ nawoo u naɓongtǝra wa ma lau Wiso wa, ate ɗǝm ɓaa nasǝ nawoo roɓ ɓeta wa ma lau Wis siso wa, 10ate ɓaa nasǝ nawoo kwangto tom mbu nhiinyanhiinya ɓa wa, ate ɓaa nasǝ nawoo u tom na wanto ɓa, ate ɓaa nasǝ nawoo u maa wisa ɓolɓol wa, ate ɓaa nasǝ nawoo kano ma eeme ɓolɓol wa, ate ɗǝm ɓaa nasǝ nawoo u kǝrtoo eeme ɓolɓol wa, 11Nsaad siso ndǝ tinimsa u Wis fin siso wa, ɗǝm yǝ ɓaa hana nyamni nga yǝn yausǝ wa.
Nsaad ndǝ kakta maabiri fin da
12Nga maabiri yǝsǝ fin wa, ɗǝm yǝ ma kakta ɓolɓol wa, hana ka kakta sǝta ɓǝsǝ ɓolɓol siso wa, pa ɓǝ maabiri fin. Maaso yǝsǝ ma Almaseho wa. 13Ɗǝm maaso, nsaad ndase ɓaa tom ndǝ soɓ ɗuura wa ma lau Wiso fin wa, ɗǝm ndǝ kang maabiri fin, hana ǝn ɓaa Yahudawa ɓa, hana ɓaa ɓǝn Yahudawa ra ɓa, hana ǝn hoota, hana ǝn emba, nsaad ndǝ kon Wiso fin.
14Maabiri sem kakra fin maɗ ɗa, kakta dem. 15Meka nata kiyǝ nkee me, “Nase nǝ neme ra, nǝ sem kakra maabiri ya ra,” siso aa kwa aa ti yǝ ɓaa ma kaɗɗo usu kakra maabiri wa ra. 16Meka ɗǝm ngwee kiyǝ nkee me, “Nǝ sem nuu ra, nǝ sem kakra maabiri ya ra,” siso aa kwa aa ti yǝ ɓaa ma kaɗɗo usu kakra maabiri wa ra. 17Meka maabiri nsaad ndǝ nuu, kǝ kura ma mbiu? Meka maabiri nsaad ndǝ ngwee, kǝ taa nseera ma mbiu? 18Pa waso, Kaa yǝ werkǝ hana kakra maabiri na ra, nga yǝ taasǝ me ɓǝ tom wa. 19Meka nsaad kakta maabiri ta yǝ fin, kama ɓaata kakta maabiri ta, kǝɓǝ tom nau? 20Pa waso, kakta kǝn dem, ɗǝm maabiri fin.
21Ɗǝɗa sem kǝn u nuu kiyaa nkaa yǝ nkee neme me, “Mbuka nteenǝ ma ngase ra,” hana ɗuura yǝ nkee nata me, “Mbuka nteenǝ ma ngase ra.” 22Mbusa sem maaso ra, pa kakta maabiri u ɓan wǝrsǝ nga ɓǝ sem kwakwara ɓa, ndǝ ɓosa mbu hima dem ɓa, 23ɗǝm kakta maabiri ɓan wǝrsǝ nga ɓǝ kan ɓaata mbarta ra wa, ndǝ faɗ ɓǝ na mbarta wan. Ɗǝm kakta u ɓaa yauwa lee aa wǝr ra wa, ndǝn likiɓǝ ma lukta. 24Kakta nda u ɓǝsǝ yaɓ a wǝro wa, ɓǝ taa ɓaa ɓǝ tom mbuka a ɗuura ɓora ra. Pa Kaa yǝ tǝmba kakta maabiri ta, yǝ faɗ na mbarta kakta u ɓǝ sem ma mbarta ra wa, 25me tom aa taa ɓaa ɗuuti wa a maabiri ra, pa me maaso, para kakta sǝta ɓǝ sengge ɓaatǝ. 26Me maaso, me kakra kǝra yǝma hundu, nsaad kakta sǝta ɓǝkǝ kura siyo ke ma sase, ɗǝm me ɓaa nyoo kakra kǝra fin, nsaad kakta sǝta ɓǝkǝ hur kuɗa ke ma sase.
27To, saase sǝn maabiri Almaseho ya, ɗǝm hana nyamni a ɗaaso waaso yǝ kakra ira. 28A ɗaaso ɓan bǝɗ Kaa ɓa wa, Kaa yǝ tau ɓahona ɓǝ kaɗ u ntiiri wa, u raɓte wa, ɓan nawanto ɓa, taatente, ɓan fǝɗkǝra ɓa, ɗǝm ma ɓan tom mbu nhiinyanhiinya ɓa, ma ɓaa ɓǝsǝ ma nawoo roɓ ɓeta wa ya, ma ɓan kwasi ɓeta ɓa, ma ɓaa ɓǝn sengǝsǝ kwauwo ɓan bǝɗ Kaa ɓa wa, ma ɗǝm ɓaa ɓǝn kansǝ ma eeme ɓolɓol ɓa ya. 29Siso ɓǝ ɓahona nsaad ɗǝu? Nsaad ɓǝn ɓan nawanto ɓau? Nsaad ɓǝn ɓan fǝɗkǝra ɓau? Nsaad ɓǝn ɓan tom mbu nhiinyanhiinya ɓau? 30Nsaad ɓǝ ma nawoo roɓ ɓeta wau? Nsaad ɓǝn kan ma eeme ɓolɓol lǝu? Nsaad ɓǝn kǝrtǝ eeme ɓolɓol lǝu? 31Pa sǝ tom nɗeura taa nawoo u faɗsǝ kwangto wa.
Pa waso kǝnǝsǝ weɗɗa ɗǝɗa u faɗsǝ yaɓto wa nsaad.
©2023 Seed Company in collaboration with Language Developers and Bible Translators Association
1 KOR 12
12
Nawoo ɓolɓol u Wiso wa
1Waso ɓaata ɓǝna, a ɗuura mara nawoo Wiso Ɗekɗek wa, nǝ yau me sǝ yam maa mbuka wa ra. 2Nga sǝ maasǝ wa, a fer sǝn bǝɗsǝ ɓaa ɓǝn Yahudawa ra ɓa, nfee sǝn nyoo kwandamse u sem ma huurtu ra wa. 3Me maaso nǝn yau me sǝ maa me, yaake sem kǝn u Wis Kaa wa, ǝn bǝɗsǝsǝ kiya pǝta nkee me, “Yeso yǝ ma meto ya.” Maaso ɗǝm, yaake yǝ nkaa yǝ nkee me, “Yeso ndǝ Ankundi,” ra me sem ma lau kwangto Wis Ɗekɗek wa ya ra.
4Ndǝ ma nawoo wiso ɓolɓol wa, pa Wiso fin yǝn nasǝ wa. 5Ndǝ ma ɗǝta ɓolɓol u tom tinima wa, pa Ankundi fin ndǝn nyoosǝ wa. 6Ndǝ ma tinimsa ɓolɓol, pa Kaa fin yǝn nasǝ hana yamni kwangto tom tinimsa sǝma ya nsaad.
7Kaa yǝ na hana yamni mbu yǝka weɗɗa me Wis Ɗekɗek wa yǝ ɗaan a dani, me himara ɓeta ra nsaad. 8Atike ɓaa nasǝ nawoo fǝɗkǝra u maawo wa ma lau Wis Ɗekɗek wa, ate ɗǝm ɓaa nasǝ nawoo fǝɗkǝra u maa mbuka wa ma lau Wis siso wa, 9ate ɗǝm ɓaa nasǝ nawoo u naɓongtǝra wa ma lau Wiso wa, ate ɗǝm ɓaa nasǝ nawoo roɓ ɓeta wa ma lau Wis siso wa, 10ate ɓaa nasǝ nawoo kwangto tom mbu nhiinyanhiinya ɓa wa, ate ɓaa nasǝ nawoo u tom na wanto ɓa, ate ɓaa nasǝ nawoo u maa wisa ɓolɓol wa, ate ɓaa nasǝ nawoo kano ma eeme ɓolɓol wa, ate ɗǝm ɓaa nasǝ nawoo u kǝrtoo eeme ɓolɓol wa, 11Nsaad siso ndǝ tinimsa u Wis fin siso wa, ɗǝm yǝ ɓaa hana nyamni nga yǝn yausǝ wa.
Nsaad ndǝ kakta maabiri fin da
12Nga maabiri yǝsǝ fin wa, ɗǝm yǝ ma kakta ɓolɓol wa, hana ka kakta sǝta ɓǝsǝ ɓolɓol siso wa, pa ɓǝ maabiri fin. Maaso yǝsǝ ma Almaseho wa. 13Ɗǝm maaso, nsaad ndase ɓaa tom ndǝ soɓ ɗuura wa ma lau Wiso fin wa, ɗǝm ndǝ kang maabiri fin, hana ǝn ɓaa Yahudawa ɓa, hana ɓaa ɓǝn Yahudawa ra ɓa, hana ǝn hoota, hana ǝn emba, nsaad ndǝ kon Wiso fin.
14Maabiri sem kakra fin maɗ ɗa, kakta dem. 15Meka nata kiyǝ nkee me, “Nase nǝ neme ra, nǝ sem kakra maabiri ya ra,” siso aa kwa aa ti yǝ ɓaa ma kaɗɗo usu kakra maabiri wa ra. 16Meka ɗǝm ngwee kiyǝ nkee me, “Nǝ sem nuu ra, nǝ sem kakra maabiri ya ra,” siso aa kwa aa ti yǝ ɓaa ma kaɗɗo usu kakra maabiri wa ra. 17Meka maabiri nsaad ndǝ nuu, kǝ kura ma mbiu? Meka maabiri nsaad ndǝ ngwee, kǝ taa nseera ma mbiu? 18Pa waso, Kaa yǝ werkǝ hana kakra maabiri na ra, nga yǝ taasǝ me ɓǝ tom wa. 19Meka nsaad kakta maabiri ta yǝ fin, kama ɓaata kakta maabiri ta, kǝɓǝ tom nau? 20Pa waso, kakta kǝn dem, ɗǝm maabiri fin.
21Ɗǝɗa sem kǝn u nuu kiyaa nkaa yǝ nkee neme me, “Mbuka nteenǝ ma ngase ra,” hana ɗuura yǝ nkee nata me, “Mbuka nteenǝ ma ngase ra.” 22Mbusa sem maaso ra, pa kakta maabiri u ɓan wǝrsǝ nga ɓǝ sem kwakwara ɓa, ndǝ ɓosa mbu hima dem ɓa, 23ɗǝm kakta maabiri ɓan wǝrsǝ nga ɓǝ kan ɓaata mbarta ra wa, ndǝ faɗ ɓǝ na mbarta wan. Ɗǝm kakta u ɓaa yauwa lee aa wǝr ra wa, ndǝn likiɓǝ ma lukta. 24Kakta nda u ɓǝsǝ yaɓ a wǝro wa, ɓǝ taa ɓaa ɓǝ tom mbuka a ɗuura ɓora ra. Pa Kaa yǝ tǝmba kakta maabiri ta, yǝ faɗ na mbarta kakta u ɓǝ sem ma mbarta ra wa, 25me tom aa taa ɓaa ɗuuti wa a maabiri ra, pa me maaso, para kakta sǝta ɓǝ sengge ɓaatǝ. 26Me maaso, me kakra kǝra yǝma hundu, nsaad kakta sǝta ɓǝkǝ kura siyo ke ma sase, ɗǝm me ɓaa nyoo kakra kǝra fin, nsaad kakta sǝta ɓǝkǝ hur kuɗa ke ma sase.
27To, saase sǝn maabiri Almaseho ya, ɗǝm hana nyamni a ɗaaso waaso yǝ kakra ira. 28A ɗaaso ɓan bǝɗ Kaa ɓa wa, Kaa yǝ tau ɓahona ɓǝ kaɗ u ntiiri wa, u raɓte wa, ɓan nawanto ɓa, taatente, ɓan fǝɗkǝra ɓa, ɗǝm ma ɓan tom mbu nhiinyanhiinya ɓa, ma ɓaa ɓǝsǝ ma nawoo roɓ ɓeta wa ya, ma ɓan kwasi ɓeta ɓa, ma ɓaa ɓǝn sengǝsǝ kwauwo ɓan bǝɗ Kaa ɓa wa, ma ɗǝm ɓaa ɓǝn kansǝ ma eeme ɓolɓol ɓa ya. 29Siso ɓǝ ɓahona nsaad ɗǝu? Nsaad ɓǝn ɓan nawanto ɓau? Nsaad ɓǝn ɓan fǝɗkǝra ɓau? Nsaad ɓǝn ɓan tom mbu nhiinyanhiinya ɓau? 30Nsaad ɓǝ ma nawoo roɓ ɓeta wau? Nsaad ɓǝn kan ma eeme ɓolɓol lǝu? Nsaad ɓǝn kǝrtǝ eeme ɓolɓol lǝu? 31Pa sǝ tom nɗeura taa nawoo u faɗsǝ kwangto wa.
Pa waso kǝnǝsǝ weɗɗa ɗǝɗa u faɗsǝ yaɓto wa nsaad.
©2023 Seed Company in collaboration with Language Developers and Bible Translators Association